Ngechuchuarü ngúexü̃gü ga yamugüxü̃arü puracüchiga 27:23 - Tupanaarü Ore

²³ Erü ngewa̱xarü chütaxü̃gu ya Tupana ya nüxü̃́ chapuracücü ya chorü Cori ixĩcü rü núma nanamu i wüxi i norü orearü uruxü̃ i daxũcüã̱x i cha̱u̱xca̱x ngóxü̃.

Ngechuchuarü ngúexü̃gü ga yamugüxü̃arü puracüchiga 27:23 Referans Kwoze

Ngechuchuarü ngúexü̃gü ga yamugüxü̃arü puracüchiga 23:11

Rü moxü̃ãcüarü chütaxü̃gu Pauruca̱x nango̱x ga Cori ga Tupana, rü ñanagürü nüxü̃: —¡Cugü naporaxẽxẽ! Rü ngẽxgumarüxü̃ i núma Yerucharéü̃wa choxü̃ nax quixuchigaxü̃, rü ngẽxgumarüxü̃ tá ta nixĩ i Rómawa nax choxü̃ quixuchigaxü̃ —ñanagürü ga Tupana.

Popera ga Yudíugü ga yaxõgüxü̃ca̱x ümatüxü̃ 1:14

Rü guxü̃ma i Tupanaarü orearü ngeruü̃gü i daxũcüã̱x rü naãxẽgü i Tupanaaxü̃́ puracüexü̃ nixĩgü. Rü nüma ya Tupana rü nanamugü nax nüxü̃ yanangü̃xẽẽgüxü̃ca̱x i guxü̃ma i ngẽma duü̃xü̃gü ya Tupana naxwa̱xexü̃ nax nayauxgüãxü̃ i maxü̃ i taguma gúxü̃.

Norü taxre ga popera ga Timutéuca̱x naxümatüxü̃ ga Pauru 4:17

Natürü tórü Cori choxü̃ naporaxẽxẽ rü choxü̃́ nanatauxchaxẽxẽ nax mea nüxü̃ chixuxü̃ca̱x ga norü ore i mexü̃ i tüxü̃ maxẽxẽẽxü̃. Rü yemaacü guxü̃ma ga yema duü̃xü̃gü ga tama Yudíugü ixĩgüxü̃ ga yéma yexmagüxü̃ rü nüxü̃ naxĩnüe ga yema ore. Rü yemaacü tórü Cori ya Ngechuchu choxna nadau nax tama yu chomaxã naxueguxü̃ca̱x.

Ngechuchuarü ngúexü̃gü ga yamugüxü̃arü puracüchiga 5:19

Natürü Coriarü orearü ngeruxü̃ ga daxũcüã̱x naxca̱x nayawãxna ga yema poxcupataü̃arü ĩã̱xgü ga chütacü. Rü ínanamuxü̃, rü ñanagürü nüxü̃:

Romanos 1:9

Rü Tupanaaxü̃́ nixĩ i guxü̃ma i chorü ngúchaü̃maxã chapuracüxü̃ rü nüxü̃ chixuxü̃ i norü ore i mexü̃ i Nanechiga. Rü nüma ya Tupana choxü̃ nadau rü nüxü̃ nacua̱x nax guxü̃guma pexca̱x chayumüxẽxü̃.

Ngechuchuarü ngúexü̃gü ga yamugüxü̃arü puracüchiga 18:9

Rü wüxi ga chütaxü̃ rü nango̱xetü ga Pauru. Rü Cori ya Tupana namaxã nidexa, rü ñanagürü: —¡Taxṹ i cumuü̃xü̃! ¡Rü nüxü̃ ixuama i chorü ore! ¡Rü taxṹ i curüchianexü̃!

