Ngechuchuarü ngúexü̃gü ga yamugüxü̃arü puracüchiga 2:9 - Tupanaarü Ore

^9-11 Yixema tixĩgü i Pártiaanecüã̱x, rü Médiaanecüã̱x, rü Eráü̃anecüã̱x, rü Mechopotámiaanecüã̱x, rü Yudéaanecüã̱x, rü Capadochíaanecüã̱x, rü Póntoanecüã̱x, rü Áchiaarü naanecüã̱x, rü Fríquiaanecüã̱x, rü Panfíriaanecüã̱x, rü Equítuanecüã̱x, rü Líbiaanecüã̱x ga Chiréneanearü ngaicama maxẽxü̃. Rü tatanüwa nangẽxma i Rómacüã̱x i Yudíugü ixĩgüxü̃ rü togü i Rómacüã̱x i tama Yudíugü ixĩgüxü̃ natürü Yudíugücümagu ĩxü̃. Rü tatanüwa nangẽxmagü ta i duü̃xü̃gü i Crétaanewa rü Arábiaarü naanewa ne ĩxü̃. Rü guxãma nüxü̃ taxĩnüe i ñaa ngúexü̃gü nax tagawa yadexagüxü̃, rü tagawa nüxü̃ yaxugüxü̃ nachiga ga yema mexü̃gü ga Tupana norü poramaxã üxü̃ —ñanagürügü.

Ngechuchuarü ngúexü̃gü ga yamugüxü̃arü puracüchiga 2:9 Referans Kwoze

Nüxíraxü̃xü̃ ga popera ga Pedru ümatüxü̃ 1:1

Pa Chauenexẽgüx, choma i Pedru ya Ngechuchu ya Cristu choxü̃ muxü̃, rü pexü̃ charümoxẽ i pemax nax perü naanena to i nachixü̃anegügu pewoonexü̃, rü ñu̱xma Póntoanewa rü Gárataanewa rü Capadochíaanewa rü Áchiaanewa rü Bitíniaanewa ngẽxmagüxe.

Yema Cuáü̃ nüxü̃ dauxü̃ i yixcüra tá ngupetüxü̃chiga 1:4

Rü choma i Cuáü̃ rü pexca̱x chanaxümatü i pema i 7 tücumügü i yaxõgüxe i Áchiaanewa ngẽxmagüxe. Rü chanaxwa̱xe i pexü̃ narüngü̃xẽxẽ rü pexü̃ nataãẽxẽxẽ ya yimá Tupana ya woetama yexmacü rü ñu̱xma ngẽxmacü rü guxü̃gutáma ngẽxmacü. Rü ngẽxgumarüxü̃ ta chanaxwa̱xe i pexü̃ narüngü̃xẽxẽ rü pexü̃ nataãẽxẽxẽ i ngẽma 7 i Naãxẽgü i Tupanaarü tochicaxü̃pe̱xewa ngẽxmagüxü̃.

Norü taxre ga popera ga Timutéuca̱x naxümatüxü̃ ga Pauru 1:15

Cuma marü nüxü̃ cucua̱x rü guxü̃ma ga yema yaxõgüxü̃ ga Áchiacüã̱x rü marü choxna naxĩgü. Rü yematanüwa nayexma ga Figuéru rü Emóquene.

Ngechuchuarü ngúexü̃gü ga yamugüxü̃arü puracüchiga 18:2

Rü yéma namaxã inayarüxũ ga wüxi ga Yudíu ga Aquíragu ãégaxü̃. Nüma rü Póntoanecüã̱x nixĩ, rü yexwacax Itáriaanewa ne naxũ ngĩmaxã ga naxma̱x ga Prichíra. Rü yéma Coríntiuwa nayexma, yerü Rómaarü ãẽ̱xgacü ga Cláudiu nanamu nax Rómawa ínachoxü̃xü̃ca̱x ga guxü̃ma ga Yudíugü. Rü Pauru rü Aquíraxü̃tagu nanaxũane.

Ngechuchuarü ngúexü̃gü ga yamugüxü̃arü puracüchiga 16:6

Rü Áchiaanewa naxĩxchaü̃ nax yéma nüxü̃ yaxugüxü̃ca̱x ga ore i mexü̃. Natürü Tupanaãxẽ ya Üünecü rü nüxna nanachu̱xu ga yema. Rü yemaca̱x Fríquiaanewa rü Gárataanewaama nachopetü.

Ngechuchuarü ngúexü̃gü ga yamugüxü̃arü puracüchiga 19:10

Rü yemaacü nanaxü ga taxre ga taunecü, rü yemaacü guxü̃ma ga Áchiaanecüã̱xgü ga Yudíugü rü Griégugü rü nüxü̃ naxĩnüe ga Cori ya Tupanaarü ore.

