Ngechuchuarü ngúexü̃gü ga yamugüxü̃arü puracüchiga 3:17 - Tupanaarü Ore

¹⁷ Rü dücax i ñu̱xma Pa Chauenexẽgüx, rü yexguma pema rü wüxigu perü ãẽ̱xgacügümaxã peyama̱xgügu ga Ngechuchu, rü tama nüxü̃ pecua̱xgü ga ta̱xacü nax pexüexü̃.

Ngechuchuarü ngúexü̃gü ga yamugüxü̃arü puracüchiga 3:17 Referans Kwoze

Ore i mexü̃ ga Luca ümatüxü̃ 23:34

Rü yexguma Ngechuchuxü̃ curuchawa íyapotagüyane, rü ñanagürü ga Ngechuchu: —Pa Chaunatüx, ¡nüxü̃ nangechaü̃ i ñaa duü̃xü̃gü, erü tama nüxü̃ nacua̱xgü nax ta̱xacürü chixexü̃ naxüexü̃! —ñanagürü. Rü yema churaragü rü nanade ga Ngechuchuchiru. Rü ñu̱xũchi wüxi ga diẽru ngĩxü̃ nañanagügü nax yemawa nüxü̃ nacua̱xgüxü̃ca̱x nax texéarü tá yixĩxü̃ ga yema Ngechuchuchiru.

Ngechuchuarü ngúexü̃gü ga yamugüxü̃arü puracüchiga 13:27

Rü aixcüma yema Yerucharéü̃cüã̱xgü ga duü̃xü̃gü rü yema norü ãẽ̱xgacügü rü tama nüxü̃ nacua̱xgü nax Tupana Nane yixĩxü̃ ga Ngechuchu. Rü tama mea nüxü̃ nacua̱xgü nax ta̱xacüchiga yixĩxü̃ ga yema ore ga nũxcümaü̃güxü̃ ga Tupanaarü orearü uruü̃gü ümatüxü̃ i ñu̱xma perü ngutaque̱xepataü̃wa nüxü̃ pedaumatügüxü̃ i wüxichigü i ngü̃xchigaarü ngunexü̃gu. Rü yema duü̃xü̃gü ga Ngechuchuxü̃ ima̱xgüxü̃ rü nawa ningu ga yema ore ga nũxcüma ümatüxü̃.

1 Corintios 2:8

Natürü yema Tupana nagu rüxĩnüxü̃, rü taxuxü̃ma ga ñoma ga naanecüã̱x ga ãẽ̱xgacügü nüxü̃ nacua̱x. Yerü yexguma chi aixcüma nüxü̃ nacua̱xgügu ga yema Tupana nagu rüxĩnüxü̃ rü taxũchima curuchawa nayapotagü ga tórü Cori ya Cristu.

Ore i mexü̃ ga Cuáü̃ ümatüxü̃ 16:3

Rü ngẽmaãcü tá pemaxã namaxẽ i duü̃xü̃gü, erü taguma nüxü̃ nacua̱xgü ya Chaunatü, rü taguma choxü̃ nacua̱xgü.

Nüxíraxü̃xü̃ ga popera ga Timutéuca̱x naxümatüxü̃ ga Pauru 1:13

Rü woo ga ü̃pa ga choma rü chixri nachiga chidexa ga Cristu, rü nawe chingẽchigü ga yema nüxü̃́ yaxõgüxü̃ rü chixexü̃ Cristumaxã chixugü, natürü ga Tupana rü nüxü̃́ changechaü̃tümüxü̃, yerü tauta Cristuaxü̃́ chayaxõ rü tama nüxü̃ chacua̱x nax tama namexü̃ ga yema chaxüxü̃.

