Ngechuchuarü ngúexü̃gü ga yamugüxü̃arü puracüchiga 7:22 - Tupanaarü Ore

²² Rü yemaacü Moichéxü̃ nangu̱xẽẽgü ga guxü̃ma ga Equítuanecüã̱xarü cua̱x. Rü nüma ga Moiché rü norü dexawa rü yema naxüxü̃wa rü wüxi ga yatü ga poracü nixĩ.

Ngechuchuarü ngúexü̃gü ga yamugüxü̃arü puracüchiga 7:22 Referans Kwoze

Ichaía 19:11

Pa Ĩane ya Choáü̃arü Ãẽ̱xgacügüx, pema nixĩ i Equítuanearü ãẽ̱xgacüarü ucu̱xẽruü̃gü i yexera cua̱x pexü̃́ ngẽxmagüxü̃, natürü tama aixcüma cua̱x pexü̃́ nangẽxma. ¿Rü tü̱xcüruxü̃ Faraóü̃maxã nüxü̃ pixu i ore i ñaxü̃?: —Tomagü rü nataagü tixĩgü i nũxcümaü̃güxü̃ ga ãẽ̱xgacügü ga cua̱x nüxü̃́ yexmaxü̃ —ñaxü̃.

Danié 1:4

Rü yema ngextü̱xüxü̃gü ga yadexechixü̃ rü nimechametü rü naxü̃newa taxuwama nichixe, rü meama naãẽxü̃ nicua̱x, rü meama poperaxü̃ icuáxü̃ nixĩgü nax yemaacü guxü̃wama yamexü̃ nax ãẽ̱xgacüpatawaarü ngü̃xẽẽruxü̃ yixĩgüxü̃ca̱x. Rü ñu̱xũchi nüma ga Apená rü yema ngextü̱xüxü̃güxü̃ nangúexẽxẽ ga naga ga Babiróniacüã̱x rü nacümagü ga poperagu ümatüxü̃.

Norü taxre ga to ga popera ga ãẽ̱xgacügüchiga ümatüxü̃ 9:22

Rü nüma ga ãẽ̱xgacü ga Charomóü̃ rü norü cua̱xwa rü norü yemaxü̃güwa rü nüxü̃ narüyexeramae ga guxü̃ma ga togü ga ãẽ̱xgacügü ga ñoma ga naanewa yexmagüxü̃.

Ore i mexü̃ ga Luca ümatüxü̃ 24:19

Rü yexguma ga nüma ga Ngechuchu rü nüxna naca rü ñanagürü: —¿Ta̱xacü nangupetü ga Yerucharéü̃wa? —ñanagürü. Rü nanangãxü̃gü ga yema ngúexü̃gü, rü ñanagürügü: —Poraãcü chixexü̃ nüxü̃ naxüpetü ga Ngechuchu ga Nacharétucüã̱x. Nüma ga Ngechuchu rü Tupanaarü orearü uruxü̃ ga poracü nixĩ. Rü Tupanape̱xewa rü duü̃xü̃güpe̱xewa nanaxü ga taxü̃ ga cua̱xruü̃gü rü mea duü̃xü̃güxü̃ nangúexẽxẽ.