Ngechuchuarü ngúexü̃gü ga yamugüxü̃arü puracüchiga 26:18 - Tupanaarü Ore

¹⁸ Rü cuxü̃ chamu nax ngẽma duü̃xü̃güxü̃ choxü̃ cucua̱xẽẽxü̃ca̱x rü nüxü̃ naxoexü̃ca̱x i nacüma i chixexü̃gü rü chauga naxĩnüexü̃ca̱x. Rü cuxü̃ chamu nax Chatanáme̱xẽwa ícunanguxü̃xẽẽxü̃ca̱x i ngẽma duü̃xü̃gü nax chowe naxĩxü̃ca̱x rü choxü̃́ yaxõgüãxü̃ca̱x nax choma nüxü̃́ nüxü̃ icharüngümaxü̃ca̱x i norü pecadugü, rü nüxü̃́ nangẽxmaxü̃ca̱x i nachica natanüwa i guxü̃ma i chorü duü̃xü̃gü i üünegüxü̃”, ñanagürü choxü̃ ga Cori.

Ngechuchuarü ngúexü̃gü ga yamugüxü̃arü puracüchiga 26:18 Referans Kwoze

Nüxíraxü̃xü̃ ga popera ga Pedru ümatüxü̃ 2:9

Natürü pema nixĩ i duü̃xü̃gü i tórü ãẽ̱xgacü ya Tupana pexü̃ dexü̃ nax norü puracü pexügüxü̃ca̱x. Rü pema nixĩ i duü̃xü̃gü i nape̱xewa ixüünexü̃, erü nümatama ya Tupana rü norü duü̃xü̃güxü̃ pexü̃ nixĩgüxẽxẽ nax nüxü̃ pixuxü̃ca̱x i ngẽma mexü̃gü i norü poramaxã naxüxü̃. Rü nümatama ya Tupana nixĩ ga ẽanexü̃wa pexü̃ ínanguxü̃xẽẽxü̃ nax norü ngóonexü̃ i mexẽchixü̃gu pechocuxü̃ca̱x.

Efesios 1:18

Rü Tupanana naxca̱x chaca nax nümatama pexü̃ yango̱xnaãẽxẽẽxü̃ca̱x, nax nüxü̃ pecuáxü̃ca̱x nax ta̱xacü yixĩxü̃ i ngẽma ípenangu̱xẽẽxü̃ i naxca̱x pexca̱x naca̱xaxü̃ rü pexü̃ nadexü̃. Rü nüxna naxca̱x chaca nax pexü̃ nüxü̃ nacua̱xẽẽxü̃ca̱x nax namexẽchixü̃ i ngẽma maxü̃ i taguma gúxü̃ i nüma norü duü̃xü̃güca̱x namexẽẽxü̃ i daxũguxü̃ i naanewa.

Efesios 5:8

Rü ü̃pa ga pema rü ẽanexü̃wa pemaxẽ, yerü tama Tupanaxü̃ pecua̱x. Natürü i ñu̱xma nax Cori ya Tupanaxü̃ pecuáxü̃, rü ngóonexü̃wa pemaxẽ. Rü ngẽmaca̱x name i duü̃xü̃gü i ngóonexü̃wa ngẽxmagüxü̃ãcü pemaxẽxü̃.

Ngechuchuarü ngúexü̃gü ga yamugüxü̃arü puracüchiga 20:32

Rü ñu̱xmax, Pa Chauenexẽgüx, rü Tupanana pexü̃ chamugü. Rü chanaxwa̱xe i naga pexĩnüe i norü ore i tüxü̃ nüxü̃ cua̱xẽẽxü̃ nax aixcüma poraãcü tüxü̃ nangechaü̃xü̃. Erü ngẽma norü ore tá pexü̃ naporaexẽxẽ nax tórü Corica̱x pemaxẽxü̃ca̱x rü pexü̃́ nangẽxmaxü̃ca̱x i pechica namaxã i guxü̃ma i duü̃xü̃gü ya Tupana dexü̃.

2 Corintios 4:6

Erü nümatama ya Tupana ga noxri naane naxü̱xgux rü ẽanexü̃wa nanango̱xẽxẽ ga ngóonexü̃. Rü nümatama nixĩ i ñu̱xma i tüxü̃ yango̱xnaãẽxẽẽgüxü̃ nax ngẽmawa nüxü̃ icuáxü̃ca̱x nax nüma rü naxüünexü̃. Rü ngẽma norü üüne rü Ngechuchu ya Cristuchiwewa nixĩ i nangóxü̃.

