Ngechuchuarü ngúexü̃gü ga yamugüxü̃arü puracüchiga 4:7 - Tupanaarü Ore

⁷ Rü nanamu nax naxü̃tawa nagagüãxü̃ca̱x ga Pedru rü Cuáü̃. Rü yexma norü ngãxü̃tanügu nanachigüxẽxẽ rü nüxna nacagü, rü ñanagürügü: —¿Texé pexü̃ tamu, rü texé pexna tanaxã i pora nax penamexẽẽxü̃ i ñaa yatü? —ñanagürügü.

Ngechuchuarü ngúexü̃gü ga yamugüxü̃arü puracüchiga 4:7 Referans Kwoze

Ore i mexü̃ ga Matéu ümatüxü̃ 21:23

Rü yema ñaxguwena ga Ngechuchu rü Tupanapata ga taxü̃negu naxücu. Rü yexguma yéma ínangu̱ẽẽtaeyane rü naxca̱x naxĩ ga chacherdótegüarü ãẽ̱xgacügü rü Yudíugüarü ãẽ̱xgacügü. Rü Ngechuchuna nacagüe rü ñanagürügü: —¿Texégagu cunaxü i ngẽma nua cuxüxü̃? ¿Rü texé cuxna taxãga nax cunaxüxü̃ca̱x i ngẽma? —ñanagürügü.

Ore i mexü̃ ga Márcu ümatüxü̃ 11:28

Rü nüxna nacagüe, rü ñanagürügü: —¿Texéarü mugagu nixĩ i cunaxüxü̃ i ngẽma núma cuxüxü̃? ¿Rü texé cuxü̃ tamu nax cunaxüxü̃ca̱x i ngẽma? —ñanagürügü.

Ngechuchuarü ngúexü̃gü ga yamugüxü̃arü puracüchiga 5:40

Rü ñu̱xũchi nanachocuxẽxẽ ga yema ngúexü̃gü ga Ngechuchu imugüxü̃. Rü nayacua̱i̱xgü. Rü nüxna naxãga nax tama Ngechuchuchiga yadexagüxü̃ca̱x. Rü yemawena rü nayange̱xgü.

Ore i mexü̃ ga Cuáü̃ ümatüxü̃ 2:18

Rü yexguma ga yema Yudíugüarü ãẽ̱xgacügü rü Ngechuchuna nacagü, rü ñanagürügü: —¿Ta̱xacürü cua̱xruxü̃xü̃ tá toxü̃ cudauxẽxẽ nax nawa nüxü̃ tacuáxü̃ca̱x nax aixcüma Tupana yixĩxü̃ ya cuxü̃ mucü nax ícunawoxü̃xü̃ca̱x i ñaa duü̃xü̃gü i nua? —ñanagürügü.

Ngechuchuarü ngúexü̃gü ga yamugüxü̃arü puracüchiga 4:10

Rü ñu̱xma tá pemaxã nüxü̃ tixu nax nüxü̃ pecuáxü̃ca̱x i guxãma i pemax, rü nüxü̃ nacua̱xgüxü̃ca̱x i guxü̃ma i tatanüxü̃ i Iraétanüxü̃. Rü ñaa yatü i ñu̱xma pepe̱xewa ngẽxmaxü̃ rü Ngechuchu ya Cristu ya Nacharétucüã̱x nixĩ ga namexẽẽcü. Rü gumá nixĩ ga pema curuchawa peyapotacü rü peyuxẽẽcü. Natürü ga Tupana rü wena nanamaxẽxẽ.

Ínachoxü̃xü̃chiga 2:14

Rü nüma ga yema Iraétanüxü̃ rü nanangãxü̃ rü ñanagürü: —¿Texé cuxü̃ tamu nax cuma rü torü ãẽ̱xgacü i guxchaxü̃arü mexẽẽruxü̃ quixĩxü̃ca̱x? ¿Ẽ̱xna cuma nagu curüxĩnügu rü choxü̃ rü tá ta quimáxü̃ ga yema Equítuanecüã̱x ga ĩnex quimáxü̃rüxü̃? —ñanagürü. Rü yexguma yemaxü̃ naxĩnügu ga Moiché, rü namuü̃, yerü marü nüxü̃ nacua̱xgüama ga duü̃xü̃gü ga nax yema Equítuanecüã̱xü̃ yamáxü̃.

Ore i mexü̃ ga Cuáü̃ ümatüxü̃ 8:9

Natürü yexguma nüxü̃ naxĩnüegu ga yema ore ga Parichéugü rü inanaxügüe ga nügü yawüxíxü̃ nax ínachoxü̃xü̃. Rü yaxguã̱xgüwa inaxügü nax ínachoxü̃xü̃ rü düxwa guxü̃ma ínachoxü̃. Rü yexguma marü guxü̃ma ga Parichéugü íchoü̃xgu, rü Ngechuchu rü yema ngecüxicatama yéma duü̃xü̃güpe̱xewa nayaxügü.

Ore i mexü̃ ga Cuáü̃ ümatüxü̃ 8:3

Rü yema ngúexẽẽruü̃gü ga Moichéarü mugüwa ngu̱xẽẽtaegüxü̃ rü Parichéugü, rü Ngechuchuxü̃tawa ngĩxü̃ nagagü ga wüxi ga nge ga ãtecü ga ngĩxü̃ nadaugücü ga nai ga yatümaxã nax inapexü̃. Rü guxü̃ma ga yema duü̃xü̃gü ga yéma yexmagüxü̃pe̱xegu ngĩxü̃ nayachixẽẽgü.

Ngechuchuarü ngúexü̃gü ga yamugüxü̃arü puracüchiga 4:6

Rü yéma nayexma ga Aná ga chacherdótegüarü ãẽ̱xgacü ixĩcü, rü Caipá, rü Cuáü̃, rü Areyándru, rü guxü̃ma ga yema chacherdótegü ga Anátanüxü̃ ixĩgüxü̃.

Ngechuchuarü ngúexü̃gü ga yamugüxü̃arü puracüchiga 4:8

Rü Pedruwa nayexma ga Tupanaãxẽ ga Üünecü, rü yemaca̱x ga Pedru rü nanangãxü̃, rü ñanagürü: —Pa Yudíuarü Ãẽ̱xgacügüx, rü Pa Chacherdótegüarü Ãẽ̱xgacügüx, rü ñu̱xma toxna peca naxca̱x nax ñuxãcü namexü̃ i ñaa chixeparachiréxü̃ erü nüxü̃ pecuáxchaü̃ nax texé naxca̱x yataanexẽxẽxü̃.