22 Rü ñu̱xma rü Yerucharéü̃wa chaxũ erü Tupanaãxẽ ya Üünecü rü ngéma choxü̃ namu. Natürü tama nüxü̃ chacua̱x nax ta̱xacü tá choxü̃ üpetüxü̃ i ngéma.
Pema rü tama nüxü̃ pecua̱x nax ta̱xacü tá pexü̃ üpetüxü̃ i moxü̃. ¿Ta̱xacü nixĩ i perü maxü̃? Perü maxü̃ rü tá inayarüxo ñoma wüxi i cherena i paxaãchi nüxü̃ idauxü̃ rü ngẽxgumatama ngupetüxü̃rüxü̃.
Rü Cristu ya poraãcü toxü̃ ngechaü̃cü nixĩ ya ñu̱xma tomaxã icuácü, erü tayaxõgü nax nüma rü guxãarü pecaduca̱x nayuxü̃ nax yexma nayuxü̃ca̱x ga nũxcümaxü̃xü̃ ga tacüma ga chixexü̃.
Rü pemaxã nüxü̃ chixu i ngẽma, erü tórü Cori ya Ngechuchu ya Cristu choxü̃ nüxü̃ nacua̱xẽxẽ nax paxa tá chayuxü̃.
Rü yemaacü ítixĩ yerü ga Pauru rü tama Áchiaanegu nanuxcüchaü̃. Yerü nanaxwa̱xe nax paxa Yerucharéü̃wa nanguxü̃ naxca̱x ga Pẽntecostéarü ngunexü̃. Rü yemaca̱x nagu narüxĩnü nax tama Epéchiugu íyadauxü̃.
Rü yemawena ga Pauru, rü nagu narüxĩnü ga Machedóniaanewa rü Acáyaanewaxíra nax naxũxü̃, rü ñu̱xũchi Yerucharéü̃wa nax naxũxü̃. Rü ñanagürü: —Yerucharéü̃wa tá chaxũ, rü yixcaama rü Rómawa rü tá ta chaxũ —ñanagürü.
Rü yexguma Pauru rü Aténawa Chíraxü̃ rü Timutéuxü̃ nangu̱xẽẽgu, rü tama nataãẽcüraxü̃ yerü nüxü̃ nadau nax guxü̃wama ga guma ĩanewa rü poraãcü naxchicüna̱xãmaxãmare natupanaã̱xgüxü̃.
Natürü ga Ngechuchu rü marü nüxü̃ nacua̱x ga guxü̃ma ga yema tá nüxü̃ nax ngupetüxü̃. Rü yemaca̱x naxca̱x nixũ, rü nüxna naca, rü ñanagürü: —¿Texéca̱x nixĩ i pedaugüxü̃? —ñanagürü.
Rü marü íxraxü̃ nataxu nax nawa nanguxü̃ ga yema Yudíugüarü peta ga Üpetüchiga. Rü Ngechuchu nüxü̃ nacua̱x nax marü nawa nanguxü̃ nax ñoma ga naanewa yaxũxü̃ rü wenaxarü Nanatüxü̃tawa nax naxũxü̃. Rü nüma rü guxü̃guma tüxü̃ nangechaü̃ ga guxema noxrü ixĩgüxe ga ñoma i naanewa ngẽxmagüxe.
Rü choma rü tá poraãcü ngúxü̃ chinge, rü chanaxĩ̱xãchiãxẽ ñu̱xmatáta yangu i ngẽma.
Rü yexguma marü yangaicagu ga Ngechuchu nax daxũguxü̃ ga naanewa naxũxü̃, rü tama namuü̃ãcüma inaxũãchi nax Yerucharéü̃wa naxũxü̃.