Ichaía 42:7

Rü cuxü̃ chamu nax cuyadauchitanüxẽẽxü̃ i ngẽma ngexetügüxü̃ rü poxcupataxü̃wa ícunanguxü̃xẽẽxü̃ca̱x i ngẽma poxcuexü̃ i waanexü̃wa ngẽxmagüxü̃.

Ore i mexü̃ ga Cuáü̃ ümatüxü̃ 8:12

Rü wenaxarü duü̃xü̃gümaxã nidexa ga Ngechuchu, rü ñanagürü nüxü̃: —Choma nixĩ i ñoma i naanexarü nangóonexẽẽruxü̃. Rü yíxema chowe rüxũxẽ rü taxũtáma ẽanexü̃wa tangexma rü tá tüxü̃́ nangẽxma i ngóonexü̃ i maxü̃ tüxna ãxü̃ —ñanagürü.

Efesios 4:18

Erü Chataná rü nanatoãẽgü i ngẽma duü̃xü̃gü nax chixexü̃gu naxĩnüexü̃ca̱x. Rü ngẽmaca̱x nüxü̃́ nataxuma i maxü̃ i taguma gúxü̃ i Tupanawa ne ũxü̃, erü tama nüxü̃ nacua̱xgüchaü̃.

Ichaía 35:5

Rü ngẽma ngunexü̃gu rü ngẽma ingexetüxü̃ rü tá nidauuchitanü, rü ngẽma ingauchiẽxü̃ rü tá ningo̱xnamachixẽgü.

2 Corintios 6:14

¡Rü taũtáma namaxã pexãmücü i ngẽma duü̃xü̃gü i tama yaxõgüxü̃! Erü ngẽxguma chi namaxã pexãmücügu rü taxũtáma mea wüxigu perüxĩnüe. ¿Rü ñuxãcü nawüxiguxü̃ i ngẽma mexü̃ namaxã i ngẽma chixexü̃? ¿Rü ñuxãcü nawüxiguxü̃ i ngóonexü̃ namaxã i ẽanexü̃?

2 Corintios 4:4

Erü nümagü nax tama yaxõgüãxü̃, rü ñoma i naanearü ãẽ̱xgacü i Chataná nixĩ i nüxü̃́ naguxchaxẽẽxü̃ nax tama nüxü̃ nacua̱xgüxü̃ca̱x i Cristu ya Üünecüarü ore i ñoma omürüxü̃ poraãcü nangóonexẽẽxü̃. Rü Cristuwa nixĩ i nügü nawéxü̃ ya Tupana.

Nüxíraxü̃xü̃ ga popera ga Cuáü̃ ümatüxü̃ 3:8

Natürü yíxema pecadu üechaxe rü ngẽmawa tüxü̃ tacua̱x nax Chatanáarü duü̃xü̃ tixĩxü̃, erü nüma i Chataná rü noxriarü ügügumama pecadu naxüecha. Rü yemaca̱x ga Tupana Nane rü ñoma ga naanewa naxũ nax iyanaxoxẽẽãxü̃ca̱x ga yema Chataná üxü̃.

Ngechuchuarü ngúexü̃gü ga yamugüxü̃arü puracüchiga 2:38

Rü Pedru nanangãxü̃, rü ñanagürü: —¡Nüxü̃ perüxoe i pecüma i chixexü̃ rü Tupanaca̱x pedaugüe rü Ngechuchuégagu ípebaiü̃ nax pexü̃́ nüxü̃ nangü̃maxü̃ca̱x i perü pecadugü ya Tupana! Rü Tupana tá pexna nanamu i Naãxẽ ya Üünecü.

Nüxíraxü̃xü̃ ga popera ga Cuáü̃ ümatüxü̃ 5:19

Nüxü̃ tacua̱xgü nax Tupanaxacügü ixĩgüxü̃, natürü guxü̃ma i ñoma i naanecüã̱x rü Chatanáme̱xẽwa nangẽxmagü.

