Ngechuchuarü ngúexü̃gü ga yamugüxü̃arü puracüchiga 2:37 - Tupanaarü Ore

³⁷ Rü yexguma yemaxü̃ naxĩnüegu ga yema duü̃xü̃gü ga yéma yexmagüxü̃, rü poraãcü nanaxĩ̱xãchiãẽgü. Rü Pedruna nacagüe, rü yema togü ga Pedrumücügüna rü ta nacagüe, rü ñanagürügü: —Pa Toenexẽgüx, ¿ta̱xacü tá taxüexü̃ i ñu̱xmax? —ñanagürügü.

Ngechuchuarü ngúexü̃gü ga yamugüxü̃arü puracüchiga 2:37 Referans Kwoze

Ore i mexü̃ ga Luca ümatüxü̃ 3:10

Rü yexguma ga duü̃xü̃gü rü Cuáü̃na nacagü, rü ñanagürügü: —¿Ta̱xacü ẽ̱xna nixĩ i mexü̃ nax tanaxüxü̃? —ñanagürügü.

Ngechuchuarü ngúexü̃gü ga yamugüxü̃arü puracüchiga 22:10

Rü nüxna chaca, rü ñacharügü ga chomax: “¿Rü ta̱xacü tá chaxüxü̃, Pa Corix?” ñacharügü. Rü yexguma ñanagürü choxü̃ ga Cori: “¡Írüda, rü inachi, rü Damácuwa naxũ! Rü ngéma wüxi ya yatü tá cumaxã nüxü̃ nixu nax ta̱xacü tá cuxüxü̃”, ñanagürü ga nüma ga Cori.

Ore i mexü̃ ga Luca ümatüxü̃ 3:14

Rü ñuxre ga churaragü rü ta Cuáü̃na nacagüe, rü ñanagürügü: —¿Toma rü ta̱xacü nixĩ i mexü̃ nax tanaxüxü̃? —ñanagürügü. Rü nanangãxü̃ ga Cuáü̃ rü ñanagürü: —Tama name i texéxü̃ pexãxũneãcüma tümaarü ngẽmaxü̃gü pepuxü̃. Rü tama name i ta̱xacürü doraxü̃ tümachigaxü̃ pixu. Rü name nixĩ i ngẽma diẽru i ãẽ̱xgacü pexü̃́ ngĩmaxã naxütanücümaxã petaãẽgü rü tama yexeracüca̱x ípeca —ñanagürü.

Ore i mexü̃ ga Luca ümatüxü̃ 3:12

Rü Cuáü̃xü̃tawa naxĩ ta ga ñuxre ga yatügü ga Rómaarü ãẽ̱xgacüca̱x diẽru ngĩxü̃ ideetanüxü̃. Rü nanaxwa̱xegü ga Cuáü̃ nax ínabaiü̃xẽẽxü̃. Rü Cuáü̃na nacagü, rü ñanagürügü: —Pa Ngúexẽxẽruxü̃, ¿Ta̱xacü nixĩ i mexü̃ nax tanaxüxü̃ i tomax? —ñanagürügü.

Ore i mexü̃ ga Cuáü̃ ümatüxü̃ 8:9

Natürü yexguma nüxü̃ naxĩnüegu ga yema ore ga Parichéugü rü inanaxügüe ga nügü yawüxíxü̃ nax ínachoxü̃xü̃. Rü yaxguã̱xgüwa inaxügü nax ínachoxü̃xü̃ rü düxwa guxü̃ma ínachoxü̃. Rü yexguma marü guxü̃ma ga Parichéugü íchoü̃xgu, rü Ngechuchu rü yema ngecüxicatama yéma duü̃xü̃güpe̱xewa nayaxügü.

Echequié 7:16

Rü woo togü rü máxpüxanexü̃wa nabuxmügu ñoma muxtucugü i baixãchiexü̃rüxü̃, natürü guxãtáma tümaarü pecadugagu tayueama.

Romanos 7:9

Rü noxri tauta yema mugüxü̃ chacua̱xgu, rü choma nagu charüxĩnügu rü chame. Natürü yexguma yema mugüxü̃ chacua̱xgu, rü nüxü̃ chicua̱xãchi nax pecadu chaxüxü̃ rü ngẽma pecaduca̱x rü tá chayuxü̃. Rü yema mugü ga chanaxwa̱xexü̃ nax maxü̃wa choxü̃ nagaxü̃, rü yuwaama choxü̃ naga.

Ngechuchuarü ngúexü̃gü ga yamugüxü̃arü puracüchiga 7:54

Rü yexguma nüxü̃ naxĩnüegu ga yema ore, rü nanuexüchi ga yema ãẽ̱xgacügü. Rü norü numaxã Estébaü̃ca̱x nixü̃́xchapütagü.

Ngechuchuarü ngúexü̃gü ga yamugüxü̃arü puracüchiga 5:33

Rü yexguma yemaxü̃ naxĩnüegu ga yema ãẽ̱xgacügü, rü poraãcüxüchima nanue, rü nanadaixchaü̃.

Chacaría 12:10

Rü ngẽma Dabítaagütanüwa rü Yerucharéü̃cüã̱xgütanüwa tá chanamu i Chauãxẽ i Üünexü̃ nax yamecümaxü̃ca̱x rü nayumüxẽgüwa̱xegüxü̃ca̱x i ngẽma Dabítanüxü̃ rü ngẽma Yerucharéü̃cüã̱xgü. Rü ngẽxguma tá nüxü̃ nadaugügu ya yima nacanapacütüxü̃güãcü rü tá nangechaü̃gü. Rü naxca̱x tá naxauxe ñoma wüxi i nane i nügümaxã wüxicacüca̱x naxauxexü̃rüxü̃. Rü ñoma nüxíraü̃cü ya nane yu̱xguca̱x naxauxegurüxü̃ tá naxca̱x naxauxe.

Ngechuchuarü ngúexü̃gü ga yamugüxü̃arü puracüchiga 1:16

—Pa Chomücügüx, marü ningu ga yema Tupanaãxẽ ya Üünecü nũxcüma Dabíxü̃ muxü̃ nax naxümatüaxü̃ca̱x nachiga ga Yúda ga namaarü cua̱xruxü̃ ixĩxü̃ naxca̱x ga yema duü̃xü̃gü ga Ngechuchuxü̃ iyauxgüxü̃.

Wiyaegü 73:21

Rü noxri ga choma rü chixãũxãchi naxca̱x nax ñuxãcü namuarü ngẽmaxü̃ã̱xgüxü̃ i ngẽma chixexü̃ ügüxü̃, rü poraãcü chauãẽwa nangu̱x.

Ngu̱xẽẽtaeruü̃arü ore 12:11

Rü ngẽma yatügü i nüxü̃ cua̱xüchixü̃arü ucu̱xẽgü rü ñoma wüxi i carnéruarü dauruü̃arü naixmena̱xã ya ãmaguxü̃rüxü̃ nixĩgü. Rü ngẽxguma wüxigu mea inanuxgu i ngẽma ucu̱xẽgü rü ñoma ĩpataarü naparagü i wüxitama carnérugüarü dauruxü̃ meama ipugünerüxü̃ nixĩgü.

Ichaía 21:12

Rü nüma i dauxü̃taeruxü̃ rü nanangãxü̃ rü ñanagürü: —Marü yea ne naxũ i ngóonexü̃, natürü ngẽma chütaxü̃ rü wena tá ínangu. Rü ngẽxguma wena choxna pecachaü̃gu, rü marü name i wena chauxü̃tawa pexĩ —ñanagürü.