Ngechuchuarü ngúexü̃gü ga yamugüxü̃arü puracüchiga 2:31 - Tupanaarü Ore

³¹ Rü yemaca̱x ga nũxcümaxü̃chima ga Dabí rü ñoma marü nüxü̃ nadauxü̃rüxü̃ nüxü̃ nixu rü Cristu rü tá yuwa ínarüda rü taxũtáma naxmaxü̃wa nayexmaecha rü taxũtáma niyixi i naxü̃ne.

Ngechuchuarü ngúexü̃gü ga yamugüxü̃arü puracüchiga 2:31 Referans Kwoze

Ngechuchuarü ngúexü̃gü ga yamugüxü̃arü puracüchiga 2:27

Erü cuma taxũtáma yuexü̃tanüwa choxü̃ cuta̱x, rü taxũtáma cunaxwa̱xe nax yayixixü̃ i chauxune i choma ya Cune ya Üünecü nax chixĩxü̃.

Wiyaegü 16:10

Erü cuma rü taxũtáma tauquewa choxü̃ cuta̱x. Rü taxũtáma wüxi i ãxmaxü̃gu nüxü̃ curüngü̃ma ya yima cumücü ixĩcü.

Ngechuchuarü ngúexü̃gü ga yamugüxü̃arü puracüchiga 13:35

Rü ngẽmaca̱x tóxnamana i Tupanaarü orewa rü ñanagürü ta: “Tama cunaxwa̱xe nax yayixixü̃ i naxü̃ne ya Yimá Üünecü”, ñanagürü.

Ore i mexü̃ ga Matéu ümatüxü̃ 11:23

Rü pemax, Pa Capernáü̃cüã̱x, ¿rü pema nagu perüxĩnüegu rü daxũguxü̃ i naanewa tá pengugüxü̃? Pemaxã nüxü̃ chixu rü naanetüü̃wa i ngextá Tupana Chatanáxü̃ ípoxcuxü̃wa tá nixĩ i pewogüxü̃. Rü yexguma chi Chodómaarü ĩanewa chanaxüxgu ga yema mexü̃gü ga cua̱xruü̃gü ga Tupanaarü poramaxã petanüwa chaxüxü̃, rü guma ĩane ga nũxcüma norü pecadugagu iyarüxoxü̃ne rü ñu̱xma rü chita nangẽxma.

1 Corintios 15:4

Rü yexgumarüxü̃ ta pexü̃ changúexẽxẽ nax inata̱xgüãxü̃, rü norü tomaepü̱x ga ngunexü̃gu rü wena nax namaxü̃xü̃, ngẽma Tupanaarü ore i ümatüxü̃wa nüxü̃ yaxuxü̃rüxü̃.

Gálatas 3:8

Rü Tupanaarü ore i ümatüxü̃wa rü nüxü̃ nixu nax Tupanape̱xewa yamexü̃ i ngẽma duü̃xü̃gü i yaxõgüxü̃ i woo tama Yudíugü ixĩgüxü̃. Rü yemaca̱x ga Tupana rü Abraáü̃maxã nüxü̃ nixu ga ñaa ore i mexü̃ i ñaxü̃: “Rü cugagu tá nüxü̃ charüngü̃xẽxẽxü̃ i guxü̃ma i nachixü̃anecüã̱x i duü̃xü̃gü”, ñaxü̃.