Ngechuchuarü ngúexü̃gü ga yamugüxü̃arü puracüchiga 24:15 - Tupanaarü Ore

¹⁵ Rü choma rü ta yema nũxcümaü̃güxü̃rüxü̃ Tupanaaxü̃́ chayaxõ. Rü naxrüxü̃ chayaxõ rü tá wena nax namaxẽxü̃ i ngẽma yuexü̃ i mexü̃gü rü chixexü̃gü.

Ngechuchuarü ngúexü̃gü ga yamugüxü̃arü puracüchiga 24:15 Referans Kwoze

Danié 12:2

Rü guxü̃ma i marü yuexü̃ rü tá ínarüdagü. Rü nümaxü̃ rü maxü̃ i taguma gúxü̃ca̱x tá ínarüdagü, rü togü rü ãneca̱x rü poxcuca̱x tá ínarüdagü.

Yema Cuáü̃ nüxü̃ dauxü̃ i yixcüra tá ngupetüxü̃chiga 20:6

Rü tataãẽgü ya yíxema tüxíra írüdagüxe erü Tupanaarü duü̃xü̃gü tixĩgü. Rü ngẽma Tupanaarü poxcu rü marü taxũtáma tümaca̱x nixĩ. Rü tá Tupanaarü rü Cristuarü ngü̃xẽẽruü̃gü i chacherdótegü tixĩgü. Rü 1,000 ya taunecü tá Cristumaxã ãẽ̱xgacügü tixĩgü.

Filipenses 3:21

Rü ñaa taxü̃ne i yuxwa̱xexü̃ rü nüma ya Cristu tá nanaxüchicüxü nax naxü̃ne i üünexü̃rüxü̃ yixĩxü̃ca̱x. Rü ngẽma norü pora i namaxã guxü̃étüwa nangẽxmaxü̃maxã tá nixĩ i naxüchicüüãxü̃ i ngẽma taxü̃ne nax noxrürüxü̃ yixĩxü̃ca̱x.

Ngechuchuarü ngúexü̃gü ga yamugüxü̃arü puracüchiga 24:21

Rü ñaxü̃xicatama nixĩ ga chorü ore ga tagaãcü namaxã chachonagüxü̃ ga yexguma yema ãẽ̱xgacügüpe̱xewa chayexmagu: “Rü ñu̱xma rü choxna pecagü erü choma chayaxõ i wena tá nax namaxẽxü̃ i yuexü̃”, ñacharügü ga yexguma —ñanagürü ga Pauru.

Ore i mexü̃ ga Matéu ümatüxü̃ 25:46

Rü ngẽma duü̃xü̃gü rü tá poxcu i taguma gúxü̃wa naxĩ. Natürü ngẽma duü̃xü̃gü i aixcüma mea Tupanaca̱x maxẽxü̃ rü tá nanayauxgü i maxü̃ i taguma gúxü̃ —ñanagürü ga Ngechuchu.

Ore i mexü̃ ga Luca ümatüxü̃ 14:14

Rü tá cutaãẽxü̃chi i ngẽxguma erü nümagü rü taxucürüwa cuxü̃́ nanaxütanügü. Natürü tá cunayaxu i curü natanü i ngẽxguma wena namaxẽgu i Tupanaarü duü̃xü̃gü i mexü̃ —ñanagürü.

Ore i mexü̃ ga Cuáü̃ ümatüxü̃ 11:24

Rü Márta ngĩgürügü nüxü̃: —Ngẽmáacü nüxü̃ chacua̱x rü wena tá namaxü̃ i ngẽxguma nagu̱xgu i naane rü ngẽxguma wena namaxẽgu i guxü̃ma i yuexü̃ —ngĩgürügü.