Nüxíraxü̃xü̃ ga popera ga Cuáü̃ ümatüxü̃ 1:9

Natürü ngẽxguma chi Tupanamaxã nüxü̃ ixuxgu i tórü pecadugü, rü nüma ya Tupana ya ixaixcümacü rü tá tüxü̃́ nüxü̃ inarüngüma i tórü pecadugü rü tá inayanaxoxẽxẽ i guxü̃ma i tórü chixexü̃gü.

Ngechuchuarü ngúexü̃gü ga yamugüxü̃arü puracüchiga 20:21

Rü Yudíugümaxã rü yema tama Yudíugü ixĩgüxü̃maxã nüxü̃ chixu nax namexü̃ nax nüxü̃ naxoexü̃ca̱x ga norü chixexü̃gü rü Tupanaga naxĩnüexü̃ca̱x, rü nüxü̃́ nax yaxõgüãxü̃ca̱x ga tórü Cori ya Ngechuchu.

Ore i mexü̃ ga Luca ümatüxü̃ 24:47

Rü yematama ore i ümatüxü̃wa nüxü̃ nixu rü yimá Cristuégagu tá nixĩ i nüxü̃ yaxugüxü̃ i ore i mexü̃. Rü Yerucharéü̃wa tá inaxügü i ngẽma ñu̱xmatáta guxü̃ i naanewa nangu nax ngẽmaãcü duü̃xü̃gü nüxü̃ rüxoexü̃ca̱x i nacüma i chixexü̃ nax Tupana nüxü̃́ nüxü̃ rüngü̃maxü̃ca̱x i norü pecadugü.

Yema Cuáü̃ nüxü̃ dauxü̃ i yixcüra tá ngupetüxü̃chiga 21:27

Natürü tagutáma ngẽxma naxücu i ta̱xacü i Tupanape̱xewa chixexü̃, rü bai ya texé ya chixexü̃ ǘxe rüe̱xna idorata̱xáxe. Rü yíxema Carnéruxacüarü poperawa ngo̱xégagüxexica tá tixĩ ya ngẽxma chocuxe rü nayauxgüxe i maxü̃ i taguma gúxü̃.

Nüxíraxü̃xü̃ ga popera ga Pedru ümatüxü̃ 2:25

Rü pema ga ü̃pa rü ñoma carnérugü i irütauxexü̃rüxü̃ pixĩgü. Natürü i ñu̱xma rü marü Cristuca̱x pewoegu. Rü nüma nixĩ i perü dauruxü̃ yixĩxü̃, rü nüma nixĩ i pexna nadauxü̃.

Popera ga Yudíugü ga yaxõgüxü̃ca̱x ümatüxü̃ 11:6

Natürü taxuacüma Tupana tamaxã nataãxẽ ega tama nüxü̃́ yaxõgügu. Rü yíxema Tupanamaxã ãmücüchaü̃xe, rü tanaxwa̱xe nax tayaxõxü̃ nax Tupana rü aixcüma nangẽxmaxü̃ rü aixcüma tüxü̃ nangü̃xẽẽxü̃ ya yíxema naxca̱x daugüxe.

Ngechuchuarü ngúexü̃gü ga yamugüxü̃arü puracüchiga 13:47

Yerü yemaacü toxü̃ namu ga Cori, rü ñanagürü: “Duü̃xü̃gü i tama Yudíugü ixĩgüxü̃arü nangóonexẽẽruxü̃ marü cuxü̃ chixĩxẽxẽ, nax guxü̃wama i ñoma i naanewa cunangexü̃ca̱x i chorü ore i maxẽxẽẽruxü̃”, —ñanagürü.

Ngechuchuarü ngúexü̃gü ga yamugüxü̃arü puracüchiga 15:9

Rü Tupanape̱xewa rü yixema i Yudíugü rü namaxã tawüxigu i ngẽma tama Yudíugü ixĩgüxü̃. Yerü nümagü rü ta Tupana nüxü̃́ nüxü̃ narüngüma ga norü pecadugü ga yexguma Ngechuchuaxü̃́ yaxõgüãgu.

Ngechuchuarü ngúexü̃gü ga yamugüxü̃arü puracüchiga 5:31

Natürü Tupana rü nüxü̃ nicua̱xüxü̃, rü nügüarü tügünecüwawa nanatoxẽxẽ. Rü duü̃xü̃güarü Ãẽ̱xgacü rü Maxẽxẽxẽruxü̃ nayangucuchixẽxẽ nax Iraétanüxü̃xü̃ nangü̃xẽxẽxü̃ca̱x nax nüxü̃ naxoexü̃ca̱x i norü chixexü̃gü, rü Tupana nüxü̃́ nüxü̃ rüngü̃maxü̃ca̱x i norü pecadugü.

