Ngechuchuarü ngúexü̃gü ga yamugüxü̃arü puracüchiga 23:1 - Tupanaarü Ore

¹ Rü Pauru meama nüxü̃ nadawenü ga yema Yudíugüarü ãẽ̱xgacügütücumü, rü ñanagürü nüxü̃: —Pa Chautanüxü̃x, chomatama nüxü̃ chacua̱x nax guxü̃guma mea chamaxü̃ ga Tupanape̱xewa ñu̱xmata ñoma i ngunexü̃wa nangu —ñanagürü.

Ngechuchuarü ngúexü̃gü ga yamugüxü̃arü puracüchiga 23:1 Referans Kwoze

Ngechuchuarü ngúexü̃gü ga yamugüxü̃arü puracüchiga 24:16

Rü ngẽmaca̱x nixĩ i guxü̃guma mea chaugüna chadauxü̃ nax chauãẽwa mexü̃gu charüxĩnüxü̃ i Tupanape̱xewa rü duü̃xü̃güpe̱xewa.

Norü taxre ga popera ga Timutéuca̱x naxümatüxü̃ ga Pauru 1:3

Guxü̃guma i chütacü rü ngunecü rü cuxna chacua̱xãchixü̃ i chorü yumüxẽwa, rü poraãcü cuxca̱x moxẽ Tupanana chaxã. Rü nüxü̃́ nixĩ i chapuracüxü̃ i mexü̃ i chauãẽmaxã, yexgumarüxü̃ ga nũxcümaü̃güxü̃ ga chorü o̱xigü naxügüxü̃rüxü̃.

2 Corintios 1:12

Rü ngẽma toxü̃ taãẽxẽẽxü̃ nixĩ nax toõxẽwa nüxü̃ tacuáxü̃ nax ñoma i naanewa rü aixcüma Tupana naxwa̱xexü̃ãcüma mea tamaxẽxü̃. Rü pepe̱xewa nixĩ ga guxü̃arü yexera yemaacü mea tamaxẽxü̃. Natürü tocüma rü tama ñoma i naanecüã̱xarü cua̱xwa ne naxũ, erü Tupana ya toxü̃ ngechaü̃cü nixĩ ya nüxü̃́ tayaxõcü.

Popera ga Yudíugü ga yaxõgüxü̃ca̱x ümatüxü̃ 13:18

Rü tanaxwa̱xe i toxca̱x peyumüxẽgü. Erü toõxẽwa nüxü̃ tacua̱x nax aixcüma mea tayanguxẽẽxü̃ i ngẽma puracü ya Tupana toxna ãxü̃ rü tanaxwa̱xe nax guxü̃guma ngẽmaãcü mea tanaxüxü̃.

1 Corintios 4:4

Natürü ñu̱xma nax chomatama nagu charüxĩnüxü̃ nax nataxuxü̃ma i chorü chixexü̃ i Tupanape̱xewa, rü tama ngẽmaca̱x Tupana choxü̃ nadau nax changearü pecaduã́xü̃. Erü nümatama ya tórü Cori ya Tupana nixĩ ya choxü̃ cuáarü maxü̃ãcü.

Ngechuchuarü ngúexü̃gü ga yamugüxü̃arü puracüchiga 22:5

Rü nüma ya chacherdótegüaru ãẽ̱xgacü rü guxü̃ma ya Tupanapata ya taxü̃nearü ãẽ̱xgacügü rü nüxü̃ nacua̱xgü nax aixcüma yixĩxü̃ i ñaa chorü ore. Yerü nümagü rü choxna nanaxã ga popera nax choxü̃ nangü̃xẽẽgüxü̃ca̱x ga tatanüxü̃ ga Yudíugü ga Damácuwa yexmagüxü̃. Rü yéma Damácuwa chaxũ nax naxca̱x chayadauxü̃ca̱x ga yema Ngechuchuaxü̃́ yaxõgüxü̃, rü nua Yerucharéü̃wa nax chanagagüxü̃ca̱x rü chanapoxcuexü̃ca̱x.

2 Corintios 4:2

Rü yemaca̱x nüxü̃ tarüxoe ga guxü̃ma ga yema chixexü̃ i ãne tüxna ãxü̃ rü yema cúãcü üxü̃. Rü tama tanawomüxẽẽãcüma nixĩ i namaxã nüxü̃ tixuxü̃ i ore rü tama tanaxüchicüü i ngẽma ore. Rü yema ore i aixcüma ixĩxü̃xicatama nixĩ i nüxü̃ tixuxü̃. Rü ngẽmaãcü Tupanape̱xewa rü duü̃xü̃güpe̱xewa togü itawe̱x nax nüxü̃ nacua̱xgüxü̃ca̱x nax aixcüma yixĩxü̃ i ngẽma nüxü̃ tixuxü̃.

Ngechuchuarü ngúexü̃gü ga yamugüxü̃arü puracüchiga 23:6

Rü yexguma Pauru nüxü̃ cua̱xgu nax Chaduchéugü yixĩxü̃ ga nümaxü̃ ga ãẽ̱xgacügü rü togü rü Parichéugü nax yixĩxü̃, rü yema ãẽ̱xgacügüpe̱xewa tagaãcüma ñanagürü: —Pa Chautanüxü̃x, choma rü Parichéu chixĩ, rü Parichéu nane chixĩ. Rü choma rü chayaxõ nax wena tá namaxẽxü̃ i yuexü̃, rü ngẽmagagu choxü̃ ípexuãü̃gü i ñu̱xmax —ñanagürü.

