Ngechuchuarü ngúexü̃gü ga yamugüxü̃arü puracüchiga 3:19 - Tupanaarü Ore

¹⁹ Rü ngẽmaca̱x, Pa Chauenexẽgüx, rü name nixĩ i nüxü̃ perüxoe i pecüma i chixexü̃, rü Tupanaca̱x pexĩ, rü peyaxõgü nax nüma pexü̃́ ínapiãxü̃ca̱x i perü pecadugü.

Ngechuchuarü ngúexü̃gü ga yamugüxü̃arü puracüchiga 3:19 Referans Kwoze

Ngechuchuarü ngúexü̃gü ga yamugüxü̃arü puracüchiga 2:38

Rü Pedru nanangãxü̃, rü ñanagürü: —¡Nüxü̃ perüxoe i pecüma i chixexü̃ rü Tupanaca̱x pedaugüe rü Ngechuchuégagu ípebaiü̃ nax pexü̃́ nüxü̃ nangü̃maxü̃ca̱x i perü pecadugü ya Tupana! Rü Tupana tá pexna nanamu i Naãxẽ ya Üünecü.

Ichaía 44:22

Rü choma nixĩ i pexü̃́ ichayanaxoxẽẽxü̃ i perü guxchaxü̃gü rü perü chixexü̃gü ñoma caixanexü̃ iyarüxoxgurüxü̃. ¡Rü ẽcü cha̱u̱xca̱x pewoegu! Erü choma nixĩ i pexü̃ íchanguxü̃xẽẽxü̃ nawa i perü chixexü̃” —ñanagürü.

Ichaía 43:25

Natürü i choma nax perü Tupana chixĩxü̃ rü tá íchanapigü rü nüxü̃ ichayarüngü̃ma i guxü̃ma i perü pecadugü rü chixexü̃gü i chope̱xewa pexüxü̃.

Ore i mexü̃ ga Matéu ümatüxü̃ 18:3

Rü ñu̱xũchi ñanagürü nüxü̃: —Dücax, aixcüma pemaxã nüxü̃ chixu, rü ngẽxguma tama nüxü̃ perüxoegu i ngẽma nax togüarü yexera pegü pixĩgüxẽẽchaü̃xü̃ rü ñu̱xũchi tama ñaa buxü̃rüxü̃ pegü íperüxíragu, rü taxucürüwa pichocu ya Tupana ãẽ̱xgacü ixĩxü̃wa.

Ore i mexü̃ ga Matéu ümatüxü̃ 13:15

Erü ngẽma duü̃xü̃gü rü tama nüxü̃ nacua̱xgüchaü̃ i chorü ore, rü ñoma napetamachi̱xegüxü̃rüxü̃ nixĩgü rü naxcha̱xwa napexetügü nax tama nüxü̃ nadaugüxü̃ca̱x i ngẽma mexü̃ i naxca̱x chaxüxü̃. Rü tama nüxü̃ naxĩnüechaü̃ i chorü ore, rü tama nüxü̃ nacua̱xgüchaü̃ nax choma chanaxwa̱xexü̃ãcüma namaxẽxü̃, rü tama cha̱u̱xca̱x nadaugüchaü̃ nax choma naxca̱x chayataanexẽẽgüxü̃ca̱x”, —ñanagürü.

Wiyaegü 51:9

¡Rü ẽcü choxü̃́ nüxü̃ irüngüma i chorü pecadugü, rü ínapi i guxü̃ma i chorü chixexü̃gü!

2 Tesalonicenses 1:7

Rü pema i ñu̱xma ngúxü̃ pingegüxü̃ rü Tupana tá tüxü̃ inarüngü̃güxẽxẽ. Rü ngẽma tá nanaxü ya Tupana i ngẽxguma üxüemagu daxũwa ne naxũxgu ya tórü Cori ya Ngechuchu ya Cristu wüxigu namaxã i norü orearü ngeruü̃gü i poraexü̃.

Auxexü̃chiga 3:40

Rü ngẽmaca̱x ¡ngĩxã aixcüma nagu tarüxĩnüe i tacüma, rü name rüe̱xna nachixe! ¡Rü ngĩxã Cori ya Tupanaca̱x tawoegu rü aixcüma naga taxĩnüe!