Ngechuchuarü ngúexü̃gü ga yamugüxü̃arü puracüchiga 6:9

Rü wüxi ga ngutaque̱xepataxü̃ ga Ínguxü̃xü̃arü Ngutaque̱xepataü̃gu ãéganearü duü̃xü̃gü, rü wüxigu namaxã ga ñuxre ga duü̃xü̃gü ga Chiréneanewa, rü Areyandríaanewa, rü Chiríchiaanewa, rü Áchiaarü naanewa ne ĩxü̃ rü inanaxügüe nax Estébaü̃maxã iyaporagatanücüüxü̃.

Danié 8:2

Rü yema chaunegüwa rü Chúchaarü ĩanewa chayexma ga Eráü̃anewa ga natü ga Uráipechinüwa.

Ichaía 11:11

Rü ngẽxguma yimá Dabítaxa ingucuchigu nax ãẽ̱xgacü yixĩxü̃ca̱x rü nüma ya Cori ya Tupana rü tá wena inanawe̱x i norü pora. Rü wena tá nanangutaque̱xexẽxẽ i norü duü̃xü̃gü i Achíriaanewa, rü Equítuanewa, rü Patróxanewa, rü Etiopíaanewa, rü Eráü̃anewa, rü Chináxanewa, rü Amáanewa rü nachixü̃anegü i márcutüwa ngẽxmagüxü̃wa. Rü tá wena Iraéaneca̱x nanawoeguxẽxẽ.

Norü taxre ga popera ga ãẽ̱xgacügüchiga 17:6

Rü yexguma 9 ga taunecü marü ãẽ̱xgacü yixĩxgu ga Ochéa, rü nüma ga Achíriaanearü ãẽ̱xgacü rü nanapu ga guma ĩane. Rü Achíriaarü naanewa nanagagü ga yema Iraéanecüã̱xgü. Rü ĩane ga Arágu nayanu ga natü ga Abócutüwa ga Gocháü̃anewa. Rü togü rü Médiatanüxü̃arü ĩanegügu nayanu.

Naanearü ügüchiga 24:10

Rü yemawena ga gumá norü duü̃ rü norü coriarü ngã̱xãẽruü̃tanüwa nanade ga yema rümemaegüxü̃ ga ãmareruxü̃. Rü ínayagagü ga 10 ga norü coriarü caméyugü rü inaxũãchi nax nawa naxũxü̃ca̱x ga guma Nacóxarü ĩane ga Mechopotámiaanewa yexmane.

Naanearü ügüchiga 14:1

Rü yexguma Mamrégu naxãchiü̃gu ga Abráü̃, rü Amrapé rü ĩane ga Chináxarü ãẽ̱xgacü nixĩ, rü Arióx rü ĩane ga Eracháxarü ãẽ̱xgacü nixĩ, rü Queduraúme rü ĩane ga Eráü̃arü ãẽ̱xgacü nixĩ, rü Tidáx rü ĩane ga Goíü̃arü ãẽ̱xgacü nixĩ.

2 Corintios 1:8

Pa Toenexẽgüx, tanaxwa̱xe i nüxü̃ pecua̱x nax ñuxre ga guxchaxü̃gü toxü̃ ngupetüxü̃ ga Áchiaanewa. Rü yema nax poraãcü ngúxü̃ tingegüxü̃, rü nagu tarüxĩnüe nax marü tama namaxã taporaexü̃, rü düxwa nagu tarüxĩnüe nax marü taũtáma tamaxẽxü̃.

1 Corintios 16:19

Rü guxü̃ma i taenexẽgü i yaxõgüxü̃ i Áchiaanearü ĩanegüwa ngẽxmagüxü̃, rü moxẽ pexca̱x ngéma namugü. Rü Aquíra rü Prichíra rü guxü̃ma i ngẽma yaxõgüxü̃ i Aquírapatawa ngutaque̱xegüxü̃, rü moxẽ pexca̱x ngéma namugü naégagu ya tórü Cori.

Romanos 16:5

¡Rü nüxü̃ perümoxẽgü ta i guxü̃ma i taenexẽgü i Aquírapatawa ngutaque̱xegüüxü̃! ¡Rü ngẽxgumarüxü̃ ta nüxü̃ perümoxẽgü ya chomücü ya nüxü̃ changechaü̃cü ya Epénetu! Rü nüma nixĩ ga nüxíra Cristuaxü̃́ yaxõõxü̃ ga Áchiaanewa.

Ngechuchuarü ngúexü̃gü ga yamugüxü̃arü puracüchiga 20:18

Rü yexguma Pauruxü̃tawa nangugügu, rü nüma rü ñanagürü nüxü̃: —Pema nüxü̃ pecua̱x nax mea pepe̱xewa chamaxü̃xü̃ ga yexguma noxritama nua Áchiaanewa chaxũxgumama.

