Ngechuchuarü ngúexü̃gü ga yamugüxü̃arü puracüchiga 21:23 - Tupanaarü Ore

²³ ¡Rü ngẽmaca̱x name nixĩ nax cunaxüxü̃ i ngẽma tá cumaxã nüxü̃ tixuxü̃! Nua totanüwa nangẽxma i ãgümücü i yatügü i yanguxẽẽchaü̃xü̃ i wüxi i uneta i Tupanamaxã nüxü̃ yaxuxü̃.

Ngechuchuarü ngúexü̃gü ga yamugüxü̃arü puracüchiga 21:23 Referans Kwoze

Ngechuchuarü ngúexü̃gü ga yamugüxü̃arü puracüchiga 18:18

Rü yemawena rü muxü̃ma ga ngunexü̃ yéma Coríntiuwa nayexma ga Pauru. Rü yixcaama nüxü̃ narümoxẽ ga yema yaxõgüxü̃ rü nüxna inaxũãchi. Rü ĩane ga Chencréawa naxũ namaxã ga Prichíra rü Aquíra. Rü Chencréawa naxü̃pa nax yachoü̃xü̃, rü nügü nidüpü̱xüeru ga Pauru yerü marü nayanguxẽxẽ ga wüxi ga uneta ga Tupanamaxã nüxü̃ yaxuxü̃. Rü ñu̱xũchi Chencréaarü türewa wüxi ga wapurugu nichoü̃ nax Chíriaanewa naxĩxü̃ca̱x.

Iraétanüxü̃arü muxchiga 6:13

Rü ngẽxguma yagu̱xgu i norü ngunexü̃gü i nagu chomaxã inaxunetaxü̃ i ngẽma Nacharéu rü nanaxwa̱xe nax chopataca̱x ixücuxü̃wa naxũxü̃.

Iraétanüxü̃arü muxchiga 6:18

Rü ngẽmawena i nüma i Nacharéu rü Tupanapataca̱x ixücuxü̃wa tá nayayo i ngẽma nayae i Tupanaca̱x nayaxẽẽxü̃. Rü nüma i Nacharéu rü tá nanade i ngẽma nayae rü tá nayagu nawa ya yima üxü i ngẽma ãmare i carnéru i chorü ngüxmüxẽẽruü̃tüxü̃wa ngẽxmane.

Ngechuchuarü ngúexü̃gü ga yamugüxü̃arü puracüchiga 21:22

¿Ta̱xacü tá ixüexü̃ i ñu̱xmax? Erü ngẽma duü̃xü̃gü rü aixcüma tá nüxü̃ nacua̱xgü nax marü nua cunguxü̃.

1 Corintios 9:20

Rü yexguma chautanüxü̃ ga Yudíugütanüwa chayexmagu, rü namaxã chaugü chawüxiguxẽxẽ nax yemaacü nüxü̃ charüngü̃xẽẽxü̃ca̱x nax Cristuaxü̃́ yaxõgüãxü̃ca̱x. Rü woo tama yema Moiché ümatüxü̃ ga mugütüü̃wa changexmagu, natürü chayanguxẽẽãma i ngẽma mugü nax ngẽmaãcü Cristuxü̃tawa chanagagüxü̃ i ngẽma duü̃xü̃gü i ñu̱xma rü ta nagu ĩxü̃ i ngẽma mugü ga Moiché ümatüxü̃.