Ngechuchuarü ngúexü̃gü ga yamugüxü̃arü puracüchiga 26:20 - Tupanaarü Ore

²⁰ Rü noxri Damácucüã̱xgümaxã nüxü̃ chixuchiga ga Tupanaarü ore. Rü yemawena Yerucharéü̃cüã̱xgümaxã nüxü̃ chixuchiga. Rü ñu̱xũchi guxü̃ ga Yudéaanewa nüxü̃ chixuchiga. Rü yexgumarüxü̃ yema tama Yudíugü ixĩgüxü̃maxã nüxü̃ chixu. Rü ñacharügü: “¡Nüxü̃ perüxoe i pecüma i chixexü̃gü, rü Tupanaca̱x pedaugü, rü mea pemaxẽ nax duü̃xü̃gü nüxü̃ daugüxü̃ca̱x nax aixcüma peyaxõgüxü̃!” ñacharügü.

Ngechuchuarü ngúexü̃gü ga yamugüxü̃arü puracüchiga 26:20 Referans Kwoze

Ngechuchuarü ngúexü̃gü ga yamugüxü̃arü puracüchiga 3:19

Rü ngẽmaca̱x, Pa Chauenexẽgüx, rü name nixĩ i nüxü̃ perüxoe i pecüma i chixexü̃, rü Tupanaca̱x pexĩ, rü peyaxõgü nax nüma pexü̃́ ínapiãxü̃ca̱x i perü pecadugü.

Ore i mexü̃ ga Matéu ümatüxü̃ 3:8

¡Rü name nixĩ nax Tupana naxwa̱xexü̃ãcüma pemaxẽxü̃ nax ngẽmaãcü guxü̃ma i duü̃xü̃gü nüxü̃ nadaugüxü̃ca̱x nax aixcüma marü nüxü̃ perüxoexü̃ i ngẽma pecüma i chixexü̃!

Ngechuchuarü ngúexü̃gü ga yamugüxü̃arü puracüchiga 2:38

Rü Pedru nanangãxü̃, rü ñanagürü: —¡Nüxü̃ perüxoe i pecüma i chixexü̃ rü Tupanaca̱x pedaugüe rü Ngechuchuégagu ípebaiü̃ nax pexü̃́ nüxü̃ nangü̃maxü̃ca̱x i perü pecadugü ya Tupana! Rü Tupana tá pexna nanamu i Naãxẽ ya Üünecü.

Yema Cuáü̃ nüxü̃ dauxü̃ i yixcüra tá ngupetüxü̃chiga 2:5

¡Rü ngẽmaca̱x nüxna nacua̱xãchi i ngẽma chixexü̃ i cuxüxü̃ rü Tupanaca̱x nataegu rü wenaxarü noxrirüxü̃ nüxü̃ nangechaxü̃! Natürü ngẽxguma chi tama nüxü̃ curüxoxgu i curü chixexü̃, rü paxa tá cuxü̃ íchayadau, rü tá nachicawa cuxna chanayaxu i curü omüarü üruxü̃ ega tama Tupanaca̱x cutaegu̱xgu.

Ore i mexü̃ ga Matéu ümatüxü̃ 9:13

¡Rü ípixĩ, rü nawa pengúe i Tupanaarü ore i ümatüxü̃ i ñaxü̃: “Choma rü tama chanaxwa̱xe i cha̱u̱xca̱x peyama̱x rü peyagu i carnérugü, natürü ngẽma chanaxwa̱xexü̃ nixĩ nax togü pexü̃́ ngechaxü̃tümüxü̃güxü̃”, ñaxü̃! Choma rü tama núma chaxũ nax naxca̱x chayaca̱xaxü̃ca̱x i ngẽma ingearü pecaduã́xü̃, natürü núma chaxũ nax naxca̱x chayaca̱xaxü̃ca̱x i ngẽma pecaduã̱xgüxü̃ —ñanagürü.

Yema Cuáü̃ nüxü̃ dauxü̃ i yixcüra tá ngupetüxü̃chiga 3:3

¡Rü nüxna nacua̱xãchi ga yema ngu̱xẽẽtae ga mexü̃ ga noxri nüxü̃ cuxĩnüxü̃ rü cuyaxuxü̃, rü nagu ixũ! ¡Rü nüxü̃ rüxo i ngẽma chixexü̃ i cuxüxü̃ rü Tupanaca̱x nataegu! Natürü ngẽxguma tama nüxü̃ curüxoxgu i curü chixexü̃, rü ñoma wüxi i ngĩ́ta̱xáxü̃ i ngürüãchi ínguxü̃rüxü̃ tá cuxü̃tawa chaxũ. Rü taxũtáma nüxü̃ cucua̱x nax ñuxguacü yixĩxü̃.

