Ngechuchuarü ngúexü̃gü ga yamugüxü̃arü puracüchiga 28:8 - Tupanaarü Ore

⁸ Rü guxema Púbiru nanatü rü ngürücarewa tayexma, yerü tixaxüne rü taduü̃. Rü tüxü̃ ínayadau ga Pauru, rü tümamaxã nayumüxẽ, rü tümaétügu naxǘxme̱x, rü tüxü̃ narümexẽxẽ.

Ngechuchuarü ngúexü̃gü ga yamugüxü̃arü puracüchiga 28:8 Referans Kwoze

Ngechuchuarü ngúexü̃gü ga yamugüxü̃arü puracüchiga 9:40

Rü Pedru rü düxétüwa nanamugü ga guxü̃ma ga yema duü̃xü̃gü. Rü inacaxã́pü̱xü, rü nayumüxẽ. Rü ñu̱xũchi ngĩxca̱x nadauegu ga yema yuxcü, rü ñanagürü: —Pa Tabitáx, ¡Írüda! —ñanagürü. Rü yexguma ga ngĩma rü iyadauuchixetü. Rü yexguma Pedruxü̃ nada̱u̱xgu, rü íirüto.

Ore i mexü̃ ga Márcu ümatüxü̃ 6:5

Rü yemaca̱x taxuacüma yéma nanaxü ga muxü̃ma ga mexü̃gü ga Tupanaarü poramaxã naxüxü̃. Rü noxretama ga duü̃xü̃gü ga ida̱xaweexü̃xü̃xicatama ningõgü nax naxca̱x yataanegüxü̃ca̱x.

Ore i mexü̃ ga Márcu ümatüxü̃ 16:18

Rü naxme̱xmaxã tá nüxü̃ nayayauxãchi i ãxtapegü. Rü ngẽxguma yaxaxgüãgu i ta̱xacü i nawa iyuxü̃, rü taxũtáma nanachixexẽxẽ. Rü tá tüxü̃ ningõgügü ya ida̱xaweexe rü tá tümaca̱x nitaanegü —ñanagürü.

Ore i mexü̃ ga Matéu ümatüxü̃ 9:18

Rü yexguma ínangúexẽẽtaeyane ga Ngechuchu, rü naxü̃tawa nangu ga wüxi ga Yudíugüarü ãẽ̱xgacü. Rü Ngechuchupe̱xegu nayacaxã́pü̱xü, rü ñanagürü nüxü̃: —Pa Corix, chauxacü rü ngexwaca iyu. Natürü ngẽxguma chi ngéma cuxũxgu rü ngĩxü̃ quingõgügu, rü wena chixarü imaxü̃ —ñanagürü.

1 Corintios 12:28

Rü ngẽmaca̱x ya Tupana rü nanaxwa̱xe nax mea nügü inanuxü̃ i ngẽma yaxõgüxü̃. Rü yíxema tüxíra tüxü̃ naxunetagüxe tixĩ ya yíxema norü puracüwa tüxü̃ namugüxe. Rü ngẽmawena tüxü̃ naxuneta ya toguxegü nax nüxü̃ tixugüxü̃ca̱x i norü ore. Rü ngẽmawena tüxü̃ naxuneta ya toguxegü nax duü̃xü̃güxü̃ tangúexẽẽxü̃ca̱x i norü ore. Rü ngẽxgumarüxü̃ ta tüxü̃ naxuneta ya toguxegü nax tanaxügüxü̃ca̱x i cua̱xruü̃gü i Tupanaarü poramaxã taxügüxü̃, rü toguxegü rü tüxna nanaxã i cua̱x nax tanameexẽẽxü̃ca̱x i ida̱xaweexü̃, rü toguxegü rü tüxna nanaxã i cua̱x nax nüxü̃ tarüngü̃xẽẽgüxü̃ca̱x i ngẽma togü, rü toguxegü rü tüxna nanaxã i cua̱x nax yaxõgüxü̃arü ãẽ̱xgacügü tixĩgüxü̃ca̱x. Rü toguxegü rü tüxna nanaxã i cua̱x nax ngẽma nagagü i tama nüxü̃ tacuáxü̃wa tidexagüxü̃ca̱x.

