Ngechuchuarü ngúexü̃gü ga yamugüxü̃arü puracüchiga 24:27 - Tupanaarü Ore

²⁷ Rü taxre ga taunecü yemaacü nixĩ. Rü ínanguxuchi ga Férix nax ãẽ̱xgacü yixĩxü̃, rü nachicüü ningucuchi ga Pórchiu ga Féstu. Natürü nüma ga Férix, rü Yudíugümaxã nügü namecümaxẽẽchaü̃, rü yemaca̱x tama Pauruxü̃ ínanguxuchixẽẽ.

Ngechuchuarü ngúexü̃gü ga yamugüxü̃arü puracüchiga 24:27 Referans Kwoze

Ngechuchuarü ngúexü̃gü ga yamugüxü̃arü puracüchiga 25:9

Natürü nüma ga Féstu rü Yudíugümaxã nügü namecümaxẽẽchaü̃, rü yemaca̱x Pauruna naca, rü ñanagürü nüxü̃: —¿Cunaxwa̱xexü̃ nax Yerucharéü̃wa cuxũxü̃ nax ngéma cuxna chacaxü̃ca̱x naxca̱x i guxü̃ma i ngẽma naxca̱x cuxü̃ ínaxuaxü̃güxü̃? —ñanagürü.

Ngechuchuarü ngúexü̃gü ga yamugüxü̃arü puracüchiga 25:14

Rü marü ñuxre ga ngunexü̃ yéma nayexmagügu, rü yemaca̱x Agrípamaxã nüxü̃ nixu ga Féstu ga Pauruchiga, rü ñanagürü: —Nua nangẽxma i wüxi i yatü i poxcuxü̃ ga Férix tama ínguxuchixẽẽxü̃.

Ngechuchuarü ngúexü̃gü ga yamugüxü̃arü puracüchiga 12:3

Rü yexguma nüxü̃ nada̱u̱xgu ga Eróde nax norü me yixĩxü̃ ga Yudíugü ga yema nax naxüxü̃, rü norü churaragüxü̃ namu nax Pedruxü̃ rü ta yayauxgüxü̃ca̱x. Rü yema nangupetü nagu ga Yudíugüarü peta ga Üpetüchiga ga paũ ga ngearü pu̱xẽẽruü̃ã́xü̃ nagu nangõ̱xgüxü̃.

Ngechuchuarü ngúexü̃gü ga yamugüxü̃arü puracüchiga 25:1

Rü Checharéawa nangu ga Féstu nax yéma ãẽ̱xgacüxü̃ yaxücuxü̃ca̱x. Rü yexguma marü tomaepü̱x ga ngunexü̃ yéma nayexmagu, rü wenaxarü inaxũãchi, rü Yerucharéü̃wa naxũ.

Ore i mexü̃ ga Márcu ümatüxü̃ 15:15

Rü yexguma ga Pirátu rü Barabáxü̃ ínanguxuchixẽxẽ, yerü duü̃xü̃güxü̃ nataãẽxẽẽchaü̃. Rü ñu̱xũchi norü churaragüxü̃ namu nax Ngechuchuxü̃ nacua̱i̱xgüxü̃ca̱x rü ñu̱xũchi curuchawa yanapotagüãxü̃ca̱x.

Gálatas 1:10

Rü choma rü tama naxca̱x chadau nax duü̃xü̃gü chomaxã taãẽgüxü̃, natürü Tupana chomaxã taãẽxü̃ca̱x nixĩ i chadauxü̃. Erü ngẽxguma chi duü̃xü̃güxü̃ chataãẽxẽẽchaü̃gu, rü taxũchima Cristuarü puracütanüxü̃ chixĩ.

Ngechuchuarü ngúexü̃gü ga yamugüxü̃arü puracüchiga 26:32

Rü Féstuxü̃ ñanagürü ga Agrípa: —Ngẽxguma chi tama nümatama naxca̱x ínaca̱xgu nax Rómaarü ãẽ̱xgacü ya Chécharu nüxna caxü̃ca̱x, rü chi ínanguxuchi —ñanagürü.

Ucu̱xẽgüchiga 29:25

Ngẽxguma duü̃xü̃güxü̃ cumuü̃gu rü cugünatama guxchaxü̃ cuxã. Natürü texé ya Tupanaga ĩnüxe, rü nüma ya Tupana tüxna nadau.

Ngechuchuarü ngúexü̃gü ga yamugüxü̃arü puracüchiga 28:30

Rü taxre ga taunecü ga mecü yéma nayexma ga Pauru nawa ga guma ĩpata ga naxütanüne nax nagu napexü̃ca̱x. Rü yéma meama nanayaxu ga guxü̃ma ga yema duü̃xü̃gü ga naxü̃tawa íyadaugüxü̃.

Ngechuchuarü ngúexü̃gü ga yamugüxü̃arü puracüchiga 25:4

Natürü ga Féstu rü nanangãxü̃, rü ñanagürü: —Checharéagu napoxcu i Pauru, rü choma rü tá paxa ngéma Checharéawa chaxũ.

Ngechuchuarü ngúexü̃gü ga yamugüxü̃arü puracüchiga 23:35

—Cuxü̃́ tá icharüxĩnü i ngẽxguma ínangugügu i ngẽma cuxü̃ íxuaxü̃güxü̃ —ñanagürü. Rü yexguma nanamu ga churaragü nax wüxi ga ucapu ga ãẽ̱xgacü ga Eródepatawa yexmaxü̃wa nüxna nax nadaugüxü̃ca̱x.

Ínachoxü̃xü̃chiga 23:2

Rü tama name i natanügu cuxã i ngẽma rümumaexü̃ i duü̃xü̃gü i chixexü̃ ügüxü̃. Rü ngẽxguma ãẽ̱xgacü cuxna caxgux nax nüxü̃ quixuxü̃ca̱x i ngẽma guxchaxü̃ i ngupetüxü̃, rü tama name i naga cuxĩnü i ngẽma rümumaexü̃ i chixri nüxü̃ ixugüxü̃ i ngẽma guxchaxü̃ i ngupetüxü̃.

Yeremía 38:13

Rü yema yatügü ga Ébe-mérex yéma gagüxü̃ rü naxca̱x nanachü̱xüegü ga napana̱xã rü yemagu nanatunagügü. Rü yexguma ínanguxuchiguwena rü nüma ga Yeremía rü poxcupataü̃ã̱xtügu narüxã̱ũ̱x.