Efesios 4:17

Rü ñu̱xma rü Cristuégagu pexü̃ chaxucu̱xẽ nax tama nagu pexĩxamaxü̃ca̱x i ngẽma nacümagü i ngẽma duü̃xü̃gü i tama Tupanaxü̃ cua̱xgüxü̃ i naechitamare maxẽxü̃.

2 Corintios 7:10

Rü ngẽma ngechaü̃ ya Tupana pexca̱x ínguxẽẽxü̃, rü ngẽmagagu nüxü̃ perüxoe i pecüma i chixexü̃ rü penayaxu i maxü̃ i taguma gúxü̃. Rü ngẽmaca̱x taxuca̱xma tü̱xcüü̃ pexoegaãẽgü. Natürü ngẽma ngechaü̃ i ñoma i naanewa ngẽxmaxü̃ rü yuwa tüxü̃ naga.

1 Tesalonicenses 1:9

Yerü nümagütama ga yema duü̃xü̃gü rü marü nüxü̃ nixugügü nax mea toxü̃ peyauxgüxü̃ ga yexguma petanüwa taxĩxgu. Rü nüxü̃ nixugügü nax nüxü̃ perüxoexü̃ ga perü tupananetachicüna̱xãgü nax Tupanaxü̃chi ya maxü̃cü rü ixaixcümacüwe perüxĩxü̃ca̱x nax nüxü̃́ pepuracüexü̃ca̱x.

2 Corintios 3:16

Natürü ngẽxguma wüxi i duü̃xü̃ nüxü̃ rüxoxgu i nacüma i chixexü̃, rü tórü Coriaxü̃́ yaxõõgu, rü ngẽxguma nixĩ i nüxna ínanguxü̃ i ngẽma nüxü̃́ naguxchaxẽẽxü̃.

Romanos 2:4

¿Rü tü̱xcüü̃ nüxü̃ cuxo i ngẽma mexü̃ ya Tupana cuxca̱x üxü̃? Nüma rü poraãcüxüchi cumaxã namecüma rü yáxna cumaxã naxĩnü rü tama paxa curü chixexü̃ca̱x cuxü̃ napoxcuchaü̃. ¿Rü tü̱xcüü̃ tama nagu curüxĩnü nax Tupana ngẽmaãcü cumaxã mecümaxü̃ nax nüxü̃ curüxoxü̃ca̱x i curü chixexü̃ rü naxca̱x nax cumaxü̃xü̃ca̱x?

Ngechuchuarü ngúexü̃gü ga yamugüxü̃arü puracüchiga 26:17

Rü tá cuxna chadau naxcha̱xwa i cutanüxü̃ i Yudíugü rü ngẽma tama Yudíugü ixĩgüxü̃ i natanüwa cuxü̃ chamuxü̃.

Ngechuchuarü ngúexü̃gü ga yamugüxü̃arü puracüchiga 20:21

Rü Yudíugümaxã rü yema tama Yudíugü ixĩgüxü̃maxã nüxü̃ chixu nax namexü̃ nax nüxü̃ naxoexü̃ca̱x ga norü chixexü̃gü rü Tupanaga naxĩnüexü̃ca̱x, rü nüxü̃́ nax yaxõgüãxü̃ca̱x ga tórü Cori ya Ngechuchu.

Ngechuchuarü ngúexü̃gü ga yamugüxü̃arü puracüchiga 17:30

Rü nũxcüma ga duü̃xü̃gü rü naechitamare ínatüe, natürü nüma ga Tupana rü namaxã yáxna naxĩnü. Natürü i ñu̱xma ya Tupana rü nanamu i duü̃xü̃gü i guxü̃wama nax naxca̱x nadaugüxü̃. Rü nanamu nax nüxü̃ naxoexü̃ i nacüma i chixexü̃gü.

Ngechuchuarü ngúexü̃gü ga yamugüxü̃arü puracüchiga 15:19

Rü ñanagürü ga Chantiágu: —Rü ngẽmaca̱x, Pa Chauenexẽgüx, rü cha̱u̱xca̱x rü tama name nax ngẽma nacümagü i guxchaxü̃maxã nüxü̃ ichixewexü̃ i ngẽma duü̃xü̃gü i tama Yudíugü ixĩgüxü̃ i nüxü̃ rüxoexü̃ i nũxcümaü̃xü̃ i nacümagü nax Tupanawe naxĩxü̃ca̱x.

