Ngechuchuarü ngúexü̃gü ga yamugüxü̃arü puracüchiga 22:14 - Tupanaarü Ore

¹⁴ Rü yexguma ñanagürü ta: “Yimá Tupana ya nũxcümaü̃güxü̃ ga tórü o̱xigüarü Tupana cuxü̃ naxuneta nax nüxü̃ cucuáxü̃ca̱x i norü ngúchaü̃, rü nüxü̃ cudauxü̃ca̱x ya yimá Cristu ya aixcümacü, rü naã̱xwatama nüxü̃ cuxĩnüxü̃ca̱x i naga.

Ngechuchuarü ngúexü̃gü ga yamugüxü̃arü puracüchiga 22:14 Referans Kwoze

Gálatas 1:12

Rü choma rü tama wüxi ga duü̃xü̃xü̃tawa naxca̱x changu̱x i ngẽma ore. Natürü Ngechuchu ya Cristutama nixĩ ga choxü̃ nüxü̃ cua̱xẽẽcü.

1 Corintios 15:8

Rü düxwa chowa inayacua̱x ga cha̱u̱xca̱x rü ta nax nangóxü̃, woo ngürüãchimare nixĩ ga yema, ngẽxgumarüxü̃ i wüxi i buxü̃ i taxũtáma norü ngunexü̃wa nanguyane buxü̃rüxü̃.

1 Corintios 9:1

Pemaxã nüxü̃ chixu rü tórü Coritama nixĩ ya choxü̃ yaxucü rü choxü̃ mucü nax norü puracü chaxüxü̃ca̱x, rü ngẽmaca̱x taxuxü̃ma i duü̃xü̃güme̱xẽwa changexma i ñu̱xmax. Rü chomatama chauxetümaxã tórü Cori ya Ngechuchuxü̃ chadau, rü ngẽma puracü i nüxü̃́ chaxüxü̃gagu nixĩ i peyaxõgüxü̃ i pemax.

Ngechuchuarü ngúexü̃gü ga yamugüxü̃arü puracüchiga 26:16

¡Natürü írüda rü inachi! Rü marü cuxca̱x chango̱x i ñu̱xmax, erü cuxü̃ chayaxu nax choxü̃́ cupuracüxü̃ca̱x rü nüxü̃ quixuchigaxü̃ca̱x i ngẽma ñu̱xma nax choxü̃ cudauxü̃ rü ngẽma yixcüra tá chauxü̃tawa nüxü̃ cudauxü̃.

Ngechuchuarü ngúexü̃gü ga yamugüxü̃arü puracüchiga 9:15

Natürü nüma ga Cori rü ñanagürü nüxü̃: —¡Ngéma naxũ! Erü choma chanayaxu i ngẽma yatü nax choxü̃ yaxuchigaxü̃ca̱x namaxã i togü i nachixü̃anecüã̱xgü i duü̃xü̃gü rü norü ãẽ̱xgacügü, rü ngẽma Iraétanüxü̃.

Nüxíraxü̃xü̃ ga popera ga Cuáü̃ ümatüxü̃ 2:1

Pa Chauxacügüx, pexca̱x chanaxümatü i ñaa ore nax tama pecadu pexügüxü̃ca̱x. Natürü ngẽxguma chi wüxíe pecadu uxgu, rü Tupanape̱xewa tüxü̃́ nangẽxma ya tümaarü chogüruxü̃. Rü yimá nixĩ ya Ngechuchu ya Cristu ya aixcüma mecü ixĩcü.

Romanos 1:1

Pa Chauenexẽgüx rü Pa Chaueya̱xgü ya Rómacüã̱xgüx, choma i Pauru nixĩ i pexca̱x chanaxümatüxü̃ i ñaa popera. Rü choma nixĩ ya Ngechuchu ya Cristuarü duü̃xü̃ chixĩxü̃. Rü choxü̃ nixĩ ga nayaxuxü̃ nax choxü̃ yamuxü̃ca̱x nax duü̃xü̃gümaxã nüxü̃ chixuxü̃ca̱x i norü ore i mexü̃.

Ngechuchuarü ngúexü̃gü ga yamugüxü̃arü puracüchiga 9:17

Rü gumá ĩpata ga Chauru nawa yexmanewa naxũ ga Ananía. Rü nagu naxücu, rü Chauruétügu naxǘxme̱x, rü ñanagürü nüxü̃: —Pa Chauenexẽ, Pa Chaurux, nüma ya Cori ya Ngechuchu ga gumá namawa cuxca̱x ngócü ga yexguma núma cuxũxgu, rü núma choxü̃ namu nax wenaxarü quidauuchixü̃ca̱x, rü cuxna nanguxü̃ca̱x i Naãxẽ ya Üünecü —ñanagürü.

Ngechuchuarü ngúexü̃gü ga yamugüxü̃arü puracüchiga 7:52

Rü perü o̱xigü rü chixri namaxã inacua̱xgü ga guxü̃ma ga Tupanaarü orearü uruü̃gü. Rü nanadai ga yema orearü uruü̃gü ga nüxü̃ ixuchigagüxü̃ nax núma tá naxũxü̃ ga gumá mecü ya Ngechuchu. Rü yexguma ínanguxgu ga gumá Ngechuchu rü pema rü Pirátupe̱xewa ípenaxuaxü̃ rü peyama̱x.

1 Corintios 11:23

Rü ngẽma ngu̱xẽẽtae i pemaxã nüxü̃ chixuxü̃ rü tórü Corixü̃tawatama chanayaxu. Rü yexguma tórü Cori ga Ngechuchuxü̃ ínaxuaxü̃gu, rü yematama chütaxü̃gu rü nüma rü nanayaxu ga wüxi ga paũ.

Ngechuchuarü ngúexü̃gü ga yamugüxü̃arü puracüchiga 24:14

Natürü ngẽma ñu̱xma cumaxã nüxü̃ chixuxü̃ nixĩ nax chorü o̱xigüarü Tupanaaxü̃́ chapuracüxü̃ yema Ngechuchu ya Cristu toxü̃ muxü̃ãcü. Rü ngẽma nixĩ i nüma i Yudíugü nüxü̃ ixugügu nax tomare i ore yixĩxü̃. Rü choma rü nüxü̃́ chayaxõ i guxü̃ma i ngẽma mugü ga Moiché ümatüxü̃ rü guxü̃ma i Tupanaarü ore ga nũxcümaü̃güxü̃ ga norü orearü uruü̃gü ümatügüxü̃.

Ngechuchuarü ngúexü̃gü ga yamugüxü̃arü puracüchiga 13:17

Yimá tórü Tupana i yixema i Iraétanüxü̃, rü tüxü̃ nade ga nũxcümaü̃güxe ga tórü o̱xigü nax tüxü̃ nangü̃xẽẽxü̃ca̱x. Rü poraãcü tüxü̃ nimuxẽxẽ ga yexguma to ga nachixü̃ane ga Equítuanewa tayexmagügu. Rü yemaacü wüxi ga natücumü ga muxü̃ tüxü̃ nixĩgüxẽxẽ. Rü yemawena, rü norü poramaxã tüxü̃ ínagaxü̃ ga yema naanewa.

Ngechuchuarü ngúexü̃gü ga yamugüxü̃arü puracüchiga 5:30

Gumá Tupana ga nũxcümaü̃güxü̃ ga tórü o̱xigü nüxü̃́ yaxõgücü, rü gumá nixĩ ga wena namaxẽxẽcü ga Ngechuchu ga pema peyamácü ga yexguma curuchawa peyapotagügu.

Ore i mexü̃ ga Cuáü̃ ümatüxü̃ 15:16

Pema rü tama pexíra cha̱u̱xca̱x pedaugü, natürü chaxíra nixĩ ga pexca̱x chadauxü̃ rü pexü̃ chamuxü̃ nax ngéma pexĩxü̃ca̱x rü nüxü̃ pixuxü̃ca̱x i chorü ore nax chauxü̃tawa penagagüxü̃ca̱x i muxü̃ma i duü̃xü̃gü, rü nümagü rü guxü̃guma choxü̃́ yaxõgüãxü̃ca̱x. Rü ñu̱xũchi Chaunatü ya Tupana tá pexna nanaxã i guxü̃ma i ta̱xacü i chauégagu nüxna naxca̱x pecaxü̃.

Danié 2:23

Rü moxẽ cuxna chaxã rü cuxü̃ chicua̱xüxü̃, Pa Chaunatügüarü Tupanax, erü cua̱x choxna cuxã rü choxü̃ cuporaxẽxẽ. Rü ñu̱xmax rü choxü̃ nüxü̃ cucua̱xẽxẽ i ngẽma cuxna naxca̱x taca̱xaxü̃, rü toxü̃ nüxü̃ cucua̱xẽxẽ i ngẽma nanegü i ãẽ̱xgacü naxca̱x oegaãẽxü̃ —ñanagürü.

Yeremía 1:5

—Yexguma taxũta cuxü̃ chango̱xẽẽgu rü woetama marü choma cuxü̃ chaxuneta. Rü naxü̃pa nax cubuxü̃ rü choma rü marü cuxü̃ chayaxu rü nachixü̃anegüarü orearü uruxü̃ cuxü̃ chixĩxẽxẽ —ñanagürü.

Édra 7:27

Rü yexguma ga Édra rü nayumüxẽ rü ñanagürü: —Pa Torü O̱xigüarü Tupanax, rü cuma rü cumecümaxü̃chi. Rü ngẽmaca̱x ãẽ̱xgacüãẽwa ícunanguxẽxẽ nax yima cupata ya taxü̃ne ya Yerucharéü̃wa ngẽxmane wena namexẽẽgüãxü̃ca̱x i curü duü̃xü̃gü.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 29:18

Pa Corix i Torü O̱xigü i Abraáü̃arü rü Ichaáarü rü Iraéarü Tupanax ¡ẽcü nüxü̃ rüngü̃xẽxẽ i ñaa curü duü̃xü̃gü nax guxü̃guma nüxü̃́ nangúchaü̃xü̃ca̱x nax cuga naxĩnüexü̃, rü tagutáma nüxü̃ naxoexü̃ca̱x nax cuxü̃ nangechaü̃güxü̃!

Ínachoxü̃xü̃chiga 15:2

Nagu chawiyae ya Cori ya Tupana erü nüma nixĩ i choxü̃ naporaxẽẽxü̃ rü choxü̃ namaxẽẽxü̃. Rü nüma nixĩ i chorü Tupana yixĩxü̃ rü ngẽmaca̱x nüxü̃ chicua̱xüxü̃. Rü nüma rü chaunatüarü Tupana nixĩ, rü ngẽmaca̱x chanataxẽxẽ.

Popera ga Títoca̱x naxümatüxü̃ ga Pauru 1:1

Pa Títox, choma i Pauru i Tupanaarü puracütanüxü̃ nixĩ i cuxca̱x chanaxümatüxü̃ i ñaa popera. Rü Ngechuchu ya Cristu nixĩ ga choxü̃ mucü nax ngẽma duü̃xü̃gü ya Tupana dexü̃maxã nüxü̃ chixuxü̃ca̱x i norü ore nax Tupanaaxü̃́ yaxõgüãxü̃ca̱x rü nüxü̃ nacua̱xgüxü̃ca̱x i ngẽma norü ore i aixcüma ixĩxü̃ i tüxü̃ rüngü̃xẽẽxü̃ nax naxca̱x imaxẽxü̃ca̱x. Rü ngẽmaca̱x Tupanaaxü̃́ tayaxõgü erü tanayauxgüchaü̃ i ngẽma maxü̃ i taguma gúxü̃. Rü ngẽma maxü̃ i taguma gúxü̃ nixĩ ga nũxcümaxü̃chima ga tauta naane ü̱xgu Tupana ya taguma idoracü nüxü̃ ixuxü̃.

Norü taxre ga popera ga Timutéuca̱x naxümatüxü̃ ga Pauru 1:1

Pa Timutéux, choma i Pauru nixĩ i cuxca̱x chanaxümatüxü̃ i ñaa popera. Rü choxü̃ nixĩ ga namuxü̃ ga Ngechuchu ya Cristu, yerü yemaacü nanaxwa̱xe ga Tupana. Rü nüma choxü̃ namu nax nüxü̃ chixuxü̃ca̱x nax aixcüma tüxü̃́ nangẽxmaxü̃ i maxü̃ i taguma gúxü̃, ega Ngechuchu ya Cristuaxü̃́ yaxõgügu.

Gálatas 1:15

Natürü yexguma taxũta chabuxgu, rü woetama Tupana choxü̃ naxuneta nax choxü̃ namuxü̃ca̱x nax chanaxüxü̃ca̱x i norü puracü. Rü nüma rü cha̱u̱xca̱x naca nax noxrü chixĩxü̃ca̱x, yerü poraãcü choxü̃ nangechaü̃. Rü yexguma Tupana naxwa̱xegu, rü choxü̃ nüxü̃ nacua̱xẽxẽ ga Nane ya Cristu. Rü yemaacü nanaxü nax ngẽma duü̃xü̃gü i tama Yudíugü ixĩgüxü̃maxã nüxü̃ chixuxü̃ca̱x nax Ngechuchugagu tüxü̃́ nangẽxmaxü̃ i maxü̃ i taguma gúxü̃. Rü yexguma yemaacü Tupana choxü̃ nüxü̃ cua̱xẽẽgu ga Nane, rü taxúenama chayaca.

2 Corintios 5:21

Cristu rü taguma pecadu naxü. Natürü tagagu nixĩ ga Tupana ga Cristuxü̃ naxütanüxẽẽãxü̃ i guxü̃ma i tórü pecadugü nax yemaacü nagagu tüxü̃ ínanguxü̃xẽẽxü̃ca̱x nawa i tórü pecadugü nax nape̱xewa imexü̃ca̱x ya Tupana.

1 Corintios 15:3

Rü yexguma noxri petanüwa changuxgu, rü yema nüxíra pexü̃ changu̱xẽẽxü̃ nixĩ ga yema ngu̱xẽẽtae ga choxü̃ namaxã nangu̱xẽẽgüxü̃ nax Cristu rü tórü pecaduca̱x nayuxü̃, ngẽma Tupanaarü ore i ümatüxü̃wa nüxü̃ yaxuxü̃rüxü̃.

Norü taxre ga to ga popera ga ãẽ̱xgacügüchiga ümatüxü̃ 28:25

Rü guxü̃ma ga Yudáanearü ĩanegüwa ínanaxüxü̃ ga ãmarearü guruü̃gü nax yemawa duü̃xü̃gü togü ga tupanagüca̱x pumarate̱xe ga iyixichixü̃ ínagugüxü̃ca̱x. Rü yemaacü nananuxẽxẽ ga Cori ya norü o̱xigüarü Tupana.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 12:17

Rü yexguma yema duü̃xü̃güxü̃ nada̱u̱xgu rü nüma ga Dabí rü naxca̱x nixũ rü ñanagürü: —Ngẽxguma chorü ngü̃xẽẽwa nua pexĩxgu rü guxü̃ne ya chorü maxü̃nemaxã pexü̃ chade nax chorü churaragütanüwa pichoü̃xü̃ca̱x. Natürü ngẽxguma chixexü̃ i ĩnümaxã nua pexĩxgu nax chauechita chorü uanügüna choxü̃ ípexuaxü̃xü̃ca̱x yixĩxgu, rü ẽcü pexü̃ napoxcu ya yima tórü o̱xigüarü Tupana, erü choma rü taxúemaama guxchaxü̃ chaxü rü tama wüxi i máetaxü̃ chixĩ —ñanagürü ga Dabí.

Norü taxre ga popera ga ãẽ̱xgacügüchiga 21:22

Rü yemaacü Cori ya norü o̱xigüarü Tupanana nixũgachi, rü tama yema Cori ya Tupana naxwa̱xexü̃ãcüma nanaxügü.

Nüxíraxü̃xü̃ ga popera ga Pedru ümatüxü̃ 2:22

Nüma ga Cristu rü taguma pecadu naxü, rü taguma texéxü̃ nawomüxẽxẽ.

Ngechuchuarü ngúexü̃gü ga yamugüxü̃arü puracüchiga 22:15

Erü cuma tá nixĩ i guxü̃ i duü̃xü̃gümaxã nüxü̃ quixuchigaxü̃ nax Tupanaxü̃ cudauxü̃ rü nüxü̃ cuxĩnüxü̃.