Ngechuchuarü ngúexü̃gü ga yamugüxü̃arü puracüchiga 6:15 - Tupanaarü Ore

¹⁵ Rü yexguma Estébaü̃xü̃ nadaunügu ga guxü̃ma ga yema ãẽ̱xgacügü ga yéma rütogüxü̃, rü nüxü̃ nadaugü ga nachametü rü wüxi ga daxũcüã̱x ga orearü ngeruü̃chametürüxü̃ nax yixĩxü̃.

Ngechuchuarü ngúexü̃gü ga yamugüxü̃arü puracüchiga 6:15 Referans Kwoze

Ore i mexü̃ ga Matéu ümatüxü̃ 13:43

Natürü guxü̃ma i ngẽma duü̃xü̃gü i Tupanaga ĩnüexü̃, rü tá üa̱xcürüxü̃ inabaixgü i ngextá Tanatü ya Tupana ãẽ̱xgacü ixĩxü̃wa. Rü yíxema ãchi̱xẽgüxe, ¡rü nüxü̃ taxĩnüe i ngẽma ore! —ñanagürü.

Ngu̱xẽẽtaeruü̃arü ore 8:1

¿Texé tá ngẽma yatü i cua̱x nüxü̃́ ngẽxmaxü̃gu tügü tangu? ¿Rü texé nüxü̃ tacua̱x i ta̱xacüca̱x nax yixĩxü̃ i guxü̃ma i ñoma i naanewa ngẽxmaxü̃? Rü ngẽma yatü i cua̱x nüxü̃́ ngẽxmaxü̃ rü nataãẽchiwe rü tama nanuchiwe.

Ore i mexü̃ ga Matéu ümatüxü̃ 17:2

Rü yéma yema ngúexü̃güpe̱xewa rü toraxü̃ãcü nango̱x ga Ngechuchu. Rü üa̱xcürüxü̃ niyauracüxü ga nachiwe. Rü naxchiru rü nacómüxü̃chi, rü ñoma ngóonexü̃rüxü̃ nixĩ.

2 Corintios 3:18

Rü ngẽmaca̱x guxãma i yixema nax Cristuaxü̃́ yaxõgüxü̃ rü ñoma woruarüxü̃ tixĩgü, rü tawa nango̱x nax ñuxãcü namexẽchixü̃ ya tórü Cori, rü ñu̱xma rü nataxuma i ta̱xacü i tüxü̃ idüxüxü̃ naxcha̱xwa. Rü nüma ya tórü Cori i Naãxẽ ya Üünexü̃ ixĩcü, rü guxü̃guma yexeraãcü tüxü̃ nimexẽẽchigü nax naxrüxü̃ imexü̃ca̱x.

Ore i mexü̃ ga Matéu ümatüxü̃ 5:22

Natürü choma rü pemaxã nüxü̃ chixu rü texé ya tümaenexẽmaxã nuxẽ, rü tá tapoxcu. Rü texé ya chixexü̃ tümaenexẽmaxã ixugüxe, rü ãẽ̱xgacügüpe̱xewa tá tüxü̃ nagagü nax tüxü̃ napoxcuxü̃ca̱x. Rü texé ya tümaenexẽmaxã naxueguxe nax tayamáxchaü̃xü̃, rü tá tapoxcu nagu ya yimá üxü ya taguma ixoxü̃ne.

Ore i mexü̃ ga Márcu ümatüxü̃ 8:25

Rü yexguma ga Ngechuchu rü wenaxarü naxetügu ningõgü. Rü nüma ga gumá yatü rü meama inadawenü. Rü naxca̱x nitaane rü meama naxca̱x nango̱x ga guxü̃ma.

Ngechuchuarü ngúexü̃gü ga yamugüxü̃arü puracüchiga 7:1

Rü nüma ga chacherdótegüarü ãẽ̱xgacü, rü Estébaü̃na naca rü ñanagürü: —¿Aixcüma yixĩxü̃ i ñaa ore i nüxü̃ yaxugüexü̃? —ñanagürü.