Ngechuchuarü ngúexü̃gü ga yamugüxü̃arü puracüchiga 5:25 - Tupanaarü Ore

²⁵ Rü yexguma yemagu ínaxĩnüeyane rü yéma nangu ga wüxi ga yatü, rü namaxã nüxü̃ nixu, rü ñanagürü: —Ngẽma yatügü i pepoxcuechiréxü̃, rü Tupanapata ya taxü̃newa nangẽxmagü, rü duü̃xü̃güxü̃ ínangúexẽxẽ —ñanagürü.

Ngechuchuarü ngúexü̃gü ga yamugüxü̃arü puracüchiga 5:25 Referans Kwoze

Ngechuchuarü ngúexü̃gü ga yamugüxü̃arü puracüchiga 5:24

Rü yexguma yema orexü̃ naxĩnüegu ga yema chacherdótegüaru ãẽ̱xgacü rü yema togü ga chacherdótegü ga ãẽ̱xgacügü ixĩgüxü̃ rü yema Tupanapata ga taxü̃nearü purichíagüarü ãẽ̱xgacü rü guxü̃ma naba̱i̱xãchie yerü tama nüxü̃ nacua̱xgü ga ngextá tá nax nanguxü̃ ga guxü̃ma ga yema rü ñuxãcü tá nax iyanaxoxẽxẽgüaxü̃.

Ngechuchuarü ngúexü̃gü ga yamugüxü̃arü puracüchiga 5:26

Rü yéma naxĩ ga Tupanapataarü purichíagüarü ãẽ̱xgacü wüxigu namaxã ga norü purichíagü nax yagagüãxü̃ca̱x. Natürü meamare yema ngúexü̃güxü̃ nigagü yerü namuü̃e nax duü̃xü̃gü nutamaxã yamuxü̃tanüxü̃.

Wiyaegü 107:14

Rü yema ẽanexü̃ i waanexü̃wa ínananguxü̃xẽxẽ, rü ínayawẽgü ga norü cadénagü.

Yeremía 26:2

—¡Ẽcü chopataa̱xtügu yachi! ¡Rü namaxã nüxü̃ ixu i guxü̃ma i ngẽma ore i cuxü̃ chamuxü̃ nax namaxã nüxü̃ quixuxü̃ca̱x i ngẽma duü̃xü̃gü i Yudáanearü ĩanegüwa ne ĩxü̃ nax chopatawa choxü̃ yanacua̱xüü̃güxü̃ca̱x! ¡Rü taxuxü̃táma nixĩ i cuxüpetüxü̃ nax nüxü̃ quixuxü̃ i guxü̃ma i ngẽma ore!

Danié 3:13

Rü nüma ga Nabucudonochó rü poraãcü nanu. Rü yemaca̱x norü duü̃xü̃güxü̃ namu nax naxü̃tawa nagagüãxü̃ca̱x ga Chadrá, rü Mechá, rü Abex-negó. Rü yexguma marü naxü̃tawa nangugügu rü nüxna naca rü ñanagürü:

Ore i mexü̃ ga Matéu ümatüxü̃ 10:18

Rü chaugagu tá ãẽ̱xgacügüpe̱xewa pexü̃ nagagü. Rü ngẽmaãcü tá pexãchica nax chauchiga pidexagüxü̃ nape̱xewa i ngẽma ãẽ̱xgacügü rü nape̱xewa i ngẽma tama Yudíugü ixĩgüxü̃.

Ore i mexü̃ ga Cuáü̃ ümatüxü̃ 11:46

Natürü ñuxre ga yema Yudíugü rü Parichéugümaxã nüxü̃ nayarüxugü ga yema Ngechuchu üxü̃.

Ngechuchuarü ngúexü̃gü ga yamugüxü̃arü puracüchiga 3:1

Rü wüxi ga ngunexü̃gu ga Pedru rü Cuáü̃ rü tomaepü̱xarü oragu ga yáuanecü rü Tupanapata ga taxü̃newa naxĩ, yerü yema nixĩ ga yumüxẽarü ora.