Ngechuchuarü ngúexü̃gü ga yamugüxü̃arü puracüchiga 3:13 - Tupanaarü Ore13 Tórü o̱xigü ga Abraáü̃ rü Ichaá rü Acóbu rü togü ga tórü o̱xigü rü nüxü̃́ nayaxõgü ga Tupana. Rü yimátama Tupana nixĩ ya ñu̱xma Ngechuchuxü̃ tachigaxẽẽcü, nax guxü̃arü yexera yixĩxü̃ca̱x. Rü gumátama Ngechuchu ya Tupanaarü ngü̃xẽẽruxü̃ ixĩcü nixĩ ga pema ãẽ̱xgacü ga Pirátuxü̃tawa penagagücü. Rü yexguma nüxü̃ yangéxchaü̃gu ga Pirátu, rü pema rü tama penaxwa̱xegü nax yange̱xãxü̃. Gade chapit la |
Ngechuchuarü ngúexü̃gü ga yamugüxü̃arü puracüchiga 3:13
46 Referans Kwoze
Natürü ngẽma nüxü̃ idauxü̃ nixĩ ya Ngechuchu. Rü yexguma Tupana ñoma ga naanewa namuãgu rü paxaãchi norü orearü ngeruü̃gü ga daxũcüã̱xgüarü ñaxtüwaama nayexma. Natürü i ñu̱xma ya Tupana rü Ngechuchuxü̃ naporaxẽxẽ rü nanataxẽxẽ rü guxü̃arü ãẽ̱xgacü nayaxĩxẽxẽ yerü ngúxü̃ ninge rü guxü̃ma ga duü̃xü̃güca̱x nayu. Rü nüma ga Tupana rü poraãcü duü̃xü̃güxü̃ nangechaxü̃ rü yemaca̱x nixĩ nax nayuxü̃ ga Cristu nax yemaacü namaxẽxẽẽãxü̃ca̱x i guxü̃ma i duü̃xü̃gü.
Natürü ga nümagü rü aita naxüe, rü ñanagürügü: —Tanaxwa̱xe nax nayuxü̃. Rü ¡curuchawa yapota! —ñanagürügü. Rü Pirátu nüxna naca rü ñanagürü nüxü̃: —¿Ñuxãcü i choma rü ichanamu nax curuchawa yapotagüãxü̃ca̱x ya perü ãẽ̱xgacü? —ñanagürü. Natürü ga chacherdótegüarü ãẽ̱xgacügü rü Pirátuxü̃ nangãxü̃gü, rü ñanagürügü: —Yimá ãẽ̱xgacü ya Chécharu ya Rómawa ngẽxmacü rü yimá nixĩ ya torü ãẽ̱xgacü, rü nataxuma i to —ñanagürügü.
Rü yemawena rü Pirátu nagu narüxĩnü ga ñuxãcü Ngechuchuxü̃ nax ínanguxuchixẽẽxégaxü̃. Natürü yema Yudíugü rü poraãcü aita naxüe, rü ñanagürügü: —Ngẽxguma tá ícunanguxuchixẽẽ̱xgu rü tama curü ãẽ̱xgacü ya Chécharuxü̃ cungechaü̃. Erü ngexerüxe ya ãẽ̱xgacüxü̃ tügü ingucuchixẽẽ́xẽ, rü Rómacüã̱x ya ãẽ̱xgacü ya Chécharuarü uanü tixĩ —ñanagürügü.
Rü ngẽxgumarüxü̃ ta chanaxwa̱xe nax pexü̃ nangü̃xẽẽxü̃ rü pexü̃ nataãẽxẽẽxü̃ ya Ngechuchu ya Cristu ga meama nüxü̃ ixucü ga Tupanachiga ga ñoma ga naanewa. Rü nüma nixĩ ga nüxíra yuwa ínadaxü̃. Rü nüma nixĩ i namaxã inacuáxü̃ i guxü̃ma i ñoma i naanewa ngẽxmagüxü̃ i nachixü̃anegüarü ãẽ̱xgacügü. Rü nüma rü tüxü̃ nangechaü̃, rü nagümaxã tüxü̃́ inayanaxoxẽxẽ i tórü pecadugü.
Rü ñanagürü ta ga Ngechuchu: “Chaunatü choxna nanaxã i guxü̃ma i ta̱xacü i nüxü̃́ ngẽxmaxü̃. Rü Chaunatüxicatama choxü̃ nacua̱x nax texé chixĩxü̃ i choma i Nane. Rü tama guxü̃ma i duü̃xü̃gü aixcüma nüxü̃ nacua̱x ya Chaunatü. Rü choma ya Nane, rü ñu̱xũchi ngẽma duü̃xü̃gü i Chaunatüxü̃ nüxü̃ chacua̱xẽẽchaü̃xü̃xicatama nixĩ i aixcüma Chaunatüxü̃ cua̱xgüxü̃.
Natürü nüma ga Moiché rü Tupanaxü̃ nangãxü̃ rü ñanagürü: —Natürü ngẽxguma chi ngẽma Iraétanüwa chaxũxgu rü ñachagu namaxã: “Yimá perü o̱xigüarü Tupana nua petanüwa choxü̃ namu”, ñachagu namaxã, rü nümagü rü tá choxna nacagü rü: “¿Ta̱xacü nixĩ i naéga ya yimá Tupana ya tomaxã nüxü̃ quixucü?” ñanagürügü tá choxü̃. ¿Rü ta̱xacümaxã tá chanangãxü̃xü̃ i ngẽxguma? —ñanagürü ga Moiché.
Rü ñanagürü ta ga Tupana Moichéxü̃: —¡Rü namaxã nüxü̃ ixu i ngẽma Iraétanüxü̃, rü ñacugürü tá: “Nüma ya Cori ya Tupana ya perü o̱xigüarü Tupana ya Abraáü̃arü rü Ichaáarü rü Acóbuarü Tupana, rü guma nixĩ ga petanüwa choxü̃ mucü”, ñacugürü tá nüxü̃! Rü Cori ya Tupana nixĩ i chauéga i tagutáma iyagúxü̃. Rü ngẽma chauégamaxã tá nixĩ i guxü̃gutáma duü̃xü̃gü choxü̃ cuáxü̃.
¡Rü taxṹ i togüxü̃ pixuxü̃! Rü ngẽxguma ya Tupana rü taxũtáma pexü̃ nixu. ¡Rü taxṹ i Tupanaarü poxcu namaxã pexueguxü̃ i togü! Rü ngẽxguma ya Tupana rü taxũtáma poxcu pemaxã naxuegu. ¡Rü nüxü̃́ nüxü̃ perüngümae i norü chixexü̃ i togü! Rü ngẽxguma ya Tupana rü tá pexü̃́ nüxü̃ narüngüma i perü chixexü̃.
Natürü ngẽma ñu̱xma cumaxã nüxü̃ chixuxü̃ nixĩ nax chorü o̱xigüarü Tupanaaxü̃́ chapuracüxü̃ yema Ngechuchu ya Cristu toxü̃ muxü̃ãcü. Rü ngẽma nixĩ i nüma i Yudíugü nüxü̃ ixugügu nax tomare i ore yixĩxü̃. Rü choma rü nüxü̃́ chayaxõ i guxü̃ma i ngẽma mugü ga Moiché ümatüxü̃ rü guxü̃ma i Tupanaarü ore ga nũxcümaü̃güxü̃ ga norü orearü uruü̃gü ümatügüxü̃.
Piblisite