Ore i mexü̃ ga Cuáü̃ ümatüxü̃ 9:5

Rü ñu̱xma nax ñoma i naanewa changexmaxü̃ rü ñoma i naanearü nangóonexẽẽruxü̃ chixĩ —ñanagürü.

Ore i mexü̃ ga Cuáü̃ ümatüxü̃ 3:19

Rü yíxema tama nüxü̃́ yaxõgüxe, rü Tupana rü marü poxcu tümamaxã naxuegu, yerü yexguma ñoma ga naanewa nanguxgu ga Nane ya duü̃xü̃güarü nangóonexẽẽruxü̃, rü tama nüxü̃́ tayaxõgüchaxü̃. Natürü yexera tümaarü me nixĩ nax ẽanexü̃wa tayexmagüxü̃ rü chixexü̃ taxügüxü̃.

Ichaía 29:18

Rü ngẽma ngunexü̃gu i ngẽma ngauchi̱xẽgüxü̃ rü tá nüxü̃ naxĩnüe ega ngẽxguma texé poperaxü̃ naxca̱x daumatügu, rü ngẽma ingexetüxü̃ rü tá nidaxuchitanü, rü taxũtáma waanexü̃wa nangẽxmagü.

Nüxíraxü̃xü̃ ga popera ga Cuáü̃ ümatüxü̃ 2:12

Pa Chauxacügüx, pexca̱x chanaxümatü erü Tupana rü Cristugagu marü pexü̃́ nüxü̃ narüngü̃ma i perü pecadugü.

Nüxíraxü̃xü̃ ga popera ga Pedru ümatüxü̃ 1:4

Rü pema rü wüxi i ngunexü̃gu tá penayauxgü i guxü̃ma i ngẽma mexü̃gü ya Tupana tá pexna ãxü̃ i ñu̱xma daxũguxü̃ i naanegu pexü̃́ namaxã nanguxü̃xü̃. Rü ngẽma mexü̃gü ya Tupana tá pexna ãxü̃ rü tagutáma nachixe, rü tagutáma naxãũãchi, rü tagutáma nangau.

Ore i mexü̃ ga Cuáü̃ ümatüxü̃ 17:17

Curü ore rü aixcüma nixĩ. Rü chanaxwa̱xe i curü oremaxã cuyamexẽxẽ i ngẽma choxna cumugüxü̃ nax aixcüma cupe̱xewa yaxüünexü̃ca̱x.

Ore i mexü̃ ga Luca ümatüxü̃ 1:77

Cumax, Pa Chaunex, rü Coriarü duü̃xü̃gümaxã tá nüxü̃ quixu nax Tupana tá nüxü̃́ nüxü̃ irüngümaxẽ i norü pecadugü nax ngẽmaãcü nüxü̃́ nangẽxmaxü̃ca̱x i maxü̃ i taguma gúxü̃.

Popera ga Yúda ümatüxü̃ 1:1

Choma i Yúda i Chantiáguenexẽ ya Ngechuchu ya Cristuarü puracütanüxü̃ chixĩ i pexü̃ charümoxẽxü̃ i pema nax Tanatü ya Tupana pexü̃ dexü̃ rü pexü̃ ngechaü̃xü̃ rü Ngechuchu ya Cristu pexna dauxü̃.

Popera ga Chantiágu ümatüxü̃ 2:5

Pa Chauenexẽgü ya Pexü̃ Changechaü̃güxe, ¡Iperüxĩnüe i ñaa ore! Tupana tüxü̃ nade ya yíxema ñoma i naanewa ngearü diẽruã̱xgüxe, erü nanaxwa̱xe nax nüxü̃́ tayaxõgüxü̃ rü tanayauxgüxü̃ i ngẽma maxü̃ i taguma gúxü̃ i tümamaxã inaxunetaxü̃ ya yíxema nüxü̃ ngechaü̃güxe.

