Ngechuchuarü ngúexü̃gü ga yamugüxü̃arü puracüchiga 2:42 - Tupanaarü Ore

⁴² Rü yema yexwacax yaxõgüxü̃ rü guxü̃guma inarüxĩnüe ga yema ngúexü̃gü ga Ngechuchu imugüxü̃arü ngu̱xẽẽtae. Rü mea nügümaxã nangaugü ga norü yemaxü̃gü. Rü guxü̃guma nayumüxẽgüxü̃ rü chibüca̱x nangutaque̱xegüxü̃.

Ngechuchuarü ngúexü̃gü ga yamugüxü̃arü puracüchiga 2:42 Referans Kwoze

Popera ga Yudíugü ga yaxõgüxü̃ca̱x ümatüxü̃ 10:25

Rü tama name nax nüxü̃ rüxoexü̃ nax ingutaque̱xegüxü̃, erü togü rü marü nüxü̃ narüxoe nax ngutaque̱xewa naxĩxü̃. Natürü name nixĩ i yigüaxü̃́ tanangúchaü̃xẽxẽ nax ingutaque̱xegüxü̃. Rü ñu̱xma nax nüxü̃ icuáxü̃ nax marü yangaicaxü̃ ya tórü Cori, rü name nax yexeraãcü yigüaxü̃́ nangúchaü̃xẽẽxü̃ nax ingutaque̱xegüxü̃.

Ngechuchuarü ngúexü̃gü ga yamugüxü̃arü puracüchiga 1:14

Rü guxü̃ma ga nümagü rü guxü̃guma nangutaque̱xegüxü̃ nax wüxigu nayumüxẽgüxü̃ca̱x namaxã ga Ngechuchuenexẽgü, rü ngĩmaxã ga María ga Ngechuchu naé, rü ñuxre ga togü ga ngexü̃gü.

Nüxíraxü̃xü̃ ga popera ga Cuáü̃ ümatüxü̃ 1:3

Rü yema toma nüxü̃ tadaugüxü̃ rü nüxü̃ taxĩnüexü̃ rü ngẽma nixĩ i pemaxã nüxü̃ tixuxü̃ nax totanüxü̃ pixĩgüxü̃ca̱x, ngẽxgumarüxü̃ i tomax nax Tanatü ya Tupana rü Nane ya Ngechuchu ya Cristutanüxü̃ tixĩgüxü̃rüxü̃.

Nüxíraxü̃xü̃ ga popera ga Cuáü̃ ümatüxü̃ 1:7

Natürü ngẽxguma chi Tupanarüxü̃ ngóonexü̃wa imaxẽgu, rü yigütanüxü̃ tixĩgü, rü Tupana Nane ya Ngechuchu rü nagümaxã tüxü̃́ inayanaxoxẽxẽ i guxü̃ma i pecadugü.

Ngechuchuarü ngúexü̃gü ga yamugüxü̃arü puracüchiga 2:46

Rü guxü̃ ga ngunexü̃gu Tupanapata ga taxü̃newa nangutaque̱xegüxü̃, rü chibüca̱x nangutaque̱xegüxü̃ ga napatagüwa. Rü taãẽãcüma nügümaxã nachibüe.

Ngechuchuarü ngúexü̃gü ga yamugüxü̃arü puracüchiga 20:7

Rü yema yüxüarü ngunexü̃gu rü tangutaque̱xegü namaxã ga yema yaxõgüxü̃ nax tanangṍxü̃ca̱x ga paũ ga bücuxü̃ yema Ngechuchu toxü̃ ngúexẽẽxü̃rüxü̃. Rü yema yaxõgüxü̃maxã nidexa ga Pauru. Rü nanama̱xẽxẽ ga norü dexa ñu̱xmata ngãxü̃cüwa nangu, yerü moxü̃ãcü inaxũãchichaü̃.

Efesios 6:18

Rü name i guxü̃guma peyumüxẽgüxü̃. ¡Rü guxü̃guma Tupanaãxẽ i Üünexü̃arü ngü̃xẽẽmaxã Tupanana peca! ¡Rü pexuãxẽ nax taguma nüxü̃ perüxoexü̃ca̱x! Rü ngẽmaãcü name i naxca̱x peyumüxẽgü i guxü̃ma i duü̃xü̃gü i Tupanaaxü̃́ yaxõgüxü̃.

Popera ga Yúda ümatüxü̃ 1:20

Natürü pemax, Pa Chauenexẽgü ya Pexü̃ Changechaü̃güxe, ¡rü pegü perüngü̃xẽxẽ̱x nax guxü̃guma yexeraãcü nagu pexĩxü̃ rü peyaxõgüxü̃ i ngẽma ore i üünexü̃ i marü peyauxgüxü̃! ¡Rü guxü̃guma Tupanaãxẽ i Üünexü̃arü ngü̃xẽẽmaxã peyumüxẽgü!

