Ngechuchuarü ngúexü̃gü ga yamugüxü̃arü puracüchiga 23:10 - Tupanaarü Ore

¹⁰ Rü yexeraãcü ninuetanü ga yema duü̃xü̃gü. Rü yemaca̱x naxoegaãxẽ ga gumá churaragüarü ãẽ̱xgacü nax Paurugu nagáugügüchaü̃xü̃. Rü norü churaragüxü̃ namu nax yéma duü̃xü̃gütanüwa Pauruxü̃ napugüxü̃ca̱x rü wena churaragüpatawa nax nagagüãxü̃ca̱x.

Ngechuchuarü ngúexü̃gü ga yamugüxü̃arü puracüchiga 23:10 Referans Kwoze

Popera ga Chantiágu ümatüxü̃ 3:14

Natürü ngẽxguma chi pixãũxãchiwa̱xegügu rü pegüchi pexaiegu rü togüarü yexera pegü pixĩxẽẽchaü̃gu, rü taxuca̱xma pegü picua̱xüü̃gü, rü ngẽma nagu perüxĩnüexü̃ rü wüxi i doramare nixĩ.

Popera ga Chantiágu ümatüxü̃ 1:19

Rü guxãma i pemax, Pa Chauenexẽgü ya Pexü̃ Changechaü̃güxe, rü ngẽxguma texé pemaxã idexagu, rü name nixĩ i mea iperüxĩnüe. Rü tama name i penue rü tüxü̃ pechoxü̃gagü.

Ngechuchuarü ngúexü̃gü ga yamugüxü̃arü puracüchiga 22:24

Rü yexguma yemaxü̃ nada̱u̱xgu ga churaragüarü ãẽ̱xgacü, rü nanamu ga churaragüpatagu nax yamucuchigüãxü̃ca̱x ga Pauru. Rü nanamu nax nacua̱i̱xgüãxü̃ca̱x nax nüxü̃ yaxuxü̃ca̱x nax ta̱xacüca̱x yixĩxü̃ nax ngẽmaãcü nachigamaxã aita naxüexü̃ i duü̃xü̃gü.

Ngechuchuarü ngúexü̃gü ga yamugüxü̃arü puracüchiga 23:32

Rü moxü̃ãcü nawoegu ga yema churaragü ga nacutümare ĩxü̃ rü naxpataü̃wa naxĩ. Rü yema churaragü ga cowarutagu ĩxü̃, rü Paurumaxã inaxĩãma.

Ngechuchuarü ngúexü̃gü ga yamugüxü̃arü puracüchiga 23:27

Rü yimá yatü ya cuxca̱x ngéma chanamucü, rü Yudíugü nayayauxgü rü wixguxüchi taa̱x nayama̱xgü. Natürü yexguma nüxü̃ chacuáchigagu nax Rómacüã̱x nax yixĩxü̃, rü yéma chaxũ chorü churaragümaxã, rü nüxna chanapu.

Ngechuchuarü ngúexü̃gü ga yamugüxü̃arü puracüchiga 23:16

Natürü ngĩne ga Paurueya̱x rü nüxü̃ nacuáchiga ga Pauruxü̃ nax yama̱xgüchaxü̃xü̃, rü yemaca̱x churaragüpatawa naxũ nax Paurumaxã nüxü̃ yanaxuxü̃ca̱x.

Wiyaegü 50:22

¡Dücax i pemax nax choxü̃ iperüngümaexü̃, name nixĩ i nagu perüxĩnüe i ngẽma pemaxã nüxü̃ chixuxü̃! ¡Rü cha̱u̱xca̱x pewoegu naxü̃pa nax pexü̃ chada̱i̱xü̃ rü taxúema pexü̃ ípoxü̃xü̃!

Wiyaegü 7:2

Rü ngẽxguma tama choxü̃ ícupoxü̃gu rü chorü uanügü rü ñoma leóü̃gü i chaugu wagüexü̃rüxü̃ tá nixĩgü. Rü tataxuma ya texé ya nüxna choxü̃ ípoxü̃xẽ.

Ngechuchuarü ngúexü̃gü ga yamugüxü̃arü puracüchiga 21:37

Rü yexguma marü churaragüpatagu yamucuchigüchaü̃ãgu, rü Pauru rü Griégugawa gumá ãẽ̱xgacüna naca rü ñanagürü: —¿Cuxü̃́ namexü̃ nax cumaxã nüxü̃ chixuxü̃ i wüxi i ore? —ñanagürü. Rü nüma ga ãẽ̱xgacü nanangãxü̃ rü ñanagürü: —¿Ẽ̱xna nüxü̃ cucua̱x nax Griégugawa quidexaxü̃?

Ngechuchuarü ngúexü̃gü ga yamugüxü̃arü puracüchiga 23:28

Rü nüxü̃ chacuáxchaü̃ ga ta̱xacü ga chixexü̃maxã nax ínaxuaxü̃güãxü̃, rü yemaca̱x Yudíugüarü ãẽ̱xgacügütücumüpe̱xewa chanaga.

2 Corintios 11:26

Rü mue̱xpü̱xcüna tóxnamana chaxũ, rü natügü ga ãũcümaxü̃wa chayexma, rü ãũcümaxü̃ ga ngĩ́ta̱xagüxü̃ íyexmagüxü̃wa chayexma. Rü woo Yudíugütanüwa, rü woo yema tama Yudíugü ixĩgüxü̃tanüwa, rü woo ĩanegüwa, rü woo namagüwa, rü woo márwa rü ãũcümaxü̃wa chayexma. Rü woo yema yaxõgünetaxü̃tanüwa rü ãũcümaxü̃wa chayexma.

Ngechuchuarü ngúexü̃gü ga yamugüxü̃arü puracüchiga 24:7

Natürü ínangu ga Líchiu ga churaragüarü ãẽ̱xgacü, rü muxü̃ma ga norü churaragümaxã toxna nanapu.