Ngechuchuarü ngúexü̃gü ga yamugüxü̃arü puracüchiga 7:2 - Tupanaarü Ore

² Rü Estébaü̃ nanangãxü̃, rü ñanagürü: —Pa Chautanüxü̃ Pa Ãẽ̱xgacügüx, ¡Choxü̃́ iperüxĩnüe! Gumá Tupana ya mexẽchicü, rü nũxcümaü̃cü ga tórü o̱xi ga Abraáü̃ca̱x nango̱x ga yexguma Mechopotámiaarü naanegu naxãchiü̃gu rü taxũta Aráü̃arü naanewa naxũxgu nax yexma yaxãchiü̃xü̃ca̱x.

Ngechuchuarü ngúexü̃gü ga yamugüxü̃arü puracüchiga 7:2 Referans Kwoze

Naanearü ügüchiga 11:31

Rü Téra rü ĩane ga Úrwa ínaxũxũ ga Cadéuanewa nax Canaáü̃anewa naxũxü̃ca̱x. Rü yéma nanaga ga nane ga Abráü̃ rü nataxa ga Lox rü naneã̱x ga Charái. Natürü yexguma guma ĩane ga Aráü̃wa nangugügu rü yexma naxãchiü̃gü.

Ngechuchuarü ngúexü̃gü ga yamugüxü̃arü puracüchiga 22:1

—Pa Chautanüxü̃x Pa Iraétanüxü̃x, ¡rü choxü̃́ iperüxĩnüe i ngẽma ñu̱xma tá pemaxã nüxü̃ chixuxü̃ nax chaugüétüwa chidexaxü̃ca̱x! —ñanagürü.

Wiyaegü 29:3

Rü ngẽma naga ya Cori ya Tupana rü márétügu nayaxũ. Rü nüma ya Tupana ya poracü rü nayaduruanexẽxẽ. Rü nüma rü ngẽma taxü̃ i márétüwa nangẽxma.

Popera ga Yudíugü ga yaxõgüxü̃ca̱x ümatüxü̃ 1:3

Rü Nanewa nixĩ i nüxü̃ idauxü̃ nax ñuxãcü naxüünexü̃ i nüma ya Tupana. Rü nüma ya Nane, rü Nanatü ya Tupanarüü̃tama nixĩ. Rü ñu̱xma nax guxü̃arü ãẽ̱xgacü yixĩxü̃ ya Nane, rü nüma rü norü orearü poramaxã guxü̃maama inacua̱x. Rü nüma ya Nane nixĩ ga taxca̱x nayuxü̃ nax nüxü̃ rüxoexü̃ca̱x ga tórü pecadugü. Rü yemawena rü Nanatüxü̃tawa naxũ rü yéma Nanatüarü tügünecüwawa nayarüto.

Ore i mexü̃ ga Cuáü̃ ümatüxü̃ 1:14

Rü nüma ya yimá Nane ya Tupanaarü Oregu ãégacü rü duü̃xü̃xü̃ nügü nixĩxẽxẽ. Rü totanüwa namaxü̃ rü nüxü̃ tadaugü ga norü üüne ga Nanatüxü̃tawa nayaxuxü̃, yerü Nane ga nügümaxã wüxicacü nixĩ. Rü nüma ga Nane rü poraãcü duü̃xü̃güxü̃ nangechaxü̃ rü aixcüma nixĩ ga norü ore.

Neemía 9:7

Pa Corix, cuma nixĩ ya Tupana ga Abráü̃xü̃ cuxunetaxü̃. Rü cuma nixĩ ga Úr ga Cadéugüarü ĩanewa ícunagaxüchixü̃, rü ñu̱xũchi Abraáü̃gu cunaxüégaxü̃.

Naanearü ügüchiga 15:7

Rü Tupana rü ñanagürü nüxü̃: —Choma nixĩ i Cori ya Tupana chixĩxü̃. Rü choma nixĩ ga cuxü̃ íchamuxũchixü̃ ga Úrwa ga Cadéutanüxü̃güarü ĩanewa nax cuxna chanaxãxü̃ca̱x i ñaa naane nax guxü̃gutáma cuxrü yixĩxü̃ca̱x —ñanagürü.

