Ngechuchuarü ngúexü̃gü ga yamugüxü̃arü puracüchiga 2:40 - Tupanaarü Ore

⁴⁰ Rü yema oremaxã rü muxü̃ma ga to ga oremaxã nayaxucu̱xẽgü ga Pedru, rü ñanagürü: —¡Nüxna pixĩgachi i ngẽma duü̃xü̃gü i chixexü̃ ügüxü̃ nax pema rü tama chixexü̃ pexügüxü̃ca̱x! —ñanagürü.

Ngechuchuarü ngúexü̃gü ga yamugüxü̃arü puracüchiga 2:40 Referans Kwoze

Filipenses 2:15

Rü name i ngẽmaãcü mea pemaxẽ nax taxúema ta̱xacürü chixexü̃xü̃ pewa iyanga̱u̱xü̃ca̱x. Rü penaxwa̱xe i Tupanaxacügü i mea maxẽxü̃ pixĩgü i natanüwa i ngẽma duü̃xü̃gü i chixexü̃ rü chixeãẽgümarexü̃. Rü ngẽxguma ngẽma duü̃xü̃gümaxã nüxü̃ pixugüyane i ngẽma ore i mexü̃ i tüxü̃ maxẽxẽẽxü̃, rü natanüwa rü ñoma woramacurigü ya ẽanexü̃wa ibáixgücürüxü̃ tá pixĩgü. Rü ngẽmaãcü i ngẽxguma wena núma naxũxgu ya Cristu rü choma rü tá chataãxẽ, erü tá nüxü̃ chadau nax tama natüca̱xmamare yixĩxü̃ ga yema puracü ga petanüwa chaxüxü̃.

Wenaxarü naxümatü ga Tupanaarü mugü 32:5

Pa Duü̃xü̃gü i Chixexü̃arü Üruü̃gü i Cori ya Tupanaxü̃ Nuxẽxẽgüxex, pema rü tama pime nax naxacügü pixĩgüxü̃.

Nüxíraxü̃xü̃ ga popera ga Timutéuca̱x naxümatüxü̃ ga Pauru 4:16

¡Naxuãxẽ rü mea cugüna nadau rü mea nangúexẽxẽ i ngẽma ore rü mea naxüama i ngẽma puracü ya Tupana nagu cuxü̃ muxü̃! Erü ngẽxguma mea cunaxü̱xgu i ngẽma puracü, rü tá cunayaxu i maxü̃ i taguma gúxü̃ rü ngẽma cuxü̃́ irüxĩnüexü̃ rü tá ta nanayauxgü i ngẽma maxü̃.

Efesios 4:17

Rü ñu̱xma rü Cristuégagu pexü̃ chaxucu̱xẽ nax tama nagu pexĩxamaxü̃ca̱x i ngẽma nacümagü i ngẽma duü̃xü̃gü i tama Tupanaxü̃ cua̱xgüxü̃ i naechitamare maxẽxü̃.

2 Corintios 6:17

Rü yemaca̱x ñanagürü ta ga tórü Cori: “¡Ípechoxü̃ i natanüwa i ngẽma duü̃xü̃gü i tama chorü duü̃xü̃gü ixĩgüxü̃! ¡Rü taxṹ i nüxü̃ pingógüxü̃ i ngẽma chope̱xewa ãũãchixü̃! Rü choma rü tá pexü̃ chayaxu.

Ore i mexü̃ ga Matéu ümatüxü̃ 17:17

Rü yexguma Ngechuchu nanangãxü̃, rü ñanagürü nüxü̃ ga yema duü̃xü̃gü ga yéma yexmagüxü̃: —Pa Duü̃xü̃gü i Tama Yaxõgüxü̃ i Chixri Maxẽxü̃, ¿ñuxguratáta i pemaxã chanuxmaxü̃ rü yáxna pemaxã chaxĩnüxü̃? ¡Nua penaga ya yimá bucü! —ñanagürü.

Ore i mexü̃ ga Matéu ümatüxü̃ 16:4

Rü ñanagürü ta ga Ngechuchu: —Ñaa duü̃xü̃gü i chixecümagüxü̃ rü tama yaxõgüxü̃ rü naxca̱x ínacagü i wüxi i cua̱xruxü̃ i Tupanaarü poramaxã üxü̃. Natürü yema cua̱xruxü̃ ga Tupanaarü orearü uruxü̃ ga Yonáwa üxü̃xicatama nixĩ i tá nüxü̃ chawéxü̃. Rü taxuxü̃táma i to i cua̱xruxü̃ tá nüxü̃ chadauxẽxẽ i ñaa duü̃xü̃gü —ñanagürü ga Ngechuchu. Rü ñu̱xũchi nüxna yéma nixũ rü inaxũãchi.

