Ngechuchuarü ngúexü̃gü ga yamugüxü̃arü puracüchiga 2:36 - Tupanaarü Ore

³⁶ Rü ñanagürü ga Pedru: —Name nixĩ i guxãma i pema i Iraétanüxü̃ nax nüxü̃ pecua̱xgüxü̃ rü gumá Ngechuchu ga curuchawa peyapotacü, rü Tupana rü marü perü Cori ya Cristuxü̃ nayaxĩxẽxẽ —ñanagürü ga Pedru.

Ngechuchuarü ngúexü̃gü ga yamugüxü̃arü puracüchiga 2:36 Referans Kwoze

2 Corintios 5:10

Erü guxãtáma i yixema rü Cristupe̱xewa tá tangugü nax wüxichigü nayaxuxü̃ca̱x i ngẽma tüxna üxü̃. Rü ngẽxgumarüxü̃ nax ñuxãcü mea imaxẽxü̃ rüe̱xna chixexü̃gu imaxẽxü̃ ga yexguma ñoma ga taxünewa iyexmagügu, rü ngẽmaãcü tá tüxna nanaxã ya wüxichigü.

Echequié 34:30

Rü ngẽxguma i ngẽma chorü duü̃xü̃gü rü tá nüxü̃ nacua̱xgü nax choma chixĩxü̃ i norü Cori ya Tupana. Rü tá nüxü̃ nacua̱xgü nax naxü̃tawa changexmaxü̃ rü nümagü i Iraétanüxü̃ rü chorü duü̃xü̃gü nax yaxĩgüxü̃. Rü choma ya Cori ya Tupana nixĩ i nüxü̃ chixuxü̃ i ngẽma.

Chacaría 13:1

Nüma ya Cori ya Tupana rü ñanagürü ta: —Ngẽma ngunexü̃gu rü tá ningẽnaxü̃ i wüxi i dexáarü chuchuxü̃ nax ngẽmawa Dabítaagü rü Yerucharéü̃cüã̱xgü nügü iyauxgüxü̃ca̱x i norü pecadugü rü norü ãũãchixü̃gü.

Ore i mexü̃ ga Luca ümatüxü̃ 2:11

Erü ñu̱xma rü Dabíarü ĩane ya Beréü̃gu nabu ya wüxi ya maxẽxẽẽruxü̃. Rü nüma rü Cori ya Cristu nixĩ.

Yeremía 33:14

Rü Cori ya Tupana rü ñanagürü: —Nawa tá nangu i ngunexü̃ i nagu tá chayanguxẽxẽxü̃ i chorü uneta nax nüxü̃ charüngü̃xẽxẽxü̃ i chorü duü̃xü̃gü i Iraéanecüã̱xgü rü Yudáanecüã̱xgü.

Yeremía 31:31

Rü nüma ga Cori ya Tupana rü nüxü̃ nixu rü ñanagürü: —Tá ínangu i wüxi i ngunexü̃ i nagu ngexwaca̱xü̃xü̃ i uneta tá pemaxã chaxüxü̃, Pa Iraéanecüã̱xgü rü Yudáanecüã̱xgü.

Yeremía 9:26

Rü ngẽmaãcü tá chanapoxcue i ngẽma Equítuanecüã̱xgü, rü Yudátanüxü̃, rü Edóü̃tanüxü̃, rü Amóü̃tanüxü̃, rü Moátanüxü̃, rü ñu̱xũchi guxü̃ma i ngẽma duü̃xü̃gü i ínachianexü̃wa maxẽxü̃ rü nügü idüerugüxü̃ i nügü iwiü̃cha̱xmüü̃pe̱xechiraü̃gümarexü̃ natürü tama chauga ĩnüexü̃. Rü tá chanapoxcue i guxü̃ma i ngẽma Iraétanüxü̃ erü chixexü̃gu namaxẽ rü tama chauga naxĩnüe —ñanagürü.

Yeremía 2:4

¡Pa Acóbutaagü Pa Iraétanüxü̃x, rü iperüxĩnüe i norü ore ya Cori ya Tupana!

Echequié 36:22

Rü ngẽmaca̱x, Pa Echequiéx, ngẽma Iraétanüxü̃maxã nüxü̃ ixu i ñaa ore: “Cori ya Tupana rü ñanagürü: ‘Choma rü tá pechixü̃aneca̱x pexü̃ chawoeguxẽxẽ, natürü tama ta̱xacürü mexü̃ nax pexüxü̃ca̱x tá nixĩ. Natürü tá pexü̃ chawoeguxẽxẽ nax ngẽmaãcü íchanapoxü̃xü̃ca̱x i chauéga i üünexü̃ i pegagu chixri nachiga yadexagüxü̃ i ngẽma togü i nachixü̃anegü i natanügu pewoonexü̃.

Echequié 36:32

Rü choma ya Cori ya Tupana nüxü̃ chixu rü ñachagürü: Pa Iraétanüxü̃x, chanaxwa̱xe nax nüxü̃ pecuáxü̃ nax tama ta̱xacürü mexü̃ nax pexüxü̃gagu nixĩ i pexü̃ charüngü̃xẽẽxü̃. Rü ngẽmaca̱x tá pexãnee rü pexoegaãẽgü yerü chixexü̃ pexügü’ ” —ñachagürü.

Echequié 45:6

Rü ngẽxgumarüxü̃ tá ta nacüwawa i ngẽma naane i üünexü̃ rü tá ípenaxüxüchi i to i naane i 12 quirumétruarü ngãxü̃ i norü ma̱x rü taxre i quirumétruarü ngãxü̃ i norü tatachinü. Rü ngẽma naane rü guxü̃ma i duü̃xü̃gü i Iraétanüxü̃ca̱x tá nixĩ.

Ngechuchuarü ngúexü̃gü ga yamugüxü̃arü puracüchiga 5:28

—Marü poraãcü pexna tanachu̱xu nax tama ngẽma Ngechuchuégamaxã pengúexẽẽtaexü̃ca̱x. Natürü i pema rü guxü̃ne ya Yerucharéü̃cüã̱xü̃ namaxã pengúexẽxẽ i Ngechuchuchiga, rü ñu̱xũchi toxna penaxuxchaü̃ nax togagu nayuxü̃ ga yema Ngechuchu —ñanagürü.