33 Rü yexguma ga Cori ga Tupana rü ñanagürü nüxü̃: “¡Ínacuaixü̃ i curü chapatu erü ñaa naane i nagu cuchixü̃ rü naxüüne!
Rü yexguma ga Tupana rü ñanagürü nüxü̃: —¡Taxṹ i nüxna cungaicamaxü̃! ¡Rü ínacua̱xichi i curü chapatu! Erü ñaa nachica i nawa cungexmaxü̃ rü naxüüne —ñanagürü.
Rü nüma ga yema Cori ya Tupanaarü churaragüeru rü Yochuéxü̃ nangãxü̃ rü ñanagürü: —¡Ẽcü ínacua̱xichi i curü chapatu erü ñaa nachica i nawa cungexmaxü̃ rü naxüüne! —ñanagürü. Rü nüma ga Yochué rü naga naxĩnü rü ínacua̱xichiarü chapatuã̱x.
Rü aixcüma tomaxü̃chima nüxü̃ taxĩnüe ga yema Tupanaga ga daxũguxü̃ ga naanewa inaxũxü̃, yerü tomatama rü tórü Corimaxã tayexmagü nawa ga guma ma̱xpǘne ga üünene.
¡Ngẽxguma Tupanapatawa cuxũxgu rü naxuãxẽ rü mea nagu rüxĩnü i ngẽma cuxüxü̃! Rü tama name i chixri curü ãmare icuxã naxrüxü̃ i ngẽma duü̃xü̃gü i naechitamare maxẽxü̃ rü tama nüxü̃ cuáxü̃ nax chixexü̃ naxügüxü̃. Rü narümemae nixĩ nax mea Tupanaga cuxĩnüxü̃.
Choma rü dexáwamare pexü̃ íchabaiü̃xẽxẽ nax nüxü̃ perüxoexü̃ i pecüma i chixexü̃. Natürü yimá choweama ne ũcü rü choxü̃ narüporamaexü̃chi. Rü choma rü nape̱xewa rü taxuwama chame rü bai i norü chapatuarü ngewa chamexü̃. Rü nüma rü üxüemaãcü tá petanüwa nanamu i Tupanaãxẽ ya Üünecü.