Ngechuchuarü ngúexü̃gü ga yamugüxü̃arü puracüchiga 23:2 - Tupanaarü Ore

² Rü yexguma ga yema chacherdótegüaru ãẽ̱xgacü ga Ananía rü nanamu ga yema Pauruarü ngaicamana yexmagüxü̃ nax naã̱xwa tayama̱xgüxü̃ca̱x.

Ngechuchuarü ngúexü̃gü ga yamugüxü̃arü puracüchiga 23:2 Referans Kwoze

Ore i mexü̃ ga Cuáü̃ ümatüxü̃ 18:22

Rü yexguma Ngechuchu yema ñaxgu, rü wüxi ga Tupanapata ga taxü̃nearü purichía ga naxü̃tagu chíxü̃, rü Ngechuchuxü̃ napechiwe. Rü ñanagürü nüxü̃: —¿Tü̱xcüü̃ ngẽmaãcü cunangãxü̃ ya daa chacherdótegüarü ãẽ̱xgacü? —ñanagürü.

Ngechuchuarü ngúexü̃gü ga yamugüxü̃arü puracüchiga 24:1

Rü wüxime̱e̱xpü̱x ga ngunexü̃ ngupetügu, rü Yerucharéü̃wa ne naxũ ga chacherdótegüarü ãẽ̱xgacü ga Ananía, namaxã ga ñuxre ga Yudíugüarü ãẽ̱xgacügü rü wüxi ga yatü ga meama dexaxü̃ cuáxü̃ ga Téturu ga naéga. Rü nümagü rü ãẽ̱xgacü ga Férixü̃tawa naxĩ nax namaxã nüxü̃ yanaxugüxü̃ca̱x ga tü̱xcüü̃ Pauruxü̃ nax ínaxuaxü̃güxü̃.

Miquéa 5:1

¡Rü ñu̱xma, Pa Yerucharéü̃x, ínamexẽxẽ i curü poxü̃ruxü̃! Erü marü cuxü̃ ínachomaeguãchi i curü uanügü. Rü poraãcü tá ngúxü̃ nüxü̃ ningexẽẽgü ya yimá Iraétanüxü̃arü ãẽ̱xgacü.

Nüxíraxü̃xü̃ ga popera ga ãẽ̱xgacügüchiga 22:24

Rü yexguma ga Chedequía ga Quenaaná nane rü Micaíaca̱x nixũ rü nayapechiwe rü ñanagürü nüxü̃: —¿Ñuxgu nixĩ i Tupanaãẽ i choxna yaxũgachixü̃ nax cuxchiama cumaxã yadexaxü̃ca̱x? —ñanagürü.

Ore i mexü̃ ga Matéu ümatüxü̃ 26:67

Rü yexguma rü Ngechuchuchiwewa nacua̱i̱xgüe. Rü nüxna nanacua̱i̱xcagü. Rü togü rü nanapegüchiwegü.

Norü taxre ga to ga popera ga ãẽ̱xgacügüchiga ümatüxü̃ 18:23

Rü yexguma ga Chedequía ga Quenaaná nane rü Micaíaca̱x nixũ rü nayapechiwe rü ñanagürü nüxü̃: —¿Ñuxgu nixĩ i Tupanaãxẽ i choxna yaxũgachixü̃ nax cuxchama cumaxã yadexaxü̃ca̱x? —ñanagürü.

Yox 16:10

Rü duü̃xü̃gü rü chauxü̃tawa naxĩ nax choxü̃ nacugüexü̃ca̱x rü choxna nawüa̱xgüxü̃ca̱x. Rü choxü̃ napegüchiwegüxü̃ca̱x nax ngẽmaãcü choxü̃ naxãnexẽẽgüxü̃ca̱x.

Ore i mexü̃ ga Cuáü̃ ümatüxü̃ 18:23

Rü Ngechuchu nanangãxü̃ rü ñanagürü: —Rü ngẽxguma ta̱xacürü chixexü̃xü̃ chixuxgu, ¡rü nüxü̃ ixu nax ta̱xacürü chixexü̃ yixĩxü̃ i nüxü̃ chixuxü̃! Natürü ngẽxguma chorü ore rü aixcüma yixĩxgu, rü ¿tü̱xcüü̃ i choxü̃ cupechiwexü̃? —ñanagürü.