Ngechuchuarü ngúexü̃gü ga yamugüxü̃arü puracüchiga 4:28 - Tupanaarü Ore

²⁸ Rü yemaacü ga yema ãẽ̱xgacügü rü nayanguxẽxẽ ga guxü̃ma ga yema cuma nũxcümama nagu curüxĩnüxü̃ rü nüxü̃ quixuxü̃ rü tá nax yanguxü̃.

Ngechuchuarü ngúexü̃gü ga yamugüxü̃arü puracüchiga 4:28 Referans Kwoze

Ngechuchuarü ngúexü̃gü ga yamugüxü̃arü puracüchiga 2:23

Rü Tupana pexna nanamu ga gumá Ngechuchu, yerü yema nixĩ ga nagu naxĩnüxü̃. Rü nüma ga Tupana rü woetama nüxü̃ nacua̱x nax pecaduca̱x tá nayuxü̃. Rü pema rü penamu ga yatügü ga tama yaxõgüxü̃ nax curuchawa yapotagüãxü̃ca̱x. Rü yemaacü peyama̱xgü.

Ichaía 46:10

Rü choma rü noxriarü ügügutama rü ñu̱xmata norü gu̱xwa nangu rü nüxü̃ chixu i ngẽma tá wüxichigü i ngunexü̃ ngupetüxü̃. Rü naxü̃patama nüxü̃ chixu i ngẽma tá ínguxü̃. Rü choma nüxü̃ chixu, rü ngẽma nagu charüxĩnüxü̃ rü tá ningu. Rü ngẽma nüxü̃ chixuxü̃ rü tá chayanguxẽxẽ.

Naanearü ügüchiga 50:20

Pema nagu perüxĩnüegu rü chixexü̃ chomaxã pexüxü̃, natürü Tupana rü mexü̃xü̃ nananguxuchixẽxẽ ga yema chixexü̃ ga chomaxã pexüxü̃. Rü yemaca̱x ãẽ̱xgacüxü̃ choxü̃ ningucuchixẽxẽ i nua nax ngẽmaãcü namaxẽxü̃ca̱x i muxü̃ma i duü̃xü̃gü.

Ore i mexü̃ ga Matéu ümatüxü̃ 26:24

Rü Tupana Nane ya duü̃xü̃xü̃ ixĩcü rü tá nayu ngẽxgumarüxü̃ i Tupanaarü ore i ümatüxü̃ nüxü̃ ixuxü̃rüxü̃. Natürü wüxi i ngechaü̃xü̃chi nixĩ naxca̱x i ngẽma yatü i ínaxuaxü̃xü̃. Rü narümemae chi nixĩ ga noxtacüma taxũchima nax nabuxü̃ —ñanagürü.

Ngechuchuarü ngúexü̃gü ga yamugüxü̃arü puracüchiga 3:18

Natürü ga Tupana rü yemaacü nayanguxẽxẽ ga yema uneta ga nũxcüma nümatama nüxü̃ yaxuxü̃ nawa ga guxü̃ma ga norü orearü uruü̃gü. Yerü yema norü ore ga ümatüxü̃wa rü ñanagürü: “Cristu rü tá ngúxü̃ ninge”, ñanagürü.

Ichaía 53:10

Rü woetama Cori ya Tupanaarü ĩnü nixĩ nax ngúxü̃ yangexü̃. Rü nüma rü nügü inaxã naxca̱x ga tórü chixexü̃gü. Rü ngẽmaca̱x tá nama̱x i norü maxü̃ rü tá namuxũchi i ngẽma nüxü̃́ yaxõgüxü̃. Rü nagagu tá nixĩ i mea ínanguxuchixü̃ i ngẽma Tupana nagu rüxĩnüxü̃.

Popera ga Yudíugü ga yaxõgüxü̃ca̱x ümatüxü̃ 6:17

Rü yemaca̱x ga Tupana rü yexguma inaxunetagu namaxã ga yema duü̃xü̃gü ga nayauxgüxü̃ tá ga yema ngü̃xẽxẽ ga Tupana nüxna ãxchaü̃xü̃, rü nügüégagutama inaxuneta, yerü nanaxwa̱xe nax meama nüxü̃ nacua̱xgüxü̃ nax aixcüma tá yangu̱xẽẽãxü̃ rü tagutáma naxüchicüüãxü̃ ga yema uneta ga namaxã nüxü̃ yaxuxü̃.