Ucu̱xẽgüchiga 28:1

Ngẽma chixexü̃ üxü̃, rü niña ega woo taxúema nawe ingẽchigügu. Natürü ngẽma aixcüma mexü̃gu maxü̃xü̃ rü ñoma wüxi ya leóü̃rüxü̃ taxuca̱xma namuü̃.

Nüxíraxü̃xü̃ ga popera ga Pedru ümatüxü̃ 3:16

Natürü name nixĩ i tama pegü picua̱xüü̃güãcüma penangãxü̃ rü tama pegügu perüxĩnüeãcüma nax ngẽma duü̃xü̃güarü yexera pixĩgüxü̃. Rü name nixĩ i mea pemaxẽ nax taxuca̱xma pexoegaãẽgüxü̃ca̱x. Rü ngẽxguma ngẽmaãcü pemaxẽgu rü tá naxãnẽxẽ i ngẽma duü̃xü̃gü i chixri pechiga idexagüxü̃ naxca̱x nax Cristuca̱x pemaxẽxü̃.

Ngechuchuarü ngúexü̃gü ga yamugüxü̃arü puracüchiga 22:30

Rü yema churaragüarü ãẽ̱xgacü meama nüxü̃ nacuáxchaü̃ ga ta̱xacüca̱x nax ínaxuaxü̃güãxü̃ ga yema Yudíugü. Rü yemaca̱x ga moxü̃ãcü rü nanamu nax nangutaque̱xegüxü̃ca̱x ga chacherdótegüarü ãẽ̱xgacügü rü guxü̃ma ga yema ãẽ̱xgacügütücumü ga Yudíugüarü. Rü nayawẽgü ga Pauruarü cadéna rü yéma ãẽ̱xgacügüpe̱xewa nanagagü.

Ngechuchuarü ngúexü̃gü ga yamugüxü̃arü puracüchiga 6:15

Rü yexguma Estébaü̃xü̃ nadaunügu ga guxü̃ma ga yema ãẽ̱xgacügü ga yéma rütogüxü̃, rü nüxü̃ nadaugü ga nachametü rü wüxi ga daxũcüã̱x ga orearü ngeruü̃chametürüxü̃ nax yixĩxü̃.

Ngechuchuarü ngúexü̃gü ga yamugüxü̃arü puracüchiga 22:1

—Pa Chautanüxü̃x Pa Iraétanüxü̃x, ¡rü choxü̃́ iperüxĩnüe i ngẽma ñu̱xma tá pemaxã nüxü̃ chixuxü̃ nax chaugüétüwa chidexaxü̃ca̱x! —ñanagürü.

Ore i mexü̃ ga Matéu ümatüxü̃ 5:22

Natürü choma rü pemaxã nüxü̃ chixu rü texé ya tümaenexẽmaxã nuxẽ, rü tá tapoxcu. Rü texé ya chixexü̃ tümaenexẽmaxã ixugüxe, rü ãẽ̱xgacügüpe̱xewa tá tüxü̃ nagagü nax tüxü̃ napoxcuxü̃ca̱x. Rü texé ya tümaenexẽmaxã naxueguxe nax tayamáxchaü̃xü̃, rü tá tapoxcu nagu ya yimá üxü ya taguma ixoxü̃ne.

Ngechuchuarü ngúexü̃gü ga yamugüxü̃arü puracüchiga 23:15

Rü name nixĩ i pema rü ngẽma togü i pexrüxü̃ ãẽ̱xgacügütücumüwa ügüxü̃, rü churaragüarü ãẽ̱xgacüna naxca̱x peyacagü nax wena moxü̃ pepe̱xewa nagagüãxü̃ca̱x i Pauru. ¡Rü namaxã nüxü̃ pixu nax penaxwa̱xexü̃ nax mea nüxü̃ pecuáxchaü̃xü̃ i nachiga! Rü toma rü tá marü ítamemare nax namagu tayamáxü̃ca̱x naxü̃pa nax ínanguxü̃ —ñanagürügü.

Ngechuchuarü ngúexü̃gü ga yamugüxü̃arü puracüchiga 23:20

Rü nüma ga ngextü̱xüxü̃ nanangãxü̃, rü ñanagürü: —Ngẽma Yudíugü, rü nügümaxã inaxunetagü nax cuxna naxca̱x nacagüxü̃ca̱x nax moxü̃ Yudíugüarü ãẽ̱xgacügütücumüpe̱xewa nax cunagaxü̃ca̱x i Pauru erü mea nüxü̃ nacua̱xgüchaü̃xü̃ i nachiga.

Ngechuchuarü ngúexü̃gü ga yamugüxü̃arü puracüchiga 23:28

Rü nüxü̃ chacuáxchaü̃ ga ta̱xacü ga chixexü̃maxã nax ínaxuaxü̃güãxü̃, rü yemaca̱x Yudíugüarü ãẽ̱xgacügütücumüpe̱xewa chanaga.