Ngechuchuarü ngúexü̃gü ga yamugüxü̃arü puracüchiga 6:10 - Tupanaarü Ore

¹⁰ Natürü taxuacüma Estébaxü̃xü̃ narüyexeragü, yerü nüma ga Estébaü̃ rü nidexa namaxã ga yema cua̱x ga Tupanaãxẽ ya Üünecü nüxna ãxü̃.

Ngechuchuarü ngúexü̃gü ga yamugüxü̃arü puracüchiga 6:10 Referans Kwoze

Ore i mexü̃ ga Luca ümatüxü̃ 21:15

Erü choma tá pexü̃ charüngü̃xẽxẽxü̃ nax nüxü̃ pecuáxü̃ca̱x nax ta̱xacümaxã penangãxü̃xü̃ i perü uanügü. Rü nümagü rü taxũtáma nüxü̃ nacua̱xgü nax ta̱xacümaxã pexü̃ nangãxü̃güxü̃ i ngẽxguma.

1 Corintios 2:4

Rü yexguma pemaxã chidexagu rü pemaxã nüxü̃ chixuxgu ga Tupanaarü ore, rü tama ñoma nüxü̃ cua̱xüchixü̃ãcü pemaxã nüxü̃ chixu ga ore nax pexü̃́ chanangúchaü̃xẽẽxü̃ca̱x rü peyaxõgüxü̃ca̱x. Natürü Tupanaãxẽ i Üünexü̃arü ngü̃xẽẽmaxã rü Tupanaarü poramaxã nixĩ ga pexü̃́ chanangúchaü̃xẽẽxü̃.

Ore i mexü̃ ga Cuáü̃ ümatüxü̃ 7:46

Rü yema purichíagü rü nanangãxü̃gü rü ñanagürügü: —Taguma texé tidexa i ngẽma yatü idexaxü̃rüxü̃ —ñanagürügü.

Yox 32:8

Natürü tama ngẽma nax namuarü taunecüã́xü̃gagu nixĩ nax wüxi ya yatü cua̱x nüxü̃́ ngẽxmaxü̃. Erü yimá Tupana ya Guxãétüwa Ngẽxmacü nixĩ ya inaxãcü i wüxíechigüarü cua̱x.

Ínachoxü̃xü̃chiga 4:12

Rü ngẽmaca̱x ¡paxa ngéma naxũ rü nüxü̃ yarüxu! Rü choma rü cuxü̃tawa tá changexma i ngẽxguma quidexagu. Rü tá cuxü̃ changu̱xẽxẽ i ngẽma tá nüxü̃ quixuxü̃ —ñanagürü.

Ore i mexü̃ ga Luca ümatüxü̃ 1:17

Rü nüma ya Cuáü̃ rü tá Cori ya Cristupe̱xegu nixũ. Rü Tupanaarü orearü uruxü̃ ga Eríarüxü̃ tá nüxü̃́ nangẽxma i Tupanaãxẽ i poraxü̃, rü tá nüxü̃ narüngü̃xẽxẽ i papagü nax naxacügümaxã nangüxmüexü̃ca̱x. Rü tá nüxü̃ narüngü̃xẽxẽ i ngẽma tama Tupanaga ĩnüechaü̃xü̃ nax Tupanaga naxĩnüexü̃ca̱x. Rü ngẽmaãcü tá duü̃xü̃güxü̃ nimexẽẽgü nax Cori ya Cristuxü̃ nayauxgüxü̃ca̱x —ñanagürü ga yema daxũcüã̱x.

Ngechuchuarü ngúexü̃gü ga yamugüxü̃arü puracüchiga 7:51

Rü ñanagürü ga Estébaü̃: —Dücax Pa Ãẽ̱xgacügüx, pema rü guxü̃guma nüxü̃ pexoe i Tupanaarü ore, rü tama iperüxĩnüechaü̃. Rü peãẽwa rü tama peyaxõgüchaü̃. Rü pema rü guxü̃guma Tupanaãxẽ ya Üünecümaxã penueecha. Rü ngẽmaãcü i pema rü yema nũxcümaü̃güxü̃ ga perü o̱xigürüü̃tama pixĩgü.

