Ngechuchuarü ngúexü̃gü ga yamugüxü̃arü puracüchiga 21:13 - Tupanaarü Ore

¹³ Natürü nüma ga Pauru rü toxü̃ nangãxü̃ rü ñanagürü: —¿Tü̱xcüü̃ pexauxe rü choxü̃ pengechaü̃xẽxẽ? Choma rü íchamemare nax chinaíxü̃. Rü íchamemare ta nax Yerucharéü̃gu chayuxü̃ naxca̱x ya Cori ya Ngechuchu —ñanagürü.

Ngechuchuarü ngúexü̃gü ga yamugüxü̃arü puracüchiga 21:13 Referans Kwoze

Ngechuchuarü ngúexü̃gü ga yamugüxü̃arü puracüchiga 20:24

Natürü tama ngẽma ãũcümaxü̃gu charüxĩnü erü nüetama nixĩ ega woo chayu̱xgu. Natürü ngẽma chanaxwa̱xexü̃ nixĩ nax taãẽãcüma chapuracüamaxü̃ nax mea chayanguxẽẽxü̃ca̱x i ngẽma puracü ga tórü Cori ya Ngechuchu choxna ãxü̃ rü nüxü̃ chixuxü̃ca̱x i norü ore i Tupanaarü ngechaxü̃chiga.

Filipenses 2:17

Rü ñu̱xma nax mea peyaxõgüxü̃, rü ngẽma nixĩ i perü ãmare i Tupanana pexãxü̃. Rü ngẽma nax mea yanguxü̃ca̱x i ngẽma perü ãmare i Tupanape̱xewa, rü choma rü íchamemare nax Tupanaca̱x ichanaxãxü̃ i chorü maxü̃ rü chayuxü̃. Rü ngẽmaca̱x woo chayu̱xgu rü wüxi i taãxẽ tá nixĩ i cha̱u̱xca̱x. Rü chanaxwa̱xe i pemax rü ta wüxigu chomaxã petaãẽgü.

Norü taxre ga popera ga Timutéuca̱x naxümatüxü̃ ga Pauru 4:6

Rü choma rü taxũtáma muxü̃ i ngunexü̃ ñoma i naanewa changexma erü marü choxü̃ ningaica nax Tupanaarü puracügagu choxü̃ nax yama̱xgüxü̃.

Yema Cuáü̃ nüxü̃ dauxü̃ i yixcüra tá ngupetüxü̃chiga 12:11

Rü nümagü ga yema taenexẽgü, rü marü Chatanáxü̃ narüyexeragü namaxã ga nagü ga gumá Carnéruxacü rü namaxã ga Tupanaarü ore ga yema taenexẽgü nüxü̃ ixugüxü̃. Nümagü rü tama namuü̃e rü tama nayanuxũgü ga norü maxü̃ woo yema orexü̃ yaxugüxü̃ca̱x nayuegu.

Colosenses 1:24

Rü ñu̱xma nax pexca̱x ngúxü̃ chingexü̃ rü chataãxẽ erü nüxü̃ chacua̱x rü ñaa chaxunemaxã choma rü ta chayanguxẽxẽ ga yema ngúxü̃ ga Cristu ingexü̃ naxca̱x i norü duü̃xü̃gü i yaxõgüxü̃.

Norü taxre ga popera ga Pedru ümatüxü̃ 1:14

Rü pemaxã nüxü̃ chixu i ngẽma, erü tórü Cori ya Ngechuchu ya Cristu choxü̃ nüxü̃ nacua̱xẽxẽ nax paxa tá chayuxü̃.

Ngechuchuarü ngúexü̃gü ga yamugüxü̃arü puracüchiga 20:37

Rü guxü̃ma poraãcü naxauxe, rü Pauruna nanã̱ĩ̱xãchigü, rü nüxü̃ nachúxgü.

Ngechuchuarü ngúexü̃gü ga yamugüxü̃arü puracüchiga 5:41

Rü yema ãẽ̱xgacügüna ínixĩ ga yema ngúexü̃gü. Rü nataãẽgü yerü woetama Tupana nanaxwa̱xe nax yemaacü Ngechuchuca̱x ngúxü̃ yangegüxü̃.

Yema Cuáü̃ nüxü̃ dauxü̃ i yixcüra tá ngupetüxü̃chiga 3:10

Cuma rü meama cuyanguxẽxẽ i ngẽma cuxü̃ chamuxü̃ nax aixcüma cuyaxõõmaxü̃ naétüwa i ngẽma guxchaxü̃gü i cuxca̱x ínguxü̃. Rü ngẽmaca̱x tá cuxü̃ íchapoxü̃ nax tama cuxna nanguxü̃ca̱x i ngẽma guxchaxü̃ i taxü̃ i ñoma i naanewa tá ínguxü̃ nax guxü̃ma i ñoma i naanecüã̱x i duü̃xü̃güxü̃ naxüxü̃ca̱x.