Popera ga Títoca̱x naxümatüxü̃ ga Pauru 2:14

Rü nüma ga Ngechuchu rü taxca̱x nayu nax tüxü̃ ínanguxü̃xẽẽxü̃ca̱x nawa i guxü̃ma i chixexü̃, rü mea tüxü̃ yamexẽẽgüxü̃ca̱x nax norü duü̃xü̃gü ixĩgüxü̃ca̱x rü guxü̃guma mexü̃ ixügüxü̃ca̱x.

Ngechuchuarü ngúexü̃gü ga yamugüxü̃arü puracüchiga 8:26

Rü yemawena, rü Tupanaarü orearü ngeruxü̃ ga daxũcüã̱x rü Ferípemaxã nüxü̃ nixu, rü ñanagürü: —¡Paxa inaxũãchi rü súrwaama naxũ nawa i ngẽma nama i Yerucharéü̃wa ne daxü̃ rü Gáchawa iyarügoxü̃! —ñanagürü. Rü ngẽma nixĩ i nama i chianexü̃wa dapetüxü̃ i ngextá taxúema íxãpataxü̃wa.

Danié 6:22

Rü yimá chorü Tupana rü nua nanamu i wüxi i norü orearü ngeruxü̃ i dauxü̃cüã̱x. Rü ngẽma nixĩ i yachotaa̱xgüxü̃ i ñaa leóü̃gü nax tama choxü̃ nangõ̱xgüxü̃ca̱x. Erü nüma ya Tupana rü nüxü̃ nacua̱x nax taxuxü̃ma i chixexü̃ cumaxã chaxüxü̃, Pa Ãẽ̱xgacüx —ñanagürü.

Danié 6:16

Rü yexguma ga nüma ga ãẽ̱xgacü rü norü duü̃xü̃güxü̃ namu nax Daniéxü̃ yagagüxü̃ca̱x rü leóü̃tanügu yata̱xcuchigüãxü̃ca̱x. Rü nüma ga ãẽ̱xgacü rü ñanagürü Daniéxü̃: —¡Yimá curü Tupana ya aixcümama naxca̱x cumaxü̃cü cuxü̃ ípoxü̃! —ñanagürü.

Ichaía 44:21

“Pa Iraétanüxü̃ i Acóbuarü Duü̃xü̃güx, ¡rü nüxna pecua̱xãchie nax chorü duü̃xü̃gü pixĩgüxü̃! Yerü choma nixĩ ga pexü̃ changóexẽẽxü̃. ¡Rü taxṹ i choxü̃ iperüngümaexü̃!

Yema Cuáü̃ nüxü̃ dauxü̃ i yixcüra tá ngupetüxü̃chiga 22:16

Rü choma ya Ngechuchu, rü chanamu i chorü orearü ngeruxü̃ nax guxü̃ma i ngẽma yaxõgüxü̃tücumümaxã nüxü̃ yaxuxü̃ca̱x i ngẽma chorü ore. Rü choma nixĩ i ãẽ̱xgacü ga Dabítaxa chixĩxü̃. Rü choma nixĩ ya yimá woramacuri ya pa̱xmama poraãcü nangóonexẽẽcürüxü̃ chixĩxü̃”, ñanagürü.

Popera ga Títoca̱x naxümatüxü̃ ga Pauru 1:1

Pa Títox, choma i Pauru i Tupanaarü puracütanüxü̃ nixĩ i cuxca̱x chanaxümatüxü̃ i ñaa popera. Rü Ngechuchu ya Cristu nixĩ ga choxü̃ mucü nax ngẽma duü̃xü̃gü ya Tupana dexü̃maxã nüxü̃ chixuxü̃ca̱x i norü ore nax Tupanaaxü̃́ yaxõgüãxü̃ca̱x rü nüxü̃ nacua̱xgüxü̃ca̱x i ngẽma norü ore i aixcüma ixĩxü̃ i tüxü̃ rüngü̃xẽẽxü̃ nax naxca̱x imaxẽxü̃ca̱x. Rü ngẽmaca̱x Tupanaaxü̃́ tayaxõgü erü tanayauxgüchaü̃ i ngẽma maxü̃ i taguma gúxü̃. Rü ngẽma maxü̃ i taguma gúxü̃ nixĩ ga nũxcümaxü̃chima ga tauta naane ü̱xgu Tupana ya taguma idoracü nüxü̃ ixuxü̃.

