Ngechuchuarü ngúexü̃gü ga yamugüxü̃arü puracüchiga 26:17 - Tupanaarü Ore

¹⁷ Rü tá cuxna chadau naxcha̱xwa i cutanüxü̃ i Yudíugü rü ngẽma tama Yudíugü ixĩgüxü̃ i natanüwa cuxü̃ chamuxü̃.

Ngechuchuarü ngúexü̃gü ga yamugüxü̃arü puracüchiga 26:17 Referans Kwoze

Ngechuchuarü ngúexü̃gü ga yamugüxü̃arü puracüchiga 9:15

Natürü nüma ga Cori rü ñanagürü nüxü̃: —¡Ngéma naxũ! Erü choma chanayaxu i ngẽma yatü nax choxü̃ yaxuchigaxü̃ca̱x namaxã i togü i nachixü̃anecüã̱xgü i duü̃xü̃gü rü norü ãẽ̱xgacügü, rü ngẽma Iraétanüxü̃.

Nüxíraxü̃xü̃ ga popera ga Timutéuca̱x naxümatüxü̃ ga Pauru 2:7

Rü Tupana choxü̃ naxuneta nax norü orearü ngeruxü̃ chixĩxü̃ca̱x. Rü choxü̃ namu nax chanangúexẽẽxü̃ca̱x i ngẽma duü̃xü̃gü i tama Yudíugü ixĩgüxü̃ nax nümagü rü ta yaxõgüãxü̃ca̱x rü nüxü̃ nacua̱xgüxü̃ca̱x i ngẽma ore i aixcüma ixĩxü̃. Rü ngẽma pemaxã nüxü̃ chixuxü̃, rü aixcüma nixĩ, rü tama chidora.

Romanos 11:13

Rü ñu̱xma Pa Duü̃xü̃gü i Tama Yudíugü Ixĩgüxü̃x, rü choxü̃́ nangẽxma i wüxi i ore i pemaxã nüxü̃ chixuxchaü̃xü̃. Rü dücax, petanüwa nixĩ i choxü̃ namuxü̃ ya Tupana nax pemaxã nüxü̃ chixuxü̃ca̱x i norü ore. Rü ñu̱xma rü aixcüma mea chayanguxẽxẽ i ngẽma puracü, erü chanaxwa̱xe i ngẽma chautanüxü̃ i Yudíugü nax pexü̃ daugüxü̃ca̱x nax Tupana pexü̃ rüngü̃xẽẽxü̃. Rü ngẽmaca̱x i ñuxre i nümagü, rü tá nüxü̃́ nangúchaü̃ nax Cristuaxü̃́ yaxõgüãxü̃ rü ngẽmaãcü nayauxgüãxü̃ca̱x i maxü̃ i taguma gúxü̃.

Yeremía 1:19

Rü nümagü rü tá cumaxã nanueama, natürü taxũtáma cuxü̃ narüporamaegü. Erü choma rü tá chacuxü̃tagu rü cuxna chadau rü cuxü̃ íchapoxü̃. Rü chomatama ya Cori ya Tupana nixĩ i nüxü̃ chixuxü̃ i ñaa chorü ore —ñanagürü.

Norü taxre ga popera ga Timutéuca̱x naxümatüxü̃ ga Pauru 3:11

Rü cuma nüxü̃ cucua̱x ga ñuxãcü chowe ningẽxü̃tanü ga duü̃xü̃gü rü ñuxãcü ngúxü̃ chinge ga yexguma Antioquíawa rü Icóniowa rü Lístrawa chayexmagu. Natürü yáxna namaxã chaxĩnü ga guxü̃ma ga yema ngúxü̃ ga chingexü̃. Rü tórü Cori ya Tupana rü choxü̃ ínapoxü̃ na̱xcha̱xwa i guxü̃ma i ngẽma ngúxü̃.

Norü taxre ga popera ga Timutéuca̱x naxümatüxü̃ ga Pauru 1:11

Rü Tupana choxü̃ naxuneta nax nüxü̃ chixuxü̃ca̱x i norü ore. Rü choxü̃ namu nax ngẽma oremaxã chanangúexẽẽxü̃ca̱x i duü̃xü̃gü.

Gálatas 2:9

Rü yemaca̱x ga Chantiágu rü Pedru rü Cuáü̃ ga yaxõgüxü̃arü ãẽ̱xgacügü, rü nüxü̃ nicua̱xãchigü nax choxü̃ naxunetaxü̃ ga Tupana nax chanaxüxü̃ca̱x i norü puracü. Rü yemaca̱x ga yema ãẽ̱xgacügü, rü toxme̱x niyauxãchigü ga choma rü Bernabé nax toxü̃ nüxü̃ nadauxẽẽgüxü̃ca̱x nax aixcüma namücügü tixĩgüxü̃ i Tupanaarü puracüwa. Rü nümagü rü ta norü me nixĩ nax ngẽma duü̃xü̃gü i tama Yudíugü ixĩgüxü̃tanüwa nax tanaxüxü̃ i Tupanaarü puracü rü nümagü i Yudíugütanüwa.