2 Corintios 3:14

Natürü yema Iraétanüxü̃ ga Moichéxü̃ íixümücügüxü̃ rü tama nüxü̃ nacua̱xgüéga ga ta̱xacüchiga nax yixĩxü̃ ga yema mugü. Rü ñu̱xma rü ta i ngẽma Yudíugü rü ngẽxguma nawa nangúegu i ngẽma mugü rü tama nüxü̃ nacua̱xgüéga. Erü naãxẽgüwa rü ñoma yadüxgüchiwexü̃rüxü̃ nixĩgü, rü ngẽma nixĩ i nüxü̃́ naguxchaxẽẽxü̃ nax nüxü̃ nacua̱xgüxü̃ca̱x i ngẽxguma nüxü̃ nadaumatügügu i ngẽma mugü. Rü ñu̱xma rü ta tama nüxna ínanguéga i ngẽma nacüma i ñoma yadüxgüchiwexü̃rüxü̃ ixĩxü̃, erü Cristuxicatama nixĩ ya yimá nüxna ínanguxẽẽcü.

Romanos 11:2

Rü nũxcümamatama Tupana Iraétanüxü̃maxã inaxuneta nax norü duü̃xü̃gü yixĩgüxü̃ca̱x, rü ñu̱xma rü tama Yudíugüxü̃ naxo. ¿Tama ẽ̱xna nüxü̃ pecua̱x nax ñuxũ ñaxü̃ ga Tupanaarü orearü uruxü̃ ga Ería? Rü Tupanaarü orewa nüxü̃ tadaugü rü Ería rü Tupanape̱xewa poraãcü yema Yudíugüxü̃ nixugü.

Ngechuchuarü ngúexü̃gü ga yamugüxü̃arü puracüchiga 26:9

Rü noxri ga choma rü ta rü nagu charüxĩnü nax chayanaxoxẽẽxü̃ ga yema Ngechuchu ya Nacharétucüã̱xaxü̃́ yaxõgüxü̃.

Ngechuchuarü ngúexü̃gü ga yamugüxü̃arü puracüchiga 7:40

Rü tórü o̱xigü rü Moichéenexẽ ga Aróü̃xü̃ ñanagürügü: “¡Rü toxca̱x naxü i tupanachicüna̱xãgü nax nawe tarüxĩxü̃ca̱x! Erü tama nüxü̃ tacua̱xgü i ta̱xacü nüxü̃ nax üpetüxü̃ i ngẽma Moiché ga Equítuanewa tüxü̃ ígaxü̃xü̃”, ñanagürügü.

Ore i mexü̃ ga Cuáü̃ ümatüxü̃ 7:52

Rü yexguma ga natanüxü̃ rü nanangãxü̃gü, rü ñanagürügü nüxü̃: —¿Ẽ̱xna cuma rü ta Gariréaanecüã̱x quixĩ? ¡Nawa nangu̱x i Tupanaarü ore i ümatüxü̃ rü ngéma tá nüxü̃ cudau rü taxuxü̃táma i Tupanaarü orearü uruxü̃ i Gariréaanewa ne ũxü̃! —ñanagürügü.

Iraétanüxü̃arü muxchiga 22:6

¡Rü paxa nua naxũ, Pa Balaáü̃x, rü chaugagu chixexü̃ namaxã naxuegu i ngẽma duü̃xü̃gü! Erü tá toxü̃ narüporamaegü. Rü bexmana ega chixexü̃ namaxã cuxuegugu rü tá choxü̃́ natauxcha nax nüxü̃ charüporamaexü̃ rü íchawoxü̃xü̃ i nua chauchixü̃anewa. Rü choma rü meama nüxü̃ chacua̱x rü ngẽxguma ta̱xacümaxã mexü̃ cuxuegugu rüe̱xna chixexü̃ namaxã cuxuegugu, rü guxü̃guma aixcüma ningu —ñanagürü.

Ínachoxü̃xü̃chiga 32:1

Rü yexguma tama paxa ínaxĩ̱xgu ga Moiché ga guma ma̱xpǘnewa, rü yema Iraétanüxü̃ rü Aróü̃ca̱x naxĩ rü ñanagürügü nüxü̃: —Tanaxwa̱xe i toxü̃́ cunaxü i wüxi i naxchicüna̱xã nax namaxã tatupanaã́xü̃ca̱x erü tama nüxü̃ tacua̱x nax ta̱xacü nüxü̃ ngupetüxü̃ i ngẽma Moiché ga Equítuanewa tüxü̃ ígaxü̃xü̃ —ñanagürügü.