Norü taxre ga popera ga Timutéuca̱x naxümatüxü̃ ga Pauru 2:24

Rü wüxi i Tupanaarü puracütanüxü̃ rü tama name nax texémaxã nuca̱x nadauxü̃. Rü name nax guxãmaãma namecümaxü̃ rü ínamemarexü̃ nax yáxna namaxã naxĩnüãcüma duü̃xü̃güxü̃ nangúexẽxẽ i Tupanaarü ore.

Norü taxre ga popera ga Timutéuca̱x naxümatüxü̃ ga Pauru 1:3

Guxü̃guma i chütacü rü ngunecü rü cuxna chacua̱xãchixü̃ i chorü yumüxẽwa, rü poraãcü cuxca̱x moxẽ Tupanana chaxã. Rü nüxü̃́ nixĩ i chapuracüxü̃ i mexü̃ i chauãẽmaxã, yexgumarüxü̃ ga nũxcümaü̃güxü̃ ga chorü o̱xigü naxügüxü̃rüxü̃.

1 Corintios 6:20

Erü Tupana rü marü pexca̱x nataxe rü poraãcü nüxü̃́ petatanü. Rü ngẽmaca̱x penaxwa̱xe i ngẽma pexenemaxã mea Tupanaca̱x pemaxẽ rü nüxü̃ picua̱xüü̃gü.

Romanos 6:22

Natürü ñu̱xma nax ngẽma pecaduna ípenguxü̃xü̃ rü marü Tupanaarü duü̃xü̃gü pixĩgü rü naxca̱x nixĩ i pemaxẽxü̃. Rü ngẽma nixĩ i aixcüma pexü̃́ mexü̃ erü ngẽmagagu penayaxu i maxü̃ i üünexü̃ i ñu̱xma, rü ngẽmawena tá penayaxu i maxü̃ i taguma gúxü̃.

Romanos 1:1

Pa Chauenexẽgüx rü Pa Chaueya̱xgü ya Rómacüã̱xgüx, choma i Pauru nixĩ i pexca̱x chanaxümatüxü̃ i ñaa popera. Rü choma nixĩ ya Ngechuchu ya Cristuarü duü̃xü̃ chixĩxü̃. Rü choxü̃ nixĩ ga nayaxuxü̃ nax choxü̃ yamuxü̃ca̱x nax duü̃xü̃gümaxã nüxü̃ chixuxü̃ca̱x i norü ore i mexü̃.

Ngechuchuarü ngúexü̃gü ga yamugüxü̃arü puracüchiga 16:17

Rü ngĩma towe ingẽ ga toma rü Pauru, rü tagaãcü ngĩgürügü: —Ñaa yatügü rü Tupana ya Guxãétüwa Ngẽxmacüarü duü̃xü̃gü nixĩgü, rü pemaxã nüxü̃ nixu i maxü̃ i taguma gúxü̃chiga —ngĩgürügü.

Ngechuchuarü ngúexü̃gü ga yamugüxü̃arü puracüchiga 12:23

Natürü nüma ga Eróde rü tama Tupanana moxẽ naxã naxca̱x ga norü ngü̃xẽxẽ ga yexguma duü̃xü̃gümaxã yadexagu. Rü yemaca̱x wüxi ga Tupanaarü orearü ngeruxü̃ ga daxũcüã̱x rü yexgumatama Eródexü̃ nida̱xawexẽxẽ. Rü õxmigü nanangõ̱x, rü yemamaxã nayu.

Ore i mexü̃ ga Cuáü̃ ümatüxü̃ 12:26

Rü ngẽxguma texé choxü̃́ puracüchaü̃gu rü name nixĩ i chowe tarüxũ. Rü ngẽma choma tá íchangexmaxü̃wa rü ngéma rü tá ta tangexma i tümax. Rü ngẽxguma texé choxü̃́ puracügu rü Chaunatü ya Tupana rü tá tümamaxã nataãxẽ —ñanagürü.