Ngechuchuarü ngúexü̃gü ga yamugüxü̃arü puracüchiga 11:18

Rü yexguma yema orexü̃ naxĩnüegu ga yema yaxõgüxü̃ ga Yerucharéü̃cüã̱x, rü nachianegümare. Rü Tupanaxü̃ nicua̱xüü̃gü. Rü ñanagürügü: —Rü ngẽmawa nüxü̃ tacua̱x nax Tupana tüxü̃ dexü̃ ya yíxema woo tama Yudíugü ixĩgüxe. Rü ngẽxguma nüxü̃ tarüxoegu i tümaarü chixexü̃ rü Tupanaca̱x tadaugügu, rü nüma tüxna nanaxã i maxü̃ i taguma gúxü̃ —ñanagürügü.

Ngechuchuarü ngúexü̃gü ga yamugüxü̃arü puracüchiga 9:35

Rü guxü̃ma ga yema Lidácüã̱xgü rü Charóü̃cüã̱xgü rü nüxü̃ nadaugü nax inachixü̃ ga gumá yatü, rü nüxü̃ narüxoe ga nacümagü ga chixexü̃, rü Cori ya Ngechuchuwe narüxĩ.

Ngechuchuarü ngúexü̃gü ga yamugüxü̃arü puracüchiga 9:15

Natürü nüma ga Cori rü ñanagürü nüxü̃: —¡Ngéma naxũ! Erü choma chanayaxu i ngẽma yatü nax choxü̃ yaxuchigaxü̃ca̱x namaxã i togü i nachixü̃anecüã̱xgü i duü̃xü̃gü rü norü ãẽ̱xgacügü, rü ngẽma Iraétanüxü̃.

Ore i mexü̃ ga Luca ümatüxü̃ 15:10

Rü pemaxã nüxü̃ chixu rü ngẽxgumarüxü̃ ta nataãẽgü i daxũcüã̱x i Tupanaarü orearü ngeruü̃gü i ngẽxguma wüxi i duü̃xü̃ i pecaduã́xü̃ nüxü̃ rüxoxgu i nacüma i chixexü̃ rü Tupanaaxü̃́ yaxõõgu —ñanagürü ga Ngechuchu.

Ore i mexü̃ ga Luca ümatüxü̃ 15:7

Rü pemaxã nüxü̃ chixu rü daxũguxü̃ i naanewa rü naxca̱x nataãẽgü i 99 i duü̃xü̃gü i marü Tupanaarü ixĩgüxü̃, natürü yexera naxca̱x nataãẽgü i ngẽma wüxi i pecaduã́xü̃ i nüxü̃ rüxoxü̃ i nacüma i chixexü̃ rü Tupanaaxü̃́ yaxõxü̃.

Ore i mexü̃ ga Luca ümatüxü̃ 13:5

Pemaxã nüxü̃ chixu rü tama nixĩ. Rü ngẽxguma chi pema rü tama nüxü̃ perüxoegu i pecüma i chixexü̃, rü guxãma i pema rü tá ipeyarütauxe —ñanagürü ga Ngechuchu.

Ore i mexü̃ ga Luca ümatüxü̃ 13:3

Pemaxã nüxü̃ chixu rü tama nixĩ. Rü ngẽxguma chi pema rü tama nüxü̃ perüxoegu i pecüma i chixexü̃, rü guxãma i pema rü tá ipeyarütauxe.

Ore i mexü̃ ga Luca ümatüxü̃ 1:16

Rü nüma rü tá norü Cori ya Tupanaca̱x nanawoeguxẽxẽ i muxü̃ma i Iraétanüxü̃.

Ore i mexü̃ ga Márcu ümatüxü̃ 6:12

Rü yexguma inaxĩãchi ga norü ngúexü̃gü. Rü duü̃xü̃gümaxã nüxü̃ nixugüe nax nüxü̃ naxoexü̃ca̱x ga nacüma ga chixexü̃ rü Tupanaca̱x nadaugüxü̃.

Ore i mexü̃ ga Matéu ümatüxü̃ 4:17

Rü yexguma nixĩ ga inaxügüãxü̃ ga Ngechuchu nax nüxü̃ yaxuxü̃ ga ore ga ñaxü̃: —¡Nüxü̃ perüxoe i pecüma i chixexü̃! Erü Tupana ya daxũwa ãẽ̱xgacü ixĩcü rü marü ningaica nax perü ãẽ̱xgacü yixĩxü̃ca̱x —ñanagürü.

Ore i mexü̃ ga Matéu ümatüxü̃ 3:2

Rü duü̃xü̃gümaxã nüxü̃ nixu rü ñanagürü: —¡Nüxü̃ perüxoe i pecüma i chixexü̃! Erü Tupana ya dauxü̃wa ãẽ̱xgacü ixĩcü rü marü ningaica nax perü ãẽ̱xgacü yixĩxü̃ca̱x —ñanagürü.