Naanearü ügüchiga 44:15

Rü yexguma ga Yúche rü nüxna naca, rü ñanagürü: —¿Ta̱xacü nixĩ i pexüxü̃ i pemax? ¿Tama ẽ̱xna nüxü̃ pecua̱x nax tüxü̃ chacua̱xamaxü̃ ega ta̱xacü ixüxgux? —ñanagürü.

Naanearü ügüchiga 39:8

Natürü nüma ga Yúche rü ngĩxü̃ naxo. Rü ngĩxü̃ nangãxü̃ rü ñanagürü: —Dücax, chorü cori marü cho̱xme̱xwa nanangexmaxẽxẽ i guxü̃ma i norü ngẽmaxü̃gü nax namaxã ichacuáxü̃ca̱x. Rü ñu̱xma nax choma chanuxmaxü̃, rü taxuca̱xma naxoegaãxẽ i nümax.

Naanearü ügüchiga 21:26

Rü yexguma nüma ga Abimeréx rü Abraáü̃xü̃ nangãxü̃ rü ñanagürü: —Chomax, rü taguma nüxü̃ chacuáchiga i ngẽma, erü taguma chomaxã nüxü̃ quixu. Rü tama nüxü̃ chacua̱x nax texé naxüxü̃ ga yema —ñanagürü.

Filipenses 1:22

Rü ñu̱xma nax chamaxü̃xü̃ rü choxü̃́ natauxcha nax chanaxüxü̃ i tórü Coriarü puracü. Rü ngẽmaca̱x tama nüxü̃ chacua̱x i ta̱xacü nixĩ i rümemaexü̃ i cha̱u̱xca̱x, ngẽma nax chayuxü̃ rü ẽ̱xna nax chamaxü̃xü̃.

Ore i mexü̃ ga Luca ümatüxü̃ 23:13

Rü yexguma ga Pirátu rü nanangutaque̱xexẽxẽ ga yema chacherdótegüarü ãẽ̱xgacügü, rü yema Yudíugüarü ãẽ̱xgacügü, rü guxü̃ma ga duü̃xü̃gü ga yéma yexmagüxü̃.

Ore i mexü̃ ga Cuáü̃ ümatüxü̃ 15:21

Rü ngẽmaãcü ta chaugagu pexchi naxaie i ñoma i naanecüã̱x i duü̃xü̃gü erü tama nüxü̃ nacua̱xgü ya Chaunatü ga núma choxü̃ mucü.

Ngechuchuarü ngúexü̃gü ga yamugüxü̃arü puracüchiga 22:5

Rü nüma ya chacherdótegüaru ãẽ̱xgacü rü guxü̃ma ya Tupanapata ya taxü̃nearü ãẽ̱xgacügü rü nüxü̃ nacua̱xgü nax aixcüma yixĩxü̃ i ñaa chorü ore. Yerü nümagü rü choxna nanaxã ga popera nax choxü̃ nangü̃xẽẽgüxü̃ca̱x ga tatanüxü̃ ga Yudíugü ga Damácuwa yexmagüxü̃. Rü yéma Damácuwa chaxũ nax naxca̱x chayadauxü̃ca̱x ga yema Ngechuchuaxü̃́ yaxõgüxü̃, rü nua Yerucharéü̃wa nax chanagagüxü̃ca̱x rü chanapoxcuexü̃ca̱x.

Ngechuchuarü ngúexü̃gü ga yamugüxü̃arü puracüchiga 28:21

Rü nümagü nanangãxü̃gü, rü ñanagürügü: —Toma rü taxuxü̃ma i popera i Yudéawa ne muxü̃ i cuchiga ümatüxü̃ tayauxgü. Rü ngẽma taenexẽgü i ngéma ne ĩxü̃ rü núma ngugüxü̃ rü bai i wüxi i nüxü̃ ixuxü̃ i ta̱xacürü ore i chixexü̃ i cuchiga.

Efesios 4:18

Erü Chataná rü nanatoãẽgü i ngẽma duü̃xü̃gü nax chixexü̃gu naxĩnüexü̃ca̱x. Rü ngẽmaca̱x nüxü̃́ nataxuma i maxü̃ i taguma gúxü̃ i Tupanawa ne ũxü̃, erü tama nüxü̃ nacua̱xgüchaü̃.