Ngechuchuarü ngúexü̃gü ga yamugüxü̃arü puracüchiga 28:28

Rü ñanagürü ta ga Pauru: —Rü name nixĩ nax nüxü̃ pecuáxü̃ nax ñu̱xmawena ngẽma tama Yudíugü ixĩgüxü̃maxã nüxü̃ ixuxü̃ i ñaa Tupanaarü ore i tüxü̃ maxẽxẽẽxü̃. Rü nümagü tá nixĩ i aixcüma inaxĩnüexü̃ —ñanagürü.

Yeremía 1:8

¡Rü taxṹ i texéxü̃ cumuü̃xü̃! Erü choma rü tá cuxü̃tawa changexma nax cuxna chadauxü̃ca̱x. Rü choma ya Cori ya Tupana nixĩ i cumaxã nüxü̃ chixuxü̃ i ñaa chorü ore —ñanagürü.

Romanos 15:16

Rü nüma nixĩ ga choxü̃ namuxü̃ nax Ngechuchu ya Cristuarü puracü chaxüxü̃ca̱x i natanüwa i ngẽma duü̃xü̃gü i tama Yudíugü ixĩgüxü̃. Rü ngẽma puracü ga nawa choxü̃ namuxü̃ nixĩ nax ngẽma tama Yudíugü ixĩgüxü̃maxã nüxü̃ chixuxü̃ca̱x i ngẽma ore i mexü̃, nax ngẽma duü̃xü̃gü rü wüxi i ãmare ya Tupana namaxã taãẽxü̃ i Naãxẽ ya Üünexü̃ imexẽẽgüxü̃ nax yixĩxü̃ca̱x.

Ngechuchuarü ngúexü̃gü ga yamugüxü̃arü puracüchiga 25:3

Rü naxca̱x ínacagü nax Yerucharéü̃wa Pauruxü̃ namuxü̃ca̱x. Yerü nümagü rü nagu narüxĩnüe nax namagu yacu̱xéü̃güãxü̃ nax yexma yama̱xgüãxü̃ca̱x.

Ngechuchuarü ngúexü̃gü ga yamugüxü̃arü puracüchiga 18:10

Erü choma rü cuxü̃tagu changẽxma. Rü taxúetama chixexü̃ cumaxã taxü erü daa ĩanewa rü choxü̃́ nangẽxma i muxü̃ma i chorü duü̃xü̃gü —ñanagürü ga Tupana.

Ngechuchuarü ngúexü̃gü ga yamugüxü̃arü puracüchiga 17:14

Natürü yexguma yemaxü̃ nacuáchigagügu ga yema yaxõgüxü̃, rü paxãma Pauruxü̃ ínaxũxũxẽẽgü ga guma ĩanewa rü ñu̱xmata márpechinüwa nangugü. Natürü ga Chíra rü Timutéu rü Beréagu narücho.

Ngechuchuarü ngúexü̃gü ga yamugüxü̃arü puracüchiga 17:10

Rü yematama ga chütaxü̃gu rü yema yaxõgüxü̃ ga Techarónicacüã̱x rü ĩane ga Beréawa nanamugü ga Pauru rü Chíra. Rü yexguma yéma nangugügu, rü Yudíugüarü ngutaque̱xepataü̃wa naxĩ.

Ngechuchuarü ngúexü̃gü ga yamugüxü̃arü puracüchiga 16:39

Rü yéma naxĩ, rü Pauruna rü Chírana nayacagü nax nüxü̃́ nüxü̃ iyanangümaexü̃ca̱x ga yema namaxã naxügüxü̃. Rü ínanamuxü̃, rü nüxü̃ naca̱a̱xü̃gü nax nawa ínachoxü̃xü̃ca̱x ga guma ĩane.

Ngechuchuarü ngúexü̃gü ga yamugüxü̃arü puracüchiga 13:50

Natürü yema Yudíugü ga tama Ngechuchuaxü̃́ yaxõgüchaü̃xü̃, rü chixexü̃maxã nayaxuxcu̱xẽgü ga yema ngexü̃gü ga tachigagüxü̃ ga Yudíugücümagu ĩxü̃ rü ñu̱xũchi nayaxuxcu̱xẽgü ga guma ĩanearü ãẽ̱xgacügü nax Pauruxü̃ rü Bernabéxü̃ ínawoxü̃xü̃ca̱x ga yema naanewa.

Wiyaegü 34:19

Rü yimá yatü ya ixaixcümacü rü namu i norü guxchaxü̃gü. Natürü nüma ya Cori ya Tupana rü ínananguxuchixẽxẽ nawa i guxü̃ma i ngẽma.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 16:35

Rü ñapegü nüxü̃: “¡Toxü̃ ínanguxü̃xẽxẽ, Pa Tupanax, Pa Torü Maxẽxẽxẽruxü̃x! ¡Rü toxü̃ nade nax naxme̱xwa toxü̃ ícunguxü̃xẽxẽxü̃ca̱x i ngẽma togü i nachixü̃anegü nax ngẽmaãcü tanataxẽxẽxü̃ca̱x i cuéga i Üünexü̃ rü taãxẽãcüma cuxü̃ ticua̱xüxü̃güxü̃ca̱x”, ñapegü nüxü̃!

Echequié 3:5

Choma rü tama natanüwa cuxü̃ chamu i duü̃xü̃gü i to i naga i guxchaxü̃wa idexagüxü̃ rü guxchaãcü nüxü̃ cuxĩnüxü̃. Natürü Iraétanüxü̃tanüwa nixĩ i cuxü̃ chamuxü̃.