Ngechuchuarü ngúexü̃gü ga yamugüxü̃arü puracüchiga 2:33 - Tupanaarü Ore

³³ Rü Tupana rü daxũguxü̃ ga naanewa nanaga nax norü tügünecüwawa yanatoxü̃ca̱x. Rü Tanatü ya Tupana rü marü nüxna nanamu ga Naãxẽ ya Üünecü ga nũxcüma nüxü̃ yaxuxü̃ rü tá nua nax namuaxü̃. Rü ñu̱xma ya yimá Ngechuchu rü núma totanüwa nanamu i ngẽma Naãxẽ ya Üünecü. Rü ngẽma Naãxẽ nua üxü̃ nixĩ i ñu̱xma nüxü̃ pedauxü̃ rü nüxü̃ pexĩnüexü̃.

Ngechuchuarü ngúexü̃gü ga yamugüxü̃arü puracüchiga 2:33 Referans Kwoze

Ngechuchuarü ngúexü̃gü ga yamugüxü̃arü puracüchiga 1:4

Rü yexguma yema ngúexü̃gü ga yamugüxü̃tanüwa nayexmagu ga Ngechuchu, rü namaxã nüxü̃ nixu nax tama nüxna naxĩxü̃ca̱x ga Yerucharéü̃. Rü ñanagürü nüxü̃: —¡Ípenangu̱xẽẽx nax yanguxü̃ca̱x i ngẽma Tupanaarü uneta nachiga i Naãxẽ ya Üünexü̃ ga pemaxã nüxü̃ chixuchigaxü̃!

Ngechuchuarü ngúexü̃gü ga yamugüxü̃arü puracüchiga 5:31

Natürü Tupana rü nüxü̃ nicua̱xüxü̃, rü nügüarü tügünecüwawa nanatoxẽxẽ. Rü duü̃xü̃güarü Ãẽ̱xgacü rü Maxẽxẽxẽruxü̃ nayangucuchixẽxẽ nax Iraétanüxü̃xü̃ nangü̃xẽxẽxü̃ca̱x nax nüxü̃ naxoexü̃ca̱x i norü chixexü̃gü, rü Tupana nüxü̃́ nüxü̃ rüngü̃maxü̃ca̱x i norü pecadugü.

Ngechuchuarü ngúexü̃gü ga yamugüxü̃arü puracüchiga 2:17

“Rü ñanagürü ya Tupana: ‘Ngẽma nawa iyacuáxü̃ i ngunexü̃gügu rü guxü̃ i duü̃xü̃gütanüwa tá chanamu i Chauãxẽ ya Üünecü. Rü penegü rü pexacügü rü tá nüxü̃ nixugügü i chorü ore. Rü choma rü tá chayango̱xetüxẽxẽ i perü ngextü̱xüxü̃gü, rü tá nüxü̃ nadaugü i ngẽma tá nüxü̃ chawéxü̃. Rü perü yaguã̱xgümaxã tá chidexa i nanegüwa.

Ore i mexü̃ ga Cuáü̃ ümatüxü̃ 14:26

Natürü Chaunatü rü tá chauégagu núma nanamu i Naãxẽ ya Üünexü̃ nax pexü̃ nangü̃xẽẽxü̃ca̱x. Rü nüma i Naãxẽ ya Üünexü̃ tá pexü̃ nangúexẽxẽ i guxü̃ma, rü tá nüxna pexü̃ nacua̱xãchixẽxẽ i guxü̃ma i ore ga pemaxã nüxü̃ chixuxü̃.

Ore i mexü̃ ga Márcu ümatüxü̃ 16:19

Rü nüma ga Cori ga Ngechuchu rü yexguma norü ngúexü̃gümaxã yadexaxguwena, rü Tupana rü daxũguxü̃ ga naanewa nanaga. Rü Tupanaarü tügünecüwawa nayarüto.

Nüxíraxü̃xü̃ ga popera ga Pedru ümatüxü̃ 3:22

Rü nüma ga Ngechuchu ya Cristu, rü daxũguxü̃ i naanewa naxũ, rü ñu̱xma rü Tupanaarü tügünecüwawa nangẽxma. Rü ñu̱xma rü naxme̱xwa nangẽxmagü i guxü̃ma i Tupanaarü orearü ngeruü̃gü i daxũcüã̱x, rü guxü̃ma i ngẽma naãxẽgü i ãẽ̱xgacügü ixĩgüxü̃, rü guxü̃ma i ngẽma naãxẽgü i poraexü̃.