Ngechuchuarü ngúexü̃gü ga yamugüxü̃arü puracüchiga 20:16

Rü yemaacü ítixĩ yerü ga Pauru rü tama Áchiaanegu nanuxcüchaü̃. Yerü nanaxwa̱xe nax paxa Yerucharéü̃wa nanguxü̃ naxca̱x ga Pẽntecostéarü ngunexü̃. Rü yemaca̱x nagu narüxĩnü nax tama Epéchiugu íyadauxü̃.

Ngechuchuarü ngúexü̃gü ga yamugüxü̃arü puracüchiga 19:31

Rü yema Áchiaanearü ãẽ̱xgacügütanüwa rü nayexma ga ñuxre ga Paurumücügü ixĩgüxü̃. Rü nümagü rü ta Pauruxü̃tawa namugagü nax tama yema estadiugu naxücuxü̃ca̱x.

Ngechuchuarü ngúexü̃gü ga yamugüxü̃arü puracüchiga 19:27

Rü pema nüxü̃ pecua̱x rü tórü puracüca̱x rü naxãũcüma i ngẽma. Rü wüxi i chixexü̃ ta nixĩ naxca̱x i tórü tupana i Artemíchaarü tupauca ya taxü̃ne. Rü ñu̱xma rü muxü̃ma i duü̃xü̃gü rü ngĩxü̃ nangechaü̃ i Artemícha i guxü̃ i Áchiaanewa rü guxü̃ i naanewa. Natürü ngẽma Pauruarü ucu̱xẽgagu rü düxwa taxuxü̃táma ngĩxü̃ nangechaü̃ i duü̃xü̃gü, rü ngẽmaãcü tá düxwa inarüxo i tórü puracü —ñanagürü ga Demétriu.

Ngechuchuarü ngúexü̃gü ga yamugüxü̃arü puracüchiga 7:2

Rü Estébaü̃ nanangãxü̃, rü ñanagürü: —Pa Chautanüxü̃ Pa Ãẽ̱xgacügüx, ¡Choxü̃́ iperüxĩnüe! Gumá Tupana ya mexẽchicü, rü nũxcümaü̃cü ga tórü o̱xi ga Abraáü̃ca̱x nango̱x ga yexguma Mechopotámiaarü naanegu naxãchiü̃gu rü taxũta Aráü̃arü naanewa naxũxgu nax yexma yaxãchiü̃xü̃ca̱x.

Danié 8:20

Rü ngẽma carnéru i taxrechata̱xcurexü̃ i nüxü̃ cudauxü̃ rü ngẽma rü Médiaanearü ãẽ̱xgacüchiga rü Pérchiaanearü ãẽ̱xgacüchiga nixĩ.

Ichaía 21:2

Rü naxãũcümaxü̃chi nixĩ i ngẽma Cori ya Tupana choxü̃ wéxü̃. Rü ngẽma taechitawa̱xexü̃ rü nanaxü i ngẽma nagu naxĩnüxü̃. Rü ngẽma máxwa̱xexü̃ rü nayama̱x. ¡Pa Eráü̃cüã̱x, rü Pa Médiacüã̱x, paxa ipexĩãchi nax Babiróniaanearü ĩaneca̱x ípeyaxüãchixü̃! Rü choma rü tá chayacua̱xẽxẽ nax Babirónia ngúxü̃ nüxü̃ ingexẽẽgüxü̃ ya naigü ya ĩanegü.

Édra 6:2

Rü yema popera ga nagu naxümatüxü̃ ga yema Chíruarü mugü rü nüxü̃ inayangaugü nagu ga guma ãẽ̱xgacüpata ga ĩane ga Ebatánawa yexmane ga Médiaanewa.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 19:6

Rü yexguma Amóü̃tanüxü̃ nüxü̃ cua̱xgügu nax Dabíxü̃ nanuxẽẽgüxü̃, rü Mechopotámiawa, rü Chíriaanewa, rü Maacáanewa rü Chobáanewa nanamu ga 33,000 quíru ga diẽrumü nax nüxü̃ nangü̃xẽẽgüxü̃ca̱x ga churaragü ga cowaruétügu ĩxü̃ rü carugü ga dairuü̃gü nax yemaacü Dabímaxã nügü nada̱i̱xü̃ca̱x.