Popera ga Yudíugü ga yaxõgüxü̃ca̱x ümatüxü̃ 10:14

Rü nüma ga Ngechuchu ya Cristu rü wüxicanatama Tupanana nügü naxã rü nayu nax Tupanaarü ãmare yixĩxü̃ca̱x. Rü yemaacü guxü̃guma Tupanape̱xewa tüxü̃ nimexẽẽgü ya yíxema Tupana tüxü̃ unetagüxe nax norü duü̃xü̃gü tixĩgüxü̃ca̱x.

Gálatas 3:14

Rü yemaacü curuchagu nayu ga Ngechuchu ya Cristu nax nüxü̃ nangü̃xẽẽxü̃ca̱x i guxü̃ma i ngẽma tama Yudíugü ixĩgüxü̃, yema Tupana Abraáü̃maxã ixunetaxü̃rüxü̃. Rü ngẽmaca̱x tórü õgagu guxãma tanayaxu i Tupanaãxẽ ya Üünecü ga Tupana tamaxã nüxü̃ ixuxü̃.

Ore i mexü̃ ga Luca ümatüxü̃ 24:45

Rü yemaacü namaxã nanango̱xẽxẽ ga Tupanaarü ore ga ümatüxü̃.

Ichaía 43:8

¡Rü nua penamugü i chorü duü̃xü̃gü i ãxetüchiréxü̃, natürü ñoma nangexetüxü̃rüxü̃ ixĩgüxü̃, rü ngẽma ãxmachi̱xẽchiréxü̃, natürü ñoma nangauchixẽxü̃rüxü̃ ixĩgüxü̃!

Ichaía 42:16

Rü ngẽma ngexetügüxü̃ rü tá chanagagü nawa i namagü i taguma nüxü̃ nacua̱xgüxü̃ rü taguma nagu naxĩxü̃. Rü ngẽma waanexü̃ i nawa namaxẽ rü tá ngóonexü̃xü̃ chayaxĩxẽxẽ. Rü ngẽma naane i chixri i weanexü̃ rü tá mea ichanawe̱xãchianexẽxẽ. Rü guxü̃ma i ngẽma rü tá chanaxü erü tama nüxna chixũgachi i chorü duü̃xü̃gü i Iraétanüxü̃.

Ichaía 9:2

Rü ngẽma Gariréaanecüã̱x ga noxri ẽanexü̃wa yexmagüxü̃ rü nüxü̃ nadaugü ga wüxi ga taxü̃ ga omü ga nangóonexẽẽruxü̃. Rü yema omü rü poraãcü tüxü̃ nangóonetanüxẽxẽ ga guxema ẽanexü̃wa yexmagüxe.

Wiyaegü 119:18

¡Rü choxü̃ idauuchixẽxẽ nax ngẽmaãcü meama nüxü̃ chadauxü̃ca̱x i ngẽma curü orewa nüxü̃ quixuxü̃ i mexü̃gü!

Norü taxre ga popera ga Timutéuca̱x naxümatüxü̃ ga Pauru 2:26

Erü Tupana nanaxwa̱xe nax naãẽxü̃ yacua̱xãchitanüxü̃ i ngẽma duü̃xü̃gü rü na̱xcha̱xwa yabuxmüxü̃ca̱x i ngẽma chixexü̃ i ngo̱xo i Chataná nagu nayixẽẽxü̃ nax ngẽmaãcü norü ngúchaü̃ ngẽma duü̃xü̃gümaxã naxüxü̃ca̱x i Chataná.

Efesios 2:8

Rü Tupanaarü ngechaü̃gagu penayaxu i maxü̃ i taguma gúxü̃ yerü peyaxõgü. Rü ngẽma maxü̃ rü tama pegünatama penaxã, natürü Tupana nixĩ ga pexna naxãmarecü ga yema.

Efesios 1:11

Yerü woetama nũxcüma ga Tupana rü tamaxã nanaxuegu nax Cristugagu tá nayauxgüxü̃ i maxü̃ i taguma gúxü̃, yerü yema nixĩ ga nagu naxĩnüxü̃ ga Tupana ya norü ngúchaü̃ãcü naxücü i guxü̃ma.

1 Corintios 1:30

Rü nümatama ga Tupana nixĩ ga Ngechuchu ya Cristuarü duü̃xü̃güxü̃ pexü̃ yaxĩgüxẽẽxü̃. Rü tatanüwa nanamu ga Cristu nax nüma rü Tupanaarü cua̱x taxca̱x yixĩxü̃ca̱x. Rü Cristugagu nixĩ nax Tupana tüxü̃ dexü̃ rü tüxü̃ yamexẽẽxü̃ nax nape̱xewa ixüünegüxü̃ca̱x rü pecaduwa ínguxü̃xü̃ca̱x.

