Ngechuchuarü ngúexü̃gü ga yamugüxü̃arü puracüchiga 2:4 - Tupanaarü Ore

⁴ Rü guxü̃ma ga yema yexmagüxü̃ rü Tupanaãxẽ ya Üünecü nüxna nangu. Rü inanaxügüe nax to ga nagawa yadexagüxü̃ yema Naãxẽ ya Üünecü naxwa̱xexü̃ãcüma.

Ngechuchuarü ngúexü̃gü ga yamugüxü̃arü puracüchiga 2:4 Referans Kwoze

Ore i mexü̃ ga Márcu ümatüxü̃ 16:17

Rü ñaa tá nixĩ i cua̱xruü̃gü i nawa nüxü̃ icuáxü̃ i ngẽma yaxõgüxü̃. Rü chauégagu tá ínanawoxü̃ i ngo̱xogü. Rü ngexwaca̱xü̃xü̃ i nagagüwa tá nidexagü.

Ngechuchuarü ngúexü̃gü ga yamugüxü̃arü puracüchiga 13:52

Natürü yema yaxõgüxü̃ ga guma ĩane ga Antioquíawa yexmagüxü̃ rü poraãcü Tupanamaxã nataãẽgü, rü Naãxẽ ya Üünexü̃ rü aixcüma nawa nayexma.

Ngechuchuarü ngúexü̃gü ga yamugüxü̃arü puracüchiga 4:31

Rü yexguma yumüxẽwa nüxü̃ nachauegu, rü gumá ĩpata ga nawa nangutaque̱xegüne rü naxĩã̱xãchi. Rü Tupanaãxẽ ya Üünecü rü nüxna nangu ga guxü̃ma. Rü tama namuü̃eãcüma nüxü̃ nixugüe ga Tupanaarü ore.

Efesios 5:18

Rü tama name i pengãxẽ, erü ngẽma rü chixexü̃wa tüxü̃ nagagü i ngẽxguma ngẽmaãcü imaxẽgu. Natürü name nixĩ i Tupanaãẽ i Üünexü̃na pegü pexãgü nax pewa nangẽxmaxü̃ca̱x rü pemaxã inacuáxü̃ca̱x.

1 Corintios 12:10

Rü toguxe rü tüxna nanaxã i pora nax itanawéxü̃ca̱x i cua̱xruü̃gü i Tupanaarü poramaxã üxü̃. Rü toguxe rü tüxü̃́ nanatauxchaxẽxẽ nax nüxü̃ tixuxü̃ca̱x i Tupanaarü ore. Rü toguxe rü tüxna nanaxã i cua̱x nax nüxü̃ tacuáxü̃ca̱x i ta̱xacü yixĩxü̃ i ngo̱xogüarü ixĩxü̃ rü ta̱xacü yixĩxü̃ i Tupanaãxẽ i Üünexü̃arü ixĩxü̃. Rü toguxe rü tüxna nanaxã i tauxcha nax ngẽma tama nüxü̃ tacuáxü̃ i nagawa tidexaxü̃ca̱x. Rü toguxe rü tüxna nanaxã i cua̱x nax tanango̱xẽẽxü̃ca̱x nax ta̱xacüchiga yixĩxü̃ nax tidexaxü̃ ya yíxema to i nagawa idexaxe.

Ore i mexü̃ ga Cuáü̃ ümatüxü̃ 14:26

Natürü Chaunatü rü tá chauégagu núma nanamu i Naãxẽ ya Üünexü̃ nax pexü̃ nangü̃xẽẽxü̃ca̱x. Rü nüma i Naãxẽ ya Üünexü̃ tá pexü̃ nangúexẽxẽ i guxü̃ma, rü tá nüxna pexü̃ nacua̱xãchixẽxẽ i guxü̃ma i ore ga pemaxã nüxü̃ chixuxü̃.

Ngechuchuarü ngúexü̃gü ga yamugüxü̃arü puracüchiga 19:6

Rü yexguma Pauru rü yema yaxõgüxü̃étügu naxǘxme̱xgu, rü nüxna nangu ga Tupanaãxẽ ya Üünecü, rü to ga nagawachigü nidexagü, rü nüxü̃ nixugüe ga Tupanaarü ore.

