Ngechuchuarü ngúexü̃gü ga yamugüxü̃arü puracüchiga 21:14 - Tupanaarü Ore

¹⁴ Rü yexguma marü taxuacüma tanachu̱xugu, rü tachianemare, rü ñatarügü: —¡Ẽcü yangu i Cori ya Tupanaarü ngúchaü̃! —ñatarügügü.

Ngechuchuarü ngúexü̃gü ga yamugüxü̃arü puracüchiga 21:14 Referans Kwoze

Ore i mexü̃ ga Luca ümatüxü̃ 22:42

Rü ñanagürü: —Pa Chaunatüx, ngẽxguma cuma cunaxwa̱xegu, ¡rü nawa choxü̃ ínanguxuchixẽxẽ i ñaa ngúxü̃ i tá chingexü̃! Natürü chanaxwa̱xe i curü ngúchaü̃ cuxü rü tama i choxrü —ñanagürü.

Ore i mexü̃ ga Matéu ümatüxü̃ 26:42

Rü yexguma rü wenaxarü noxri ínayumüxẽxü̃wa naxũ ga Ngechuchu. Rü ñaãcü nayumüxẽ, rü ñanagürü: —Pa Chaunatüx, ngẽxguma tama cunaxwa̱xegu nax nawa choxü̃ ícunguxuchixẽẽxü̃ i ñaa ngúxü̃ i tá chingexü̃, rü marü name i ngẽma cuma cunaxwa̱xexü̃ãcüma chomaxã cunaxü —ñanagürü.

Ore i mexü̃ ga Matéu ümatüxü̃ 26:39

Rü yexguma ga Ngechuchu rü yéaxüra naxũ. Rü waixü̃müanegu nanangücuchi. Rü nayumüxẽ rü ñanagürü: —Pa Chaunatüx, ngẽxguma cuma cunaxwa̱xegu, ¡rü nüxna choxü̃ ínanguxuchixẽxẽ i ñaa ngúxü̃ i tá chingexü̃! Natürü chanaxwa̱xe i curütama ngúchaü̃ cuxü rü tama i choxrü —ñanagürü.

Ore i mexü̃ ga Matéu ümatüxü̃ 6:10

¡Rü núma naxũ nax torü ãẽ̱xgacü quixĩxü̃ca̱x! Rü tanaxwa̱xe i curü ngúchaü̃ nax cuxüxü̃ i ñoma i naanewa ngẽxgumarüxü̃ i daxũguxü̃ i naanewa nax curü ngúchaü̃ cuxüxü̃rüxü̃.

Norü taxre ga popera ga ãẽ̱xgacügüchiga 20:19

Natürü Echequía rü tama poraãcü naxoegaãxẽ yerü ñaxü̃gu narüxĩnü: —Ñu̱xma nax chamaxü̃gu rü taxũtáma ngẽma nangupetü —ñaxü̃gu narüxĩnü. Rü yemaca̱x Ichaíaxü̃ nangãxü̃ rü ñanagürü: —Cha̱u̱xca̱x name i ngẽma Tupanaarü ore i chomaxã nüxü̃ quixuxü̃ —ñanagürü.

Ore i mexü̃ ga Luca ümatüxü̃ 11:2

Rü Ngechuchu ñanagürü nüxü̃: —Rü ngẽxguma peyumüxẽgügu rü ñaperügügü tá: “Pa Tonatü ya Dauxü̃gucüx, rü aixcüma Üünecü quixĩ i cumax. ¡Rü núma naxũ nax torü ãẽ̱xgacü quixĩxü̃ca̱x! Rü tanaxwa̱xe i curü ngúchaü̃ nax naxügüxü̃ i duü̃xü̃gü i ñoma i naanewa, ngẽma daxũguxü̃ i naanewa nax curü ngúchaü̃ ínaxügüxü̃rüxü̃.

1 Chamué 3:18

Rü nüma ga Chamué rü guxü̃xü̃ma Erímaxã nixu rü taxuxü̃ma inicu̱x. Rü nüma ga Erí rü naba̱i̱xãchi rü ñanagürü: —Nüma nixĩ i Cori ya Tupana yixĩxü̃. ¡Ẽcü naxü i ngẽma naxca̱x rümemaexü̃! —ñanagürü.

Naanearü ügüchiga 43:14

Rü chanaxwa̱xe ya Tupana ya Guxü̃étüwa Ngẽxmacü nüxna naxĩnü ya yimá ãẽ̱xgacü nax nüxü̃́ pengechaü̃tümüxü̃güxü̃ca̱x, rü ínanguxuchixẽẽãxü̃ca̱x ya yimá peenexẽ ya Chimeóü̃, rü taxuxü̃ma nüxü̃ ngupetüxü̃ca̱x ya Bẽyamíü̃. Natürü ngẽxguma Tupana naxwa̱xegu nax changenexü̃, rü marü name nax ngẽmaãcü yixĩxü̃ —ñanagürü ga Acóbu.

Rux 1:18

Rü yexguma Noemí nüxü̃ cua̱xgu ga Rux rü aixcüma ngĩwe nax naxũxchaü̃xü̃, rü marü tama yemamaxã ngĩxü̃ ichixewe.