Gálatas 5:3

Rü wena pemaxã nüxü̃ chixu rü ngexü̃rüüxü̃ i yatü i nügü íwíecha̱xmüü̃pe̱xechiraü̃chaü̃xü̃ nax ngẽmaãcü Tupanape̱xewa namexü̃ca̱x, rü name nixĩ i nüxna nacua̱xãchi nax taxucürüwa ngẽmaãcü naya̱u̱xãxü̃ i norü maxü̃ ega tama aixcüma naga naxĩnügu i guxü̃ma i ngẽma mugü.

Ngechuchuarü ngúexü̃gü ga yamugüxü̃arü puracüchiga 28:23

Rü yexguma Paurumaxã inaxunetagü ga wüxi ga ngunexü̃, rü napatawa naxĩ ga muxü̃ma ga duü̃xü̃gü. Rü Pauru namaxã nüxü̃ nixu ga Tupanaarü ore ga ñuxãcü ãẽ̱xgacü nax yixĩxü̃ ya Tupana. Rü pa̱xmama inanaxügü, rü ñu̱xmata nachütaxü̃ rü nüxü̃́ nanangúchaü̃xẽxẽ ga yema duü̃xü̃gü nax Ngechuchuaxü̃́ yaxõgüãxü̃ca̱x. Rü yemaca̱x Moiché ümatüxü̃ ga mugüwa rü nũxcümaü̃güxü̃ ga Tupanaarü orearü uruü̃gü ümatüxü̃ ga orewa namaxã nüxü̃ nixu ga Ngechuchuchiga.

Ore i mexü̃ ga Matéu ümatüxü̃ 23:33

Pa Ãxtapearü Duü̃xü̃güx, pema rü poraãcü pichixe. ¿Ñuxãcü tá naxcha̱xwa pibuxmü ya yimá üxü ya taguma ixoxü̃ne?

Nüxíraxü̃xü̃ ga popera ga Pedru ümatüxü̃ 5:12

Taenexẽ ya Chilbánu ya mea yaxõcüarü ngü̃xẽẽmaxã pexca̱x chanaxümatü i ñaa nuxmarexü̃ i popera nax pexü̃ chixucu̱xẽgüxü̃ca̱x rü pemaxã nüxü̃ chixuxü̃ca̱x nax ngẽma Tupanaarü ngü̃ẽxẽ i pexna naxãxü̃ rü wüxi i cua̱xruxü̃ nixĩ nax poraãcü pexü̃ nangechaü̃xü̃. Rü name nixĩ i taguma nüxü̃ perüngü̃maexü̃ nax pexü̃ nangechaü̃xü̃.

1 Tesalonicenses 2:11

Rü ngẽxgumarüxü̃ ta pema nüxü̃ pecua̱x nax ñuxãcü pexü̃́ tanangúchaü̃xẽẽgüxü̃ rü pexü̃ tataãẽxẽẽgüxü̃ ga wüxichigü ñoma wüxi i papa i naxacügüxü̃ taãẽxẽẽgüxü̃rüxü̃.

2 Corintios 5:20

Rü ngẽmaãcü Cristuarü orearü ngeruü̃gü tixĩgü, rü towa nixĩ ya Tupana pexü̃ ca̱a̱xü̃xü̃ nax namaxã iperüngüxmüexü̃ca̱x. Rü ngẽmaca̱x Cristuégagu pexü̃ taca̱a̱xü̃gü nax Tupanamaxã iperüngüxmüexü̃ca̱x.

Ngechuchuarü ngúexü̃gü ga yamugüxü̃arü puracüchiga 20:24

Natürü tama ngẽma ãũcümaxü̃gu charüxĩnü erü nüetama nixĩ ega woo chayu̱xgu. Natürü ngẽma chanaxwa̱xexü̃ nixĩ nax taãẽãcüma chapuracüamaxü̃ nax mea chayanguxẽẽxü̃ca̱x i ngẽma puracü ga tórü Cori ya Ngechuchu choxna ãxü̃ rü nüxü̃ chixuxü̃ca̱x i norü ore i Tupanaarü ngechaxü̃chiga.

Ore i mexü̃ ga Luca ümatüxü̃ 21:36

Rü ngẽmaca̱x name nixĩ i pegü ípemexẽẽgü. ¡Rü guxü̃guma peyumüxẽgü nax ngẽmaãcü tama pexü̃ naxüpetüxü̃ca̱x i guxü̃ma i ngẽma ãũcümaxü̃gü i tá íngugüxü̃, rü aixcüma pimexü̃ca̱x i ngẽxguma nape̱xewa pengugügu ya Tupana Nane ya duü̃xü̃xü̃ ixĩcü! —ñanagürü ga Ngechuchu.

Ore i mexü̃ ga Márcu ümatüxü̃ 8:38

Rü ngẽxguma texé i ñaa duü̃xü̃gü i pecaduã̱xgüxü̃ i tama yaxõgüxü̃pe̱xewa cha̱u̱xca̱x ãnegu rü naxca̱x taxãneegu i chorü ore, rü choma ya Tupana Nane nax duü̃xü̃xü̃ chixĩxü̃ rü tá ta tümaca̱x chaxãne i ngẽxguma Chaunatüarü poramaxã rü norü orearü ngeruü̃gü i daxũcüã̱x i üünegüxü̃maxã wenaxarü núma chaxũxgu —ñanagürü.