Ngechuchuarü ngúexü̃gü ga yamugüxü̃arü puracüchiga 10:46

Rü nüxü̃ naxĩnüe nax to ga nagawachigü yadexagüxü̃ rü Tupanaxü̃ yacua̱xüü̃güxü̃.

Ngechuchuarü ngúexü̃gü ga yamugüxü̃arü puracüchiga 9:17

Rü gumá ĩpata ga Chauru nawa yexmanewa naxũ ga Ananía. Rü nagu naxücu, rü Chauruétügu naxǘxme̱x, rü ñanagürü nüxü̃: —Pa Chauenexẽ, Pa Chaurux, nüma ya Cori ya Ngechuchu ga gumá namawa cuxca̱x ngócü ga yexguma núma cuxũxgu, rü núma choxü̃ namu nax wenaxarü quidauuchixü̃ca̱x, rü cuxna nanguxü̃ca̱x i Naãxẽ ya Üünecü —ñanagürü.

Ngechuchuarü ngúexü̃gü ga yamugüxü̃arü puracüchiga 7:55

Natürü ga Estébaü̃ rü aixcüma Tupanaãxẽ ya Üünecü nawa nayexma. Rü daxũ nadawenü, rü nüxü̃ nadau ga Tupanaarü üüne. Rü nüxü̃ nadau ga Ngechuchu ga Tupanaarü tügünecüwagu chicü.

Ngechuchuarü ngúexü̃gü ga yamugüxü̃arü puracüchiga 1:5

Aixcüma nixĩ ga Cuáü̃ rü dexáwa duü̃xü̃güxü̃ ínabaiü̃xẽẽxü̃, natürü taxũtáma muxü̃ i ngunexü̃ nangupetü nax Tupanaãxẽ ya Üünecü tá pexna nguxü̃ —ñanagürü.

1 Corintios 13:8

Rü ngẽma ngechaü̃ rü tagutáma inayacua̱x. Natürü ngẽma nax nüxü̃ ixuxü̃ i Tupanaarü ore rü wüxi i ngunexü̃gu tá inayacua̱x. Rü ngẽma tama nüxü̃ icuáxü̃ i nagawa nax idexaxü̃, rü tá ta inayacua̱x. Rü ngẽma cua̱x i ñu̱xma tüxü̃́ ngẽxmaxü̃ rü wüxi i ngunexü̃gu rü marü taxuwatáma tüxü̃́ name.

1 Corintios 13:1

Rü woo togü i nagawa chidexagu, rü woo Tupanaarü orearü ngeruü̃gü i daxũcüã̱xgawa chidexagu, natürü ñoma wüxi i paxetaruxü̃ i ãgamarexü̃rüxü̃ chixĩ ega tama choxü̃́ nangẽxmagu i ngechaü̃.

Ngechuchuarü ngúexü̃gü ga yamugüxü̃arü puracüchiga 13:9

Natürü ga Chauru ga Paurugu ta ãégaxü̃, rü Tupanaãxẽ ya Üünecü nawa nayexma. Rü nüma ga Pauru rü meama nüxü̃ nadawenü ga yema yuüxü̃, rü ñanagürü nüxü̃: —Pa Idorata̱xáxü̃, Pa Ngo̱xo Nanex, cuma rü chixexü̃xicatama cuxüxchaü̃, rü naxchi cuxai i guxü̃ma i mexü̃. ¿Ñuxgura tá ta i nüxü̃ curüxoxü̃ nax ícuyatoxẽẽxü̃ i Cori ya Tupanaarü ore i aixcüma ixĩxü̃?

Ore i mexü̃ ga Luca ümatüxü̃ 12:12

Erü ngẽxguma nawa nanguxgu nax pidexagüxü̃, rü Tupanaãxẽ ya Üünexü̃ tá pexü̃ nangu̱xẽxẽ nax ta̱xacüxü̃ tá namaxã pixuxü̃ —ñanagürü ga Ngechuchu.