Ngechuchuarü ngúexü̃gü ga yamugüxü̃arü puracüchiga 11:21

Rü Tupana nüxü̃ narüngü̃xẽxẽ, rü nanaporaexẽxẽ. Rü yemaca̱x muxü̃ma ga yema duü̃xü̃gü rü nüxü̃ narüxoe ga nũxcümaü̃xü̃ ga nacümagü, rü Cori ya Ngechuchuaxü̃́ nayaxõgü.

Norü taxre ga popera ga Pedru ümatüxü̃ 3:8

Rü ñu̱xmax, Pa Chauenexẽgü ya Pexü̃ Changechaü̃güxex, tama chanaxwa̱xe i nüxü̃ ipeyarüngümae nax wüxitama i ngunexü̃ rü tórü Corica̱x rü 1,000 ya taunecürüxü̃ yixĩxü̃. Rü ngẽxgumarüxü̃ ta, 1,000 ya taunecü rü tórü Corica̱x rü wüxitama i ngunexü̃rüxü̃ yixĩxü̃.

Ngechuchuarü ngúexü̃gü ga yamugüxü̃arü puracüchiga 28:27

Erü naãxẽ i ngẽma duü̃xü̃gü rü chixexü̃maxã nanapa, rü naxmachixẽ rü narüdüxtagü, rü naxetügü rü ninuxgü. Rü ngẽmaãcü nangupetü nax tama nüxü̃ nadaugüxü̃ca̱x rü tama nüxü̃ naxĩnüexü̃ca̱x rü tama chauga naxĩnüexü̃ca̱x rü tama cha̱u̱xca̱x nawoeguxü̃ca̱x nax ngẽmaãcü choma naxca̱x chayataanexẽẽgüxü̃ca̱x’ ”, —ñanagürü ga Tupanaãxẽ ya Üünecü.

Nüxíraxü̃xü̃ ga popera ga Pedru ümatüxü̃ 2:25

Rü pema ga ü̃pa rü ñoma carnérugü i irütauxexü̃rüxü̃ pixĩgü. Natürü i ñu̱xma rü marü Cristuca̱x pewoegu. Rü nüma nixĩ i perü dauruxü̃ yixĩxü̃, rü nüma nixĩ i pexna nadauxü̃.

2 Tesalonicenses 1:10

Rü ngẽmaãcü tá ngẽma duü̃xü̃gümaxã nangupetü i ngẽxguma tórü Cori ya Ngechuchu núma ũxgu nax norü duü̃xü̃gü i üünexü̃ nüxü̃ icua̱xüü̃güxü̃ca̱x. Rü guxü̃ma i yaxõgüxü̃ rü tá naba̱i̱xãchiãẽgü rü nataãẽgü i ngẽxguma nüxü̃ nadaugügu. Rü pema rü tá ta ngéma pengẽxmagü, yerü peyaxõgü ga yema Tupanaarü ore ga pemaxã nüxü̃ tixuxü̃.

Ngechuchuarü ngúexü̃gü ga yamugüxü̃arü puracüchiga 11:18

Rü yexguma yema orexü̃ naxĩnüegu ga yema yaxõgüxü̃ ga Yerucharéü̃cüã̱x, rü nachianegümare. Rü Tupanaxü̃ nicua̱xüü̃gü. Rü ñanagürügü: —Rü ngẽmawa nüxü̃ tacua̱x nax Tupana tüxü̃ dexü̃ ya yíxema woo tama Yudíugü ixĩgüxe. Rü ngẽxguma nüxü̃ tarüxoegu i tümaarü chixexü̃ rü Tupanaca̱x tadaugügu, rü nüma tüxna nanaxã i maxü̃ i taguma gúxü̃ —ñanagürügü.

Ore i mexü̃ ga Luca ümatüxü̃ 1:16

Rü nüma rü tá norü Cori ya Tupanaca̱x nanawoeguxẽxẽ i muxü̃ma i Iraétanüxü̃.

Ochéa 14:2

Rü name nax ñaãcü peyumüxẽgüxü̃ rü ñaperügügü: —¡Pa Torü Cori ya Tupanax, rü toxü̃́ nüxü̃ irüngüma i guxü̃ma i torü chixexü̃gü! ¡Rü mea toxü̃́ nayaxu i ñaa torü cua̱xüxü̃ i cuxna taxãxü̃!