Efesios 1:11

Yerü woetama nũxcüma ga Tupana rü tamaxã nanaxuegu nax Cristugagu tá nayauxgüxü̃ i maxü̃ i taguma gúxü̃, yerü yema nixĩ ga nagu naxĩnüxü̃ ga Tupana ya norü ngúchaü̃ãcü naxücü i guxü̃ma.

Ore i mexü̃ ga Luca ümatüxü̃ 22:22

Rü Tupana Nane ya duü̃xü̃xü̃ ixĩcü, rü Tupana ixunetaxü̃rüxü̃ tá nayu. Natürü wüxi i ngechaü̃xü̃chi tá nixĩ naxca̱x i ngẽma yatü i ãẽ̱xgacügüna namuxü̃ —ñanagürü.

Ore i mexü̃ ga Matéu ümatüxü̃ 26:54

Natürü ngẽxguma chi ngẽma chaxüxgu, rü ¿ñuxãcü chi ningu i Tupanaarü ore i ümatüxü̃ i nüxü̃ ixuxü̃ nax choma rü tá chayuxü̃? —ñanagürü.

Ichaía 40:13

¿Rü texé ya Cori ya Tupanaxü̃ rüwe̱xãchixẽxẽ, rü texé ya naxucu̱xẽxe?

Ichaía 28:29

Rü guxü̃ma i ngẽma cua̱x rü Cori ya Tupana ya Guxü̃étüwa Ngẽxmacüwa nixĩ i ne naxũxü̃. Nüma ya Cori ya Tupana rü mexü̃ i ĩnügü nüxü̃́ nangẽxma, rü norü cua̱xmaxã nayanguxẽxẽ i ngẽma nagu naxĩnüxü̃.

Ichaía 5:19

Rü pema rü ñaperügügü: —¡Paxa naxü ya Cori ya Tupana i ngẽma naxüxchaü̃xü̃, nax nüxü̃ idauxü̃ca̱x! ¡Rü Tupana ya Üünecü ya Iraéanearü Tupana rü paxa yanguxẽẽã i ngẽma nagu naxĩnüxü̃ nax nüxü̃ icuáxü̃ca̱x i ngẽma tá naxüxü̃! —ñaperügügü.

Ucu̱xẽgüchiga 21:30

Tupanape̱xewa rü nataxuma i duü̃xü̃arü cua̱x i mexü̃, rü tataxuma ya texé ya nüxü̃ cuáxe, rü nataxuma i ĩnü i aixcüma mexü̃.

Wiyaegü 76:10

Rü ngẽma norü nu i ngẽma cumaxã rüxuanügüxü̃ rü curü cua̱xüxü̃ruxü̃ tá nayanguxuchi. Rü woo ngẽxguma íxrarüwa nanuegu rü curü nga̱xcueruxü̃ nayanguxuchi i ngẽma.

Yox 12:13

Natürü ya Tupana rü nüxü̃ cua̱xüchicü rü poraxüchicü nixĩ. Rü nüma rü nagu narüxĩnü i ta̱xacü tá naxüxü̃ rü ñu̱xũchi nayanguxẽxẽ i ngẽma nagu naxĩnüxü̃.

Ichaía 14:24

Cori ya Tupana ya Guxãétüwa Ngẽxmacü rü nanaxuegu rü ñanagürü: —Ngẽma choma chaxüxchaü̃xü̃ rü aixcüma tá chanaxü rü taxũtáma dora nixĩ. Rü ngẽma nagu charüxĩnüxü̃ rü aixcüma tá ningu.

Ichaía 37:26

¿Natürü tama e̱xna nüxü̃ cucua̱x, Pa Chenáquerix, nax choma yixĩxü̃ ga cuxna chanaxãxü̃ ga pora nax cunaxüxü̃ca̱x ga guxü̃ma ga yema? Rü nũxcümacürüwatama rü marü nagu charüxĩnü i ngẽma ñu̱xma chaxüxü̃. Rü yemaca̱x nixĩ ga cuyanaxoxẽẽgüxü̃ ga guma ĩanegü ga ípoxegugüne rü natüchigüxicatama cuyaxĩxgüxẽẽxü̃.