1 Corintios 14:18

Tupanana moxẽ chaxã, erü perü yexera taxúema nüxü̃ cuáxü̃ i nagawa chidexa.

Romanos 15:13

Rü ñu̱xma i pemax nax nüxü̃́ peyaxõgüxü̃, rü chanaxwa̱xe nax poraãcü pexü̃ nataãẽxẽxẽ ya yimá Tupana ya pexü̃ tauxchaxẽẽcü nax Cristuxü̃ ípenangu̱xẽẽgüxü̃. Rü chanaxwa̱xe i Naãxẽ ya Üünexü̃arü poramaxã Tupana pexü̃ naporaexẽxẽ nax yexeraãcü Cristuxü̃ ípenangu̱xẽẽgüxü̃ca̱x.

Ngechuchuarü ngúexü̃gü ga yamugüxü̃arü puracüchiga 4:8

Rü Pedruwa nayexma ga Tupanaãxẽ ga Üünecü, rü yemaca̱x ga Pedru rü nanangãxü̃, rü ñanagürü: —Pa Yudíuarü Ãẽ̱xgacügüx, rü Pa Chacherdótegüarü Ãẽ̱xgacügüx, rü ñu̱xma toxna peca naxca̱x nax ñuxãcü namexü̃ i ñaa chixeparachiréxü̃ erü nüxü̃ pecuáxchaü̃ nax texé naxca̱x yataanexẽxẽxü̃.

Ore i mexü̃ ga Cuáü̃ ümatüxü̃ 20:22

Rü yexguma rü naétü “cue”, ñanagürü ga Ngechuchu. Rü ñu̱xũchi ñanagürü nüxü̃: —¡Penayauxgü i Tupanaãxẽ ya Üünecü!

Ore i mexü̃ ga Luca ümatüxü̃ 4:1

Ngechuchuwa nayexma ga Tupanaãxẽ ya Üünecü. Rü yexguma Yudáü̃chíüwa ínaxü̃ãchigu ga Ngechuchu, rü Tupanaãxẽ ya Üünecü rü chianexü̃wa nanaga ga ngextá taxúema íxãpataxü̃wa.

Nüxíraxü̃xü̃ ga popera ga Pedru ümatüxü̃ 1:12

Natürü Tupana rü yema nũxcümaü̃güxü̃ ga orearü uruü̃güxü̃ nüxü̃ nacua̱xẽxẽ nax tama naxca̱x yixĩxü̃ ga yema ore nachiga ga gumá maxẽxẽẽruxü̃. Natürü pexca̱x nixĩ i ngẽma ore ga perü orearü uruü̃gü pemaxã nüxü̃ ixugüxü̃ ga yexguma Tupanaãxẽ ya Üünecü ga daxũwa ne muxü̃ yadexaxẽẽgu. Rü guxü̃ma i ngẽma ore i yimá Maxẽxẽxẽruü̃chiga, rü ngẽma Tupanaarü orearü ngeruü̃gü i daxũcüã̱x rü nüxü̃́ nangúchaü̃gü nax yexera nüxü̃ nacua̱xgüchaü̃xü̃.

1 Corintios 14:5

Choma chierüx chanaxwa̱xe nax guxãma i pema rü ngẽma tama nüxü̃ pecuáxü̃ i nagawa nax pidexagüxü̃. Natürü ngẽma yexeraãcü chanaxwa̱xexü̃ nixĩ nax duü̃xü̃gümaxã nüxü̃ pixuxü̃ i Tupanaarü ore. Erü ngẽma nixĩ i to i nagawa idexaxü̃arü yexera rümemaexü̃ ega tataxu̱xgu nax texé nüxü̃ ixuxü̃ nax ta̱xacüchiga yixĩxü̃ i ngẽma dexa i to i nagawa nüxü̃ tixuxü̃ nax ngẽmaãcü nüxü̃ nangü̃xẽẽxü̃ca̱x i ngẽma yaxõgüxü̃.

