Ngechuchuarü ngúexü̃gü ga yamugüxü̃arü puracüchiga 7:32 - Tupanaarü Ore

³² “Choma nixĩ i curü o̱xigüarü Tupana chixĩxü̃, rü Abraáü̃ rü Ichaá rü Acóbuarü Tupana chixĩxü̃”, ñanagürü. Rü yexguma ga Moiché rü inanaxügü ga norü muü̃maxã nax yadu̱xruxü̃. Rü namuü̃ ga yexma nax nadawenüxü̃.

Ngechuchuarü ngúexü̃gü ga yamugüxü̃arü puracüchiga 7:32 Referans Kwoze

Ínachoxü̃xü̃chiga 3:6

Rü ñanagürü ta: —Rü choma nixĩ i curü o̱xigüarü Tupana chixĩxü̃. Rü choma nixĩ ga Abraáü̃arü rü Ichaáarü rü Acóbuarü Tupana chixĩxü̃ —ñanagürü. Rü yexguma ga Moiché rü nügü nidüxchiwe, yerü namuü̃ nax Tupanaxü̃ nadawenüxü̃.

Ore i mexü̃ ga Matéu ümatüxü̃ 22:32

“Choma nixĩ i Abraáü̃arü Tupana, rü Ichaáarü Tupana, rü Acóbuarü Tupana”, ñanagürü. Rü ngẽma orewa nüxü̃ tacua̱x rü woo ñoma i naanewa nayuegu i duü̃xü̃gü, natürü Tupanaca̱x rü tama nayue rü guxü̃guma namaxẽ —ñanagürü ga Ngechuchu.

Yema Cuáü̃ nüxü̃ dauxü̃ i yixcüra tá ngupetüxü̃chiga 1:17

Rü yexguma nüxü̃ chada̱u̱xgu, rü nape̱xegu chayangu ñoma chayuxü̃rüxü̃. Natürü ga nüma rü norü tügüneme̱xẽmaxã choxü̃ ningõgü, rü ñanagürü choxü̃: “¡Taxṹ i cumuü̃xü̃! Choma nixĩ i chaxíra chayexmaxü̃ rü guxü̃gutáma changexmaechaxü̃.

Popera ga Yudíugü ga yaxõgüxü̃ca̱x ümatüxü̃ 11:16

Natürü nümagü rü nüxü̃́ nangúchaü̃ i ngẽma naane i yexera rümemaexü̃ i daxũwa ngẽxmaxü̃ i Tupanaxü̃tawa. Rü yemaca̱x nixĩ ga Tupana ga tama naxãnexü̃ nax nügü yaxuxü̃ nax norü Tupana yixĩxü̃ rü marü naxca̱x nanamexẽxẽ ga wüxi ga ĩane ya daxũguxü̃ i naanewa ngẽxmane.

Ngechuchuarü ngúexü̃gü ga yamugüxü̃arü puracüchiga 3:13

Tórü o̱xigü ga Abraáü̃ rü Ichaá rü Acóbu rü togü ga tórü o̱xigü rü nüxü̃́ nayaxõgü ga Tupana. Rü yimátama Tupana nixĩ ya ñu̱xma Ngechuchuxü̃ tachigaxẽẽcü, nax guxü̃arü yexera yixĩxü̃ca̱x. Rü gumátama Ngechuchu ya Tupanaarü ngü̃xẽẽruxü̃ ixĩcü nixĩ ga pema ãẽ̱xgacü ga Pirátuxü̃tawa penagagücü. Rü yexguma nüxü̃ yangéxchaü̃gu ga Pirátu, rü pema rü tama penaxwa̱xegü nax yange̱xãxü̃.

Ore i mexü̃ ga Luca ümatüxü̃ 5:8

Rü yexguma yemaxü̃ nada̱u̱xgu ga Chimóü̃ ga Pedru, rü Ngechuchupe̱xegu nayacaxã́pü̱xü, rü ñanagürü nüxü̃: —¡Choxna ixũgachi! Pa Corix. Erü choma rü wüxi i duü̃xü̃ i pecaduã́xü̃ chixĩ —ñanagürü.

Ore i mexü̃ ga Matéu ümatüxü̃ 17:6

Rü yexguma yemaxü̃ naxĩnüegu ga yema ngúexü̃gü, rü ñaxtüanegu nanangücuchitanü, yerü poraãcü namuü̃e.

Wiyaegü 89:7

Erü cuma rü Tupana ya poracü rü ãũcümacü quixĩ. Rü curü orearü ngeruü̃gü i dauxü̃cüã̱x rü cuxü̃ ínachomaeguãchi.

