Ngechuchuarü ngúexü̃gü ga yamugüxü̃arü puracüchiga 4:20 - Tupanaarü Ore

²⁰ Erü toma rü taxuacüma nüxü̃ tarüxoe nax nüxü̃ tixuxü̃ ga yema nüxü̃ tadaugüxü̃ rü nüxü̃ taxĩnüexü̃ —ñanagürügü.

Ngechuchuarü ngúexü̃gü ga yamugüxü̃arü puracüchiga 4:20 Referans Kwoze

Ngechuchuarü ngúexü̃gü ga yamugüxü̃arü puracüchiga 22:15

Erü cuma tá nixĩ i guxü̃ i duü̃xü̃gümaxã nüxü̃ quixuchigaxü̃ nax Tupanaxü̃ cudauxü̃ rü nüxü̃ cuxĩnüxü̃.

Yeremía 20:9

Rü ngẽxguma chi nagu charüxĩnügu nax nüxü̃ charüxoxü̃ nax nüxü̃ chixuxü̃ i curü ore, rü ngẽxguma i ngẽma curü ore i chorü aixepewa ngẽxmaxü̃, rü chi ñoma üxü ya choxü̃ iguxü̃rüxü̃ nixĩ. Rü ngẽma norü naixü̃ rü ñu̱xmata chauxchina̱xãwa nangu. Rü yáxna taa̱x namaxã chaugü chaxĩnüxẽxẽ nax tama nüxü̃ chixuxü̃ca̱x i ngẽma curü ore, natürü tama namaxã chapora.

Ngechuchuarü ngúexü̃gü ga yamugüxü̃arü puracüchiga 5:32

Rü toma rü nüxü̃ tacua̱x nax aixcüma yixĩxü̃ i guxü̃ma i ngẽma pemaxã nüxü̃ tixuxü̃ erü tomatama nüxü̃ tadaugü ga yema Ngechuchu üxü̃. Rü Tupana rü tüxna nanamu ya Naãxẽ ya Üünecü ya yíxema naga ĩnüexe. Rü Tupanaãxẽ ya Üünecü rü towa inanawe̱x nax aixcüma yixĩxü̃ i ngẽma pemaxã nüxü̃ tixuxü̃ —ñanagürügü.

Echequié 3:11

¡Rü natanüwa naxũ i ngẽma cutanüxü̃ i ínamugüãxü̃wa ngẽxmagüxü̃ rü namaxã nüxü̃ yarüxu i ngẽma ore i cumaxã nüxü̃ chixuxü̃! Rü ngẽxguma cuga naxĩnüegu rüe̱xna tama cuga naxĩnüegu, rü ñacurügü tá nüxü̃: “Cori ya Tupana ya Guxãétüwa Ngẽxmacü nixĩ i ngẽma ñacü pexü̃” —ñanagürü.

Ngechuchuarü ngúexü̃gü ga yamugüxü̃arü puracüchiga 18:5

Rü yexguma Chíra rü Timutéu Coríntiuwa ngugügu ga Machedóniawa ne ĩxü̃, rü nüma ga Pauru inanaxügü nax guxü̃ ga ngunexü̃ nüxü̃ yaxuxü̃ ga Tupanaarü ore. Rü meama Yudíugüxü̃ nangúexẽxẽ nax Ngechuchu rü aixcüma Cristu yixĩxü̃.

Ngechuchuarü ngúexü̃gü ga yamugüxü̃arü puracüchiga 3:15

Rü yemaacü pematama peyama̱xgü ga gumá Ngechuchu ya tüxü̃ maxẽxẽẽcü. Natürü ga Tupana rü wena nanamaxẽxẽ. Rü toma nixĩ ga nüxü̃ tadaugüxü̃ ga wena nax namaxü̃xü̃.

Ngechuchuarü ngúexü̃gü ga yamugüxü̃arü puracüchiga 2:32

Rü ñu̱xma ya Tupana rü marü wena nanamaxẽxẽ ga gumá Ngechuchu, rü guxãma ga toma rü nüxü̃ tadaugü nax wena namaxü̃xü̃, rü ngẽmaca̱x pemaxã nüxü̃ tixuchiga.

Ngechuchuarü ngúexü̃gü ga yamugüxü̃arü puracüchiga 1:8

Natürü ngẽxguma pexna nanguxgu i Tupanaãxẽ ya Üünecü, rü tá pexü̃ naporaexẽxẽ. Rü tá ípechoxü̃ nax nüxü̃ peyarüxugüexü̃ca̱x i chauchiga i Yerucharéü̃wa, rü guxü̃ma i Yudéaanewa, rü Chamáriaanewa, rü ñu̱xmatáta guxü̃ i naanewa nangu —ñanagürü.