Ngechuchuarü ngúexü̃gü ga yamugüxü̃arü puracüchiga 11:15

Rü choma ga Pedru rü yexguma ichanaxügügu nax chidexaxü̃, rü nüxna nangu ga Tupanaãxẽ ya Üünecü, yexgumarüxü̃ ga noxri tüxna nanguxgurüxü̃.

Ngechuchuarü ngúexü̃gü ga yamugüxü̃arü puracüchiga 6:5

Rü yexguma ga guxü̃ma ga yema duü̃xü̃gü rü: —Ngü̃ —ñanagürügü naxca̱x ga yema ore. Rü nüxü̃ naxunetagü ga Estébaü̃ ga mea yaxõcü rü aixcüma Tupanaãxẽ ya Üünecü nawa yexmacü, rü Ferípe, rü Pócoro, rü Nicanúru, rü Timóü̃ rü Pármenax, rü Nicuráchi ga Antioquíacüã̱x ga yexguma taxũta Ngechuchuaxü̃́ yaxõõgu rü Yudíugücümagu ixũcü.

Ngechuchuarü ngúexü̃gü ga yamugüxü̃arü puracüchiga 6:3

Rü ngẽmaca̱x, Pa Tomücügüx, rü ¡Naxca̱x peda̱u̱x i petanüwa ya 7 ya yatügü ya guxãma nüxü̃ ngechaü̃güxü̃, rü mea naãxẽxü̃ cuáxü̃, rü aixcüma Tupanaãxẽ ya Üünecü nawa ngẽxmagüxü̃! Rü toma tá nüxna tanaxã i ngẽma puracü nax nümagü õnamaxã inacua̱xgüxü̃ca̱x.

Ngechuchuarü ngúexü̃gü ga yamugüxü̃arü puracüchiga 1:8

Natürü ngẽxguma pexna nanguxgu i Tupanaãxẽ ya Üünecü, rü tá pexü̃ naporaexẽxẽ. Rü tá ípechoxü̃ nax nüxü̃ peyarüxugüexü̃ca̱x i chauchiga i Yerucharéü̃wa, rü guxü̃ma i Yudéaanewa, rü Chamáriaanewa, rü ñu̱xmatáta guxü̃ i naanewa nangu —ñanagürü.

Ore i mexü̃ ga Luca ümatüxü̃ 1:15

Erü yimá cune rü Tupanape̱xewa rü tá wüxi ya tachigacü nixĩ. Rü taxũtáma bínu nayaxaxü, rü taxuxü̃ma i to i ta̱xacürü ngúchi̱xáxü̃ tá nixaxü. Rü naxü̃pa nax nabuxü̃ rü Tupanaãxẽ ya Üünecü rü tá nawa nangẽxma.

Ichaía 59:21

Rü nüma ya Tupana rü ñanagürü: —Ñaa nixĩ i chorü uneta i ngẽma duü̃xü̃gümaxã nüxü̃ chixuxü̃: “Rü ngẽma Chauãxẽ i cuwa ngẽxmaxü̃, rü ngẽma chorü ore i cua̱xwa ngẽxmaxü̃ rü tagutáma cuxna rü cunegüna rü cutaagüna nixũgachi” —ñanagürü ya Cori ya Tupana.

Ichaía 28:11

Rü dücax, rü ngẽxguma tama Tupanaga pexĩnüegu rü nüma rü to i nagawa tá pemaxã nidexa. Rü wüxi i naga i taxũtáma nüxü̃ pecuáxü̃wa tá nixĩ i pemaxã yadexaxü̃ ya Tupana.

2 Chamué 23:2

—Tupanaãxẽ ya Üünecü rü chowa narüdexa rü norü ore rü chorü conüwa nangẽxma.

Efesios 6:18

Rü name i guxü̃guma peyumüxẽgüxü̃. ¡Rü guxü̃guma Tupanaãxẽ i Üünexü̃arü ngü̃xẽẽmaxã Tupanana peca! ¡Rü pexuãxẽ nax taguma nüxü̃ perüxoexü̃ca̱x! Rü ngẽmaãcü name i naxca̱x peyumüxẽgü i guxü̃ma i duü̃xü̃gü i Tupanaaxü̃́ yaxõgüxü̃.