Ore i mexü̃ ga Luca ümatüxü̃ 4:18

“Cori ya Tupanaãxẽ rü chowa nangẽxma. Rü nüma rü choxü̃ naxuneta nax nüxü̃ chixuxü̃ca̱x i ore i mexü̃ namaxã i ngẽma duü̃xü̃gü i ngearü diẽruã̱xgüxü̃. Rü choxü̃ namu nax yema duü̃xü̃gü ga norü uanügü to ga nachixü̃anewa gagüxü̃maxã nüxü̃ chixuxü̃ca̱x rü tá nax ínanguxü̃xü̃. Rü choxü̃ namu nax ngẽma ingexetügüxü̃ chidauuchixẽẽxü̃ca̱x rü nax íchananguxü̃xẽẽxü̃ca̱x i ngẽma duü̃xü̃gü i togüme̱xẽwa ngẽxmagüxü̃.

Ore i mexü̃ ga Luca ümatüxü̃ 2:32

Rü nüma tá nixĩ i norü ngóonexẽẽruxü̃ i ngẽma duü̃xü̃gü i tama Iraétanüxü̃ ixĩgüxü̃. Rü daa bucü rü curü duü̃xü̃gü i Iraétanüxü̃arü poraxẽẽruxü̃ tá nixĩ”, ñanagürü.

Maraquía 4:2

Natürü i pemax nax aixcüma choxü̃ pengechaü̃güxü̃ rü chaucüma tá meama pewa nango̱x ñoma üa̱xcü nangóanexẽẽxü̃rüxü̃ rü taãxẽ ixãxü̃rüxü̃. Rü pemax rü taãẽmaxã tá piyuxnagütanü ñoma wocaxacügü naxpüü̃wa iyayi̱xü̃rüxü̃.

Ichaía 49:6

Rü nüma ya Tupana rü ñanagürü: —Choma rü cuxü̃ chamu nax cunanutaque̱xexü̃ca̱x i Acóbuarü duü̃xü̃gü rü nachixü̃aneca̱x cunawoeguxẽẽxü̃ca̱x i ngẽma Iraétanüxü̃. Rü naétü cuxü̃ chamu nax wüxi i omü quixĩxü̃ca̱x naxca̱x i guxü̃ma i nachixü̃anegü. Rü cuxü̃ chamu nax nüxü̃ nüxü̃ cucua̱xẽẽxü̃ca̱x i chorü ore i maxü̃ nüxna ãxü̃ i guxü̃ma i nachixü̃anecüã̱x woo ngẽma yáxü̃wa ngẽxmagüxü̃ —ñanagürü.

Wiyaegü 146:8

Rü yíxema ingexetüxe rü tüxü̃ nidauuchigüxẽxẽ. Rü yíxema ya iyayitanüxe rü tüxü̃ ínarüdagüxẽxẽ. Rü nüma ya Cori rü nüxü̃ nangechaü̃ i ngẽma duü̃xü̃gü i mexü̃ ügüxü̃.

Popera ga Yudíugü ga yaxõgüxü̃ca̱x ümatüxü̃ 10:10

Rü ñu̱xma rü Cristugagu Tupanape̱xewa time, yerü nüma ga Cristu rü Tupanaarü ngúchaü̃ naxü ga yexguma nügü inaxãxgu nax curuchagu nayuxü̃ca̱x. Rü nüma rü wüxicanatama pecaduarü ütanüca̱x nayu rü taxuca̱xma tü̱xcüü̃ wena nügü inaxã.

Popera ga Yudíugü ga yaxõgüxü̃ca̱x ümatüxü̃ 9:15

Rü ñu̱xma nax tórü pecaduca̱x nayuxü̃ ga Ngechuchu ya Cristu, rü nüma nixĩ i tórü ngü̃xẽẽruxü̃ i Tupanape̱xewa, ngẽma Tupanaarü uneta i ngexwaca̱xü̃xü̃ nüxü̃ ixuxü̃rüxü̃. Rü ñu̱xma i yixema nax Tupana tüxü̃ dexü̃, rü tüxü̃́ nangẽxma i maxü̃ i taguma gúxü̃ yerü Cristu rü marü nayu nax tüxü̃ ínanguxü̃xẽxẽxü̃ ga yema pecadugü ga taxügüxü̃ ga yexguma yema nüxíraxü̃xü̃ ga unetatüxü̃wa tayexmagügu.

