Ngechuchuarü ngúexü̃gü ga yamugüxü̃arü puracüchiga 7:3 - Tupanaarü Ore

³ Rü Tupana rü ñanagürü nüxü̃: “¡Nüxna ixũ i cuchixü̃ane rü cutanüxü̃, rü ngẽma choma tá cuxü̃ nüxü̃ chadauxẽẽxü̃ i naanewa naxũ!” ñanagürü.

Ngechuchuarü ngúexü̃gü ga yamugüxü̃arü puracüchiga 7:3 Referans Kwoze

Naanearü ügüchiga 12:1

Rü wüxi ga ngunexü̃gu ga Cori ya Tupana rü Abráü̃xü̃ ñanagürü: —¡Ínaxũxũ nawa i ngẽma curü naane, rü ngéma nawogü i cutanüxü̃! ¡Rü ngéma nata̱x ya cunatüpata nax ngẽma naane i choma tá cuxü̃ chawéxü̃wa cuxũxü̃ca̱x!

Popera ga Yudíugü ga yaxõgüxü̃ca̱x ümatüxü̃ 11:8

Rü gumá tórü o̱xi ga Abraáü̃, rü Tupanaaxü̃́ nayaxõ. Rü yexguma Tupana naxca̱x caxgux rü naga naxĩnü rü ínaxũxü̃ nawa ga yema naane ga nawa nayexmaxü̃ nax nawa naxũxü̃ca̱x ga yema naane ga Tupana nüxna ãxü̃ nax noxrü yixĩxü̃ca̱x. Rü yemaacü ga Abraáü̃ rü ínaxũxü̃ ga yema naane ga nawa nayexmaxü̃ woo tama nüxü̃ nax nacuáxü̃ ga ngextá tá nax naxũxü̃.

Yochué 24:3

Natürü ga choma ya Tupana rü yéma taxtü ga Eufrátecutüwa chanayaxu ga Abraáü̃, rü Canaáü̃anegu chayaxũgüchigüxẽxẽ. Rü yéma nixĩ ga nane ga Ichaá nüxna chanamuxü̃ nax yemaacü yamuxü̃ca̱x ga nataagü.

Naanearü ügüchiga 15:7

Rü Tupana rü ñanagürü nüxü̃: —Choma nixĩ i Cori ya Tupana chixĩxü̃. Rü choma nixĩ ga cuxü̃ íchamuxũchixü̃ ga Úrwa ga Cadéutanüxü̃güarü ĩanewa nax cuxna chanaxãxü̃ca̱x i ñaa naane nax guxü̃gutáma cuxrü yixĩxü̃ca̱x —ñanagürü.

2 Corintios 6:17

Rü yemaca̱x ñanagürü ta ga tórü Cori: “¡Ípechoxü̃ i natanüwa i ngẽma duü̃xü̃gü i tama chorü duü̃xü̃gü ixĩgüxü̃! ¡Rü taxṹ i nüxü̃ pingógüxü̃ i ngẽma chope̱xewa ãũãchixü̃! Rü choma rü tá pexü̃ chayaxu.

Ore i mexü̃ ga Luca ümatüxü̃ 14:33

Rü ngẽxgumarüxü̃ tá ta nixĩ i pemax, erü ngẽxguma ngexerüxüxe i petanüwa tama ngéma tanawogügu i guxü̃ma i tüxü̃́ ngẽxmaxü̃ nax chowe tarüxũxü̃ca̱x, rü taxucürüwama aixcüma chorü ngúexü̃ tixĩ.

Ore i mexü̃ ga Matéu ümatüxü̃ 10:37

Rü yíxema choxü̃ nax tangechaü̃xü̃arü yexera tümanatüxü̃ rüe̱xna tümaéxü̃ ngechaü̃xe, rü taxucürüwama chorü duü̃xü̃ tixĩ. Rü yíxema choxü̃ nax tangechaü̃xü̃arü yexera tümanexü̃ rüe̱xna tümaxacüxü̃ ngechaü̃xe, rü taxucürüwama chorü duü̃xü̃ tixĩ.

Neemía 9:8

Rü cuma nüxü̃ cucua̱x nax wüxi ga yatü ga aixcüma cuxü̃́ yaxõxü̃ nax yixĩxü̃. Rü wüxi ga uneta namaxã cuxü nax nataagüna tá cunaxãxü̃ ga yema naane ga nawa nayexmagüxü̃ ga Canaáü̃tanüxü̃, rü Itítanüxü̃, rü Amoréutanüxü̃, rü Ferechéutanüxü̃, rü Yebuchéutanüxü̃, rü Guerguechéutanüxü̃. Rü cuyanguxẽxẽ ga yema curü uneta, erü cuma rü guxü̃guma cuyanguxẽxẽ i ngẽma nüxü̃ quixuxü̃.

Ngechuchuarü ngúexü̃gü ga yamugüxü̃arü puracüchiga 7:4

Rü yexguma ínaxũxũ ga Abraáü̃ nawa ga yema Cadéuanecüã̱xgüarü naane, rü Aráü̃arü naanegu nayaxãchiü̃. Rü yexguma nanatü yuxguwena, rü ñoma ga naane i ñu̱xma nagu pexãchiü̃xü̃wa naxũ, yerü Tupana núma nanaga.

Naanearü ügüchiga 20:13

Rü yexguma Tupana choxü̃ íxũxü̃xẽẽgu ga chaunatüpatawa, rü choma ngĩmaxã nüxü̃ chixu nax ngextá ngĩmaxã íchinguchigüxü̃wa rü nüxü̃ yaxuxü̃ca̱x nax choma rü ngĩenexẽ chixĩxü̃ —ñanagürü.