Ngechuchuarü ngúexü̃gü ga yamugüxü̃arü puracüchiga 5:40 - Tupanaarü Ore

⁴⁰ Rü ñu̱xũchi nanachocuxẽxẽ ga yema ngúexü̃gü ga Ngechuchu imugüxü̃. Rü nayacua̱i̱xgü. Rü nüxna naxãga nax tama Ngechuchuchiga yadexagüxü̃ca̱x. Rü yemawena rü nayange̱xgü.

Ngechuchuarü ngúexü̃gü ga yamugüxü̃arü puracüchiga 5:40 Referans Kwoze

Ore i mexü̃ ga Matéu ümatüxü̃ 10:17

¡Rü pegüna pedaugü! Erü duü̃xü̃gü rü tá pexü̃ ínayauxü̃, rü ãẽ̱xgacügüxü̃tawa tá pexü̃ nagagü nax pexü̃ napoxcuexü̃ca̱x. Rü ngutaque̱xepataü̃gügu tá pexü̃ nicua̱i̱xgü.

2 Corintios 11:24

Rü 5 e̱xpü̱xcüna nixĩ ga 39 ga cuaximaxã choxü̃ nacua̱i̱xgüxü̃ ga Yudíugü.

Ngechuchuarü ngúexü̃gü ga yamugüxü̃arü puracüchiga 5:28

—Marü poraãcü pexna tanachu̱xu nax tama ngẽma Ngechuchuégamaxã pengúexẽẽtaexü̃ca̱x. Natürü i pema rü guxü̃ne ya Yerucharéü̃cüã̱xü̃ namaxã pengúexẽxẽ i Ngechuchuchiga, rü ñu̱xũchi toxna penaxuxchaü̃ nax togagu nayuxü̃ ga yema Ngechuchu —ñanagürü.

Ore i mexü̃ ga Márcu ümatüxü̃ 13:9

¡Rü mea pegüna pedaugü! Erü ãẽ̱xgacügüpe̱xewa tá pexü̃ nagagü, rü ngutaque̱xepataü̃gügu tá pexü̃ nicua̱i̱xgü. Rü nachixü̃anegüarü ãẽ̱xgacügüpe̱xewa tá pexü̃ nagagü naxca̱x nax chorü duü̃xü̃gü pixĩgüxü̃. Natürü ngẽmaãcü tá pexü̃́ natauxcha nax ngẽma ãẽ̱xgacügümaxã nüxü̃ pixuxü̃ i chauchiga.

Ucu̱xẽgüchiga 12:10

Yimá yatü ya mexü̃gu rüxĩnücü, rü mea nüxna nadau i naxü̃nagü. Natürü ngẽma yatü i chixexü̃gu maxü̃xü̃, rü tama nüxü̃́ nangechaü̃tümüxü̃.

Ore i mexü̃ ga Luca ümatüxü̃ 20:10

Rü yexguma nawa nanguxgu nax yadauxü̃ ga yema úbagü, rü gumá yatü rü yema puracütanüxü̃xü̃tawa nanamu ga wüxi ga norü duü̃xü̃ nax naxca̱x íyaca̱xaxü̃ca̱x ga yema úbagü ga nüxna üxü̃. Natürü yema puracütanüxü̃ rü nanacua̱i̱xgü ga gumá yatüarü duü̃xü̃, rü taxuxü̃ma ga úba nüxna naxãgü. Rü yemaacü ínayamugü.

Ore i mexü̃ ga Matéu ümatüxü̃ 23:34

Rü ngẽmaca̱x i choma rü tá pexü̃tawa chanamugü i Tupanaarü orearü uruü̃gü, rü yatügü i mexü̃gü i nüxü̃ cua̱xüchigüxü̃, rü ngúexẽẽruü̃gü i mexü̃gü. Natürü pema rü tá penadai i ñuxre, rü togü rü curuchawa tá peyapotagü, rü togü rü ngutaque̱xepataü̃gügu tá peyacua̱i̱xgü, rü togü rü ĩanechigüwa tá nawe pingẽxü̃tanü.

Miquéa 2:6

Rü pemax, Pa Orearü Uruü̃günetax, rü ñaperügügü: —Tama torü me nixĩ i tomaxã nua nüxü̃ cuyarüxu i ngẽma ore i ãũcümaxü̃chiga. Erü ngẽma guxchaxü̃ i nüxü̃ quixuxü̃ rü tagutáma towa nangu —ñaperügügü.

Amúx 2:12

Rü ñanagürü ta: —Natürü ga pema rü penamu ga yema Nacharéugü nax bínu yaxaxgüãxü̃ca̱x. Rü yema chorü orearü uruü̃gü rü nüxna penachu̱xu nax chorü orexü̃ yaxugüexü̃.

Ichaía 30:10

Rü ngẽmaca̱x yíxema ngo̱xetügüexü̃ ñanagürügü: —¡Marütama nax pengo̱xetügüxü̃! —ñanagürügü. Rü yíxema orearü uruü̃güxü̃ rü ñanagürügü: —¡Taxṹ i tomaxã nüxü̃ pixuxü̃ i ngẽma Tupana pexü̃ wéxü̃ woo aixcüma namexgu! ¡Rü dexagü i toõẽwa mexü̃xü̃ tomaxã pixu rü taxṹ i toxna peyañaxẽẽxü̃ i ngẽma torü taãẽgü! —ñanagürügü.

Ore i mexü̃ ga Matéu ümatüxü̃ 20:19

Rü tá to i nachixü̃anecüã̱xna nanamugü. Rü tá nüxü̃ nacugüe rü nanacua̱i̱xgü rü ñu̱xũchi tá curuchawa nayapotagü nax ngẽxma nayuxü̃ca̱x. Natürü tomaepü̱x i ngunexü̃guwena rü tá wenaxarü namaxü̃ —ñanagürü.