Yema Cuáü̃ nüxü̃ dauxü̃ i yixcüra tá ngupetüxü̃chiga 4:11

Rü ñanagürügü: “Pa Torü Cori, Pa Torü Tupanax, cuxü̃ nixĩ i namexü̃ nax ticua̱xüü̃güxü̃ rü cuxü̃ tataxẽẽgüxü̃, yerü cuma nixĩ ga cunaxüxü̃ ga guxü̃ma, rü curü ngúchaü̃gagu nixĩ i ñu̱xma nangẽxmagüxü̃ i ngẽma cuxüxü̃”, ñanagürügü.

Popera ga Títoca̱x naxümatüxü̃ ga Pauru 2:13

Rü name nax ngẽmaãcü mea imaẽxü̃ ñu̱xma nax ínangu̱xẽẽgüxü̃ nax nataeguxü̃ ya Ngechuchu ya Cristu ya tórü Maxẽxẽxẽruxü̃ ya tórü Tupana ya tacü ixĩcü.

1 Corintios 2:8

Natürü yema Tupana nagu rüxĩnüxü̃, rü taxuxü̃ma ga ñoma ga naanecüã̱x ga ãẽ̱xgacügü nüxü̃ nacua̱x. Yerü yexguma chi aixcüma nüxü̃ nacua̱xgügu ga yema Tupana nagu rüxĩnüxü̃ rü taxũchima curuchawa nayapotagü ga tórü Cori ya Cristu.

Ngechuchuarü ngúexü̃gü ga yamugüxü̃arü puracüchiga 23:7

Rü yexguma yema ñaxgu ga Pauru, rü yema Parichéugü rü Chaduchéugü rü inanaxügüe ga nügümaxã nax iyaporagaexü̃, rü yexma nügü nitoye ga yema ngutaque̱xewa.

Ore i mexü̃ ga Cuáü̃ ümatüxü̃ 12:41

Rü yema ñanagürü ga Ichaía yerü yexguma nango̱xetügu marü nüxü̃ nadau nax aixcüma ãẽ̱xgacü ya poracü yixĩxü̃ ya Ngechuchu ya Cristu. Rü yemaca̱x yemaacü nachiga nidexa.

Ore i mexü̃ ga Luca ümatüxü̃ 2:14

—¡Tupanaxü̃ picua̱xüxü̃gü i pemax i daxũguxü̃ i naanewa pengẽxmagüxü̃! ¡Rü pegümaxã iperüngüxmüe i pemax i ñoma i naanecüã̱x ya Tupana pemaxã taãxẽgüxe! —ñanagürügü.

Ore i mexü̃ ga Matéu ümatüxü̃ 6:13

¡Rü toxna nadau nax tama chixexü̃gu tayixü̃ca̱x! ¡Rü naxme̱xwa toxü̃ ínanguxü̃xẽxẽ i ngẽma chixexü̃arü üruxü̃! Erü cuma rü guxü̃guma torü ãẽ̱xgacü quixĩ, rü guxü̃étüwa cungexma, rü cumecümaxü̃chi. Améü̃’.

Ichaía 51:2

Rü dücax, penatü ga Abraáü̃ rü peé ga Chára nixĩ ga maxü̃ pexna ãcü. Rü yexguma Abraáü̃ca̱x chacaxgu rü nüma rü nüxicatama wüximare nixĩ, natürü i choma rü nüxü̃ charüngü̃xẽẽxü̃ rü nüxna chanamugü i muxü̃ma i nataagü.

Ichaía 6:3

Rü guxü̃ma ga yema daxũcüã̱x rü nügü ñanagürügü: —Naxüüne, naxüüne, naxüüne ya Cori ya Tupana ya Guxãétüwa Ngẽxmacü. Rü ngẽma norü üüne rü ñoma i naane namaxã nanapá —ñanagürügü.

Wiyaegü 24:10

¿Rü texé nixĩ ya yimá Ãẽ̱xgacü ya üünecü? Rü nüma nixĩ ya Cori ya Tupana ya Guxãétüwa ücü. Rü nümatama nixĩ ya Ãẽ̱xgacü ya üünecü.

