Ngechuchuarü ngúexü̃gü ga yamugüxü̃arü puracüchiga 7:36 - Tupanaarü Ore

³⁶ Rü nümatama ga Moiché nixĩ ga Equítuarü naanewa ínagaxü̃xü̃ ga nũxcümaü̃güxü̃ ga tórü o̱xigü. Rü Equítuanewa, rü Dauchíüxü̃ ga Márwa, rü chianexü̃wa inanawe̱x ga cua̱xruü̃gü, rü nanaxü ga mexü̃ ga taxü̃gü ga Tupanaarü poramaxã naxüxü̃. Rü nüma ga Moiché rü yemaacü 40 ga taunecü nüxü̃ narüngü̃xẽxẽ ga yema duü̃xü̃gü.

Ngechuchuarü ngúexü̃gü ga yamugüxü̃arü puracüchiga 7:36 Referans Kwoze

Ínachoxü̃xü̃chiga 14:21

Rü yexguma ga Moiché rü márétügu nawe̱xchacüxü. Rü nüma ga Cori ya Tupana rü yema chütaxü̃gu rü inanaxǘxẽxẽ ga wüxi ga poracü ga buanecü ga éstewaama ne ũcü ñu̱xmata yangunexü̃mare. Rü yemaacü ga yema már rü taxregu niyauxyexü̃chiü. Rü yemaacü nixĩ ga Cori ya Tupana ga yapayechitamaxẽẽãxü̃ ga már.

Ínachoxü̃xü̃chiga 12:41

Rü yematama ngunexü̃ ga nagu 430 ga taunecüwa nax nanguxü̃gu nixĩ ga yema nachixü̃anewa ínachoxü̃xü̃ ga guxü̃ma ga Cori ya Tupanaarü duü̃xü̃gü ga Iraétanüxü̃.

Ínachoxü̃xü̃chiga 33:1

Rü nüma ga Cori ya Tupana rü Moichéxü̃ ñanagürü: —¡Inaxũãchi namaxã i ngẽma duü̃xü̃gü ga Equítuanewa ícugaxü̃xü̃! ¡Rü nawa naxũ i ngẽma naane ga Abraáü̃maxã, rü Ichaámaxã, rü Acóbumaxã nüxü̃ chixuxü̃ nax nataagüna tá chanaxãxü̃!

Ínachoxü̃xü̃chiga 16:35

Rü 40 ga taunecü nixĩ ga Iraétanüxü̃ ga manámaxã naxãwemügüxü̃ ñu̱xmata yema naane ga togü ga duü̃xü̃gü nawa yexmagüxü̃wa nangugü. Rü yemaacü manámaxã naxãwemügüxü̃ ñu̱xmata yema Canaáü̃anearü üyewa nangugü.

Popera ga Yudíugü ga yaxõgüxü̃ca̱x ümatüxü̃ 8:9

Natürü ngẽma chorü uneta i ngexwaca̱xü̃xü̃, rü taxũtáma namaxã nawüxigu ga yema nüxíraxü̃xü̃ ga chorü uneta ga nũxcümaü̃güxü̃ ga perü o̱xigümaxã nüxü̃ chixuxü̃ ga yexguma nüxü̃ charüngü̃xẽẽgu nax ínachoxü̃xü̃ca̱x ga Equítuanewa. Yerü nümagü ga yema duü̃xü̃gü rü tama chauga naxĩnüe rü tama nayanguxẽxẽ ga yema nüxíraxü̃xü̃ ga chorü uneta, rü yemaca̱x íchanawogü.

Ngechuchuarü ngúexü̃gü ga yamugüxü̃arü puracüchiga 13:18

Rü chianexü̃wa tüxü̃ nagagü. Rü yéma 40 ga taunecü Tupana yáxna namaxã naxĩnü ga tümacüma ga chixexü̃ ga guxema tórü o̱xigü.

Ngechuchuarü ngúexü̃gü ga yamugüxü̃arü puracüchiga 7:42

Rü yemaca̱x ga Tupana rü nüxna nixũgachi ga yema duü̃xü̃gü. Rü ínanawogü nax woramacurixü̃, rü üa̱xcüxü̃ rü tauemacüxü̃ yacua̱xüü̃güxü̃ca̱x. Yerü yemaacü Tupanaarü orearü uruü̃güarü poperagu naxümatü, rü ñanagürü: “Pemax, Pa Iraétanüxü̃, ¿Cha̱u̱xca̱x yixĩxü̃ ga penadaixü̃ ga carnérugü ga yexguma 40 ga taunecü chianexü̃wa peyexmagügu?

Wiyaegü 95:10

Rü 40 ga taunecü namaxã chanu ga yema duü̃xü̃gü rü ñachagürü: “Ñaa duü̃xü̃gü rü tama choxü̃́ inaxĩnüechaü̃ i chorü ucu̱xẽgü, rü ngẽma nümatama nagu naxĩnüexü̃gu naxĩ”, ñachagürü.

Neemía 9:10

Rü cuma rü Faraóü̃pe̱xewa rü guxü̃ma ga norü ngü̃xẽẽruü̃güpe̱xewa, rü guxü̃ma ga yema nachixü̃anecüã̱xgü ga duü̃xü̃güpe̱xewa, rü cuyaxüchigüama ga taxü̃ ga mexü̃gü ga curü üünemaxã cuxüxü̃. Yerü nüxü̃ cudau ga ñuxãcü totanüxü̃maxã chixri inacua̱xgüxü̃, rü ngẽmaca̱x cutachiga i ñu̱xmax.

Wenaxarü naxümatü ga Tupanaarü mugü 8:4

Rü guxcüma ga gumá 40 ga taunecügu rü tama pengauechiru rü bai ga nax perüchaecutüxü̃.

Ínachoxü̃xü̃chiga 3:20

Rü ngẽmaca̱x tá ichanawe̱x i chorü pora nüxü̃ i Equítuanecüã̱xgü. Rü tá naxca̱x íchananguxẽxẽ i naguxü̃raü̃xü̃ i guxchaxü̃gü i taxü̃ i taguma nüxü̃ idauxü̃. Rü ngẽmawena tá nixĩ i pexü̃ ínamuxü̃xü̃ i Equítuanearü ãẽ̱xgacü.

Wiyaegü 95:8

Erü nüma rü ñanagürü: —Tama name nax choxü̃ pexoexü̃ yema perü o̱xigü choxü̃ oegurüxü̃ ga yexguma taxúema íxãpataxü̃wa nayexmagügu ga Meribáwa rü Macháwa.

Ore i mexü̃ ga Cuáü̃ ümatüxü̃ 4:48

Rü Ngechuchu nanangãxü̃, rü ñanagürü nüxü̃: —Pema rü tama peyaxõgü ega tama nüxü̃ pedauxíragu i cua̱xruü̃gü i Tupanaarü poramaxã üxü̃ —ñanagürü.

Popera ga Yudíugü ga yaxõgüxü̃ca̱x ümatüxü̃ 3:9

Rü yemaca̱x ga Tupana rü ñanagürü: “Rü yema naanewa nixĩ ga chixexü̃ naxügüxü̃ ga nũxcümaü̃güxü̃ ga perü o̱xigü yerü choxü̃ naxügü rü tama choxü̃́ nayaxõgüchaü̃ woo 40 ga taunecü nüxü̃ nadaugü ga yema mexü̃gü ga nape̱xewa chaxüxü̃.