Colosenses 4:2

¡Rü guxü̃guma peyumüxẽgü! ¡Rü pexuãxẽgü nax tama nüxü̃ iperüngümaexü̃ca̱x nax Tupanana moxẽ pexãgüxü̃!

Colosenses 1:23

Natürü ngéma nax pengugüxü̃ca̱x, rü penaxwa̱xe nax guxü̃guma aixcüma peyaxõgüxü̃ rü taguma nüxü̃ perüxoexü̃ i ngẽma ore i mexü̃ ga marü nüxü̃ pexĩnüexü̃ nachiga i ngẽma maxü̃ i ípenangu̱xẽẽxü̃. Rü ngẽmatama ore nixĩ i ñu̱xma gúxü̃ i naanewa nüxü̃ yaxugüexü̃, rü choma i Pauru nixĩ i nawa chapuracüxü̃ nax nüxü̃ chixuxü̃ca̱x i ngẽma ore.

Norü taxre ga popera ga Timutéuca̱x naxümatüxü̃ ga Pauru 3:14

Natürü i cuma rü name nixĩ i guxü̃guma mea nagu quixũ i ngẽma ore i marü naxca̱x cungúxü̃. Erü cumatama rü nüxü̃ cucua̱x nax aixcüma yixĩxü̃ i ngẽma ore, rü nüxü̃ cucua̱x nax texégü tixĩgüxü̃ ga guxema namaxã cuxü̃ ngu̱xẽẽgüxe.

Efesios 2:20

Pema rü ñoma wüxi ya ĩpata ya mexü̃nerüxü̃ pixĩgü. Rü yima ĩpata namaxã ixügüne nixĩ i norü ngu̱xẽẽtae ga yema ngúexü̃gü ga Tupana imugüxü̃ rü yema norü orearü uruü̃gü. Rü nüma ya Cristu nixĩ ya yimá nüxíraü̃cü ya nuta ga naétüwa inaxügücü ya yimá ĩpata.

Ngechuchuarü ngúexü̃gü ga yamugüxü̃arü puracüchiga 14:22

Rü gumá ĩanegüwa rü yema yaxõgüxü̃xü̃ nixucu̱xẽgü, rü nüxü̃́ nanangúchaü̃xẽẽgü nax guxü̃guma mea yaxõgüãxü̃ca̱x. Rü namaxã nüxü̃ nixugüe, rü ñanagürügü: —Ngẽma Tupana ãẽ̱xgacü ixĩxü̃wa nax ixücuxü̃ca̱x, rü tanaxwa̱xe i muxü̃ma i guxchaxü̃gümaxã yáxna taxĩnüexü̃ i ñoma i naanewa —ñanagürügü.

Ngechuchuarü ngúexü̃gü ga yamugüxü̃arü puracüchiga 6:4

Rü ngẽxguma i toma rü yumüxẽwa rü Tupanaarü orearü uchigawaxicatama tá tapuracüe —ñanagürügü.

Ngechuchuarü ngúexü̃gü ga yamugüxü̃arü puracüchiga 4:31

Rü yexguma yumüxẽwa nüxü̃ nachauegu, rü gumá ĩpata ga nawa nangutaque̱xegüne rü naxĩã̱xãchi. Rü Tupanaãxẽ ya Üünecü rü nüxna nangu ga guxü̃ma. Rü tama namuü̃eãcüma nüxü̃ nixugüe ga Tupanaarü ore.

1 Corintios 10:21

Rü pema nax peyaxaxgüxü̃ ya yimá bínu ya tórü Corixü̃ namaxã picua̱xüü̃gücü rü taxucürüwama namaxã pexãmücü i ngẽma duü̃xü̃gü i ngo̱xgüwe rüxĩxü̃. Rü pema nax tórü Coriarü mechawa penangṍxü̃ i ngẽma õna i nüxü̃ namaxã picua̱xüü̃güxü̃ rü taxucürüwama ngẽma duü̃xü̃gü i ngo̱xgüwe rüxĩxü̃arü mechawa rü ta peyachibüe.

Romanos 12:12

Rü name nixĩ i taãẽãcü ípenangu̱xẽxẽ ñu̱xmata penayaxu i ngẽma Cristu nüxü̃ unetaxü̃. Rü ngẽxguma ngúxü̃ pexca̱x ínguxgu, rü name nixĩ i yáxna namaxã pexĩnüe. Rü name nixĩ i guxü̃guma peyumüxẽgü.

Popera ga Yudíugü ga yaxõgüxü̃ca̱x ümatüxü̃ 10:39

Natürü i yixema rü tama naxrüxü̃ tixĩgü i ngẽma duü̃xü̃gü i Tupanana ixĩgachixü̃ rü poxcuwa ĩxü̃, erü yixema rü tüxü̃́ nangẽxma i maxü̃ i taguma gúxü̃ erü tayaxõgü.

