Biblia Todo Logo
Bib sou entènèt

- Piblisite -




Ngechuchuarü ngúexü̃gü ga yamugüxü̃arü puracüchiga 26:29 - Tupanaarü Ore

29 Rü ñanagürü ga Pauru: —Woo noxre i oremaxã rü woo muxü̃ i oremaxã rü Tupana nanaxwa̱xe nax cuyaxõxü̃. Rü tama i cuxicatama, natürü guxü̃ma i ñaa nua choxü̃ ĩnüexü̃ rü ta, rü Tupana nanaxwa̱xe nax chauxrüxü̃ yixĩgüxü̃, natürü tama chauxrüxü̃ daa cadénagümaxã nax yana̱i̱xgüxü̃ —ñanagürü ga Pauru.

Gade chapit la Kopi




Ngechuchuarü ngúexü̃gü ga yamugüxü̃arü puracüchiga 26:29
18 Referans Kwoze  

Rü Tupana rü choxü̃́ ningucuchixẽxẽ nax nachicüü duü̃xü̃gümaxã nüxü̃ chixuxü̃ca̱x i norü ore. Rü ngẽma oregagu nixĩ i chapoxcuxü̃ i ñu̱xmax. ¡Rü cha̱u̱xca̱x peyumüxẽgü nax tama chamuü̃ãcüma nüxü̃ chixuxü̃ca̱x i ngẽma norü ore!


Rü ñu̱xma i toma rü Cristuchiga nixĩ i duü̃xü̃gümaxã nüxü̃ tixuxü̃. Rü toma rü nüxü̃ tacuáãcüma tayaxucu̱xẽgü rü tanangúexẽxẽ i guxü̃ma i duü̃xü̃gü nax Cristugagu yangearü chixexü̃ã́xü̃ca̱x, rü ngẽmaãcü Tupanape̱xewa tanagagüxü̃ca̱x.


Pa Chauenexẽgüx, ngẽma poraãcü chanaxwa̱xexü̃ rü chorü yumüxẽwa Tupanana naxca̱x chacaxü̃ nixĩ nax guxü̃ma i chautanüxü̃ i Yudíugü yaxõgüxü̃ rü ngẽmaãcü aixcüma Tupanaarü duü̃xü̃gü nax yixĩgüxü̃ca̱x.


Rü yexguma ga gumá ãẽ̱xgacü rü Pauruca̱x nixũ rü nayayaxu. Rü nanamu nax taxre ga cadénamaxã yana̱i̱xgüãxü̃ca̱x. Rü nüxna naca nax texé yixĩxü̃, rü ta̱xacü naxüxü̃.


Rü ñu̱xma i ngẽma tá pemaxã nüxü̃ chixuxü̃, rü bexmana pexca̱x rü wüxi i ngeãẽmare nixĩ. Rü chierüx choxü̃́ iperüxĩnüemaregu rü yáxna chomaxã pexĩnüegu.


Rü chomatama nagu charüxĩnü rü chierüx name nixĩ ega choma chamaxü̃xü̃rüxü̃ namaxẽgu i guxü̃ma i duü̃xü̃gü. Natürü Tupana rü wüxichigü i duü̃xü̃na nanaxã i nacüma nax ñuxãcü namaxẽxü̃ca̱x rü ñuxãcü nagu naxĩnüxü̃ca̱x. Rü ngẽmaca̱x tama guxãma tawüxigu.


Rü pegügu perüxĩnüegu rü marü pexü̃́ nangẽxma i guxü̃ma i penaxwa̱xexü̃ nax Tupanape̱xewa pimexü̃ca̱x. Rü pegügu perüxĩnüegu rü ñoma ãẽ̱xgacügü i taxü̃rüxü̃ pixĩgü, rü taxuxü̃ma i ngü̃xẽxẽ toxü̃tawa penaxwa̱xe. ¡Chierüx aixcüma Tupanape̱xewa ãẽ̱xgacügü pixĩgügu nax toma rü ta wüxigu pemaxã ãẽ̱xgacügü nax tixĩgüxü̃ca̱x!