Echequié 3:27

Natürü ngẽxguma ta̱xacüxü̃ tá cumaxã chixuxgu i choma rü cuxü̃ tá chidexaxẽxẽ. Rü ngẽxguma rü ñacurügü tá nüxü̃ i ngẽma duü̃xü̃gü: “Ngẽma pemaxã nüxü̃ chixuxü̃ rü ngẽma nixĩ i Cori ya Tupanaarü ore”, ñacurügü tá. Rü ngẽma irüxĩnüchaü̃xü̃, rü tá inarüxĩnü, natürü ngẽma tama irüxĩnüchaü̃xü̃ rü taxũtáma inarüxĩnü, erü ngẽma duü̃xü̃gü rü tama ĩrüxĩnüechaü̃xü̃ nixĩgü —ñanagürü.

Yox 32:18

Rü ngẽma ore rü namaxã chanapaeru. Rü marü tama yáxna namaxã chaxĩnü nax nüxü̃ chixuxü̃ca̱x.

Ngechuchuarü ngúexü̃gü ga yamugüxü̃arü puracüchiga 5:39

Natürü ngẽxguma Tupanaarü yixĩxgu i ñaa naxügüxü̃, rü taxuacüma ipeyanaxoxẽxẽ. ¡Rü pexuãẽgü nax tama ngürüãchi Tupanamaxã yixĩxü̃ i penuexü̃! —ñanagürü. Rü guxü̃ma ga yema ãẽ̱xgacügü rü naga naxĩnüe ga yema norü ucu̱xẽ.

Miquéa 3:8

Natürü Cori ya Tupanaãxẽ ya Üünecü rü cua̱x choxna naxã rü mexü̃ i nacüma choxna naxã rü pora choxna naxã nax tama chamuü̃xü̃ca̱x ega Iraétanüxü̃maxã nüxü̃ chixuxgu nax nataxü̃ i ngẽma norü chixexü̃gü i Tupanape̱xewa naxügüxü̃ rü naétü nax namaxã nanuexü̃.

Yeremía 15:20

Choma rü ñoma wüxi i naxtapü̱x i bróũchenaxca̱x i taxúema nüxü̃ rüyexeramaexü̃rüxü̃ tá cuxü̃ chixĩxẽxẽ nape̱xewa i ñaa duü̃xü̃gü. Rü cumaxã tá nügü nadai, natürü taxũtáma cuxü̃ narüyexeramaegü. Erü choma rü cumaxã tá changexma nax cuxü̃ íchapoxü̃xü̃ca̱x rü cuxü̃ íchanguxuchixẽẽxü̃ca̱x. Rü choma ya Cori ya Tupana nixĩ i nüxü̃ chixuxü̃ i ngẽma chorü ore.

Ichaía 54:17

Natürü taxúema tá tanaxü i wüxi i naxne i pexü̃ rüxoxẽẽxü̃. Rü pemax, Pa Iraétanüxü̃x, rü tá peyanangea̱xgüxẽxẽ i guxü̃ma i ngẽma pemaxã guxchaca̱x daugüxü̃, erü choma i Cori ya Tupana rü aixcüma nüxü̃ charüngü̃xẽxẽxü̃ i ngẽma chorü duü̃xü̃gü ixĩxü̃. Rü pemaxã chanaxuegu nax ngẽmaãcü tá yixĩxü̃ —ñanagürü ga Tupana.

Ngechuchuarü ngúexü̃gü ga yamugüxü̃arü puracüchiga 6:9

Rü wüxi ga ngutaque̱xepataxü̃ ga Ínguxü̃xü̃arü Ngutaque̱xepataü̃gu ãéganearü duü̃xü̃gü, rü wüxigu namaxã ga ñuxre ga duü̃xü̃gü ga Chiréneanewa, rü Areyandríaanewa, rü Chiríchiaanewa, rü Áchiaarü naanewa ne ĩxü̃ rü inanaxügüe nax Estébaü̃maxã iyaporagatanücüüxü̃.

Ngechuchuarü ngúexü̃gü ga yamugüxü̃arü puracüchiga 6:11

Rü yexguma ga yema duü̃xü̃gü rü togüaxü̃́ nanaxütanügü nax Estébaü̃chiga doraxü̃ yaxugüxü̃ca̱x. Rü yema idoraexü̃ rü ñanagürügü: —Toma nüxü̃ taxĩnüegu, rü Moichéchiga rü Tupanachiga chixexü̃ i orexü̃ nixu i Estébaü̃ —ñanagürügü.