Danié 9:13

Rü guxü̃ma ga yema chixexü̃ rü toxna nangu yematama Moiché ümatüxü̃ ga mugüwa nüxü̃ ixuxü̃rüxü̃. Natürü ga toma rü tama cuxca̱x tadaugü, Pa Cori Pa Torü Tupanax. Rü tama nüxü̃ tarüxoe ga yema torü chixexü̃gü, rü tama nagu tamaxẽ ga curü ore i aixcüma ixĩxü̃.

Romanos 11:25

Pa Chauenexẽgü i Yaxõgüxü̃x, nangẽxma i wüxi i ore ga noxri tama duü̃xü̃güxü̃ nüxü̃ nacua̱xẽẽxü̃ ga Tupana. Natürü chanaxwa̱xe i nüxü̃ pecua̱x i ngẽma ore nax tama nagu perüxĩnüexü̃ca̱x nax duü̃xü̃gü i nüxü̃ cua̱xüchixü̃ pixĩgüxü̃, rü pexicatama Tupana pexü̃ dexü̃. Rü dücax, nangẽxmagü i Iraétanüxü̃ i tama yaxõgüchaü̃xü̃. Rü ngẽmaãcü tá nixĩ ñu̱xmatáta yaxõgüã i guxü̃ma i ngẽma tama Yudíu ixĩgüxü̃ ya Tupana dexü̃.

Ngechuchuarü ngúexü̃gü ga yamugüxü̃arü puracüchiga 17:26

Nüma rü wüxi ga duü̃xü̃watama nanaxü ga guxü̃ma ga duü̃xü̃gü nax guxü̃ i naanewa nangẽxmagüxü̃ca̱x. Rü nüma inaxuneta i ñuxgu tá nax nabuxü̃ i duü̃xü̃gü rü ngexta tá naxãchiü̃xü̃ i wüxichigü.

Ngechuchuarü ngúexü̃gü ga yamugüxü̃arü puracüchiga 15:3

Rü yemaacü ga yema yaxõgüxü̃ ga Antioquíacüã̱x rü Yerucharéü̃wa nanamugü ga yema yatügü nax naxca̱x íyacagüxü̃ca̱x rü yamexẽẽgüãxü̃ca̱x ga yema wiecha̱xmüü̃pe̱xechiraü̃chiga. Rü Feníchiaanewa rü Chamáriaanewa nachopetü ga Pauru rü Bernabé. Rü yéma rü duü̃xü̃gümaxã nüxü̃ nixugüe nax yema tama Yudíugü ixĩgüxü̃ rü nüxü̃ nax naxoexü̃ ga nũxcümaü̃xü̃ ga nacümagü nax Tupanawe naxĩxü̃ca̱x. Rü yema oremaxã poraãcü nanataãẽxẽẽgü ga guxü̃ma ga yema yaxõgüxü̃.

Ngechuchuarü ngúexü̃gü ga yamugüxü̃arü puracüchiga 3:21

Natürü i ñu̱xma rü Tupana nanaxwa̱xe i daxũguxü̃ i naanegu nax naxã́ũxü̃ ya Ngechuchu ñu̱xmatáta nüma ya Tupana wena namexẽẽãgu i guxü̃ma i ñoma i naanewa ngẽxmaxü̃. Yerü yemaacü nixĩ ga nüxü̃ yaxuxü̃ ga Tupana nawa ga nũxcümaü̃güxü̃ ga norü orearü uruü̃gü ga ixüünexü̃.

Ngechuchuarü ngúexü̃gü ga yamugüxü̃arü puracüchiga 1:6

Rü yema duü̃xü̃gü ga Ngechuchuxü̃tagu ngutaque̱xegüxü̃ rü nüxna naca rü ñanagürügü nüxü̃: —Pa Corix, ¿ẽ̱xna ñu̱xma tá nixĩ i marü ícunawoxü̃xü̃ i nua tochixü̃anewa i torü uanügüarü churaragü nax wenaxarü tomatama namaxã itacuáxü̃ca̱x i ñaa Iraéane? —ñanagürügü.