Maraquía 3:17

Rü nüma ya Cori ya Tupana ya Guxãétüwa Ngẽxmacü rü ñanagürü: —Choma rü íchanamexẽxẽ i wüxi i ngunexü̃ i nagu tá cha̱u̱xca̱x nawoeguxü̃ nax wena chorü duü̃xü̃gü yixĩgüxü̃ca̱x i Iraétanüxü̃. Rü ñoma wüxi i papa i nane i nüxü̃́ puracüxü̃xü̃ ngechaü̃xü̃rüxü̃, rü ngẽmaãcü tá choxü̃́ nangechaü̃tümüxü̃gü.

Chacaría 13:9

Rü ngẽma duü̃xü̃gü i íyaxügüxü̃ rü tá nüxü̃ chaxü, ñoma diẽrumü i üxüwa idexexü̃ nax ínayixü̃ca̱x i norü ãũãchixü̃rüxü̃. Rü ñoma úiru i üxüwa idexexü̃ nax ínayixü̃ca̱x i norü ãũãchixü̃rüxü̃ tá nüxü̃ chaxü i ngẽma duü̃xü̃gü. Rü ngẽxguma i nümagü rü tá choxna nacagüe rü choma rü tá chanangãxü̃. Rü ñachagürü tá: “Nümagü rü chorü duü̃xü̃gü nixĩgü”, ñachagürü. Rü nümagü rü ñanagürügü tá: “Nüma ya Cori rü tórü Tupana nixĩ”, ñanagürügü tá. Rü choma ya Cori ya Tupana nixĩ i nüxü̃ chixuxü̃ i ngẽma —ñanagürü.

Danié 6:20

Rü yexguma nüma ga ãẽ̱xgacü marü ngaicamana nanguxgu rü nangechaü̃gaãcü Daniéna naca rü ñanagürü: —¿Pa Danié ya Tupana ya Maxü̃cüarü Duü̃xü̃x, rü yimá curü Tupana ya aixcümama naxca̱x cumaxü̃cü rü marü cuxü̃ ínapoxü̃xü̃ natanüwa i ngẽma leóü̃gü? —ñanagürü.

Danié 3:28

Rü yexgumatama ga nüma ga Nabucudonochó rü ñanagürü: —¡Ngĩxã nüxü̃ ticua̱xüü̃gü ya norü Tupana i Chadrá rü Mechá rü Abex-negó ya núma namucü i ngẽma dauxü̃cüã̱x nax íyapoxü̃ãxü̃ca̱x i norü duü̃xü̃gü i tama ãẽ̱xgacüga ĩnüechaü̃xü̃! Yerü yema tomaepü̱xca̱x rü narümemae nax nayuexü̃ naxü̃pa nax togümare ga tupanaxü̃ yacua̱xüü̃güxü̃.

Danié 3:26

Rü yema ñaxguwena rü nüma ga Nabucudonochó rü yema poxcuchicaxü̃ ga íya̱u̱xraxü̃ca̱x nixũ rü yéma tagaãcü ñanagürü: —Pa Chadrá, rü Mechá, rü Abex-negó ya Tupana ya Guxãétüwa Ücüarü Duü̃xü̃gü Ixĩgüxü̃x, rü ¡ípechoxü̃ rü nua pexĩ! —ñanagürü. Rü yema tomaepü̱x rü ínachoxü̃ nawa ga guma üxü.

Danié 3:17

Rü yimá torü Tupana ya nüxü̃ ticua̱xüü̃gücü rü nüxü̃́ natauxcha nax toxü̃ ínanguxü̃xẽxẽxü̃ nawa ya yima üxü rü nawa i guxü̃ma i ngẽma poxcu i tomaxã cuxueguxü̃, Pa Ãẽ̱xgacüx.