Efesios 5:14

Erü guxü̃ma rü ngẽxguma ngóonexü̃wa nangẽxmagu, rü meama nango̱x nax nañuxraxü̃xü̃. Rü ngẽmaca̱x i Tupanaarü orewa rü ñanagürü: “¡Naba̱i̱xãchi i cuma nax cupexü̃, rü írüda i cumax nax icuyarütaxuxü̃! Rü Cristu tá cuxca̱x nanangóonexẽxẽ”, ñanagürü i ngẽma ore.

Efesios 1:14

Rü ngẽma Naãxẽ ya Üünexü̃ ga Tupana tüxna muxü̃, rü ngẽmawa nixĩ i nüxü̃ icuáxü̃ nax aixcüma Tupana tá tüxna naxãxü̃ i guxü̃ma i ngẽma tamaxã inaxunetaxü̃. Rü ngẽxguma wena núma naxũxgu ya Cristu nax nügüxü̃tawa tüxü̃ nagagüxü̃ca̱x rü aixcüma tá tanayaxu i guxü̃ma i ngẽma Tupana tamaxã nüxü̃ ixuxü̃. Rü ngẽmaca̱x nüxü̃ ticua̱xüü̃gü ya Tanatü ya Tupana ya Üünecü.

Efesios 1:7

Rü Tupana rü poraãcü tüxü̃ nangechaü̃, rü yemaca̱x nanamu ga Nane nax taxca̱x nayuxü̃ rü nagü ibaxü̃ nax yemaacü tüxü̃ ínanguxü̃xẽẽü̃ca̱x rü tüxü̃́ nüxü̃ iyanangümaxü̃ca̱x ga tórü pecadugü.

Gálatas 3:2

Rü ñu̱xma rü pexna chaca, rü chanaxwa̱xe nax choxü̃ pengaxü̃xü̃. ¿Ẽ̱xna yema mugü nax pingu̱xẽxẽgüxü̃gagu yixĩxü̃ ga penayaxuxü̃ ga Tupanaãxẽ ya Üünecü, rü ẽ̱xna ngẽma ore i mexü̃ ga nüxü̃ pexĩnüexü̃ rü pixõgüxü̃gagu yixĩxü̃ ga penayaxuxü̃?

Gálatas 2:20

Rü choma rü wüxigu Cristumaxã curuchawa chipota. Rü ñu̱xma rü marü tama chaugümaxãtama ichacua̱x, natürü Cristu nixĩ ya chomaxã icuácü erü chowa namaxü̃. Rü ñu̱xma rü Tupana Nane ya Cristuaxü̃́ chayaxõõcüma nixĩ i chamaxü̃xü̃. Rü nüma nixĩ ga choxü̃ nangechaü̃xü̃, rü nügü inaxãxü̃ nax cha̱u̱xca̱x nayuxü̃ca̱x.

Romanos 8:17

Rü yixema nax Tupanaxacügü ixĩgüxü̃, rü nüxü̃ tacua̱x rü daxũguxü̃ i naanewa tá tanayaxu i ngẽma mexü̃gü ya Tupana tá tüxna ãxü̃. Rü aixcüma Cristurüxü̃ tá tanayaxu i ngẽma mexü̃gü, erü naxrüxü̃ ngúxü̃ tingegü nax wüxigu nüma ínangexmaxü̃wa ingexmagüxü̃ca̱x.

Ngechuchuarü ngúexü̃gü ga yamugüxü̃arü puracüchiga 10:43

Rü guxü̃ma ga yema nũxcümaü̃güxü̃ ga Tupanaarü orearü uruü̃gü rü Ngechuchuchigaxü̃ nixugü nax yíxema nüxü̃́ yaxõgüxe rü Tupana tá tüxü̃́ nüxü̃ irüngümaxẽ i tümaarü pecadugü —ñanagürügü.

