Ngechuchuarü ngúexü̃gü ga yamugüxü̃arü puracüchiga 21:30 - Tupanaarü Ore

³⁰ Rü guxü̃ma ga yema ĩanecüã̱xgü rü poraãcü nanue. Rü Tupanapata ga taxü̃neca̱x nibuxmü, rü Pauruxü̃ niyauxgü, rü Tupanapataarü ĩã̱xtüwa nanatúchigügü. Rü yexguma paxa nanawãxtagü ga gumá Tupanapataarü ĩã̱xgü.

Ngechuchuarü ngúexü̃gü ga yamugüxü̃arü puracüchiga 21:30 Referans Kwoze

Ngechuchuarü ngúexü̃gü ga yamugüxü̃arü puracüchiga 26:21

Rü yemaca̱x nixĩ ga Yudíugü Tupanapata ya taxü̃negu choxü̃ yayauxgüxü̃ rü choxü̃ yama̱xgüchaü̃xü̃.

2 Corintios 11:26

Rü mue̱xpü̱xcüna tóxnamana chaxũ, rü natügü ga ãũcümaxü̃wa chayexma, rü ãũcümaxü̃ ga ngĩ́ta̱xagüxü̃ íyexmagüxü̃wa chayexma. Rü woo Yudíugütanüwa, rü woo yema tama Yudíugü ixĩgüxü̃tanüwa, rü woo ĩanegüwa, rü woo namagüwa, rü woo márwa rü ãũcümaxü̃wa chayexma. Rü woo yema yaxõgünetaxü̃tanüwa rü ãũcümaxü̃wa chayexma.

Ngechuchuarü ngúexü̃gü ga yamugüxü̃arü puracüchiga 19:29

Rü guxü̃ma ga yema ĩanecüã̱xgü rü poraãcü yexma nanaxĩ̱xãchitanüãxẽ. Rü ínanayauxü̃ ga Gáyu rü Aristárcu ga Machedóniaanecüã̱xgü ga Paurumücügü, rü guma ĩanearü estádiuwa nanagauxü̃tanü.

Ore i mexü̃ ga Luca ümatüxü̃ 4:29

Rü inachigü ga duü̃xü̃gü rü Ngechuchuxü̃ ínata̱xüchigü ga guma ĩanewa. Rü guma ma̱xpǘne ga guma ĩane nawa yexmanechitaeruwa nanagagü nax yéma yanataegüãxü̃ca̱x.

Ore i mexü̃ ga Matéu ümatüxü̃ 21:10

Rü yexguma Ngechuchu Yerucharéü̃gu naxücu̱xgu, rü guxü̃ma ga yema ĩanecüã̱x rü nanaxĩ̱xãchiãẽgü, rü ñanagürügü: —¿Texé nixĩ ya daa? —ñanagürügü.

Ore i mexü̃ ga Matéu ümatüxü̃ 2:3

Rü yexguma yemachigaxü̃ nacua̱xgu ga ãẽ̱xgacü ga Eróde rü poraãcü naxoegaãxẽ. Rü guxü̃ma ga duü̃xü̃gü ga Yerucharéü̃cüã̱xgü rü ta naxoegaãẽgü.

Norü taxre ga popera ga ãẽ̱xgacügüchiga 11:15

Rü yexguma ga nüma ga Yoiadá rü tagaãcü yema churaragüeruxü̃ namu rü ñanagürü: —¡Ngĩxü̃ ípegaxüchi i nua! ¡Rü taxũtáma nuxã Tupanapata ya taxü̃nechiãgu ngĩxü̃ pima̱x! Rü ngẽxguma texé ngĩétüwa chogügu ¡rü peyama̱xama! —ñanagürü. Rü yema ãẽ̱xgacüpataarü ücuchichica ga cowarugümaxã ínanguxü̃güxü̃gu ngĩxü̃ iyauxgü. Rü yexma ngĩxü̃ nima̱xgü.