Ngechuchuarü ngúexü̃gü ga yamugüxü̃arü puracüchiga 5:20 - Tupanaarü Ore

²⁰ —¡Ngéma Tupanapata ya taxü̃newa pexĩ, rü guxü̃ i duü̃xü̃gümaxã nüxü̃ pixu nax ñuxãcü Tupana inaxãxü̃ i ngexwaca̱xü̃xü̃ i maxü̃! —ñanagürü.

Ngechuchuarü ngúexü̃gü ga yamugüxü̃arü puracüchiga 5:20 Referans Kwoze

Ore i mexü̃ ga Cuáü̃ ümatüxü̃ 6:63

Tupanaãxẽ ya Üünecü nixĩ i inaxãxü̃ i maxü̃ i taguma gúxü̃. Rü tama pexene nixĩ i pexü̃ maxẽxẽẽxü̃. Rü ngẽma ore i pemaxã nüxü̃ chixuxü̃ rü peãxẽca̱x nixĩ, rü ngẽma orewa nangẽxma i maxü̃ i taguma gúxü̃.

Ore i mexü̃ ga Cuáü̃ ümatüxü̃ 6:68

Natürü Chimóü̃ ga Pedru rü nanangãxü̃, rü ñanagürü: —Pa Corix, ¿Texéxü̃tawa chi taxĩxü̃ ega cuxna tixĩgachitanügu? Erü cuma rü cuxü̃́ nangẽxma i ore i nawa nangẽxmaxü̃ i maxü̃ i taguma gúxü̃.

Ore i mexü̃ ga Matéu ümatüxü̃ 21:23

Rü yema ñaxguwena ga Ngechuchu rü Tupanapata ga taxü̃negu naxücu. Rü yexguma yéma ínangu̱ẽẽtaeyane rü naxca̱x naxĩ ga chacherdótegüarü ãẽ̱xgacügü rü Yudíugüarü ãẽ̱xgacügü. Rü Ngechuchuna nacagüe rü ñanagürügü: —¿Texégagu cunaxü i ngẽma nua cuxüxü̃? ¿Rü texé cuxna taxãga nax cunaxüxü̃ca̱x i ngẽma? —ñanagürügü.

Ngechuchuarü ngúexü̃gü ga yamugüxü̃arü puracüchiga 11:14

Rü nüma tá cumaxã nüxü̃ nixu nax ñuxãcü tá cuma rü guxü̃ i cupatacüã̱xmaxã penayaxuxü̃ i maxü̃ i taguma gúxü̃”, ñanagürü ga yema daxũcüã̱x.

Ore i mexü̃ ga Cuáü̃ ümatüxü̃ 18:20

Rü Ngechuchu ñanagürü nüxü̃: —Choma rü guxü̃ ga duü̃xü̃güpe̱xewa nüxü̃ chixu ga chorü ore. Rü ngutaque̱xepataü̃güwa rü Tupanapata ya taxü̃newa i ngextá guxü̃ma i Yudíugü íngutaque̱xegüxü̃wa chanangúexẽxẽ ga duü̃xü̃gü. Rü yemaacü taxuxü̃ma ichicu̱x ga chorü ore.

Ore i mexü̃ ga Cuáü̃ ümatüxü̃ 17:3

Rü ngẽma duü̃xü̃gü tá nüxü̃́ nangẽxma i maxü̃ i taguma gúxü̃ ega cuxü̃́ yaxõgüãgu nax cuxicatama Tupana nax quixĩxü̃, rü choxü̃́ yaxõgüãgu nax choma rü Cristu ga núma choxü̃ cumucü nax chixĩxü̃.

Ore i mexü̃ ga Cuáü̃ ümatüxü̃ 12:50

Rü nüxü̃ chacua̱x nax Chaunatüarü orewa nangẽxmaxü̃ i maxü̃ i taguma gúxü̃. Rü ngẽmaca̱x i ngẽma ore i nüxü̃ chixuxü̃, rü ngẽmatama ore nixĩ i Chaunatü choxü̃ muxü̃ nax nüxü̃ chixuxü̃ —ñanagürü ga Ngechuchu.

Yeremía 36:10

Rü Barúx rü yema Tupanapataa̱xtü ga dauxü̃wa yexmaxü̃wa naxũ rü yema Ĩã̱x i Ngexwacaxü̃xü̃gu nachi, nawa ga yema ucapu ga Guemaríaarü ucapugu ãégaxü̃. Rü Guemaría rü poperaarü ümatüruxü̃ ga Chapáü̃ nane nixĩ. Rü nüma ga Barúx rü nape̱xewa ga guxü̃ma ga duü̃xü̃gü ga yéma yexmagüxü̃ nüxü̃ nadaumatü ga yema popera ga Yeremíaarü ore nagu ümatüxü̃.