Wiyaegü 24:7

¡Rü piwãxnagü, Pa Nũxcümaü̃xü̃ i Ĩã̱xgüx! ¡Rü pengeenügü nax yaxücuxü̃ca̱x ya yimá guxãarü Ãẽ̱xgacü ya üünecü ya poracü!

Naanearü ügüchiga 29:4

Rü nüma ga Acóbu rü yema carnéruarü dauruü̃güna naca, rü ñanagürü: —¿Nge̱xtácüã̱x pixĩgü i pemax, Pa Duü̃xü̃güx? —ñanagürü. Rü nümagü nanangãxü̃gü rü ñanagürügü: —Toma rü Aráü̃anecüã̱x tixĩgü —ñanagürügü.

Naanearü ügüchiga 12:5

Rü ngĩxü̃ niga ga naxma̱x ga Charái, rü namágü ga Lox. Rü yexgumarüxü̃ ta nayagagü ga norü duü̃xü̃gü ga ĩane ga Aráü̃wa nüxü̃́ puracüexü̃. Rü nayana ta ga guxü̃ma ga norü yemaxü̃gü. Rü yexguma Canaáü̃anewa nanguxgu ga Abráü̃, rü naxüpetü ñu̱xmata Chiquéü̃ ga ĩanewa nangu. Rü guma castaña ga uxtüne ga Moré ga naanewa rüxüxü̃newa nangu. Rü yéma nayachaxãchi. Rü yexguma rü yema naanegu naxãchiü̃gü ga Canaáü̃tanüxü̃.

Naanearü ügüchiga 12:1

Rü wüxi ga ngunexü̃gu ga Cori ya Tupana rü Abráü̃xü̃ ñanagürü: —¡Ínaxũxũ nawa i ngẽma curü naane, rü ngéma nawogü i cutanüxü̃! ¡Rü ngéma nata̱x ya cunatüpata nax ngẽma naane i choma tá cuxü̃ chawéxü̃wa cuxũxü̃ca̱x!

Ichaía 37:12

Rü yexguma torü o̱xigü nadaixgu ga yema nachixü̃anegü ga Gocháü̃, rü Aráü̃, rü Réchex rü yema Bex-edéü̃tanüxü̃ ga ĩane ga Teracháxwa maxẽxü̃, ¿rü norü tupanagü yixĩxü̃ ga ínapoxü̃güxü̃?

Ngechuchuarü ngúexü̃gü ga yamugüxü̃arü puracüchiga 7:1

Rü nüma ga chacherdótegüarü ãẽ̱xgacü, rü Estébaü̃na naca rü ñanagürü: —¿Aixcüma yixĩxü̃ i ñaa ore i nüxü̃ yaxugüexü̃? —ñanagürü.

Efesios 1:17

Rü ngẽxguma namaxã chidexagu ya Tanatü ya Tupana ya Üünecü ya Nanatü ya tórü Cori ya Ngechuchu ya Cristu, rü naxca̱x nüxna chaca nax pexca̱x nango̱xẽẽxü̃ i ngẽma cua̱x i Naãxẽ ya Üünexü̃wa ne ũxü̃ nax aixcüma Tupanaxü̃ pecuáxü̃ca̱x.

Popera ga Yudíugü ga yaxõgüxü̃ca̱x ümatüxü̃ 11:8

Rü gumá tórü o̱xi ga Abraáü̃, rü Tupanaaxü̃́ nayaxõ. Rü yexguma Tupana naxca̱x caxgux rü naga naxĩnü rü ínaxũxü̃ nawa ga yema naane ga nawa nayexmaxü̃ nax nawa naxũxü̃ca̱x ga yema naane ga Tupana nüxna ãxü̃ nax noxrü yixĩxü̃ca̱x. Rü yemaacü ga Abraáü̃ rü ínaxũxü̃ ga yema naane ga nawa nayexmaxü̃ woo tama nüxü̃ nax nacuáxü̃ ga ngextá tá nax naxũxü̃.

Popera ga Chantiágu ümatüxü̃ 2:1

Pa Chauenexẽgüx, pema rü nüxü̃́ peyaxõgü ya tórü Cori ya Ngechuchu ya Cristu ya üünecü. Rü ngẽmaca̱x tama name nax chixri penayaxuxü̃ i wüxi i duü̃xü̃ rü mea penayaxuxü̃ i to.