Efesios 3:19

Rü woo tama yanguxgu i tórü cua̱x nax nüxü̃ icuáxü̃ca̱x nax nañuxraü̃xü̃ i ngẽma ngechaü̃ i namaxã Cristu tüxü̃ ngechaü̃xü̃, natürü Tupanana naxca̱x chaca nax pexca̱x nango̱xẽẽãxü̃ca̱x nax ñuxãcü nax yixĩxü̃ i ngẽma ngechaü̃ nax aixcüma pewa nangẽxmaxü̃ i guxü̃ma i Tupanacümagü.

Ngechuchuarü ngúexü̃gü ga yamugüxü̃arü puracüchiga 11:24

Yerü nüma ga Bernabé rü wüxi ga yatü ga mecü nixĩ. Rü aixcüma Tupanaãxẽ ya Üünecü rü nawa nayexma. Rü nüma rü napora ga norü õwa. Rü muxũchixü̃ma ga duü̃xü̃gü rü Cori ya Ngechuchuca̱x naxĩ rü nüxü̃́ nayaxõgü.

Ngechuchuarü ngúexü̃gü ga yamugüxü̃arü puracüchiga 6:8

Rü Estébaü̃ nixĩ ga wüxi ga yatü ga Tupana poraãcü nüxü̃ rüngü̃xẽxẽcü rü naporaxẽẽcü nax duü̃xü̃gütanüwa naxüaxü̃ca̱x ga mexü̃gü ga taxü̃gü rü cua̱xruü̃gü ga Tupanaarü poramaxã naxüxü̃.

Ore i mexü̃ ga Luca ümatüxü̃ 21:15

Erü choma tá pexü̃ charüngü̃xẽxẽxü̃ nax nüxü̃ pecuáxü̃ca̱x nax ta̱xacümaxã penangãxü̃xü̃ i perü uanügü. Rü nümagü rü taxũtáma nüxü̃ nacua̱xgü nax ta̱xacümaxã pexü̃ nangãxü̃güxü̃ i ngẽxguma.

Ore i mexü̃ ga Luca ümatüxü̃ 1:67

Rü nanatü ga Chacaríana nangu ga Tupanaãxẽ ya Üünecü. Rü nüxü̃ nixu ga yema ore ga Tupana namaxã nüxü̃ ixuxü̃.

Ore i mexü̃ ga Luca ümatüxü̃ 1:41

Rü yexguma Erichabé nüxü̃ ĩnügu ga Maríaarü moxẽ, rü ngĩrü õxchana ga ngĩãnüwa yexmaxü̃ rü nixĩã̱xcüxü. Rü Tupanaãxẽ ya Üünecü rü Erichabéna nangu.

Miquéa 3:8

Natürü Cori ya Tupanaãxẽ ya Üünecü rü cua̱x choxna naxã rü mexü̃ i nacüma choxna naxã rü pora choxna naxã nax tama chamuü̃xü̃ca̱x ega Iraétanüxü̃maxã nüxü̃ chixuxgu nax nataxü̃ i ngẽma norü chixexü̃gü i Tupanape̱xewa naxügüxü̃ rü naétü nax namaxã nanuexü̃.

Ore i mexü̃ ga Matéu ümatüxü̃ 10:19

Natürü ngẽxguma ãẽ̱xgacügüpe̱xewa pexü̃ nagagügu nax pexü̃ napoxcuexü̃ca̱x, ¡rü taxuca̱xtama pexoegaãẽgü nax ta̱xacümaxã tá penangãxü̃xü̃ rüe̱xna ta̱xacüxü̃ tá namaxã pixuxü̃! Erü ngẽxguma nawa nanguxgu nax pidexagüxü̃, rü Tupana tá pexü̃ nangu̱xẽxẽ nax ta̱xacüxü̃ tá namaxã pixuxü̃.