Ochéa 14:2

Rü name nax ñaãcü peyumüxẽgüxü̃ rü ñaperügügü: —¡Pa Torü Cori ya Tupanax, rü toxü̃́ nüxü̃ irüngüma i guxü̃ma i torü chixexü̃gü! ¡Rü mea toxü̃́ nayaxu i ñaa torü cua̱xüxü̃ i cuxna taxãxü̃!

Ochéa 12:6

¡Pa Iraétanüxü̃x, Tupanaca̱x pewoegu! ¡Rü aixcüma nüxü̃ pengechaü̃gü rü nüxü̃́xicatama peyaxõgü!

Yema Cuáü̃ nüxü̃ dauxü̃ i yixcüra tá ngupetüxü̃chiga 16:11

Natürü woo yemaacü nüxü̃ nax nangupetüxü̃ ga duü̃xü̃gü, rü tama nüxü̃ narüxoechaü̃ ga yema chixexü̃ ga naxügüxü̃. Rü yema nax poraãcü nüxü̃́ nangúxü̃ ga norü taixnagü, rü naguxchigagüama namaxã ga Tupana ya daxũgucü.

Yema Cuáü̃ nüxü̃ dauxü̃ i yixcüra tá ngupetüxü̃chiga 2:21

Rü choma rü marü ngĩxü̃ íchananguxẽxẽ rü yáxna ngĩmaxã chaxĩnü nax nüxü̃ naxoxü̃ca̱x i ngẽma ngĩcüma i chixexü̃, natürü tama nüxü̃ irüxochaü̃ i ngẽma ngĩxü̃nearü ngúchaü̃.

Auxexü̃chiga 3:40

Rü ngẽmaca̱x ¡ngĩxã aixcüma nagu tarüxĩnüe i tacüma, rü name rüe̱xna nachixe! ¡Rü ngĩxã Cori ya Tupanaca̱x tawoegu rü aixcüma naga taxĩnüe!

Ichaía 55:7

Rü ngẽma duü̃xü̃ i chixecümaxü̃, rü name nixĩ i nüxü̃ narüxo i ngẽma nacüma i chixexü̃. Rü ngẽma duü̃xü̃ i chixexü̃gu rüxĩnüxü̃, rü name nixĩ i nüxü̃ narüxo i ngẽma chixexü̃ i nagu naxĩnüxü̃. ¡Rü Cori ya Tupanaca̱x pewoegu! Rü tá nüxü̃́ pengechaü̃tümüxü̃gü. ¡Rü naxca̱x pewoegu ya tórü Tupana! Erü nüma rü ínamemare nax pexü̃́ nüxü̃ nangümaxü̃ i perü chixexü̃gü.

Wiyaegü 22:27

Rü Pa Guxãma i Pema i Ñoma i Naanewa Maxẽxex ¡rü nüxna pecua̱xãchie ya Cori ya Tupana rü naxca̱x pexĩ! ¡Rü nape̱xegu pecaxã́pü̱xügü rü nüxü̃ picua̱xüü̃gü!

Yeremía 18:11

Dücax, Pa Yeremíax, ¡rü namaxã nüxü̃ ixu i guxü̃ma i Yudáanecüã̱xgü rü Yerucharéü̃cüã̱x i duü̃xü̃gü rü choma ya Cori ya Tupana rü ñacharügü nüxü̃: “Ñu̱xma rü marü nagu charüxĩnü nax pexü̃ chapoxcuexü̃! ¡Rü nüxü̃ perüxoe i ngẽma chixexü̃ i nagu pemaxẽxü̃, rü penamexẽxẽ i pecüma, rü mexü̃ pexügü!” ñacharügü nüxü̃.

Yeremía 35:15

Rü choma rü marü muẽ̱xpü̱xcüna muxü̃ma ga chorü duü̃xü̃gü ga orearü uruü̃gü pexca̱x ngéma chamugüecha nax pemaxã nüxü̃ yaxugüexü̃ca̱x i ñaa chorü ore. Rü nümagü rü ñanagürügü pexü̃: ¡Nüxü̃ perüxoe i pecüma i chixexü̃ rü ngẽma chixexü̃gü i nagu pemaxẽxü̃! ¡Rü taxṹ i ngẽma tupananetagüwe perüxĩxü̃, rü taxṹ i nüxü̃ picua̱xüü̃güxü̃! Rü ngẽmaãcü tá nawa pemaxẽecha i ngẽma naane ga pexna rü perü o̱xigüna chaxãxü̃. Natürü i pema rü tama choxü̃ pecua̱xgüchaxü̃ rü tama chauga pexĩnüe.

Ngechuchuarü ngúexü̃gü ga yamugüxü̃arü puracüchiga 26:19

Rü chomax, Pa Ãẽ̱xgacü Pa Agrípax, rü naga chaxĩnü ga yema naga ga daxũwa inaxũxü̃.