Yeremía 26:2

—¡Ẽcü chopataa̱xtügu yachi! ¡Rü namaxã nüxü̃ ixu i guxü̃ma i ngẽma ore i cuxü̃ chamuxü̃ nax namaxã nüxü̃ quixuxü̃ca̱x i ngẽma duü̃xü̃gü i Yudáanearü ĩanegüwa ne ĩxü̃ nax chopatawa choxü̃ yanacua̱xüü̃güxü̃ca̱x! ¡Rü taxuxü̃táma nixĩ i cuxüpetüxü̃ nax nüxü̃ quixuxü̃ i guxü̃ma i ngẽma ore!

Yeremía 7:2

—¡Ngẽxma chopata ya taxü̃nearü ĩã̱xgu nachi rü ngéma duü̃xü̃gümaxã nüxü̃ ixu i ñaa ore! “Pa Duü̃xü̃gü i Yudátanüxü̃ i Ñaa ĩã̱xwa Ichocuxü̃ nax Corixü̃ Peyarücua̱xüü̃güxü̃ca̱x, rü dücax, rü iperüxĩnüe i norü ore ya Iraétanüxü̃arü Cori ya Tupana ya Guxü̃étüwa Ngẽxmacü! Rü nüma rü ñanagürü: ‘¡Penamexẽxẽ i perü maxü̃ rü nüxü̃ perüxoe i pecüma i chixexü̃ i chope̱xewa pexügüxü̃! Rü ngẽxguma i choma rü tá nawa pexü̃ chamaxẽxẽxẽ i ñaa naane rü taxũtáma pexü̃ íchawoxü̃.

Ichaía 58:1

Rü Tupana rü Ichaíaxü̃ ñanagürü: —¡Tagaãcü aita naxü rü taxṹ i cumuü̃xü̃! ¡Rü nataga ñoma wüxi ya cornétarüxü̃! ¡Rü yangagü i ngẽma Acóbuarü duü̃xü̃gü i Iraétanüxü̃ nagagu i norü chixexü̃gü rü norü pecadugü!

Ore i mexü̃ ga Cuáü̃ ümatüxü̃ 17:8

Rü choma rü marü namaxã nüxü̃ chixu ga curü ore ga chomaxã nüxü̃ quixuxü̃. Rü nüma rü marü nayaxõgü i ngẽma ore. Rü nüxü̃ nicua̱xãchitanü nax aixcüma cuxü̃tawa ne chaxũxü̃ i chomax. Rü nayaxõgü nax cuma núma choxü̃ cumuxü̃.

Ínachoxü̃xü̃chiga 24:3

Rü nüma ga Moiché rü natanüwa naxũ ga yema Iraétanüxü̃ rü namaxã nüxü̃ nixu ga guxü̃ma ga yema ore ga Cori ya Tupana namaxã nüxü̃ ixuxü̃. Rü nümagü ga Iraétanüxü̃ rü guxü̃ma wüxigu Moichéxü̃ nangãxü̃gü rü ñanagürügü: —Ngẽmáacü tá tayanguxẽxẽ i guxü̃ma i ngẽma mugü ya Tupana toxü̃ muxü̃ —ñanagürügü.

Echequié 33:7

Pa Yatüx, choma ya Cori ya Tupana rü cuxü̃ chaxuneta nax Iraétanüxü̃arü dauxü̃taeruxü̃ quixĩxü̃ca̱x. Rü cumaxã tá nixĩ i nüxü̃ chixuxü̃ i chorü ore. Rü ñu̱xũchi cuma tá nixĩ i ngẽma chorü oremaxã cuyaxucu̱xẽgüxü̃ i ngẽma duü̃xü̃gü nax naxuãẽgüxü̃ca̱x.

Ore i mexü̃ ga Matéu ümatüxü̃ 10:27

Rü guxü̃ma i ngẽma bexma pemaxã nüxü̃ chixuxü̃, ¡rü mea duü̃xü̃güca̱x penango̱xẽxẽ! Rü guxü̃ma i ngẽma pemaxãxicatama nüxü̃ chixuxü̃, ¡rü tagaãcü guxü̃ i duü̃xü̃gümaxã nüxü̃ pixu!

Ngechuchuarü ngúexü̃gü ga yamugüxü̃arü puracüchiga 13:26

Rü ñanagürü ga Pauru —Pa Chautanüxü̃ i Abraáü̃taagüx, rü Guxãma i Pema i To i nachixü̃anecüã̱x i Tupanaga Ĩnüexex, rü pexca̱x nixĩ i ñaa ore i tüxü̃ maxẽxẽẽxü̃.