Echequié 36:38

Rü nachicagü ga guma ĩanegü rü tá wena nagu nixüpatagü rü duü̃xü̃gümaxã tá nanapa. Rü tá namuxũchi i ngẽma duü̃xü̃gü ñoma carnérugü i Üpetüchigaarü petagu Yerucharéü̃wa gagüxü̃ nax ãmareca̱x nada̱i̱xü̃rüxü̃. Rü ngẽxguma i ngẽma duü̃xü̃gü rü tá nüxü̃ nicua̱xãchitanü nax choma yixĩxü̃ ya Cori ya Tupana —ñanagürü.

Yeremía 32:38

Rü nümagü rü chorü duü̃xü̃gü tá nixĩgü rü choma rü norü Tupana tá chixĩ.

Yeremía 31:33

Rü ñaa tá nixĩ i ngẽma ngexwaca̱xü̃xü̃ i chorü uneta i Iraétanüxü̃maxã chaxüxü̃: “Naãxẽwa tá chanangexmaxẽxẽ i ngẽma chorü mu, rü ngéma tá nangẽxma nax tama nüxü̃ iyanangümaexü̃ca̱x. Rü choma tá nixĩ i norü Tupana chixĩxü̃, rü nümagü rü tá chorü duü̃xü̃gü nixĩgü”. Rü chomatama ya Cori ya Tupana nixĩ i nüxü̃ chixuxü̃ i ngẽma.

Ichaía 44:5

Rü wüxi rü tá ñanagürü: “Choma rü Tupanaarü duü̃ chixĩ”, ñanagürü tá. Rü to rü tá Acóbutaagu naxãéga. Rü to rü tá nügüme̱xẽgu nanaxümatü i ñaxü̃: “Choma rü Iraétanüxü̃arü Tupanaarü chixĩ”, ñaxü̃.

Charumóü̃arü wiyae 6:3

Rü choma rü chaute ya choxü̃́ ngúchaü̃cüarü chixĩ, rü nüma ya chaute rü choxrü nixĩ. Rü nüma rü putüra i líriunecüwa naxũ nax ngéma maxẽwa nachibüexẽẽxü̃ca̱x i norü carnérugü —ngĩgürügü.

Charumóü̃arü wiyae 2:16

Rü yimá choxü̃́ ngúchaü̃cü rü choxrüxicatama nixĩ, rü choma rü noxrü chixĩ. Rü nüma ya choxü̃́ ngúchaü̃cü rü putüra i rosanecüwa naxü̃nagüxü̃ nachibüexẽxẽ.

Wiyaegü 143:12

Rü cuma rü aixcüma cuyanguxẽxẽ i ngẽma nüxü̃ quixuxü̃. ¡Rü ngẽmaca̱x nadai i ngẽma chorü uanügü! ¡Rü ẽcü guxü̃xü̃ma nadai! Erü choma rü curü duü̃xü̃ chixĩ.

Wiyaegü 135:4

Rü nüma rü nüxü̃ naxuneta ga Acóbu ga Iraégu ãégacü nax norü meruxü̃ yixĩxü̃ca̱x.

Wiyaegü 116:16

Pa Cori Pa Tupanax, choma rü curü duü̃xü̃ chixĩ, rü curü duü̃xü̃ tümane chixĩ. Rü cuma nixĩ i choxü̃ ícunguxuchixẽẽxü̃ nawa ga yema guxchaxü̃gü ga choxü̃ ináixü̃.

Ínachoxü̃xü̃chiga 19:5

Rü ngẽxguma aixcüma guxü̃wama chauga pexĩnüegu rü peyanguxẽẽ̱xgu i ngẽma pemaxã ichaxügaxü̃, rü guxü̃ma i nachixü̃anegütanüwa rü tá pexü̃ nixĩ icharüngü̃xẽẽxü̃, erü guxü̃ma i ñoma i naane rü choxrü nixĩ.