Ngechuchuarü ngúexü̃gü ga yamugüxü̃arü puracüchiga 7:23 - Tupanaarü Ore

²³ Rü yexguma 40 ga taunecü nüxü̃́ yexmagu ga Moiché rü nagu narüxĩnü ga natanüxü̃ ga Iraétanüxü̃gu nax naxũaneãxü̃.

Ngechuchuarü ngúexü̃gü ga yamugüxü̃arü puracüchiga 7:23 Referans Kwoze

Ucu̱xẽgüchiga 21:1

Ngẽma ãẽ̱xgacüarü ĩnü, rü Tupaname̱xẽwa nangẽxma, rü nüma ya Tupana naxwa̱xexü̃acü nayaxũxẽxẽ, ñoma wüxi i natü ya Tupana naxwa̱xexü̃wa yáxü̃rüxü̃.

Yema Cuáü̃ nüxü̃ dauxü̃ i yixcüra tá ngupetüxü̃chiga 17:17

Rü nüma ga Tupana rü yema 10 ga ãẽ̱xgacügüãẽwa nanagu̱xẽxẽ nax naxügüã̱xü̃ca̱x ga yema nanaxwa̱xexü̃ ga Tupana. Rü ngẽmaca̱x i ngẽma ãẽ̱xgacügü, rü tá wüxigu nagu narüxĩnüe nax ngẽma ngo̱xoxü̃ naporaxẽẽgüxü̃ nax norü ãẽ̱xgacü yixĩxü̃ca̱x. Rü ngẽmaãcü tá nixĩ ñu̱xmatáta Tupana yanguxẽxẽ i ngẽma norü orewa nüxü̃ yaxuxü̃.

Popera ga Chantiágu ümatüxü̃ 1:17

Erü guxü̃ma i ngẽma aixcüma mexü̃ i tüxna naxãxü̃, rü naxü̃tawa ne naxũ ya Tupana ya daxũgucü ga naxücü ga üa̱xcü rü tauemacü rü woramacurigü rü ẽxtagü. Rü nüma rü guxü̃guma nanaxa̱i̱xrügumaraxü̃ rü taguma naxüchicüü.

Édra 7:27

Rü yexguma ga Édra rü nayumüxẽ rü ñanagürü: —Pa Torü O̱xigüarü Tupanax, rü cuma rü cumecümaxü̃chi. Rü ngẽmaca̱x ãẽ̱xgacüãẽwa ícunanguxẽxẽ nax yima cupata ya taxü̃ne ya Yerucharéü̃wa ngẽxmane wena namexẽẽgüãxü̃ca̱x i curü duü̃xü̃gü.

Ngechuchuarü ngúexü̃gü ga yamugüxü̃arü puracüchiga 15:36

Rü yexguma marü ñuxre ga tauemacü ngupetügu, rü nüma ga Pauru rü ñanagürü Bernabéxü̃: —¡Ngĩxã wenaxarü natanügu tanaxĩane i ngẽma yaxõgüxü̃ i guxü̃ne ya ĩane ga ngextá nüxü̃ ixüchigüxü̃wa ga Cori ya Tupanaarü ore nax nüxü̃ icuáxü̃ca̱x nax ñuxãcü nüxü̃ ínangupetügüxü̃! —ñanagürü.

Édra 1:5

Rü nüma ga Tupana rü yema Yudátanüxü̃arü ãẽ̱xgacügüãẽwa rü Bẽyamíü̃tanüxü̃arü ãẽ̱xgacügüãẽwa rü chacherdótegüãẽwa nananguxẽxẽ ga wüxi ga ngúchaü̃ nax Yerucharéü̃ca̱x nawoeguxü̃ca̱x nax wena naxügüã̱xü̃ca̱x ga Tupanapata ga taxü̃ne.