Norü taxre ga popera ga Timutéuca̱x naxümatüxü̃ ga Pauru 1:4

Choma rü nüxna chacua̱xãchi nax poraãcü cha̱u̱xca̱x cungechaü̃xü̃ rü cha̱u̱xca̱x cuxaxuxü̃ ga yexguma cuxna íchixũxgu. Rü wenaxarü cuxü̃ chadauxchaü̃ nax aixcüma chataãẽxü̃ca̱x.

1 Corintios 15:31

Pemaxã nüxü̃ chixu, Pa Chauenexẽgüx, rü guxü̃ i ngunexü̃gu rü ãũcümaxü̃wa changexma, rü tama nüxü̃ chacua̱x i ta̱xacürü ngunexü̃gu Tupanaarü oregagu tá nax chayuxü̃. Rü ngẽma rü aixcümaxü̃chi nixĩ, ngẽxgumarüxü̃ nax aixcüma yixĩxü̃ nax choxü̃́ nangẽxmaxü̃ i wüxi i taãxẽ i taxü̃ i ñu̱xma nax tórü Cori ya Ngechuchu ya Cristuaxü̃́ peyaxõgüxü̃.

Ngechuchuarü ngúexü̃gü ga yamugüxü̃arü puracüchiga 9:16

Rü choma tá nüxü̃ nüxü̃ chadauxẽxẽ i ñuxre i ngúxü̃ tá cha̱u̱xca̱x yangexü̃ —ñanagürü ga Cori.

Filipenses 2:26

Rü poraãcü nüxü̃́ nangúchaü̃ nax pexü̃ íyadauxü̃ i guxãma i pemax. Rü poraãcü naxoegaãẽ, yerü pema rü nüxü̃ pecuáchiga nax yada̱xawexü̃ ga nümax.

Yoná 1:6

Rü nüma ga wapuruarü capitáü̃ rü yéma Yoná ípexü̃wa naxũ rü ñanagürü nüxü̃: —¿Ta̱xacü ngéma cuxü Pa Pexwa̱xexü̃x? ¡Írüda rü curü Tupanana naca! Rü bexmana nüxü̃́ ingechaü̃tümüxü̃gü nax tama iyuexü̃ca̱x —ñanagürü.

Echequié 18:2

—¿Tü̱xcüü̃ i Iraéanewa rü nagu naxãgaeecha i ngẽma dexa i ñaxü̃: “Ngẽma papagü rü úba i ngu̱xchi̱a̱xü̃ nangõ̱xgü, rü ngẽma nanegü rü nawa naxãũãpütagü”? ñaxü̃.

Ichaía 3:15

¿Texé pexü̃ tamu nax chixexü̃gu penayixẽẽxü̃ i chorü duü̃xü̃gü, rü chixri tümamaxã ipecuáxü̃ ya yíxema duü̃xẽgü ya ngearü ngẽmaxü̃xã̱xgüxe? —ñanagürü ya Cori ya Tupana ya Guxãétüwa Ngẽxmacü.

1 Chamué 15:14

Rü nüma ga Chamué nanangãxü̃ rü ñanagürü: —¿Texéarü nixĩ i ngẽma carnérugü i ngéma iwáichaxü̃, rü ngẽma wocagü i ngéma icagüxü̃ i nüxü̃ chaxĩnüxü̃? —ñanagürü.

1 Chamué 1:8

Rü nüma ga Ercaná rü naxma̱x ga Ánana naca rü ñanagürü ngĩxü̃: —¿Ta̱xacüca̱x cuxaxu? ¿Rü ta̱xacüca̱x cungechaü̃ rü tama cuchibü? ¿Tama ẽ̱xna i choma rü 10 ya cunearü yexera cuxü̃́ chamexü̃? —ñanagürü.

Yeremía 40:1

Rü nüma ga Babiróniaanecüã̱xarü churaragüeru ga Nabucharadáü̃ rü Ramágu nanangutaque̱xexẽxẽ ga yema Yerucharéü̃cüã̱xgü rü Yudáanecüã̱xgü ga Babiróniawa gagüchaü̃xü̃. Rü yematanügu Yeremíaxü̃ inayangau ga cadénamaxã ichotacü. Rü nüma ga Nabucharadáü̃ rü ínananguxuchixẽxẽ. Rü yemawena rü nüma ga Cori ya Tupana rü Yeremíamaxã nidexa.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 11:18

Rü yexgumatama ga yema tomaepü̱x ga tama muü̃ewa̱xexü̃ rü Firitéugü íyexmagüxü̃wa naxĩ rü gumá puchu ga Beréü̃arü ĩã̱xwa yexmacüwa dexá tanayauxgü. Rü ñu̱xũchi Dabíxü̃tawa nanangegü. Natürü nüma ga Dabí rü tama nayaxaxchaü̃, rü ínanabamare, rü yemaacü Cori ya Tupanana nanaxã.