Gálatas 3:14

Rü yemaacü curuchagu nayu ga Ngechuchu ya Cristu nax nüxü̃ nangü̃xẽẽxü̃ca̱x i guxü̃ma i ngẽma tama Yudíugü ixĩgüxü̃, yema Tupana Abraáü̃maxã ixunetaxü̃rüxü̃. Rü ngẽmaca̱x tórü õgagu guxãma tanayaxu i Tupanaãxẽ ya Üünecü ga Tupana tamaxã nüxü̃ ixuxü̃.

Ngechuchuarü ngúexü̃gü ga yamugüxü̃arü puracüchiga 10:45

Rü yema yaxõgüxü̃ ga Yudíugü ga Pedrumaxã yéma ĩxü̃, rü poraãcü naba̱i̱xãchiãẽgü, yerü Tupanaãxẽ ya Üünecü rü nüxna nangu ga yema tama Yudíugü ixĩgüxü̃.

Ore i mexü̃ ga Matéu ümatüxü̃ 28:18

Rü yexguma ga Ngechuchu rü naxca̱x nixũ, rü ñanagürü nüxü̃: —Tupana rü guxü̃ma i pora choxna naxã nax daxũguxü̃ i naanemaxã rü ñoma i naanemaxã ichacuáxü̃ca̱x.

Ore i mexü̃ ga Cuáü̃ ümatüxü̃ 14:16

Rü choma tá Chaunatüna naxca̱x chaca nax núma pexca̱x namuaxü̃ca̱x i to i perü ngü̃xẽẽruxü̃ i Naãxẽ ya Üünexü̃, nax guxü̃gutáma petanüwa nangẽxmaxü̃ca̱x.

Nüxíraxü̃xü̃ ga popera ga Pedru ümatüxü̃ 1:21

Rü ñu̱xma rü Cristugagu nixĩ i nüxü̃́ peyaxõgüxü̃ ya Tupana ga yuwa Cristuxü̃ írüdaxẽẽcü rü daxũwa nagacü. Rü ngẽmaca̱x nixĩ i ñu̱xma i Tupanaaxü̃́ peyaxõgüxü̃ rü ípenangu̱xẽẽgüxü̃ nax daxũwa pexü̃ nagagüxü̃ca̱x.

Popera ga Yudíugü ga yaxõgüxü̃ca̱x ümatüxü̃ 10:12

Natürü nüma ga Ngechuchu ya Cristu rü wüxicanatama Tupanana nügü naxã nax pecaduarü ütanüca̱x nayuxü̃ca̱x. Rü yema naxüxü̃ rü taguma inayarüxo. Rü yemawena Tupanaarü tügünecüwawa nayarüto.

Romanos 5:5

Rü ñu̱xma nax ínangu̱xẽẽxü̃ nax tüxü̃́ tá nangẽxmaxü̃ i tachica i Tupanaxü̃tawa, rü ngẽmaca̱x taxuca̱xma tangechaü̃gü. Erü Tupana rü poraãcü tüxü̃ nangechaü̃. Rü ngẽma Naãxẽ ya Üünexü̃ i tüxna namuxü̃ nixĩ i tüxü̃ nüxü̃ cua̱xẽẽxü̃ i ngẽma.

Ichaía 53:12

Rü ngẽmaca̱x i nüma ya Tupana rü tá ñoma i naanearü ãẽ̱xgacügü i iporaexüchixü̃tanüwa nanangexmaxẽxẽ, rü tá nanatachigaxẽxẽ, yerü nügü inaxã nax pecaduca̱x nayuxü̃ca̱x. Rü nüma ga duü̃xü̃gü rü ñoma wüxi ga máetaxü̃ãcü nüxü̃ narüdaunü, natürü ga nüma rü guxü̃ma ga duü̃xü̃güarü pecadu ninge nax ngẽmaãcü naétüwa nachogüxü̃ca̱x i pecaduã̱xgüxü̃.

Wiyaegü 89:24

Rü choma rü poraãcü tá nüxü̃ changechaü̃, rü namaxã tá chixaixcüma. Rü tá yexeraãcü chayaporaxẽxẽchigü.

Wiyaegü 89:19

Rü nũxcüma rü curü duü̃xü̃güxü̃ nüxü̃ cudauxẽxẽ i ẽxü̃guxü̃ rü yemaacü namaxã quidexa, rü ñacurügü nüxü̃: —Choma rü nüxü̃ chaxuneta i wüxi i chorü duü̃xü̃ i poraxü̃ rü guxãétüwa chanangexmaxẽxẽ rü poraãcü nüxü̃ charüngü̃xẽxẽxü̃.