Édra 1:1

Rü gumá taunecü ga nagu yangucuchicü ga Chíru nax Pérchiaanearü ãẽ̱xgacü yixĩxü̃ca̱x, rü Cori ya Tupana nayanguxẽxẽ ga norü ore ga Yeremíaa̱xwa nüxü̃ yaxuxü̃. Rü yemaca̱x ga nüma ga Tupana rü ãẽ̱xgacü ga Chíruãẽwa ínanangu̱xẽxẽ nax guxü̃ ga nachixü̃anegü ga nüma namaxã inacuáxü̃maxã naxunagüãxü̃ca̱x ga wüxi ga mu ga ümatüxü̃ ga ñaxü̃:

Norü taxre ga to ga popera ga ãẽ̱xgacügüchiga ümatüxü̃ 30:12

Rü nüma ga Cori ya Tupana rü yema Yudátanüxü̃ ga duü̃xü̃güãẽwa nananguxẽxẽ ga ngúchaü̃ nax taãẽãcüma nayauxgüãxü̃ca̱x rü yanguxẽẽgüãxü̃ca̱x ga yema ore ga ãẽ̱xgacü rü norü ngü̃xẽẽruü̃gü namaxã nüxü̃ ixuxü̃, yerü yema ore rü Cori ya Tupanaarü mu nixĩ.

Ínachoxü̃xü̃chiga 35:29

Rü guxü̃ma ga yema yatüxü̃gü rü ngexü̃gü ga Iraétanüxü̃ ga norü ngúchaü̃maxã inaxãgüchaü̃xü̃, rü Cori ya Tupanaca̱x inanaxãgü ga norü ãmaregü naxca̱x ga yema puracü ga Cori ya Tupana Moichémaxã nüxü̃ ixuxü̃.

Ínachoxü̃xü̃chiga 35:21

Rü guxü̃ma ga yema duü̃xü̃gü ga norü maxü̃wa ínanguxü̃ nax aixcüma norü ngúchaü̃ãcü Cori ya Tupanana naxãgüãxü̃ i norü ngẽmaxü̃gü, rü norü ãmaremaxã Moichéca̱x nawoegu. Rü Cori ya Tupanana nayaxãgü ga norü ãmaregü nax yemamaxã naxügüã̱xü̃ca̱x ga Tupanapata rü guxü̃ma ga norü yemaxü̃gü rü yema chacherdótechirugü rü ta.

Ínachoxü̃xü̃chiga 4:18

Rü yemawena ga Moiché rü na̱xtü ga Yetrúchiü̃ca̱x nataegu, rü ñanagürü tüxü̃: —Tupana nanaxwa̱xe nax Equítuaneca̱x chataeguxü̃ nax íchayadauxü̃ca̱x i chautanüxü̃ rü bexmana namaxẽ —ñanagürü. Rü na̱xtü ga Yetrú tanangãxü̃, rü ñatagürü nüxü̃: —¡Ẽcü ngéma naxũ, rü mea cuxü̃ naxüpetü! —ñatagürü.

2 Corintios 8:16

Natürü Tupanana moxẽ chaxã, erü nüma rü Títoxü̃ nagu narüxĩnüxẽxẽ i ngẽmatama oegaãxẽ i choma pexca̱x choxü̃́ ngẽxmaxü̃.

Ínachoxü̃xü̃chiga 7:7

Rü yexguma Faraóü̃maxã yanadexagügu ga Moiché rü nüxü̃́ nayexma ga 80 ga taunecü, rü Aróü̃ rü nüxü̃́ nayexma ga 83 ga taunecü.

Ngechuchuarü ngúexü̃gü ga yamugüxü̃arü puracüchiga 7:24

Rü nüxü̃ nadau ga wüxi ga Equítuanecüã̱x ga wüxi ga Iraétanüxü̃xü̃ nax nacua̱xixü̃. Rü yemaca̱x ga Moiché rü yema Iraétanüxü̃étüwa ínayuxu, rü yema Equítuanecüã̱xü̃ nima̱x rü nanayuxẽxẽ.