Ngechuchuarü ngúexü̃gü ga yamugüxü̃arü puracüchiga 20:21

Rü Yudíugümaxã rü yema tama Yudíugü ixĩgüxü̃maxã nüxü̃ chixu nax namexü̃ nax nüxü̃ naxoexü̃ca̱x ga norü chixexü̃gü rü Tupanaga naxĩnüexü̃ca̱x, rü nüxü̃́ nax yaxõgüãxü̃ca̱x ga tórü Cori ya Ngechuchu.

Ore i mexü̃ ga Cuáü̃ ümatüxü̃ 21:25

Rü nayexma ga to ga muxũchixü̃ma ga Ngechuchu üxü̃. Rü ngẽxguma chi naxümatügu i guxü̃ma ga yema naxüxü̃chiga, rü nagu charüxĩnügu rü taxũchima ñoma i naanegu ningu i ngẽma poperagü i ngẽma Ngechuchu üxü̃chiga ixümatügu.

Ngechuchuarü ngúexü̃gü ga yamugüxü̃arü puracüchiga 20:11

Rü yexguma wenaxarü daxũ naxĩ, rü inanabücu ga yema paũ, rü nanangõ̱x. Rü wenaxarü nidexa ñu̱xmata yangune, rü yexguma inaxũãchi.

Ngechuchuarü ngúexü̃gü ga yamugüxü̃arü puracüchiga 20:2

Rü yexguma yema naanewa naxüpetügu, rü taãẽxü̃ ga oremaxã nayaxucu̱xẽgü ga yema yaxõgüxü̃ ga wüxichigü ga ĩanewa yexmagüxü̃. Rü yemaacü Griégugüchiü̃anewa nangu.

Ngechuchuarü ngúexü̃gü ga yamugüxü̃arü puracüchiga 15:32

Rü Yúda rü Chíra ga Tupanaarü orearü uruü̃gü nax yixĩgüxü̃, rü muxü̃ma ga oremaxã nayaxucu̱xẽgü ga yema yaxõgüxü̃, rü nüxü̃ narüngü̃xẽxẽ nax yexeraãcü yaxõgüãxü̃ca̱x.

Ngechuchuarü ngúexü̃gü ga yamugüxü̃arü puracüchiga 10:42

Rü nümatama ga Ngechuchu toxü̃ nimugü nax duü̃xü̃gümaxã nüxü̃ tixuxü̃ca̱x ga norü ore rü namaxã nüxü̃ tixuxü̃ca̱x nax Tupana marü ãẽ̱xgacüxü̃ yangucuchixẽẽxü̃ nax guxü̃ i duü̃xü̃gü i maxẽxü̃ rü yuexü̃xü̃ yacagüxü̃ naxca̱x i norü maxü̃chiga.

Ore i mexü̃ ga Matéu ümatüxü̃ 12:34

Pa Ãxtapearü Duü̃xü̃güx, ¿ñuxãcü i mexü̃ i orexü̃ pixuxü̃ ega pematama rü pichixecümagu? Erü ngẽma ore i pea̱xmaxã nüxü̃ pixuxü̃ rü peãxẽwa nixĩ i ne naxũxü̃.

Ucu̱xẽgüchiga 9:6

¡Nüxü̃ perüxoe nax chixexü̃gu pemaxẽxü̃, rü ngẽxguma tá pexü̃́ nangẽxma i maxü̃! ¡Rü duü̃xü̃gü i naãxẽxü̃ icuáxü̃ãcü pemaxẽ! —ñanagürü.

Yeremía 51:45

Pa Chorü Duü̃xü̃gü i Iraétanüxü̃x, ¡paxa ípechoxü̃ nawa ya yima ĩane nax tama peyuexü̃ca̱x i ngẽxguma chorü numaxã chanapoxcugü!

Ore i mexü̃ ga Luca ümatüxü̃ 16:28

Erü ngéma nangẽxmagü ya wüxime̱e̱xpü̱x ya chauenexẽgü. Rü chanaxwa̱xe nax namaxã nüxü̃ nax yanaxuxü̃ca̱x nax tama nua ñaa poxcuchica i poraãcü choxü̃́ ínangúxü̃wa naxĩxü̃ca̱x”, ñanagürü.

Ngechuchuarü ngúexü̃gü ga yamugüxü̃arü puracüchiga 4:36

Rü nayexma ga wüxi ga yatü ga Lebítanüxü̃ ga Chíperecüã̱x ga Yúchegu ãégacü. Rü yema ngúexü̃gü ga Ngechuchu imugüxü̃ nax Tupanaarü puracü naxügüxü̃ca̱x rü Bernabémaxã nanaxugü. Rü ngẽma naéga, rü: “Taãẽxẽẽruxü̃”, ñaxü̃chiga nixĩ.