1 Corintios 12:9

Rü toguxe rü ngẽmatama Naãxẽ ya Üünexü̃ tüxü̃́ nanatauxchaxẽxẽ nax Tupanaaxü̃́ tayaxõxü̃ca̱x. Rü toguxe rü tüxna nanaxã i pora nax ngẽmamaxã naxca̱x tayataanegüxẽẽxü̃ca̱x i ngẽma ida̱xaweexü̃.

Ore i mexü̃ ga Matéu ümatüxü̃ 10:8

¡Rü penameexẽxẽ i ngẽma ida̱xaweexü̃! ¡Rü wena penamaxẽxẽẽ̱x i ngẽma marü yuexü̃! ¡Rü penameexẽxẽ i ngẽma chaxünemaxã ida̱xaweexü̃! Rü ngẽma ngo̱xoã̱xgüxü̃ ¡rü nawa ípenawoxü̃! Rü tama name i penaxãtanü ega texéxü̃ perümexẽẽgu, erü ngẽma pora i pexü̃́ ngẽxmaxü̃ rü pexü̃́ nangetanümare.

Ore i mexü̃ ga Matéu ümatüxü̃ 10:1

Rü yexguma ga Ngechuchu, rü yema 12 ga norü ngúexü̃güca̱x naca. Rü nüxna naxãga rü nanaporaexẽxẽ nax ínawoxü̃ãxü̃ca̱x ga ngo̱xogü rü nameexẽẽãxü̃ca̱x ga duü̃xü̃gü ga ida̱xaweexü̃ ga woo nañuxraü̃xü̃ ga da̱xawe nüxü̃́ yexmagüxü̃.

Ore i mexü̃ ga Luca ümatüxü̃ 13:13

Rü yexguma rü ngĩxü̃ ningõgü, rü yexgumatama iyarüwe̱xãchiwemüxü̃, rü inaxügü nax Tupanaxü̃ yacua̱xüxü̃xü̃.

Ore i mexü̃ ga Luca ümatüxü̃ 4:40

Rü yexguma marü yanaxücuchaü̃gu ga üa̱xcü, rü Ngechuchuxü̃tawa nanagagü ga guxü̃ma ga duü̃xü̃gü ga naguxü̃raü̃xü̃ ga da̱xaweanemaxã ida̱xaweexü̃. Rü Ngechuchu rü wüxichigü ga yema duü̃xü̃güxü̃ ningõgü, rü yemaacü naxca̱x nayataanexẽẽchigü.

Ore i mexü̃ ga Márcu ümatüxü̃ 7:32

Rü yéma naxü̃tawa nanagagü ga wüxi ga yatü ga ngauchiẽ̱xcü rü moxü̃cü. Rü nüxna nacagü ga nüxü̃ nax yangõgüxü̃ca̱x.

Ore i mexü̃ ga Márcu ümatüxü̃ 5:23

Rü poraãcü nüxü̃ naca̱a̱xü̃, rü ñanagürü nüxü̃: —Chauxacü rü ituraxüchi. Rü chanaxwa̱xe i ngéma cuxũ nax ngĩxü̃ cuyarüngõgüxü̃ca̱x nax ngĩxca̱x yataanexü̃ca̱x rü namaxü̃xü̃ca̱x —ñanagürü.

Ore i mexü̃ ga Matéu ümatüxü̃ 12:13

Rü ñu̱xũchi ga Ngechuchu rü ñanagürü nüxü̃ ga gumá yatü ga yumécü: —¡Iyarüwe̱xãchime̱xẽ! —ñanagürü. Rü gumá yatü rü inayarüwe̱xãchime̱xẽ, rü yexgumatama narümeme̱x, rü nai ga naxme̱x ga mexü̃nerüxü̃ nixĩ.

Ngechuchuarü ngúexü̃gü ga yamugüxü̃arü puracüchiga 28:7

Rü yema nachicaarü ngaicamana nayexma ga norü naane ga yema capaxũarü ãẽ̱xgacü ga Púbiru ga naéga. Rü nüma meama toxü̃ nayaxu, rü yexma toxü̃ napegüxẽxẽ ga tomaepü̱x ga ngunexü̃. Rü tomaxã namecümaxüchi.

Ngechuchuarü ngúexü̃gü ga yamugüxü̃arü puracüchiga 28:9

Rü yexguma yemaxü̃ nadaugügu, rü Pauruca̱x yéma naxĩ ta ga guxü̃ma ga togü ga ida̱xaweexü̃ ga yema capaxũcüã̱x, rü narümexe.