Ngechuchuarü ngúexü̃gü ga yamugüxü̃arü puracüchiga 4:34 - Tupanaarü Ore

^34-35 Rü natanüwa rü nataxuma ga wüxi ga nüxü̃́ nataxuxü̃, yerü guxü̃ma ga yema nüxü̃́ yexmaxü̃ ga naanegü rüe̱xna ĩpatagü, rü namaxã nataxegü. Rü yema diẽru ga ngĩxü̃ nayauxgücü, rü yema ngúexü̃gü ga Ngechuchu imugüxü̃na ngĩxü̃ nayaxãgü. Rü nümagü rü wüxichigüna ngĩxü̃ naxã naxca̱x ga yema nüxü̃́ taxuxü̃ ga wüxichigü.

Ngechuchuarü ngúexü̃gü ga yamugüxü̃arü puracüchiga 4:34 Referans Kwoze

Ngechuchuarü ngúexü̃gü ga yamugüxü̃arü puracüchiga 2:45

Rü namaxã nataxegüxü̃ ga norü naanegü rü guxü̃ma ga togü ga norü yemaxü̃gü. Rü nügümaxã ngĩxü̃ nitoyegüxü̃ ga yema diẽru yexgumarüxü̃ nax ta̱xacü nüxü̃́ taxuxü̃ ga wüxichigü.

Ore i mexü̃ ga Luca ümatüxü̃ 16:9

Rü pemaxã nüxü̃ chixu rü ngẽma diẽru i tama aixcüma mexü̃ i ñoma i naanewa pexü̃́ ngẽxmaxü̃ rü name nixĩ i ngẽmamaxã nüxü̃́ penangúchaü̃xẽxẽ i duü̃xü̃gü nax Tupanaxü̃tawa nangugüxü̃. Rü ngẽmaãcü i ngẽxguma nagu̱xgu i ngẽma ñoma i naanewa pexü̃́ ngẽxmaxü̃ rü peyuegu, rü tá pexü̃́ nangẽxma ya pemücügü ya pexü̃ yaxugüxü̃ i daxũguxü̃ i naanewa.

Ore i mexü̃ ga Luca ümatüxü̃ 12:33

¡Rü namaxã petaxe i perü ngẽmaxü̃gü i pexü̃́ ngẽmagüxü̃, rü togü i duü̃xü̃gü i nüxü̃́ nataxuxü̃na penaxã i ngẽma diẽru! Rü ngẽmaãcü tá pegüxü̃́ penangexmaxẽxẽ i perü ngẽmaxü̃gü i taguma pexü̃́ ngauxü̃ rü taguma gúxü̃ i daxũguxü̃ i naanewa i ngextá ngĩ́ta̱xagüxü̃ tama íyaxücuxü̃wa rü naweane tama ínachixexẽẽxü̃wa.

Ore i mexü̃ ga Luca ümatüxü̃ 22:35

Rü yexguma ga Ngechuchu rü norü ngúexü̃güna naca, rü ñanagürü: —Yexguma pexü̃ chimugügu ngearü chocaã̱xgüxemaxã rü ngearü diẽruã̱xgüxemaxã rü ngearü chapatuã̱xgüxemaxã, ¿rü ta̱xacü pexü̃́ taxuxü̃ ga yexguma? —ñanagürü. Rü nümagü nanangãxü̃gü rü ñanagürügü: —Taxuxü̃ma —ñanagürügü.

Ore i mexü̃ ga Márcu ümatüxü̃ 10:21

Rü yexguma ga Ngechuchu rü nüxü̃ nangechaü̃ãcüma nüxü̃ nadawenü, rü nanangãxü̃ rü ñanagürü: —Rü wüxixicatama cuxü̃́ nataxu. ¡Rü íixũ, rü namaxã yataxe i guxü̃ma i curü ngẽmaxü̃gü, rü ñu̱xũchi togü i ngearü ngẽmaxü̃ã̱xgüxü̃na naxã i ngẽma curü natanü! Rü ngẽmaãcü tá cuxü̃́ nangẽxma i cuchica i daxũguxü̃ i naanewa. Rü ngẽmawena rü marü name i chowe curüxũ —ñanagürü.

Ore i mexü̃ ga Matéu ümatüxü̃ 19:21

Rü Ngechuchu nanangãxü̃ rü ñanagürü nüxü̃: —Ega aixcüma Tupanape̱xewa mecü quixĩxchaü̃gu, rü name nixĩ i namaxã cutaxe i guxü̃ma i curü ngẽmaxü̃gü rü togü i ngearü diẽruã̱xgüxü̃na cunaxã i ngẽma curü natanü. Rü ngẽxguma tá cuxü̃́ nangẽxma i cuchica i daxũguxü̃ i naanewa. Rü ñu̱xũchi marü name i chowe curüxũ —ñanagürü.

Wenaxarü naxümatü ga Tupanaarü mugü 2:7

Rü yimá Cori ya perü Tupana rü pexü̃ narüngü̃xẽxẽ nawa ga guxü̃ma ga yema pexüxü̃. Rü gumá 40 ga taunecü rü pemaxã nayexma rü pexna nadau ga yexguma yema taxüchixü̃ ga chianexü̃gu pexĩxgu. Rü taxuxü̃ma pexü̃́ nataxu ga yexguma.

Nüxíraxü̃xü̃ ga popera ga Timutéuca̱x naxümatüxü̃ ga Pauru 6:19

Rü ngẽmaãcü tá nüxü̃́ nangẽxma i norü mexü̃gü i daxũguxü̃ i naanewa, rü tá nanayauxgü i maxü̃ i aixcüma ixĩxü̃ i taguma gúxü̃.

Ngechuchuarü ngúexü̃gü ga yamugüxü̃arü puracüchiga 4:37

Rü nüma ga Bernabé rü nüxü̃́ nayexma ga wüxi ga naane, rü namaxã nataxe. Rü yema ngúexü̃gü ga Ngechuchu imugüxü̃xü̃tawa ngĩxü̃ nana ga yema diẽru.

Popera ga Chantiágu ümatüxü̃ 1:27

Natürü tümaarü õ i Tanatü ya Tupanape̱xewa aixcüma mexü̃, rü ngẽma nixĩ nax nüxü̃ tarüngü̃xẽẽxü̃ i taxcutagü rü yutegüxü̃ rü tügüna tadauxü̃ nax tama ñoma i naanearü chixexü̃gu tanguxü̃.

1 Tesalonicenses 4:12

Rü ngẽxguma ngẽmaãcü pepuracüegu, rü ngẽma duü̃xü̃gü i tama yaxõgüxü̃ rü tá pexü̃ nangechaü̃gü, rü taxúeme̱xẽwa tá pengẽxmagü.

2 Corintios 8:14

Rü ñu̱xma nax pexü̃́ nangẽxmaxü̃ i perü diẽru, rü name nixĩ i nüxü̃ perüngü̃xẽẽgü i ngẽma taenexẽgü i nüxü̃́ nataxuxü̃. Rü ngẽxguma to i ngunexü̃gu i pema pexü̃́ nataxuxgu, rü nümagü rü tá nüxĩ́ nüxü̃́ nangẽxma nax pexü̃ nangü̃xẽẽgüxü̃ca̱x. Rü ngẽmaãcü tá guxãtáma tawüxigu.