Joel 2:13

Rü ngẽmaca̱x i ñu̱xma rü name nixĩ i naxca̱x pewoegu ya Cori ya Tupana. Rü natüca̱xmamare nixĩ nax perü ngechaü̃maxã pegüchirugu pegáugüexü̃. Erü ngẽma nüma nanaxwa̱xexü̃ nixĩ nax aixcüma nüxü̃ perüxoexü̃ i perü chixexü̃. Erü nüma ya Cori ya Tupana rü namecüma rü nüxü̃́ pengechaü̃tümüxü̃, rü yáxna pemaxã naxĩnü, erü pexü̃ nangechaü̃. Rü nüma rü ínamemare nax íyachaxãchixẽẽãxü̃ i ngẽma poxcu i pemaxã naxueguxü̃.

Auxexü̃chiga 5:21

¡Pa Corix, cugüca̱x toxü̃ nawoeguxẽxẽ! Rü toma rü tá cuxca̱x tawoegu. ¡Rü toxca̱x nataeguxẽxẽ ga yema taãxẽ ga ü̃pa toxü̃́ yexmaxü̃!

Yeremía 50:20

Rü choma ya Cori ya Tupana rü ñachagürü: “Ngẽxguma ngẽma Iraéanecüã̱xgü rü Yudáanecüã̱xgü woeguxgu, rü yema duü̃xü̃gü ga maxẽãcü yéma íyaxügüxü̃ rü choma rü tá nüxü̃́ nüxü̃ charüngüma i norü chixexü̃gü. Rü ngẽmaãcü i nümagü rü tá nawa ínanguxü̃ i norü chixexü̃gü rü norü pecadugü ga naxügüxü̃”, ñachagürü.

Ichaía 61:9

Rü guxü̃ma i nachixü̃anegüwa rü tá natachiga i petaagü. Rü ngẽxguma duü̃xü̃gü nüxü̃ daugügu rü tá nüxü̃ nicua̱xãchitanü nax Tupana petaagüxü̃ narüngü̃xẽxẽxü̃.

Ichaía 61:3

Rü ngẽma Chióü̃cüã̱xgü i ngúxü̃ ingegüxü̃, rü Tupana choxü̃ namu nax chanataãẽxẽẽgüxü̃ca̱x nax tama yexü̃cürü ngechaü̃ãcü tanimacaétüwa natogüeechaxü̃ca̱x. Erü nüma ya Tupana rü nanaxwa̱xe nax taãẽxü̃ nanguxuchixü̃ i norü ngechaü̃gü rü taãẽruxü̃ i wiyaegüxü̃ nanguxuchixü̃ i norü ĩ̱xãchiãẽgü. Rü ngẽxguma i duü̃xü̃gü rü tá pexü̃ ñanagürügü: —Tupana rü ñoma poraxü̃ i naigü i roblegü i nüma inatogüxü̃rüxü̃ pewa nanango̱xẽxẽ i norü pora —ñanagürügü tá pexü̃.

Ichaía 51:11

Rü ngẽxgumarüxü̃ i ñu̱xma rü aixcüma tá nawoegu i ngẽma Iraétanüxü̃ i Babiróniaanecüã̱xme̱xẽwa ícunguxü̃xẽẽxü̃. Rü taãẽãcü tá nawiyaegü rü ngẽmaãcü tá Chióü̃gu nachocu. Rü guxü̃gutáma nataãẽchametügü rü ngẽma axu rü ngúxü̃gü rü tá narüxogü.

Ichaía 6:10

Rü ngexrüma nax chorü oremaxã cuyaxucu̱xẽgüxü̃ i ñaa duü̃xü̃gü i norü ĩnügutama rüxĩnüexü̃, erü taxũtáma cuga naxĩnüe. Rü nüetama ega nügü yangauxchixexẽẽgu na̱xcha̱xwa i chorü ucu̱xẽgü nax tama nüxü̃ naxĩnüexü̃ca̱x. Rü nüetama ega nügü yangexetügu na̱xcha̱xwa i ngẽma mexü̃ i naxca̱x chaxüxü̃ nax tama nüxü̃ nadaugüxü̃ca̱x rü ngẽmaãcü tama cha̱u̱xca̱x nawoeguxü̃ca̱x nax choma naxca̱x chayataanexẽẽgüxü̃ca̱x” —ñanagürü choxü̃.

