Ngechuchuarü ngúexü̃gü ga yamugüxü̃arü puracüchiga 28:3 - Tupanaarü Ore

³ Rü Pauru nanadetaque̱xe ga ñuxre ga naichacüügü, rü üxüxétüwa nayawocu. Natürü yexguma yéma yawocuãgu, rü üxüarü naiemaxü̃cha̱xwa inayago ga wüxi ga ãxtape. Rü Paurume̱xẽwa nayuxu, rü yéma nayarütuãchi.

Ngechuchuarü ngúexü̃gü ga yamugüxü̃arü puracüchiga 28:3 Referans Kwoze

Ore i mexü̃ ga Matéu ümatüxü̃ 23:33

Pa Ãxtapearü Duü̃xü̃güx, pema rü poraãcü pichixe. ¿Ñuxãcü tá naxcha̱xwa pibuxmü ya yimá üxü ya taguma ixoxü̃ne?

Ore i mexü̃ ga Matéu ümatüxü̃ 12:34

Pa Ãxtapearü Duü̃xü̃güx, ¿ñuxãcü i mexü̃ i orexü̃ pixuxü̃ ega pematama rü pichixecümagu? Erü ngẽma ore i pea̱xmaxã nüxü̃ pixuxü̃ rü peãxẽwa nixĩ i ne naxũxü̃.

2 Corintios 11:23

Nümagü rü nügü yaxugügu rü Cristuaxü̃́ napuracüe. Natürü choma rü norü yexera Cristuaxü̃́ chapuracü. Rü ngẽma ñachagürü pexü̃ woo pema nagu perüxĩnüegu nax ñoma wüxi i ãũãẽxü̃rüxü̃ chidexaxü̃. Rü ngẽma duü̃xü̃güarü yexera poraãcü Tupanaaxü̃́ chapuracü. Rü norü yexera Tupanaarü oreca̱x chapoxcu, rü norü yexera choxü̃ nacua̱i̱xgü. Rü mue̱xpü̱xcüna ãũcümaxü̃wa chayexma, yerü choxü̃ nima̱xgüchaü̃.

Ngechuchuarü ngúexü̃gü ga yamugüxü̃arü puracüchiga 28:4

Rü yexguma yema yémacüã̱xgü nüxü̃ daugügu ga yema ãxtape ga Paurume̱xẽwa nax natuxü̃, rü nügümaxã ñanagürügü: —Ñaa yatü rü maneca wüxi i máẽtaxü̃ nixĩ. Rü woo márwa yuwa nax yañaxü̃, natürü Tupana tama nanamaxẽẽchaü̃ —ñanagürügü.

2 Corintios 6:9

Rü ngẽma duü̃xü̃gü rü tama toxü̃ nacuáxü̃rüxü̃ tomaxã nixĩgü, woo nax meama toxü̃ nacua̱xgüchiréxü̃. Rü guxü̃guma ãũcümaxü̃wa tangexmagü, erü toxü̃ nadaixchaü̃, natürü naétüwa namaxẽama. Rü toxü̃ napoxcue, natürü tama toxü̃ nadaixichi.

Ore i mexü̃ ga Matéu ümatüxü̃ 3:7

Natürü yexguma Cuáü̃ nüxü̃ da̱u̱xgu ga naxü̃tawa nax nangugüxü̃ ga muxü̃ma ga ãẽ̱xgacügü ga Parichéugü rü Chaduchéugü nax ínabaiü̃xẽẽãxü̃ca̱x, rü Cuáü̃ ñanagürü nüxü̃: “Pa Ãxtapearü Duü̃xü̃güx, ¿rü texé pemaxã nüxü̃ tixu nax na̱xcha̱xwa pibuxmüxü̃ i Tupanaarü poxcu i ãũcümaxü̃ i marü pexca̱x ingaicaxü̃?

Ichaía 59:5

Rü pema rü ñoma wüxi i duü̃xü̃ i ãxtapecharaü̃ íchuxẽẽxü̃rüxü̃ pixĩgü erü chixexü̃guxicatama perüxĩnüe. Rü pema rü ñoma wüxi i duü̃xü̃ i pawüchiãü̃wa naxchiru üxü̃rüxü̃ pixĩgü erü ngẽma perü ĩnü rü taxuwama name. Rü ngẽxguma texé pexü̃ irüwe̱xãchixẽẽchaü̃gu rü pema rü yu tümamaxã pexuegu erü máetaguxicatama pemaxẽ.

Ichaía 41:24

Natürü i pemax, Pa Naxchicüna̱xãgüx, rü taxuxü̃ma pixĩxgü, rü bai nax ta̱xacü pexüxü̃. ¡Rü tachixe ya yíxema pegu yaxṍxe! —ñanagürü.

Ichaía 30:6

Rü ñaa nixĩ i Cori ya Tupanaarü ore nachiga i ngẽma Négueanewa ngẽxmagüxü̃ i ngo̱xogü. Rü ngẽma naane i ãũcümaxü̃ i nawa ngẽxmagüxü̃ i leóü̃gü rü ãxtapegü i tüxü̃ ngóxü̃ rü ãxtapegü i tüxna yuxuxü̃, rü ngẽma naanegu búrutagügu rü caméyutagügu ngẽma Iraétanüxü̃ nayana i norü ngẽmaxü̃gü rü norü diẽrugü nax Equítuanearü ãẽ̱xgacüna yanaxãxü̃ca̱x nax ínapoxü̃ãxü̃ca̱x.

Yox 20:16

Rü ngẽma chixexü̃ i naxüxü̃ rü ñoma wüxi i ãxtapeguchatarüxü̃ nixĩ, rü yixcamaxü̃ra rü tá nanayuxẽxẽ.

Amúx 5:19

Rü ngẽma ngunexü̃ rü ñoma texé wüxi i leóü̃cha̱xwa iñaxgu rü wüxi i osumaxã itarüñaxü̃rüxü̃ tá nixĩ. Rü ngẽma ngunexü̃, rü ñoma wüxíe rü tümapatagu taxücu rü naxtapü̱xgu tingõgügu rü ãxtape tüxü̃ ngṍxü̃rüxü̃ tá nixĩ.

Ore i mexü̃ ga Márcu ümatüxü̃ 16:18

Rü naxme̱xmaxã tá nüxü̃ nayayauxãchi i ãxtapegü. Rü ngẽxguma yaxaxgüãgu i ta̱xacü i nawa iyuxü̃, rü taxũtáma nanachixexẽxẽ. Rü tá tüxü̃ ningõgügü ya ida̱xaweexe rü tá tümaca̱x nitaanegü —ñanagürü.

Ngechuchuarü ngúexü̃gü ga yamugüxü̃arü puracüchiga 28:2

Rü yema yémacüã̱xgü ga duü̃xü̃gü rü meama toxü̃ nayauxgü ga guxãma. Rü nanangixtagü ga wüxi ga üxü ga taxü̃ne. Rü toxca̱x nacagü ga guxãma nax yéma togü tanaixü̃güxü̃ca̱x, yerü napu rü nagáuane.