Ngechuchuarü ngúexü̃gü ga yamugüxü̃arü puracüchiga 11:23

Rü yexguma yéma nanguxgu ga Bernabé, rü nüxü̃ nadau nax ñuxãcü Tupana nüxü̃ rüngü̃xẽẽxü̃ ga yema yaxõgüxü̃ ga Antioquíacüã̱x, rü poraãcü namaxã nataãxẽ. Rü nayaxucu̱xẽgü ga guxü̃ma nax meama Cori ya Ngechuchuwe naxĩãmaxü̃ca̱x, rü taguma nüxü̃ naxoexü̃ca̱x.

1 Corintios 11:2

Pa Chauenexẽgüx, pemaxã chataãxẽ erü guxü̃guma chaugu perüxĩnüe rü nagu pexĩ ga yema ngu̱xẽẽtae ga pexü̃ changúexẽẽxü̃.

Ngechuchuarü ngúexü̃gü ga yamugüxü̃arü puracüchiga 20:11

Rü yexguma wenaxarü daxũ naxĩ, rü inanabücu ga yema paũ, rü nanangõ̱x. Rü wenaxarü nidexa ñu̱xmata yangune, rü yexguma inaxũãchi.

Nüxíraxü̃xü̃ ga popera ga Cuáü̃ ümatüxü̃ 2:19

Rü ngẽma Cristuarü uanügü rü tatanüwatama nangẽxmagüchire̱x, natürü tama aixcüma tatanüxü̃ nixĩgü, erü ngẽxguma chi tatanüxü̃ yixĩgügu rü tatanügu chitama narücho. Natürü marü tatanüwa ínachoxü̃ nax meama nangóxü̃ca̱x nax tama aixcüma tatanüxü̃ yixĩgüxü̃.

Gálatas 1:6

Rü Cristuaxü̃́ pengechaü̃tümüxü̃gü, rü yemaca̱x nixĩ ga pexna naxuxü̃ ya Tupana nax penayaxuxü̃ca̱x i maxü̃ i taguma gúxü̃. Rü ñu̱xma rü poraãcü chaba̱i̱xãchiãxẽ, erü paxaxüchi Tupanana pixĩgachi, nax nawe perüxĩxü̃ca̱x i to i ngu̱xẽẽtae i nagu perüxĩnüegu rü tá pexü̃ maxẽxẽxẽxü̃.

Ngechuchuarü ngúexü̃gü ga yamugüxü̃arü puracüchiga 4:23

Rü yexguma marü ínamuxü̃ã̱xgu, rü Pedru rü Cuáü̃ rü namücügü íyexmagüxü̃wa naxĩ. Rü namaxã nüxü̃ nixugüe ga guxü̃ma ga yema ore ga Yudíugüarü ãẽ̱xgacügü rü chacherdótegüarü ãẽ̱xgacügü namaxã nüxü̃ ixuxü̃.

Ore i mexü̃ ga Luca ümatüxü̃ 24:35

Rü yexguma ga yema taxre ga ngúexü̃gü rü ta nüxü̃ nixugügü ga yema nüxü̃ ngupetüxü̃ ga namawa, rü ñuxãcü nüxü̃ nax yacua̱xãchitanüxü̃ ga gumá nax yixĩxü̃ ga Ngechuchu ga yexguma paũ inabücu̱xgu.

Ore i mexü̃ ga Luca ümatüxü̃ 24:30

Rü yexguma chibüca̱x wüxiwa mechawa natogügu, rü Ngechuchu nanayaxu ga paũ. Rü Tupanana moxẽ naxca̱x naxã. Rü ñu̱xũchi inanabücu, rü wüxichigüna nanaxã.

1 Corintios 14:6

Rü dücax, Pa Chauenexẽgüx, rü ngẽxguma chi pexü̃tawa chaxũxgu, rü chi to i nagawa chidexagu, ¿rü ta̱xacüwa chi pexü̃́ namexü̃ i ngẽma? Natürü ngẽxguma chi pemaxã nüxü̃ chixuxgu i ngẽma Tupana tüxü̃ nüxü̃ cua̱xẽẽxü̃, rü ẽ̱xna ngẽma chomatama nüxü̃ chacuáxü̃ nax aixcüma yixĩxü̃, rüe̱xna ngẽma ẽxü̃guxü̃ i ñu̱xma Tupana tüxü̃ nüxü̃ cua̱xẽẽxü̃, rüe̱xna ta̱xacürü to i ngu̱xẽẽtae i Tupanachiga, rü ngẽmawaxi nixĩ i pexü̃́ mexü̃.

Filipenses 1:5

Erü pema rü noxritama Tupanaarü orexü̃ pexĩnüegumama rü poraãcü choxü̃ perüngü̃xẽxẽ nax nüxü̃ chixuxü̃ca̱x i norü ore i mexü̃. Rü ñu̱xma rü ta choxü̃ perüngü̃xẽẽgüecha.