Ngechuchuarü ngúexü̃gü ga yamugüxü̃arü puracüchiga 23:15 - Tupanaarü Ore

¹⁵ Rü name nixĩ i pema rü ngẽma togü i pexrüxü̃ ãẽ̱xgacügütücumüwa ügüxü̃, rü churaragüarü ãẽ̱xgacüna naxca̱x peyacagü nax wena moxü̃ pepe̱xewa nagagüãxü̃ca̱x i Pauru. ¡Rü namaxã nüxü̃ pixu nax penaxwa̱xexü̃ nax mea nüxü̃ pecuáxchaü̃xü̃ i nachiga! Rü toma rü tá marü ítamemare nax namagu tayamáxü̃ca̱x naxü̃pa nax ínanguxü̃ —ñanagürügü.

Ngechuchuarü ngúexü̃gü ga yamugüxü̃arü puracüchiga 23:15 Referans Kwoze

Ichaía 59:7

Rü pepaxaãẽgü nax pemáetagüxü̃ rü tüxü̃ pima̱x ya yíxema taxuxü̃ma i chixexü̃ üxe. Rü máetaguxicatama perüxĩnüe rü ngẽmaca̱x penadai i duü̃xü̃gü rü ngẽma ípechopetüxü̃wa rü guxü̃ma nachixe.

Ucu̱xẽgüchiga 1:16

Erü nümagü rü nañu̱xãẽgü nax chixexü̃ naxügüxü̃ca̱x rü napaxaãẽgü nax namáetagüxü̃ca̱x.

Ngechuchuarü ngúexü̃gü ga yamugüxü̃arü puracüchiga 22:30

Rü yema churaragüarü ãẽ̱xgacü meama nüxü̃ nacuáxchaü̃ ga ta̱xacüca̱x nax ínaxuaxü̃güãxü̃ ga yema Yudíugü. Rü yemaca̱x ga moxü̃ãcü rü nanamu nax nangutaque̱xegüxü̃ca̱x ga chacherdótegüarü ãẽ̱xgacügü rü guxü̃ma ga yema ãẽ̱xgacügütücumü ga Yudíugüarü. Rü nayawẽgü ga Pauruarü cadéna rü yéma ãẽ̱xgacügüpe̱xewa nanagagü.

Ucu̱xẽgüchiga 4:16

Erü ngẽma duü̃xü̃gü rü tama nataãẽgü ega tama chixexü̃ naxügügu, rü tama napee ega taxúexü̃ma chixexü̃gu nangu̱xẽẽgügu.

Wiyaegü 21:11

Erü ngẽma curü uanügü rü nagu narüxĩnüe nax chixexü̃gu cuxü̃ nagu̱xẽẽgüxü̃ca̱x, natürü taxũtáma mea nüxü̃́ ínanguxuchi i ngẽma nagu naxĩnüexü̃.

Ngechuchuarü ngúexü̃gü ga yamugüxü̃arü puracüchiga 25:3

Rü naxca̱x ínacagü nax Yerucharéü̃wa Pauruxü̃ namuxü̃ca̱x. Yerü nümagü rü nagu narüxĩnüe nax namagu yacu̱xéü̃güãxü̃ nax yexma yama̱xgüãxü̃ca̱x.

Ore i mexü̃ ga Cuáü̃ ümatüxü̃ 18:12

Rü yexguma ga yema churaragüarü ãẽ̱xgacü rü norü churaragümaxã rü yema Yudíugü ga Tupanapata ga taxü̃nearü purichíagümaxã, rü Ngechuchuxü̃ niyauxgü. Rü nayana̱i̱xchacüügü.

Ngechuchuarü ngúexü̃gü ga yamugüxü̃arü puracüchiga 23:1

Rü Pauru meama nüxü̃ nadawenü ga yema Yudíugüarü ãẽ̱xgacügütücumü, rü ñanagürü nüxü̃: —Pa Chautanüxü̃x, chomatama nüxü̃ chacua̱x nax guxü̃guma mea chamaxü̃ ga Tupanape̱xewa ñu̱xmata ñoma i ngunexü̃wa nangu —ñanagürü.

Ngechuchuarü ngúexü̃gü ga yamugüxü̃arü puracüchiga 23:6

Rü yexguma Pauru nüxü̃ cua̱xgu nax Chaduchéugü yixĩxü̃ ga nümaxü̃ ga ãẽ̱xgacügü rü togü rü Parichéugü nax yixĩxü̃, rü yema ãẽ̱xgacügüpe̱xewa tagaãcüma ñanagürü: —Pa Chautanüxü̃x, choma rü Parichéu chixĩ, rü Parichéu nane chixĩ. Rü choma rü chayaxõ nax wena tá namaxẽxü̃ i yuexü̃, rü ngẽmagagu choxü̃ ípexuãü̃gü i ñu̱xmax —ñanagürü.

2 Chamué 13:5

Rü yexguma nüma ga Yonadá rü Anóü̃xü̃ naxuxcu̱xẽ rü ñanagürü: —Ẽcü curü pechicaxü̃gu yaca rü poraãcü cugü ida̱xawexẽẽneta. Rü ngẽxguma cunatü cuxü̃ íyada̱u̱xgu, rü tümamaxã nüxü̃ ixu nax cuxü̃tawa ngĩxü̃ tamuxü̃ i cueya̱x i Tamára nax cuxü̃ nachibüxẽẽxü̃ca̱x rü ngématama cuxca̱x naxüwemüxü̃ca̱x nax ngẽmaãcü ngĩxü̃ cudauxü̃ca̱x rü cunangṍxü̃ca̱x i ngẽma õna i ngĩma cuxna naxãxü̃ —ñanagürü.