Ãẽ̱xgacügü ga guxchaxü̃güarü mexẽxẽruü̃gü 3:8

Rü yemagagu nixĩ ga Cori ya Tupana ga Iraétanüxü̃maxã nanuxü̃ rü Cucháü̃-richataíü̃ ga Mechopotámiaarü ãẽ̱xgacüme̱xẽwa nayexmagüxẽẽãxü̃. Rü 8 ga taunecü yema ãẽ̱xgacüme̱xẽwa nayexmagü rü nüxü̃́ napuracüe ñu̱xmata wena Cori ya Tupanana nacua̱xãchie rü nüxü̃ naca̱a̱xü̃gü nax ínanguxü̃xẽẽãxü̃ca̱x. Rü nüma ga Cori ya Tupana rü Otoniéxü̃ naxuneta nax Iraétanüxü̃xü̃ ínanguxü̃xẽẽxü̃ca̱x. Rü Otonié rü Quená nane nixĩ. Rü nüma ga Quená rü Caréxenexẽ ga rübumaecü nixĩ.

Wenaxarü naxümatü ga Tupanaarü mugü 23:4

Yerü nümagü ga Amóü̃tanüxü̃ rü Moátanüxü̃ rü tama pexü̃ nayauxgü õnamaxã rü axexü̃maxã ga yexguma Equítuanewa ípechoxü̃gu. Rü nümagü rü naétü nüxü̃́ nanaxütanügü ga Balaáü̃ ga Beúx nane ga Mechopotámiaarü ĩane ga Petúxwa ne ũcü nax chixexü̃ pemaxã naxueguxü̃ca̱x. Natürü ga Tupana rü Balaáü̃ãẽwa nananguxẽxẽ nax mexü̃ama pemaxã naxueguxü̃ca̱x rü tama i chixexü̃.

Naanearü ügüchiga 10:22

Rü Chéü̃ nanegü nixĩ ga Eráü̃, rü Achúx, rü Arpacháx, rü Lux rü ñu̱xũchi Aráü̃.

Danié 5:28

Pársin: Rü ngẽma cuchixü̃ane, Pa Ãẽ̱xgacüx, rü marü tá niyauxye rü tá Médiaanecüã̱xgüna rü Pérchiaanecüã̱xgüna nanaxã —ñanagürü ga Danié.

Ngechuchuarü ngúexü̃gü ga yamugüxü̃arü puracüchiga 2:8

¿Rü ñuxãcü ẽ̱xna i nüxü̃ ixĩnüexü̃ i wüxichigü i yixema i taga i nawa iyaexü̃wa nax yadexagüxü̃?

Ngechuchuarü ngúexü̃gü ga yamugüxü̃arü puracüchiga 20:4

Rü ínayaxümücügü ga Chópatro ga Beréacüã̱x ga Píru nane, rü Aristárcu rü Segundu ga Techarónicacüã̱xgü, rü Gáyu ga Dérbecüã̱x, rü Timutéu, rü Tíquicu, rü Trófimu ga Áchiaanecüã̱xgü.

Ngechuchuarü ngúexü̃gü ga yamugüxü̃arü puracüchiga 21:27

Rü yexguma marü nagúxchaü̃gu ga yema 7 ga ngunexü̃, rü ñuxre ga Yudíugü ga Áchiaanecüã̱xgü rü Pauruxü̃ nadaugü ga Tupanapata ga taxü̃newa. Rü yema Yudíugü rü duü̃xü̃güxü̃ nanuexẽxẽ nax Pauruxü̃ yayauxgüxü̃ca̱x. Rü yemaca̱x Pauruna nayu̱xgu.

Ngechuchuarü ngúexü̃gü ga yamugüxü̃arü puracüchiga 24:18

Rü nawena nax chaugü chamexẽẽxü̃ ga Tupanape̱xewa, rü choma rü Tupanapata ya taxü̃newa Tupanana chanaxã ga chorü ãmaregü. Rü tama muxü̃ ga duü̃xü̃gümaxã chayexma, rü tama chananuexẽxẽ ga duü̃xü̃gü. Rü yexguma nixĩ nax ñuxre ga Yudíugü ga Áchiaanecüã̱x choxü̃ daugüxü̃ ga Tupanapata ya taxü̃newa. Rü ngẽmagü chi nixĩ i ñu̱xma nua ĩxü̃ nax choxü̃ ínaxuaxü̃güxü̃ca̱x ega ta̱xacürü chixexü̃ chowa nadaugügu.

Ngechuchuarü ngúexü̃gü ga yamugüxü̃arü puracüchiga 27:2

Rü nagu tichoü̃ ga wüxi ga wapuru ga buanecümaxã ixũxü̃ne ga Adamítiuwa ne ũxü̃ne ga Áchiaarü ĩanegüwa ũxchaxü̃ne. Rü towe ta nixüe ga Aristárcu ga Machedóniaanecüã̱x ga ĩane ga Techarónicawa ne ũxü̃.