Wiyaegü 103:12

Rü ngẽma tórü chixexü̃gü rü marü tüxna nanayáxü̃guxẽxẽ ñoma éste rü oéste nügüna nax nanayáxü̃guxẽẽxü̃rüxü̃.

Yema Cuáü̃ nüxü̃ dauxü̃ i yixcüra tá ngupetüxü̃chiga 21:4

Rü nüma tá ínanapi i naxgüü̃xẽtü i guxü̃ma i ngẽma duü̃xü̃gü. Rü marü taxũtáma texé tayu, rü taxũtáma texé tümaarü ngechaü̃maxã taxaxu, rü taxũtáma texé ngúxü̃ tingegü. Erü guxü̃ma ga yema noxri yexmaxü̃ rü marü inayarüxo”, ñanagürü.

Norü taxre ga popera ga Timutéuca̱x naxümatüxü̃ ga Pauru 2:25

Rü wüxi i Tupanaarü puracütanüxü̃ rü name nax yáxna namaxã naxĩnüãcüma mea nayaxucu̱xẽgüãxü̃ i ngẽma duü̃xü̃gü i tama irüxĩnüechaü̃xü̃. Rü name i ínanangu̱xẽxẽ nax Tupana nüxü̃ rüngü̃xẽẽgüxü̃ i ngẽma duü̃xü̃gü nax naxca̱x nawoeguxü̃ca̱x rü nüxü̃ nacua̱xãchitanüxü̃ca̱x i ngẽma ore i aixcüma ixĩxü̃.

Yeremía 36:3

Rü ngẽxguma ngẽma Yudáanecüã̱xgü nüxü̃ nacuáchigagügu i ngẽma poxcu i nagu charüxĩnüxü̃ nax naxca̱x íchananguxẽẽxü̃ rü bexmana tá nüxü̃ naxoe i nacüma i chixexü̃, rü choma rü tá nüxü̃́ nüxü̃ charüngüma i ngẽma norü chixexü̃gü rü norü pecadugü —ñanagürü ga Tupana.

Echequié 33:11

Natürü choma ya Cori ya Tupana rü chauégagu nüxü̃ chixu nax tama chanaxwa̱xexü̃ nax texe tümaarü pecadugu yuxü̃. Natürü ngẽma chanaxwa̱xexü̃ nixĩ nax nüxü̃ tarüxoxü̃ i tümacüma i chixexü̃ nax ngẽmaãcü tüxü̃́ nangẽxmaxü̃ca̱x i maxü̃. Pa Iraétanüxü̃x, ¡nüxna pixĩgachitanü i ngẽma chixexü̃ i nacüma i nagu pemaxẽxü̃! ¿Rü ta̱xacüca̱x yuwa pegü pexĩxẽxẽ?

Ngechuchuarü ngúexü̃gü ga yamugüxü̃arü puracüchiga 3:20

Rü ngẽxguma i nüma rü tá pexü̃ nataãẽgüxẽxẽ, rü tá núma nanamu ya Ngechuchu ga noxritama naane ixügügu rü pexca̱x nüxü̃ naxunetacü nax perü ãẽ̱xgacü ya Cristu yixĩxü̃ca̱x.

Popera ga Yudíugü ga yaxõgüxü̃ca̱x ümatüxü̃ 4:1

Rü ngẽmaca̱x i ñu̱xma nax Tupana tamaxã ixunetaxü̃ nax nügüxü̃tawa tá tüxü̃ yachocuxẽẽxü̃ nax ngẽxma rüngü̃ẽxü̃ca̱x, rü tanaxwa̱xe i taxũãẽgü, nax tama ngürüãchi wüxíe i tatanüwa tama ngẽxma taxücuxü̃.

Ore i mexü̃ ga Luca ümatüxü̃ 22:57

Natürü ga Pedru rü nügü nixã, rü ñanagürü: —Pa Ngecüx, choma rü tama nüxü̃ chacua̱x ya yimá Ngechuchu —ñanagürü.