Miquéa 3:8

Natürü Cori ya Tupanaãxẽ ya Üünecü rü cua̱x choxna naxã rü mexü̃ i nacüma choxna naxã rü pora choxna naxã nax tama chamuü̃xü̃ca̱x ega Iraétanüxü̃maxã nüxü̃ chixuxgu nax nataxü̃ i ngẽma norü chixexü̃gü i Tupanape̱xewa naxügüxü̃ rü naétü nax namaxã nanuexü̃.

Yeremía 4:19

Rü ngúxü̃maxã chaugü íchaxã̱ũ̱x. Rü chorü maxü̃ne rü poraãcü nixĩã̱xcüxü. Rü choma rü chanaxĩ̱xãchiãxẽ, rü taxucürüwama changea̱xmare. Rü nüxü̃ chaxĩnü ya cornéta nax daica̱x duü̃xü̃güca̱x nangemaxü̃, rü nüxü̃ chaxĩnü nax tagaãcü nügü nada̱i̱xü̃.

Yeremía 1:7

Natürü nüma ga Cori ya Tupana rü choxü̃ ñanagürü: —¡Taxṹ i nüxü̃ quixuxü̃ nax cungextü̱xüxü̃! Rü chanaxwa̱xe i cuxü̃ íchamuxü̃wa nax cuxũxü̃. Rü tá nüxü̃ quixu i ngẽma choma cuxü̃ chamuxü̃ nax nüxü̃ quixuxü̃.

2 Chamué 23:2

—Tupanaãxẽ ya Üünecü rü chowa narüdexa rü norü ore rü chorü conüwa nangẽxma.

Iraétanüxü̃arü muxchiga 23:20

Rü choxü̃ namu ya Tupana nax mexü̃ namaxã chaxueguxü̃ca̱x i ngẽma duü̃xü̃gü i Iraétanüxü̃ erü nümatama ya Tupana rü mexü̃ namaxã naxuegu rü ngẽmaca̱x i choma rü taxucürüwa chixexü̃ namaxã chaxuegu.

Iraétanüxü̃arü muxchiga 22:38

Rü nüma ga Balaáü̃ rü nanangãxü̃ rü ñanagürü: —Dücax, marü nua chaxũ nax cuxü̃ íchayadauxü̃ca̱x. Natürü i choma rü choxü̃́ nataxu i pora nax chauechamatama ta̱xacürü orexü̃ chixuxü̃ca̱x. Erü choma rü ngẽma Tupana chomaxã nüxü̃ ixuxü̃xicatama tá nixĩ i nüxü̃ chixuxü̃ —ñanagürü.

Ngechuchuarü ngúexü̃gü ga yamugüxü̃arü puracüchiga 2:4

Rü guxü̃ma ga yema yexmagüxü̃ rü Tupanaãxẽ ya Üünecü nüxna nangu. Rü inanaxügüe nax to ga nagawa yadexagüxü̃ yema Naãxẽ ya Üünecü naxwa̱xexü̃ãcüma.

Yeremía 6:11

Pa Corix, choma rü ta curüxü̃ poraãcüxüchi namaxã chanu i ngẽma duü̃xü̃gü i tama cuga ĩnüechaü̃xü̃. Rü tama yáxna chaxĩnü nax namaxã chanuxü̃ —ñachagürü. Rü yexguma ga nüma ga Cori ya Tupana rü ñanagürü choxü̃: —¡Ẽcü namaxã nanu i ngẽma namawa ngẽxmagüxü̃ i buxü̃gü rü ngẽma ngextü̱xü̃gütücumügü i chixexü̃gu maxẽxü̃! Rü ngẽma uanügü rü tá tüxü̃ ínayauxü̃ ya yíxema iyatüxe tümama̱xmaxã. Rü ngẽxgumarüxü̃ ta, tá tüxü̃ ínayauxü̃ ya yíxema o̱xigü rü yaxguã̱xgü.

Amúx 3:8

¿Rü texé ya tama muü̃maxã idu̱xruxe ega ngẽxguma wüxi i leóü̃ ingũ̱xunecüxügu? ¿Rü texé ya tama Tupanaégagu idexaxe ega nüma tüxü̃ namuxgu nax tidexaxü̃ca̱x?