Rü marü ñuxre ga ngunexü̃ yéma nayexmagügu, rü yemaca̱x Agrípamaxã nüxü̃ nixu ga Féstu ga Pauruchiga, rü ñanagürü: —Nua nangẽxma i wüxi i yatü i poxcuxü̃ ga Férix tama ínguxuchixẽẽxü̃.


Rü yematama ga chütaxü̃gu naxü̃pa ga yema ngunexü̃ ga Eróde duü̃xü̃güpe̱xewa nagaxchaü̃xü̃, rü taxre ga churaragüarü ngãxü̃wa nape ga Pedru. Rü taxre ga cadénamaxã nichotachacüxü. Rü togü ga churaragü ga dauxü̃taexü̃ nüxna nadaugü ga poxcupataü̃arü ĩã̱x.


Natürü i choma rü tama wüxi i yatüme̱xẽwa changexma nax ngẽma chauétüwa chogüxü̃ca̱x. Natürü pemaxã nüxü̃ chixu i ngẽma ore nax peyaxõgüxü̃ca̱x rü penayauxgüxü̃ca̱x i maxü̃ i taguma gúxü̃.


Rü ngẽxguma taxũtáma ipexĩnüegu i ngẽma pemaxã nüxü̃ chixuxü̃, rü choma rü chaxica tátama chaxaxu nagagu nax pegü picua̱xüü̃güxü̃. Rü chauxetüwa tá inarüyaegü i ngẽma chauxgüxü̃etü, erü perü uanügü rü tá pexü̃ ínayauxü̃ rü tá pexü̃ nigagü i pemax nax Cori ya Tupanaarü duü̃xü̃gü pixĩgüxü̃ —ñanagürü ga Yeremía.


Rü wüxi ga ngunexü̃gu ga yema pacü rü ngĩrü chiũraxü̃ ngĩgürügü: —Chierüx nax namexü̃ ya yimá chorü cori ega naxü̃tawa naxũxgu ya yimá orearü uruxü̃ ya Chamáriaanewa ngẽxmacü, rü ngẽxguma rü chi naxca̱x nitaane i norü chaxünewa —ngĩgürügü.


Rü nüma ga ãẽ̱xgacü rü axumaxã aita naxü. Rü daxũ naxĩ ga yema norü ucapu ga ĩanearü poxeguxü̃étüwa yexmaxü̃wa, rü yéma nayaxaxu. Rü yexma ínaxũũxü̃ãcüma ñanagürü: —Pa Chaunex, Pa Acharóü̃x. Pa Chaunex, Pa Acharóü̃x. Chierüx choma cuchicüxü chayu̱xgu. Pa Chaunex, Pa Acharóü̃x, Pa Chaunex —ñanagürü.


Natürü nüma ga Moiché rü nanangãxü̃ rü ñanagürü: —¿Ẽ̱xna choxü̃ quinuxü̃? ¡Chierüx nüma ya Cori ya Tupana rü guxü̃ma i duü̃xü̃güna nangu̱xẽẽãgu i ngẽma Naãxẽ nax ngẽmaãcü guxü̃ma i duü̃xü̃gü Tupanaarü orearü uruü̃gü yaxĩgüxü̃ca̱x! —ñanagürü.


Rü ñanagürügü nüxü̃: —Narümemae chi nixĩ ga Cori ya Tupana rü noxtacüma Equítuanegu toxü̃ nada̱i̱xü̃. Yéma rü buetaregü ga namachimaxã ixããcugücütanüwa tarütogü rü meama tachibüe, natürü pema rü nua ínachianexü̃wa toxü̃ pegagü nax taiyamaxã nuxã toxü̃ peda̱i̱xü̃ca̱x —ñanagürügü.


Rü nüma ga Yeremía rü nanangãxü̃ rü ñanagürü: —Natürü, Pa Ãẽ̱xgacüx, taxũtáma naxme̱xgu cungu. Rü name nixĩ, Pa Ãẽ̱xgacüx, i naga cuxĩnü ya Cori ya Tupanaarü ore i cumaxã nüxü̃ chixuxü̃. Rü ngẽxguma naga cuxĩnügu rü taxuxü̃táma cuxü̃ nangupetü, rü tá cumaxü̃.


Swiv nou:

Piblisite


Piblisite