Popera ga Títoca̱x naxümatüxü̃ ga Pauru 3:6

Rü Ngechuchu ya Cristu ya tórü Maxẽxẽẽruü̃gagu rü Tupana rü guxü̃ma ga norü ngúchaü̃maxã tüxna nanamu ga Naãxẽ ya Üünexü̃.

Efesios 4:8

Rü ngẽmaca̱x i Tupanaarü ore i ümatüxü̃wa rü ñanagürü: “Rü yexguma daxũguxü̃ ga naanewa naxũxgu, rü yéma tüxü̃ nagagü ga guxema marü tüxü̃ ínanguxü̃xẽxẽ. Rü duü̃xü̃güna nanaxã ga cua̱xgü”, ñanagürü i ngẽma ore.

Ore i mexü̃ ga Cuáü̃ ümatüxü̃ 17:5

Rü ñu̱xma Pa Chaunatüx, rü chanaxwa̱xe i cugüxü̃tawa choxü̃ cungexmaxẽxẽ nax choxü̃́ nangẽxmaxü̃ca̱x ga yematama pora ga cumaxã choxü̃́ yexmaxü̃ ga noxri tauta naane uxgu.

Ore i mexü̃ ga Cuáü̃ ümatüxü̃ 15:26

Natürü choma rü Chaunatüégagu tá pexca̱x núma chanamu i perü Ngü̃xẽẽruxü̃ ya Naãxẽ ya Üünecü i tá pexü̃ nüxü̃ cua̱xẽxẽxü̃ i ore i aixcüma ixĩxü̃. Rü ngẽxguma ínanguxgu rü nüma tá meama pemaxã nüxü̃ nixu i chauchiga.

Ore i mexü̃ ga Luca ümatüxü̃ 24:49

Rü dücax, choma rü pexca̱x tá chanamu i Naãxẽ ya Üünexü̃ i Chaunatü pexca̱x namaxã ixunetaxü̃. Natürü chanaxwa̱xe i númatátama daa ĩane ya Yerucharéü̃wa pengẽxmagü, ñu̱xmatáta penayauxgü i ngẽma Tupanaãxẽ ya Üünecü i daxũwa ne ũxü̃ i tá pexü̃ poraexẽẽxü̃ —ñanagürü.

Ichaía 52:13

Rü nüma ya Cori ya Tupana rü ñanagürü: —Yimá chorü duü̃ rü tá norü uanüxü̃ narüporamae rü tá chanatachigaxẽxẽ.

Wiyaegü 118:16

Erü ngẽma norü pora ya Tupana rü taxuxü̃ma i to i poramaxã nawüxigu. Rü ngẽma norü poramaxã nixĩ i nüxü̃ nayexeraxü̃ i ngẽma tamaxã rüxuanüã̱xgüxü̃ —ñanagürügü.

Efesios 1:13

Rü yexgumarüxü̃ ta ga pema i Epéchiucüã̱xgü, rü yexguma nüxü̃ pexĩnüegu i ngẽma ore i aixcüma ixĩxü̃ i tüxü̃ maxẽxẽẽxü̃, rü Cristuaxü̃́ peyaxõgü. Rü yexguma ga Tupana rü pexna nanamu ga Naãxẽ ya Üünexü̃ nax wüxi i cua̱xruxü̃ yixĩxü̃ca̱x nax aixcüma norü duü̃xü̃gü pixĩgüxü̃.

Popera ga Yudíugü ga yaxõgüxü̃ca̱x ümatüxü̃ 2:9

Natürü ngẽma nüxü̃ idauxü̃ nixĩ ya Ngechuchu. Rü yexguma Tupana ñoma ga naanewa namuãgu rü paxaãchi norü orearü ngeruü̃gü ga daxũcüã̱xgüarü ñaxtüwaama nayexma. Natürü i ñu̱xma ya Tupana rü Ngechuchuxü̃ naporaxẽxẽ rü nanataxẽxẽ rü guxü̃arü ãẽ̱xgacü nayaxĩxẽxẽ yerü ngúxü̃ ninge rü guxü̃ma ga duü̃xü̃güca̱x nayu. Rü nüma ga Tupana rü poraãcü duü̃xü̃güxü̃ nangechaxü̃ rü yemaca̱x nixĩ nax nayuxü̃ ga Cristu nax yemaacü namaxẽxẽẽãxü̃ca̱x i guxü̃ma i duü̃xü̃gü.