Ngechuchuarü ngúexü̃gü ga yamugüxü̃arü puracüchiga 26:3 - Tupanaarü Ore

³ Rü yexeraãcü chataãxẽ erü cuma rü meama nüxü̃ cucua̱x i guxü̃ma i tocüma i toma i Yudíugü, rü guxü̃ma i ngẽma naxca̱x yadexagüxü̃ i chautanüxü̃. Rü ngẽmaca̱x cuxna chaca nax mea choxü̃́ icurüxĩnüxü̃ca̱x.

Ngechuchuarü ngúexü̃gü ga yamugüxü̃arü puracüchiga 26:3 Referans Kwoze

Ngechuchuarü ngúexü̃gü ga yamugüxü̃arü puracüchiga 6:14

Rü toma rü nüxü̃ taxĩnüe rü ñanagürü: “Yimá Ngechuchu ya Nacharétucüã̱x rü tá nanangutaü̃xẽxẽ ya daa Tupanapata ya taxü̃ne, rü tá inayanaxoxẽxẽ i nacümagü ga Moiché tüxna ãxü̃” —ñanagürügü.

Ngechuchuarü ngúexü̃gü ga yamugüxü̃arü puracüchiga 26:26

Rü daa ãẽ̱xgacü ya Agrípa rü meama nüxü̃ nacua̱x i guxü̃ma i ngẽma pemaxã nüxü̃ chixuxü̃. Rü ngẽmaca̱x tama chamuü̃ãcüma chorü taãẽmaxã nape̱xewa nüxü̃ chixu, erü nüxü̃ chacua̱x nax nüma rü ta nüxü̃ nacuáxü̃ i ta̱xacüchiga nax yixĩxü̃ i guxü̃ma i ñaa ore. Rü tama ngextámare cúãcü naxüpetü i ngẽma.

1 Corintios 13:2

Rü woo nüxü̃ chacua̱xgu nax mea duü̃xü̃gümaxã nüxü̃ chixuxü̃ i Tupanaarü ore, rü woo nüxü̃ chacua̱xgu i guxü̃ma i ta̱xacü i ẽxü̃guxü̃ i Tupanachiga, rü woo choxü̃́ natauxchagu nax chorü õmaxã chayaxĩgachixẽẽxü̃ ya ma̱xpǘnegü, natürü taxuwama chame ega tama choxü̃́ nangẽxmagu i ngechaü̃.

Ngechuchuarü ngúexü̃gü ga yamugüxü̃arü puracüchiga 28:17

Rü tomaepü̱x ga ngunexü̃ marü yéma nayexmagu, rü Pauru naxca̱x nangema ga yema Yudíugüarü ãẽ̱xgacügü ga Rómawa yexmagüxü̃. Rü yexguma nangutaque̱xegügu, rü ñanagürü ga Pauru nüxü̃: —Chomax, Pa Chauenexẽgüx, rü taxuxü̃ma i chixexü̃ chaxü namaxã i tatanüxü̃, rü bai i nũxcümaü̃güxü̃ i tórü o̱xigücümagümaxã. Natürü Yerucharéü̃gu choxü̃ niyauxgü ga tatanüxü̃, rü Rómacüã̱x ga churaragüna choxü̃ namugü.

Ngechuchuarü ngúexü̃gü ga yamugüxü̃arü puracüchiga 26:7

Rü guxü̃ma i ngẽma 12 tücumügü ga Iraétanüxü̃ i Yudíugü rü ínanangu̱xẽẽgü nax yanguxü̃ i ngẽma uneta. Rü ngẽmaca̱x guxü̃guma i ngunecü rü chütacü rü Tupanaxü̃ nicua̱xüxü̃gü. Rü choma rü ta íchananguxẽxẽ nax yanguxü̃ i ngẽma uneta, rü ngẽmaca̱x nixĩ, Pa Ãẽ̱xgacüx, i ñu̱xma i choxü̃ ínaxuaxü̃güxü̃ i ngẽma chautanüxü̃ i Yudíugü.

Ngechuchuarü ngúexü̃gü ga yamugüxü̃arü puracüchiga 25:26

Natürü taxuxü̃ma choxü̃́ nangẽxma i ore i nachiga i aixcüma ixĩxü̃ nax chorü ãẽ̱xgacü ya Chécharuca̱x chanaxümatüxü̃ca̱x. Rü ngẽmaca̱x chanamu nax nua pepe̱xewa nagagüãxü̃ca̱x, rü cuxca̱x nixĩ, Pa Ãẽ̱xgacü Pa Agrípax, nax nüxna cucaxü̃ca̱x, nax nüxü̃ chacuáxü̃ca̱x i ta̱xacü tá chaxümatüxü̃ naxca̱x ya ãẽ̱xgacü ya Chécharu.

Ngechuchuarü ngúexü̃gü ga yamugüxü̃arü puracüchiga 24:10

Rü yexguma ga gumá ãẽ̱xgacü ga Férix rü naxme̱xmaxã Pauruxü̃ naxuneta nax yadexaxü̃ca̱x. Rü yexguma ga Pauru, rü ñanagürü: —Chorü taãẽmaxã cupe̱xewa chaugüétüwa chidexa, erü nüxü̃ chacua̱x nax mucüma ga taunecü ñoma i nachixü̃anearü ãẽ̱xgacü nax quixĩxü̃.

Ngechuchuarü ngúexü̃gü ga yamugüxü̃arü puracüchiga 24:4

Natürü tama yexeraãcü cuxü̃ nua chanuxcüxẽẽxchaü̃. Rü ngẽmaca̱x cuxna chaca nax paxaãchi toxü̃́ icurüxĩnüxü̃.

Ngechuchuarü ngúexü̃gü ga yamugüxü̃arü puracüchiga 21:21

Natürü ga togü rü marü namaxã nüxü̃ nixugügü nax cuma rü cunangúexẽẽxü̃ i guxü̃ma i Yudíugü i togü i nachixü̃anewa ngẽxmagüxü̃, nax tama naga naxĩnüexü̃ca̱x i ngẽma mugü ga Moiché ümatüxü̃. Rü marü namaxã nüxü̃ nixugügü nax cunangúexẽẽxü̃ nax tama tüxü̃ ínawiü̃cha̱xmüü̃pe̱xechiraü̃xü̃ca̱x ya nanegü, rü tama naga naxĩnüexü̃ca̱x i tacümagü ga Moiché tüxü̃ muxü̃.

Wenaxarü naxümatü ga Tupanaarü mugü 17:18

Rü ngẽxguma ngẽma ãẽ̱xgacü i nüxü̃ pexunetaxü̃ yaxücugu nax ãẽ̱xgacü yixĩxü̃, rü tá nanamu nax poperagu nüxü̃́ naxümatügüãxü̃ca̱x i ngẽma mugü i chacherdótegü i Lebítanüxü̃ namaxã icua̱xgüxü̃.

Ngechuchuarü ngúexü̃gü ga yamugüxü̃arü puracüchiga 26:2

—Chataãxẽ, Pa Ãẽ̱xgacü Pa Agrípax, nax cupe̱xewa chidexaxü̃ i ñu̱xma nax chaugüétüwa chachogüxü̃ca̱x naxca̱x i guxü̃ma i ngẽma choxü̃ ínaxuaxü̃güxü̃ i ngẽma chautanüxü̃ i Yudíugü.

Yeremía 32:11

Rü wüxi ga yema popera rü naxããrü seyuã̱x rü mea nüxü̃ nixuchiga ga yema taxe. Rü yema to ga popera rü nangearü seyuã̱x. Rü chanayaxu ga yema taxre ga poperagü.