Ngechuchuarü ngúexü̃gü ga yamugüxü̃arü puracüchiga 3:19

Rü ngẽmaca̱x, Pa Chauenexẽgüx, rü name nixĩ i nüxü̃ perüxoe i pecüma i chixexü̃, rü Tupanaca̱x pexĩ, rü peyaxõgü nax nüma pexü̃́ ínapiãxü̃ca̱x i perü pecadugü.

Ore i mexü̃ ga Cuáü̃ ümatüxü̃ 9:39

Rü yexguma ga Ngechuchu rü ñanagürü: —Ñoma i naanewa chaxũ nax chayadexechixü̃ca̱x i chorü duü̃xü̃gü nüxna i ngẽma tama choxrü ixĩgüxü̃. Rü nua chaxũ nax ngẽma ngexetügüxü̃ nayadauuchigüxü̃ rü ngẽma idauuchixetügüxü̃ rü ngexetügüxü̃rüxü̃ nax yixĩgüxü̃ —ñanagürü.

Ore i mexü̃ ga Cuáü̃ ümatüxü̃ 4:14

Natürü texé ya yíxema choma tá tüxna chaxãxü̃ i dexáwa axexe, rü tagutáma wena tita̱xawa. Erü ngẽma dexá i choma tá tüxna chaxãxü̃ rü wüxi ya puchu ya guxü̃guma ibaibecürüxü̃ tá nixĩ i tümawa, erü ngẽma dexáwa nangẽxma i maxü̃ i taguma gúxü̃ —ñanagürü.

Ore i mexü̃ ga Cuáü̃ ümatüxü̃ 4:10

Rü Ngechuchu ngĩxü̃ nangãxü̃, rü ñanagürü: —Ngẽxguma chi nüxü̃ cucua̱xgu i ngẽma Tupana cuxna ãxchaü̃xü̃, rü chi nüxü̃ cucua̱xgu nax texé yixĩxü̃ ya yimá dexáca̱x cuxna cacü, rü cuma rü chi nüxna cuca i dexá, rü nüma rü chi cuxna nanaxã i dexá i maxü̃ nawa ngẽxmaxü̃ —ñanagürü.

Ichaía 32:3

Rü ngẽma ãẽ̱xgacügü rü tá mea nüxü̃ nadau i guxü̃ma i ngẽma nachixü̃anewa ngupetüxü̃. Rü ngẽxguma norü duü̃xü̃gü namaxã idexagügu rü tá mea nüxü̃́ inaxĩnüe. Rü taxũtáma ñu̱xãẽãcü norü duü̃xü̃gümaxã inacua̱xgü, natürü meamare tá namaxã inacua̱xgü. Rü ngẽxguma duü̃xü̃gümaxã yadexagügu rü tá mea nango̱x i norü dexa.

Ore i mexü̃ ga Matéu ümatüxü̃ 4:10

Rü nüma ga Ngechuchu rü ñanagürü nüxü̃: —¡Choxna ixũgachi, Pa Chatanáx! Erü Tupanaarü ore i ümatüxü̃ rü ñanagürü: “¡Nüxü̃ icua̱xüxü̃ ya Cori ya curü Tupana, rü yimágaxicatama naxĩnü!” —ñanagürü.

Ngechuchuarü ngúexü̃gü ga yamugüxü̃arü puracüchiga 26:19

Rü chomax, Pa Ãẽ̱xgacü Pa Agrípax, rü naga chaxĩnü ga yema naga ga daxũwa inaxũxü̃.

Efesios 5:11

Rü tama name i pema rü ta nagu pexĩ i ngẽma chixexü̃gü i taxuwama mexü̃ i ngẽma togü i duü̃xü̃gü i ẽanexü̃wa ngẽxmagüxü̃ ügüxü̃. Natürü narümemae nixĩ i penango̱xẽxẽ nax nachixexü̃ i ngẽma naxügüxü̃.

Efesios 6:12

Erü tama duü̃xü̃gü i taxrüxü̃ ãmachixü̃ rü ãxchina̱xãxü̃maxã nixĩ i yigü ida̱i̱xü̃. Natürü ngẽma namaxã yigü ida̱i̱xü̃ nixĩ i Chatanáarü duü̃xü̃gü i ngo̱xogü i chixexü̃gü i poraexü̃. Rü nümagü rü namaxã inacua̱x i ñoma i naanearü chixexü̃gü rü guxü̃wama daxũwa nangẽxmagü rü tüxü̃ narüporamaegüchaü̃.