Ngechuchuarü ngúexü̃gü ga yamugüxü̃arü puracüchiga 7:4 - Tupanaarü Ore

⁴ Rü yexguma ínaxũxũ ga Abraáü̃ nawa ga yema Cadéuanecüã̱xgüarü naane, rü Aráü̃arü naanegu nayaxãchiü̃. Rü yexguma nanatü yuxguwena, rü ñoma ga naane i ñu̱xma nagu pexãchiü̃xü̃wa naxũ, yerü Tupana núma nanaga.

Ngechuchuarü ngúexü̃gü ga yamugüxü̃arü puracüchiga 7:4 Referans Kwoze

Ichaía 41:9

Rü choma nixĩ ga yema nachixü̃ane ga yáxü̃guxü̃wa pexü̃ íchanguxü̃xẽẽxü̃. Rü yema naane ga yáxü̃wa yexmaxü̃wa nixĩ ga pexca̱x chacaxü̃ rü pexü̃ ñachaxü̃: “Pema rü chorü duü̃xü̃gü pixĩxgü”, ñachaxü̃. Choma nixĩ ga pexü̃ chadexü̃ rü tama pexü̃ chaxoxü̃.

Ichaía 41:2

¿Rü texé tanango̱xẽxẽ i ngẽma ãẽ̱xgacü i éstewa ne ũxü̃ rü guxãxü̃ma rüporamaexü̃? ¿Rü texé nüxna tanamugü i ngẽma togü i nachixü̃anegü rü ñu̱xũchi nüxü̃ tanamuü̃xẽxẽ i ngẽma togü i nachixü̃anegüarü ãẽ̱xgacügü? Rü ngẽma ãẽ̱xgacü i éstewa ne ũxü̃ rü norü taramaxã rü norü würamaxã nanadai i ngẽma togü i nachixü̃anecüã̱x rü ñoma maxẽ i paxü̃rüxü̃ nanangianexẽxẽ.

Naanearü ügüchiga 15:7

Rü Tupana rü ñanagürü nüxü̃: —Choma nixĩ i Cori ya Tupana chixĩxü̃. Rü choma nixĩ ga cuxü̃ íchamuxũchixü̃ ga Úrwa ga Cadéutanüxü̃güarü ĩanewa nax cuxna chanaxãxü̃ca̱x i ñaa naane nax guxü̃gutáma cuxrü yixĩxü̃ca̱x —ñanagürü.