1 Chamué 10:10

Rü yexguma Chaú rü yema norü duü̃xü̃maxã Guibeáwa nangugügu, rü nüxü̃ nadaugü ga yema orearü uruü̃gü ga yexma nügü namaxã nangauxü̃. Rü Tupanaãxẽ rü Chaúna nangu, rü nüma rü ta inanaxügü ga Tupanaarü oremaxã nax yadexaxü̃.

Norü taxre ga popera ga Pedru ümatüxü̃ 1:21

Yerü taxuxü̃ma ga yema Tupanaarü orearü uruxü̃ rü nüechamatama nügüãẽwa nanayaxu ga yema ore ga nüxü̃ yaxugüexü̃. Natürü yexguma yema orexü̃ yaxugüegu, rü Naãxẽ ya Üünexü̃ nixĩ ga yadexagüxẽẽxü̃.

Echequié 3:11

¡Rü natanüwa naxũ i ngẽma cutanüxü̃ i ínamugüãxü̃wa ngẽxmagüxü̃ rü namaxã nüxü̃ yarüxu i ngẽma ore i cumaxã nüxü̃ chixuxü̃! Rü ngẽxguma cuga naxĩnüegu rüe̱xna tama cuga naxĩnüegu, rü ñacurügü tá nüxü̃: “Cori ya Tupana ya Guxãétüwa Ngẽxmacü nixĩ i ngẽma ñacü pexü̃” —ñanagürü.

Yeremía 6:11

Pa Corix, choma rü ta curüxü̃ poraãcüxüchi namaxã chanu i ngẽma duü̃xü̃gü i tama cuga ĩnüechaü̃xü̃. Rü tama yáxna chaxĩnü nax namaxã chanuxü̃ —ñachagürü. Rü yexguma ga nüma ga Cori ya Tupana rü ñanagürü choxü̃: —¡Ẽcü namaxã nanu i ngẽma namawa ngẽxmagüxü̃ i buxü̃gü rü ngẽma ngextü̱xü̃gütücumügü i chixexü̃gu maxẽxü̃! Rü ngẽma uanügü rü tá tüxü̃ ínayauxü̃ ya yíxema iyatüxe tümama̱xmaxã. Rü ngẽxgumarüxü̃ ta, tá tüxü̃ ínayauxü̃ ya yíxema o̱xigü rü yaxguã̱xgü.

1 Chamué 1:14

Rü ñanagürü ngĩxü̃: —¿Ñuxãcü i ngãxãcü nua cuxũxü̃? ¡Rü marütama nax bínu cuyaxaxüxü̃! —ñanagürü ngĩxü̃.

Ngechuchuarü ngúexü̃gü ga yamugüxü̃arü puracüchiga 2:3

Rü naxca̱x nango̱x ga üxüema ga ñoma naconügüraü̃xü̃. Rü yema üxüema rü nügüna nixĩgü, rü wüxichigü ga yema yaxõgüxü̃na ninguchigü.

Ngechuchuarü ngúexü̃gü ga yamugüxü̃arü puracüchiga 8:17

Rü yemaca̱x ga Pedru rü Cuáü̃ rü naétügu naxǘxme̱xgü ga yema yaxõgüxü̃, rü yexguma nanayauxgü ga Tupanaãxẽ ya Üünecü.

Ngechuchuarü ngúexü̃gü ga yamugüxü̃arü puracüchiga 10:47

Rü yexguma ga Pedru rü ñanagürü: —¿Ẽ̱xna nangẽxmaxü̃ nax texé nüxna nachu̱xuxü̃ nax ínabaiü̃xü̃ i ñaa duü̃xü̃gü i marü taxrüxü̃ Tupanaãxẽ ya Üünecü nüxna nguxü̃? —ñanagürü.

Ngechuchuarü ngúexü̃gü ga yamugüxü̃arü puracüchiga 15:8

Rü yimá Tupana ya guxãarü maxü̃xü̃ cuácü rü tüxü̃ nüxü̃ nadauxẽxẽ nax nadeaxü̃ i ngẽma duü̃xü̃gü i tama Yudíugü ixĩgüxü̃, yerü nüxna nanamu ga Naãxẽ ya Üünecü yema tüxna namuaxü̃rüxü̃.