Yox 4:14

Rü ngẽma chixexü̃ i nagu chaxãnegüxü̃ rü poraãcü choxü̃ namuü̃xẽxẽ rü guxü̃nema ya chauxchina̱xãgü rü nidu̱xruxe.

Nüxíraxü̃xü̃ ga popera ga ãẽ̱xgacügüchiga 19:13

Rü yexguma yema nagaxü̃ naxĩnügu ga Ería, rü nügü nidüxchiwe norü gáuxü̃chirumaxã. Rü ínaxũxũ ga yema ma̱xpǘnearü ãxmaxü̃wa rü naa̱xgu nayachi. Rü yexma nachiyane rü nüxü̃ naxĩnü ga wüxi ga naga ga nüxü̃ ñaxü̃. —¿Ta̱xacü ngéma cuxü, Pa Eríax? —ñaxü̃.

Ínachoxü̃xü̃chiga 33:20

Natürü cumaxã nüxü̃ chixu rü taxucürüwatama chauchiwe cudau. Rü yíxema chauchiwe dauxe rü taxucürüwa tamaxecha —ñanagürü.

Ínachoxü̃xü̃chiga 4:5

Rü nüma ga Cori ya Tupana rü ñanagürü: —Rü ngẽma cuxü̃ chawéxü̃, rü ngẽma nixĩ i cua̱xruxü̃ nax cuxü̃́ yaxõgüãxü̃ca̱x i ngẽxguma namaxã nüxü̃ quixuxgu nax aixcüma cuxca̱x changóxü̃ i chomax nax curü o̱xigü ya Abraáü̃ rü Ichaá rü Acóbuarü Tupana nax chixĩxü̃ —ñanagürü.

Ínachoxü̃xü̃chiga 3:15

Rü ñanagürü ta ga Tupana Moichéxü̃: —¡Rü namaxã nüxü̃ ixu i ngẽma Iraétanüxü̃, rü ñacugürü tá: “Nüma ya Cori ya Tupana ya perü o̱xigüarü Tupana ya Abraáü̃arü rü Ichaáarü rü Acóbuarü Tupana, rü guma nixĩ ga petanüwa choxü̃ mucü”, ñacugürü tá nüxü̃! Rü Cori ya Tupana nixĩ i chauéga i tagutáma iyagúxü̃. Rü ngẽma chauégamaxã tá nixĩ i guxü̃gutáma duü̃xü̃gü choxü̃ cuáxü̃.

Naanearü ügüchiga 50:24

Rü wüxi ga ngunexü̃ naxü̃pa ga nax nayuxü̃ ga Yúche rü naenexẽgüxü̃ ñanagürü: —Marü taxũtáma nũxcü chayu. Natürü Tupana tá nixĩ ya pexü̃ rüngü̃xẽẽcü. Rü nüma tá nixĩ i pexü̃ ínachoxü̃xẽxẽxü̃ i ñaa nachixü̃anewa nax yema naane ga tórü o̱xigü ga Abraáü̃na, rü Ichaána, rü tanatü ga Acóbuna naxuaxü̃xü̃wa pexĩxü̃ca̱x —ñanagürü.

Naanearü ügüchiga 26:24

Rü yema chütaxü̃gu rü nüma ga Cori ya Tupana rü Ichaáca̱x nango̱x, rü ñanagürü nüxü̃: —Choma nixĩ i cunatü ya Abraáü̃arü Tupana. ¡Taxṹ i cumuü̃xü̃! Choma rü cumaxã changexma. Rü yimá chorü duü̃ ga Abraáü̃gagu rü tá cuxü̃ charüngü̃xẽxẽxü̃, rü poraãcü tá chayamuxẽxẽ i ngẽma cutaagü —ñanagürü.

Ore i mexü̃ ga Matéu ümatüxü̃ 22:46

Rü taxumaama nanangãxü̃güéga ga yema Parichéugü, rü bai ga wüxi ga oremaxã. Rü yemawena rü guxü̃ma namuü̃e nax Ngechuchuna nacagüexü̃.

Ngechuchuarü ngúexü̃gü ga yamugüxü̃arü puracüchiga 7:31

Rü naba̱i̱xãchi ga Moiché ga yexguma nüxü̃ nada̱u̱xgu. Rü naxca̱x nixũ rü nüxna nangaicama nax mea nüxü̃ nadaxũca̱x. Rü yexguma Moichémaxã nidexa ga Cori ga Tupana, rü ñanagürü nüxü̃: