Ngechuchuarü ngúexü̃gü ga yamugüxü̃arü puracüchiga 21:5 - Tupanaarü Ore

⁵ Natürü yexguma nangupetügu ga yema 7 ga ngunexü̃gü, rü itaxĩãchi. Rü yema yaxõgüxü̃ rü towe narüxĩ. Rü naxma̱xmaxãchigü rü naxacügümaxãchigü toxü̃ ínixümücügü ga guxü̃ma ñu̱xmata guma ĩanearü türewa tangugü. Rü yexma naxnecügu tacaxgüápü̱xü, rü tayumüxẽgü.

Ngechuchuarü ngúexü̃gü ga yamugüxü̃arü puracüchiga 21:5 Referans Kwoze

Ngechuchuarü ngúexü̃gü ga yamugüxü̃arü puracüchiga 20:36

Rü yexguma yema ñaxguwena ga Pauru, rü inacaxã́pü̱xü rü wüxigu guxü̃maxã nayumüxẽ.

Ngechuchuarü ngúexü̃gü ga yamugüxü̃arü puracüchiga 9:40

Rü Pedru rü düxétüwa nanamugü ga guxü̃ma ga yema duü̃xü̃gü. Rü inacaxã́pü̱xü, rü nayumüxẽ. Rü ñu̱xũchi ngĩxca̱x nadauegu ga yema yuxcü, rü ñanagürü: —Pa Tabitáx, ¡Írüda! —ñanagürü. Rü yexguma ga ngĩma rü iyadauuchixetü. Rü yexguma Pedruxü̃ nada̱u̱xgu, rü íirüto.

Ngechuchuarü ngúexü̃gü ga yamugüxü̃arü puracüchiga 20:38

Yerü poraãcü nangechaü̃e naxca̱x ga yema ore ga namaxã nüxü̃ yaxuxü̃ ga: “Marü tagutáma wena choxü̃ pedaugü”, ñaxü̃. Rü nümagü ínayaxümücügü ñu̱xmata wapuruwa nangu.

Ngechuchuarü ngúexü̃gü ga yamugüxü̃arü puracüchiga 15:3

Rü yemaacü ga yema yaxõgüxü̃ ga Antioquíacüã̱x rü Yerucharéü̃wa nanamugü ga yema yatügü nax naxca̱x íyacagüxü̃ca̱x rü yamexẽẽgüãxü̃ca̱x ga yema wiecha̱xmüü̃pe̱xechiraü̃chiga. Rü Feníchiaanewa rü Chamáriaanewa nachopetü ga Pauru rü Bernabé. Rü yéma rü duü̃xü̃gümaxã nüxü̃ nixugüe nax yema tama Yudíugü ixĩgüxü̃ rü nüxü̃ nax naxoexü̃ ga nũxcümaü̃xü̃ ga nacümagü nax Tupanawe naxĩxü̃ca̱x. Rü yema oremaxã poraãcü nanataãẽxẽẽgü ga guxü̃ma ga yema yaxõgüxü̃.

Wiyaegü 95:6

¡Rü nua pexĩ rü ngĩxã nape̱xegu tacaxã́pü̱xügü rü nüxü̃ ticua̱xüxü̃gü ya Cori ya Tupana ya tüxü̃ ücü!

Ngechuchuarü ngúexü̃gü ga yamugüxü̃arü puracüchiga 17:10

Rü yematama ga chütaxü̃gu rü yema yaxõgüxü̃ ga Techarónicacüã̱x rü ĩane ga Beréawa nanamugü ga Pauru rü Chíra. Rü yexguma yéma nangugügu, rü Yudíugüarü ngutaque̱xepataü̃wa naxĩ.

Ore i mexü̃ ga Márcu ümatüxü̃ 1:40

Rü Ngechuchuca̱x nixũ ga wüxi ga yatü ga chaxünemaxã ida̱xawexü̃. Rü nape̱xegu nayacaxã́pü̱xü rü ñanagürü nüxü̃: —Pa Corix, ngẽxguma cunaxwa̱xegu nax choxü̃ curümexẽxẽxü̃, rü cuxü̃́ natauxcha nax cha̱u̱xca̱x cuyataanexẽxẽxü̃ —ñanagürü.

Ore i mexü̃ ga Matéu ümatüxü̃ 14:21

Rü yema yéma chibüexü̃ rü 5,000 ga yatügü nixĩ, natürü ga ngexü̃gü rü buxü̃gü rü tama nayaxugü.

Norü taxre ga to ga popera ga ãẽ̱xgacügüchiga ümatüxü̃ 20:13

Rü yexguma rü guxü̃ma ga Yudáanecüã̱xgü ga yatüxü̃gü rü ngexü̃gü rü buxü̃gü rü Tupanapatape̱xegu nachigü.

Nüxíraxü̃xü̃ ga popera ga ãẽ̱xgacügüchiga 8:54

Rü yexguma Charomóü̃ nüxü̃ rüchauxgu ga yema ãmarearü guruü̃pe̱xegu nacaxã́pü̱xüãcüma rü naxunagüme̱xẽãcüma nax norü yumüxẽwa Tupanamaxã yadexaxü̃, rü inachi rü guxü̃ma ga Iraéanecüã̱xgümaxã mexü̃ naxuegu. Rü tagaãcü ñanagürü:

Neemía 12:43

Rü yema ngunexü̃gu rü muxü̃ma ga ãmare Tupanaca̱x ínagugü. Rü poraãcü nataãẽgü ga duü̃xü̃gü yerü Tupana nixĩ ga nataãẽxẽẽgüxü̃. Rü ngexü̃gü rü buxü̃gü rü ta poraãcü nataãẽgü. Rü yema taãxẽ ga Yerucharéü̃wa naxügüxü̃ rü yáxü̃guma nüxü̃ taxĩnü.

Yochué 24:15

Natürü ngẽxguma tama Cori ya Tupanawe perüxĩxchaü̃gu ¡rü ñu̱xmatama nüxü̃ pixu i ta̱xacürü tupanawe tá perüxĩxü̃, rüe̱xna ngẽma tupananetagü ga nũxcüma ga perü o̱xigü nüxü̃ icua̱xüü̃güxü̃ ga taxtü ga Eufrátecutüwa, rüe̱xna ngẽma norü tupananetagü i Amoréutanüxü̃ i ñaa naanegu ãchiü̃güxü̃! Natürü i chomax rü chauxacügü rü Cori ya Tupanawe tá nixĩ i tarüxĩxü̃ —ñanagürü ga Yochué.

Ore i mexü̃ ga Luca ümatüxü̃ 22:41

Rü yexguma ga Ngechuchu rü yéamaxü̃ra norü ngúexü̃güna naxũ. Rü yexma nacaxã́pü̱xü rü nayumüxẽ.

Yochué 8:35

Rü guxü̃ma ga yema mugü ga Moiché nüxna ãxü̃ rü Yochué nüxü̃ nadaumatü nape̱xewa ga guxü̃ma ga Iraétanüxü̃ ga iyatüxü̃, rü ingexü̃, rü buxü̃gü, rü yema togü ga tama Iraétanüxü̃ ixĩgüxü̃ ga natanüwa maxẽxü̃.