Ngechuchuarü ngúexü̃gü ga yamugüxü̃arü puracüchiga 7:34 - Tupanaarü Ore

³⁴ Choma rü ngóxü̃wama nüxü̃ chadau i ñuxãcü poraãcü ngúxü̃ nax yangegüxü̃ i chorü duü̃xü̃gü i Equítuanewa. Rü nüxü̃ chaxĩnü nax naxauxexü̃. Rü ngẽmaca̱x núma chaxũ nax íchananguxü̃xẽxẽxü̃ca̱x. ¡Nua naxũ nax Equítuanewa cuxü̃ chamuxü̃ca̱x!” ñanagürü ga Tupana.

Ngechuchuarü ngúexü̃gü ga yamugüxü̃arü puracüchiga 7:34 Referans Kwoze

Wiyaegü 106:44

Natürü yexguma Tupana nüxü̃ ĩnügu ga norü axu rü nüxü̃ nada̱u̱xgu nax taxü̃ ga guxchaxü̃wa nayexmagüxü̃, rü nüma ga Tupana rü nüxna nacua̱xãchi ga norü uneta ga namaxã nüxü̃ yaxuxü̃. Rü yemaca̱x nüxü̃́ nangechaü̃tümüxü̃ erü nataxüchi i norü ngechaü̃.

Ore i mexü̃ ga Cuáü̃ ümatüxü̃ 6:38

Yerü tama choxrütama ngúchaü̃ nax chaxüxü̃ca̱x nixĩ nax daxũguxü̃ ga naanewa ne chaxũxü̃. Natürü núma chaxũ nax chanaxüxü̃ca̱x i norü ngúchaü̃ ya Chaunatü ya núma choxü̃ mucü.

Neemía 9:9

Cuma rü tüxü̃ cudau ga ñuxãcü ngúxü̃ nax tingegüxü̃ ga torü o̱xigü ga Equítuanewa. Rü tüxü̃ cuxĩnü ga nax taxauxexü̃ ga Már ga Dauchíüxü̃cutüwa.

Ínachoxü̃xü̃chiga 4:31

Rü nüma ga duü̃xü̃gü rü aixcüma nayaxõgü. Rü yexguma nüxü̃ yacua̱xãchitanügu nax Cori ya Tupana rü nüxü̃́ nüxü̃ naxĩnüxü̃ ga norü yumüxẽ rü nüxü̃ nax nadauxü̃ ga ñuxãcü ngúxü̃ nax yangegüxü̃, rü yemaca̱x nüma ga duü̃xü̃gü rü nataãẽgü. Rü ñaxtüanegu nanangücuchitanü, rü Tupanaxü̃ nicua̱xüü̃gü.

Ínachoxü̃xü̃chiga 3:14

Rü nüma ga Tupana rü nanangãxü̃ rü ñanagürü: —Chomatama nixĩ i Tupana Chixĩxü̃. ¡Rü ngẽmamaxã tá cunangãxü̃ i ngẽma Iraétanüxü̃ rü ñacurügü tá: “Yima Chomatama nixĩ i Tupana Chixĩxü̃ ñacü nixĩ ya petanüwa choxü̃ mucü”, ñacugürü tá nüxü̃! —ñanagürü ga Tupana.

Ore i mexü̃ ga Cuáü̃ ümatüxü̃ 3:13

Taguma texé daxũguxü̃ i naanewa taxũ. Natürü Tupana Nane nax duü̃xü̃xü̃ ixĩcüxicatama nixĩ ya ngéma ne ũcü rü ngéma tá ũcü.

Miquéa 6:4

Rü choma nixĩ ga Equítuanewa pexü̃ íchagaxü̃xü̃ rü yema duü̃xü̃güme̱xẽwa pexü̃ íchanguxü̃xẽẽxü̃. Rü choma nixĩ ga petanüwa chamugüxü̃ ga Moiché, rü Aróü̃, rü María nax pemaxã inacua̱xgüxü̃ca̱x.

Ochéa 12:13

Rü Tupana rü wüxi ga norü orearü uruü̃maxã Equítuanewa ínananguxü̃xẽxẽ ga norü duü̃xü̃gü. Rü Tupana rü yema orearü uruü̃maxã nüxna nadau ga yema Iraétanüxü̃.

Ichaía 64:1

¡Ẽcü ínangegü i ngẽma caixanexü̃ i dauxü̃wa ngẽxmaxü̃, Pa Tupanax, rü ngéma írüxĩ! Rü yima ma̱xpǘnegü rü tá naxĩã̱xãchitanü i ngẽxguma cungo̱xgu.

Wiyaegü 144:5

Pa Corix ¡yawãxna i daxũguxü̃ i naane rü ñoma i naanegu írüxĩ! ¡Rü nüxü̃ ingógü ya ma̱xpǘnegü nax yana̱i̱xgüxü̃ca̱x rü yacaixquegüxü̃ca̱x!

Wiyaegü 105:26

Rü yemawena ga Tupana rü nanamu ga norü duü̃ ga Moiché rü naenexẽ ga Aróü̃ ga nümatama ga Tupana nüxü̃ unetacü.

Ãẽ̱xgacügü ga guxchaxü̃güarü mexẽxẽruü̃gü 2:18

Rü yexguma Cori ya Tupana yamucuchixü̃gu ga ãẽ̱xgacü ga namaxã icuáxü̃, rü nüma ga Tupana rü nüxü̃ narüngü̃xẽxẽ ga yema ãẽ̱xgacü, rü yema Iraétanüxü̃xü̃ ínanguxü̃xẽxẽ naxme̱xwa ga norü uanügü. Yerü nüma ga Tupana rü yexguma nüxü̃ naxĩnügu ga nax naxauxexü̃ ga yema duü̃xü̃gü nagagu ga yema guxchaxü̃gü ga yangegüxü̃, rü nüxü̃́ nangechaü̃tümüxü̃gü.

Iraétanüxü̃arü muxchiga 11:17

Rü choma rü tá ngẽxma ícharüxĩ, rü ngéma tá cumaxã chidexa. Rü tá ngẽma ãẽ̱xgacügüna chanaxã i ngẽma Chauãxẽ i cuwa ngẽxmaxü̃ nax nümagü cuxü̃ nangü̃xẽẽgüxü̃ca̱x nax namaxã inacua̱xgüxü̃ i ñaa duü̃xü̃gü. Rü ngẽxguma rü marü taxũtáma cuxica namaxã icucua̱x.

Naanearü ügüchiga 18:21

Rü ngẽmaca̱x tá ngéma chaxũ nax íchayadauxü̃ca̱x rü aixcüma yixĩ i poraãcü chixexü̃ naxügüxü̃ ngẽma chomaxã nüxü̃ yaxugüexü̃rüxü̃, rü ngẽmaãcü tá nüxü̃ chacua̱x —ñanagürü.

Naanearü ügüchiga 11:7

¡Rü ngĩxã ítarüxĩgü nax naguxü̃raü̃xü̃ i nagawa yadexagüxẽẽchigüxü̃ca̱x nax tama nügüga nacua̱xgüxü̃ca̱x i ngẽma duü̃xü̃gü! —ñanagürü.

Naanearü ügüchiga 11:5

Natürü nüma ga Cori ya Tupana rü ínarüxĩ nax íyadauãxü̃ca̱x ga guma ĩane rü yema torre ga duü̃xü̃gü íxügüxü̃.